首爾石鍋燒

營業中

休息中

旺角太多餐廳 但並不是每間的質素跟價錢成正比今日吃了這間平民式韓國餐廳 卻給我驚喜🥳 嘻嘻6點半入座已經坐無虛席未點菜已經來了兩大碟開胃小食😃介紹返:韓式燒牛勒骨🥩 燒至外皮焦香 肉質幼嫩 配上生蒜更可口 首爾沙律🥗有大蕃茄 又有蕃茄仔 蔬菜都算新鮮還有大量蟹柳蟹籽 幾足料👍🏻韓風一口雞🍗香脆表皮啖啖肉 滿足我想食炸雞既慾望🤤水冷蕎麥面🍜這幾天天氣蠻熱，吃這個冰涼冷麵真的太爽了 還有我喜歡的dipping sauce 酸甜開胃！傳統石頭鍋飯🍳🍚選了牛肉 沒有令我失望 肉質鮮嫩juicy還有窩蛋、辣汁撈飯 一點也不會覺得太乾總括而言 吃了滿桌子這麼多 只不過~$300而已！平民飯堂來說 真心可以一戰再戰👍🏿#旺角 #通菜街 #韓國菜 #koreanfood #mk #mongkok #foodiehk #hkfoodie #yumyum #soba #sobanoodles #coldsoba #coldsobanoodles #salad #koreanbowl #friedchicken #泡菜 #kimchi #性價比高

行通菜街揾食，見唯獨呢間係全院滿座，一定唔會伏呱，所以抱住戰戰兢兢既心情試下舖仔細細，位置預左會迫迫地，不過仲有位放到背狼，算係咁啦先黎前菜四款，麻油拌粉絲我比較少見，味道唔錯，個人覺得辣白菜未算太入味，可以再醃耐啲叫左個二人餐，包兩款主食及一個小食，$189 CP 值頗高👉🏼泡菜烤肉豆腐鍋烏冬🥘滿滿的泡菜令成個湯頭都辣辣地，惹味！豆腐同烤肉份量都不少哦！👉🏼烤肉石頭鍋飯上枱"滋滋滋"響，撈埋韓辣醬，傳統拌飯既味道👍👉🏼蘿蔔蔥餅🌮餅除左有蔥香，亦因為加左蘿蔔而有咬口，蘿蔔也令整體味道更fresh, 記得要落酸辣醬提味😝朋友同我比較大食，追加多款小食👉🏼泡菜餃子🥟肥嘟嘟又脆皮既餃子因為有泡菜餡，已經好夠鹹辣，唔駛蘸任何野都好好味👍👉🏼女仔必叫紅棗蜜微甜，有淡淡紅棗既香味整體CP 值挺高，味道都不錯，係正宗韓國菜既味道

午市套餐送粟米豆腐湯+熱飲蔥蒜牛柳粒石鍋飯$56熱呼呼的石鍋飯配上流心雞蛋、粟米粒、甘筍絲，飯面上灑上香蔥粒，牛肉入口軟腍，石鍋底下有少許飯焦，焦香誘人，好滋味。年糕豆腐鍋配烏冬$53豆腐鍋湯底清甜、微辣，烏冬和年糕煙韌彈牙，豆腐吸收了湯底的精華，特別鮮甜嫩滑，不錯。韓風雞翼$42雞翼炸到金黃香脆，粉漿薄薄的， 口感外脆內軟，充滿肉汁，做得出色。煎粉絲餃子$48煎餃子做到皮薄，表面香脆，餃子裏面有滿滿的粉絲及豬肉碎，入口清新，不覺得肥膩。熱柚子蜜[+$5]熱柚子蜜不太甜，飲後感覺清甜潤喉，可減肥膩。

好耐無去過旺角😂呢日出到去同朋友想食韓國野，諗黎諗去都唔知去邊間好，就揀左花園街呢間童年回憶食！點解係童年回憶？因為我同朋友以前讀書時成日黎食，貪佢夠平(旺角區黎講)，野食又唔差，再加上我地都係石鍋控，所以5年後再戰！今日我地一人叫左一個豆腐燒肉鍋配飯，計起上黎一人$7x到，份量好夠一個女仔食！不過我就略嫌d餸少左d，豬肉我食左幾舊就無啦，不過味道亦叫合格，呢個價錢黎講就算啦，平平地一餐！

通菜街其實真係好多隱世小鋪😳有時誤打誤撞求其入一間都會好有驚喜👍🏻.🍲水冷麵 $68水冷麵嘅冰感做到了👍🏻一啖索入口係會透心涼☺麵質較粗身有咬口似蕎麥麵🧐食炸嘢加呢個麵就冇咁膩👌🏻.🍤海鮮煎餅 $58餡料算多亦都唔算太油膩🥙食落似茶樓煎薄撐個種口感😂不過係海鮮版🙊.🍗韓風一口雞 $42似半煎炸偏穌唔熱氣嘅炸雞🐣配韓式辣醬有大加分👍🏻大小啱啱好幾啖食哂成碟👅.總括嚟講係經濟之選嘅韓國菜🇰🇷好啱糧尾三四個朋友坐埋叫多幾個小食聚餐👭👬

今晚由哈韓族的好友帶路，來到這家位於旺角通菜街的「首爾石鍋燒」。好友表示當年的讀書時光，經常在此街上覓食。定價相當優質，難怪坐了不少學生食客。主食類均會附有前菜，都是韓國菜式中常見的泡菜漬物，好用來開一開胃。熱烘烘的石頭鍋飯，拌勻時要當心。除了烤豬肉，拌料還有煎雞蛋、粟米粒、甘旬絲，菜肉五殼類統統包含了其中。珍珠飯粒沾了蛋汁，入口頗香。但薄切豬肉有一點乾身，似乎有點烤過頭了。本身帶點辣度的水冷麵，因為同行好友未能吃辣的關係，店員特意把辣醬分開端上，非常窩心的行為。水冷麵用的材料樸素清淡，如圖中所見，都是烚雞蛋、青瓜絲、蘿蔔片等。這碗麵的精華就是在冷麵汁中。酸酸的麵汁用雪梨等熬製，凍食異常開胃。配上辣式辣醬，酸中帶辣更加美味。麵質較平常吃的粗，但同樣煙韌彈牙。煎餃子香口，餡料是粉絲和豬肉，有點像平日在超巿買到的急凍餃子包。味道正常但不太特別，一道四平八穩的小食。韓風所指的，大概是用了炸的方式去處理雞翼，畢竟韓國炸雞曾大熱一時。炸雞翼的味道基本上很難失準。外皮沒有很厚，咬下去沒有吃炸粉的感覺。蘸上碟旁的辣醬，添加一點辣的惹味。六吋的韓式煎餅分有4塊，點的是海鮮蔥口味，略嫌蔥餅煎得有一點厚。

呢間韓國嘢我已經幫襯左接近四年幾。無論係服務環境定係價錢都非常推介。尤其係價錢。咁嘅味道來講已經係超值。久唔久想食韓國嘢嘅時候就會嚟呢間。次次去到都一定會食蕃茄豆腐鍋！係我最鍾意食嘅嘢

最近天氣，忽冷忽熱，仲落埋雨。🤧 最啱就係食熱辣辣嘅石鍋飯。😜⁣焗芝士免治牛石鍋飯餐 （$56） ［好味度：9/10］⁣嘩，呢個餐係包埋嘢飲同埋湯，真係好抵。😇 開頭以為只係啲行貨，點知食得落發現石鍋飯整得好有心機。🥰 食得出個飯煮個時間掌握得啱啱好。👍 飯焦唔會太多唔會太少，超滿足。😌 而且啖啖都有芝士味，好濃沃。😋 加埋免治牛肉同埋啲配菜，真係正宗 又好食⁣。😚⁣韓風雞翼 （$42） ［好味道：7/10］⁣雞翼炸得非常之酥脆，外層一啲都唔淋。😮 而且入面一啲都唔乾，雞翼仲好嫩滑，做到外脆內軟。😙 而且食嗰陣時仲係熱辣辣，好新鮮。😀 唯一嘅缺憾係雞肉味就淡啲啲⁣。😅⁣韓式燒牛仔骨 （$90） ［好味道：7/10］⁣建議如果有食肉獸，鍾意食多啲肉嘅話可以嗌埋呢一個。😏 因為佢有好多塊牛肋骨，啖啖肉。😍 仲有個生菜同埋蒜片夾埋一齊食，唔錯⁣。😉⁣呢間餐廳除咗CP值取勝外，仲維持好高嘅水準。😎 去旺角嘅話可以考慮下呢間。😂

旺角的首爾石鍋燒其實已經幫襯左幾年。久唔久就會想起佢個「泡菜烤肉豆腐鍋」。先上前菜兩碟四款。我覺得青瓜和泡菜尤其好味夠刺激開胃。今日同朋友來食。我點左「泡菜烤肉豆腐鍋，配白飯」。這個湯鍋已經食過好多次，但係每次都叫，因為佢個泡菜湯實在太好味。材料豐富， 有豆腐，烤肉，雞蛋，泡菜，韓國魚片，和粉絲。我尤其喜歡湯鍋裏面粉絲索滿泡菜湯的味道和口感。我還會將泡菜湯放入白飯裡當湯飯吃，每次都會成碗白飯飯食晒😋😋！朋友唔食辣所以叫左「蔥蒜牛肉粒石鍋飯」。上台時仲糸Si si 聲。賣相好唔錯，色香味俱全。牛肉粒大大粒有牛味很嚼口。連埋蔥花和炸蒜勁香勁惹味。檯面有一支韓國辣椒醬可以加一些提升味道。小食叫左「泡菜薯條」，泡菜辛辣惹味，薯條係我最鍾意嘅粗薯條即叫即炸熱辣辣好香脆🤗🤗。兩個主食可以加兩杯野飲半價。我地叫左凍蘆薈茶同埋凍紅棗蜜。食熱野飲返杯冰涼飲品好正！

旺角平靚平之地，中西日韓泰都要有，就係女人街，今日吃個韓國菜先。門口招牌色以粉色設計，每個字都不同色，好吸引人視線，一望亦知走韓國風。內部裝修偏向型格， 牆上做了很多飾櫃，以不同的韓國酒料做主題，例如啤酒，燒酒等。坐低之後，侍應自動波提供餐牌和小吃，招呼反應快。泡菜石鍋飯$76，熱騰騰，有牛肉、泡菜、牙菜、雞蛋，搞伴均勻，每口都充滿泡菜和牛肉味，牛肉比較腍，加通泡菜的爽口，每口有腍有爽，雙重享受。韓式燒牛肋骨$90，一碟鋪滿牛肋肉片，牛味香濃， 醬汁没有蓋過牛肉味， 蒜片亦不辛辣，不吃生蒜的可以拿開，份量有點多，兩個人未必可以吃完泡菜烤肉蔥餅$58，要脆內軟，內內泡菜肉碎，每一口都有泡菜和肉碎，味道比較濃香。真露原味$68，韓國燒酒還是第一次飲，感覺易入口，酒精不濃，還有多種味選擇，男女都合適。可能配炸鷄都不錯。價錢合理，座位舒服，以二至四人枱為主，好適合情侶或三五知己開心地吃飯。

旺角鬧市飄來泡菜石鍋香 Cp值頗高 平民版韓國料理 出色豆腐鍋【首爾石鍋燒】‼️‼️.人來人往嘅通菜街，周圍都係餐廳，到底食乜好？想價錢實惠又食到大大份嘅美食？【首爾石鍋燒】係個好選擇！食完又食，已經吾係第一次幫襯🤣～餐廳位置好就腳，就係通菜街，好易搵到！入到門口已經聞到陣陣石鍋香味，又好似真係每張枱都有叫石鍋，一定要試試😋先得。前菜嘅份量同種類都多，有泡菜，大豆牙菜，粉絲，青瓜，好爽口開胃金菇肥牛豆腐鍋即叫即製，新鮮熱辣上，要小心，真係好熱好熱！入面有好多好大舊嘅嫩滑豆腐，個底仲有粉絲，好彈牙！金菇肥牛嘅份量同相多，成個湯整體好清甜，用嚟送飯或烏冬都好好味😋😋.泡菜石豆鍋飯配烤牛肉粒必食推薦！石豆鍋飯好香，仲有脆嘅飯焦，好正！上面嘅大豆芽菜攪勻後一齊食更有口感，烤牛肉粒好有牛味，同肉汁都好鮮甜，仲有少少辣味泡菜，好惹味！泡菜烤肉蔥餅煙煙韌韌好有咬口，中間夾住少少辣泡菜同香口嘅烤肉，食落好開胃。蔥餅有大概6吋大架，建議share。煎泡菜餃一碟5隻可以當小食，表皮煎到卜卜脆，金黃色嘅賣相好吸引，一啲都吾油膩，酸酸甜甜，正！真露燒酒好貼心咁比咗兩隻小酒杯我，入面仲有一小塊檸檬🍋，香濃嘅燒酒味好

通菜街真係有好多好野食，選擇好多，今日特登搵間韓式野， 唔洗排隊，但基本上坐滿哂人。應該都系好食的餐廳。 餐廳主要用石鍋為主，石鍋既好處就係保溫，我地食到最後啲食物都仲出緊煙的。見到有個2人餐，🥘 就決定叫呢個套餐Ｃ。🍛先上小食，有青瓜，芽菜、泡菜、粉絲； 青瓜好爽口，有少少辣，泡辣辣辣地好開胃。熱辣辣一齊上左兩個鍋。秘製烤肉豆腐鍋 加金菇肥牛 轉韓國手打烏冬佢呢碗鍋勁多肥牛🐮， 烏冬煙韌彈牙，湯底唔算好辣，如果加番多泡菜味會更惹味，豆腐吸左湯既精華，唔錯。雞肉傳統石鍋飯勁大兜飯，雞肉份量多，好抵食，好足料，有蛋，粟米，蘿蔔絲，芽菜，食落好健康，本身味道比較淡，加埋辣醬好好味，最後仲食埋香脆既飯焦。韓風一口雞唔厚粉，個皮好薄好脆，雞肉亦好嫩滑，配有個紅色醬，本身以為係韓式辣醬，原來系茄汁，有小許芝麻粒更加好食。原來茄汁配炸雞味道都幾夾。餐飲要凍檸茶同埋奶茶，男朋友話奶茶幾好飲。有驚喜，估唔到韓式餐廳都飲到茶餐廳水吧味道。另外仲叫左小食煎粉絲餃子🥟 擺放出黎個賣相都幾靚，幾用心💪🏻 餃子皮好薄，餃子個皮角會有少少脆口，其他部份就好似蛋餅咁煙煙UNUN，入面有粉絲同肉碎，點埋個燒汁食真係好

今日同男朋友黎到女人街既首爾石鍋燒😍我地大概七點半黎到，好彩男朋友一早book左位咋🥰我就比較想試下佢呢度既豆腐鍋，所以我就叫左個海鮮烤肉豆腐鍋配白飯，而男朋友就食年糕烤肉豆腐鍋配白飯。我地仲額外叫左個煎韓國泡菜餃子，因為唔知點解突然好想食🥟🎈煎韓國泡菜餃子我幾鐘意食呢個泡菜餃子🥟佢有啲似平時出邊食既個啲煎餃，但係入面就係泡菜黎，幾特別🤤-🎈海鮮烤肉豆腐鍋配白飯第一啖食落去個感覺好正！好暖胃啊！入面有青口同蝦🦐佢其實都有好多料係入面，而重點係佢仲有粉絲添！我食得好開心，一路食一路飲佢個湯暖暖胃😳😳-🎈年糕烤肉豆腐鍋配白飯其實男朋友叫個個同我叫個個真係差不多，不同之處係佢個個多左啲年糕，但就冇我個啲海鮮🦞佢都好滿意佢個個👍🏼覺得呢個價錢食到咁高質既野真係好抵🤩-整體而言，我地都好滿意呢間首爾石鍋燒🥰完全係性價比高既韓國餐廳，真係好值得一試🤣

這間 韓國 食店 在女人街 裏面， 之前有 兩間 的， 一間在街頭一間在中間， 可能舖租貴 現在就只得一間， 我之前喜歡 新裝修那間的環境 ， 地方比較寬敞， 我們久不久就會去幫襯， 但自從 這兩間淨返一間後 座位很窄 舊的一間 環境也比較暗我丈夫不太喜歡這個 環境， 也很少開了， 不過講番食物質素還是可以的，我最喜歡吃石頭鍋飯 味道不錯， 如何喜歡辣的可以叫其他的辣的 石鍋燒， 可以配飯或手打烏冬的， 不過這裏有部分的菜式，可以自己選擇 辣或不辣的， 如果唔介意地方淺窄 ，可以去試下的， 午餐套餐包嘢飲，價錢 都算合理。

睇戲前跟朋友吃飯，在通菜街處找到辣式韓菜 《首爾石鍋飯》！聽說這裡的豆腐湯很好，於是在我的必點系列！ 環境乾淨，價錢親民！ 先來個前菜，有青瓜及泡菜 甜辣度都岩岩好，越食越滋味金菇肥牛烤肉豆腐鍋 HKD 74 + HKD 6 轉粉絲 有大中辣度可選擇，是次中辣調較得剛剛好。最怕辣得來湯底溫度很高又燙口。再試試出名的豆腐，豆味很重很重。 另外金菇肥牛是最佳拍檔，肥牛很易咬並沒有最怕有根。 韓國蘆薈茶 HKD 20 飲品選擇很多而我簡少有的蘆薈，甜甜的。即使食辣，點了熱飲也沒有問題！ 韓國粉絲餃子 HKD 48 長身餃子煎得香脆，內裡有滑嘟嘟粉絲，平時較多沾醋但這個杰杰地醬汁很特別，好好味。整體是也不錯，值得再嚟！