養心殿台式養生鍋 (已搬遷) 新店位置

之前試過吃其他分店，覺得很好吃，決定要帶男朋友來吃一次養心殿！今次想試試新的湯底，所以點了麻辣鍋（$128)和酸菜白肉鍋（$128)。由於是鴛鴦鍋，只付最貴的湯底價錢就可以了。配料我們點了霜降肉眼肥牛（$178）、日本山藥（$88）、寬粉條（$38)、黑栢葉（$78）。麻辣鍋內有凍豆腐和鴨血，他們的麻辣不會太嗆喉，可以選想要幾多辣！我們點了中辣～凍豆腐把湯汁都吸收了，很好吃。我不太喜歡吃豬紅，但鴨血給我的感覺蠻好的！比豬紅好吃很多～不喜歡吃豬紅的可以試試～酸菜白肉鍋內有醃製過的大白菜、豬肉片和寬粉條。大白菜不是傳統很酸很酸的那一種，配豬肉片一起來吃，味道配搭得剛好！豬肉片是半肥瘦的那一款，不會太肥～看菜單的時候沒有留意，想不到白肉鍋是有配QQ寬條粉，早知道不另外單點了～單點的份量很大，幸好男友很喜歡這款麵！點麻辣鍋可以追加豬紅一份，點酸菜白肉鍋可以追加酸菜白肉～我們怕吃不完，只追加了酸菜白肉。霜降肉眼肥牛：肉眼肥牛的肥瘦也是剛好！肥牛卷起來上碟，防止它會黏著另一塊牛肉，也很容易拿起來燙。黑栢葉：現在很少點白色的那一種牛栢葉，這一種黑色的比較天然，口感不錯～日本山藥：第一次吃山藥，山藥用

一直久仰養心殿呢間火鍋，今晚朋友主動話要食，剛好正合我心意！點知一去到勁多人等位，非常旺場，勝在我哋一早訂咗位！店務員好快就安排我哋入座。每張枱都有自己嘅空間，唔會同隔離枱太近，好啱傾計！湯底一共有六款，我地揀咗養生鍋同美人鍋！兩個湯底都好足料，我就比較喜歡美人鍋！美人鍋入面有桃膠、原隻烏雞、紅棗、杞子等，真係好養顏！養生鍋入面有多款名貴藥材及人蔘，非常足料！火鍋材料唔少得肥牛，呢碟肉眼肥牛肥瘦均勻，牛肉味好香！手工丸類拼盤，包括有鵝肝墨魚丸、黑松露蝦丸、芝士牛肉丸、墨魚丸、蝦丸同梅菜豬肉丸！我就幾鍾意梅菜豬肉丸，有啲似梅菜蒸肉餅嘅感覺，好入味！我朋友就鍾意黑松露蝦丸，黑松露好香！另外芝士牛肉丸都好有驚喜！芝士和牛肉的配搭很好！其實另外果幾款嘅丸類都非常爽口彈牙，各具特色！一定要試！另外我哋仲叫咗一碟唐生菜同埋鹹檸七！簡直為今晚嘅高質火鍋畫上完美句號。

聽朋友介紹呢間養生殿好耐，今日終於有機會試啦！我們七點咁上下到，一出lift就見到它古典中國風嘅裝修。當時嘅客人數目還不多，在侍應帶路途中經過一桌日本的客人，佢哋應該幫朋友慶生，傾到好興奮，還聽到他們讚:うまい😋！當下我心都急埋，好想快啲埋位落單了😂 由於女朋友不能吃辣（可惜），於是就哎左酸菜白肉湯底。之後再點左招牌滷味拼盤、響鈴、集錦丸、豚肉、午餐肉等等 滷味拼盤味道濃郁，牛肚、豬肚、牛𦟌都煮到好淋，滷水入曬味！吃完煱就差不多滾了！集錦丸有6種不同的口味，每一種都係好新鮮！其中同女友一致覺得黑松露蝦丸同墨魚丸係最好味嘅！吖！響鈴都好值得試，因為是新鮮炸的，所以水滾浸落去一秒就拿返上來，保持返脆口口感👍 侍應建議我哋一滾開盖先飲湯先，湯底好白，酸菜嫩口夾爽甜！我們都覺得他們的湯底材料充足，冇乜味精！雖然它的味道不是超濃郁，但是我哋就喜歡它的自然味道。豚肉也是挺新鮮的，脂肪含量少但一啲都唔鞋口👍 至於午餐肉是經炸過 就咁食都好脆 加熱曬來食會有另一種口感。好想下次來試下麻辣火鍋，我估會更加正的😽

唔覺唔覺養心殿越開越多，其實之前食過尖沙咀間，今次過咗海就試吓銅鑼灣呢間。其實喺正鵝頸橋隔離，非常方便。上次食過美人鍋，今次轉食薑母鴨鍋，食後感都係鐘意美人鍋多d，湯底夠濃。食材多選擇，亦有好多特色嘢。鴛鴦鍋 麻辣+薑母鴨 食得辣嘅朋友 小辣一定滿足唔到你地！牛肉，基本上作為牛魔王嘅我，認為佢嘅牛係好好食，無可挑剔。油條係小弟至愛，唔係度度有得食，呢個highly recommend,個人認為正過響鈴。佢有個丸拼盤，每樣兩粒，但由於我一行四人，為色打交，叫咗黑松露蝦丸同鵝肝墨魚丸mix，每樣4粒。菜就當然唔少得，非常新鮮。呢樣要推一推，女友推介，綠色果樣叫萵筍，食法人人唔同，我就鐘意淥好耐淥到淋晒咁先食。寬粉條，愛麻辣的，佢一定好食過粉絲或公仔麵。$1100 4條友 每人都係2舊幾 好過去任食啦！值得推介！

環境4分：間嘢成層好大，外邊有大紅燈籠，好容易認出。裡面呢就充滿古代風設計，Ｄ位大多都有屏風隔開，坐滿人都完全唔迫，可以畀四分。衛生4分：Ｄ醬汁响出面自己拎，好乾淨吓。枱面有紙巾同公筷，生食物同熟食物唔會用同一對筷子夾，一樣可以畀四分。服務5分：樓面顆記落單上菜快手快腳，加單一樣唔洗等，服務可以畀滿分。味道8分：1)     支啤酒凍到連Ｄ冰都黐住，一定要加分。2)     酸菜白肉鍋入面勁多番茄同粉條，入曬味。當然仲有唔少白肉，Ｄ白肉又薄又爽。單單個鍋入面Ｄ配料都已經食到三分一飽，可以免費追加酸菜同白肉，感覺上超抵，又要加分。3)     炸午餐肉竟然有驚喜，同出邊食開果Ｄ完全唔同，即炸出黎好熱辣，唔洗浸湯空口食，好香好脆，入面又嫩口，真係非常好味，再加佢兩分。4)     黑松露蝦丸真係好鬼死夠彈牙，又夠爽。5)     自家製水蓮餃，呢款餃子個餡第一次食，味道特別鮮甜，衣家先奬多佢一分，下次絕對會encore。6)     新鮮九孔鮑魚，鮑魚已經經過廚房界開，方便快速煮熟，放入去一陣就食得，冇黐殼，容易分開，鮑魚彈牙爽口，非常鮮味。7)     千層凍豆腐好鬆好爽，一滾就吸曬湯底

去完台灣旅行，翻到黎又即刻去食個台灣火鍋睇下香港既有無咩唔同😂今次就黎到養心殿，佢係sell台灣地道既麻辣火鍋同埋藥材養生湯底，聽落都己經好有特色。鴛鴦火鍋：麻辣火鍋+台灣薑母鴨火鍋薑母鴨鍋入面有老薑、當歸、紅面番鴨，齋飲佢個湯底就己經好清甜，仲好暖身添！而麻辣鍋就已經有凍豆腐同豬紅，同台灣既一樣，但就只可以追加豬紅一客，唔似台灣可以任添！叫完野食，就黎埋追加既一份豬紅。涮鍋小羔羊肉片好少食羊既我都覺得好易入口，無騷味，品質好好，唔想打邊爐再係食肥牛，雞肉既人都可以揀佢地既羊肉片黎食！芋絲超級爽口呀！分量仲要好多。水耕菜每次打邊爐必叫既響鈴佢既響鈴暫時係我係香港食過最正最脆口既響鈴😍完全入湯唔洗一秒就可以拎起，咬落既脆卜卜係好似薯片咁，一定要食！

好耐好耐好耐黎養心殿，天氣開始有涼意，又起了打邊爐癮。 店內座位寬敞，相當適合朋友相聚。整體上價錢不貴，CP值超高點了酸菜白肉鍋，湯底十分清甜， 店員特意提醒點可先直接喝上一碗附上豬肉片和酸菜，還點了打邊爐不可缺的年糕雜錦蔬菜盤2人份量很剛好，有冬菇、金菇、粟米、山菜菜等鍋內有最愛的寬粉條，QQ彈彈，盡吸湯式精華，即使滾了很久也不會軟爛極上雪花肥牛，油脂分部平均，雪花均勻好看，肉質軟滑不韌，肉味濃郁自家制的手打芝士牛肉丸，芝士流心非常濃烈超大份的鴨血，也是打邊爐必備食材之一

這一次是我第二次黎養心殿上一次食咗個美人鍋，今次試吓個酸菜白肉鍋！ 都冇令我失望，首先呢度嘅酸菜白肉係可以再加多一次。所以唔使就住食！但係我覺得美中不足嘅地方，就係呢度嘅酸菜嘅份量係比較少！作為一個酸菜控既我，如果佢哋嘅酸菜份量係多番啲嘅話就Perfect la！至於飲品方面，我都係選擇左杞子圓肉水！貪佢清熱氣得黎又唔係咁甜！呢個飲品係一渣上，一邊杞子同埋圓玉都好多好抵飲！ 但係今次坐得就冇上次咁舒服啦。可能因為銅鑼灣店比較細嘅關係啦！下次都會選擇返喺佐敦分店食。

天氣涼左最啱打邊爐，同行三個人去左都頗有名氣既養心殿。湯底擇左美人同養心鍋，鴛鴦鍋只收價格比較高湯底嘅價錢，所以都算化算。湯底入面已經有多材料，淨係雞都夠食飽。主打養生嘅佢地，所有食材都有唔同嘅營養價值，而美人鍋入面既烏雞就算煮耐左都算滑。美人鍋既湯底有啲藥材味，個人吾太喜歡，但養生鍋就好好飲，雪白既湯底好濃郁，好有魚湯既味道。醬料都係係自助形式，同一般台灣火鍋一樣，都有齊所有幾個選擇，只係差左我最愛嘅炸蒜。吾算叫左好多野食，基本既牛，丸同餃。湯底令所有食物都好正，終於明白點解成日都full!

三人食左1100蚊左右！試左養生鍋同埋美人鍋，湯底好夠味同足料！食完好似人都精神d haha入正題，佢d鴨血真係好正，食到停唔到口。美人鍋佢有差不多半隻烏雞係度煲，其實好足料呀！今次係第一次食 幾好食呀 價錢係偏貴左少少，不過一分錢一分貨 食材都係新鮮同埋正既 尤其d蝦滑呀，墨魚滑，蝦丸個d ，貢丸都好食！佢既黑毛豬梅花肉同雪花牛肉都好好食 ，真係好正。如果鍾意用午餐肉打邊爐既 食養生鍋可以嗌 因為佢係先炸好 熱辣辣咁上枱 d staff都好nice 基本上禮拜都好好 唔會話叫極都唔應你順帶一提，佢火鍋料既份量都幾足既。睇落好似好少但食落堅飽

第二次光臨養心殿，今晚黎到銅鑼灣店 依舊熱鬧。呢度同其他分店一樣 地方夠大，坐得舒服。首先都係揀左鍋底先。朋友唔太食得辣，鴛鴦鍋底就岩哂喇。一邊當然係必點既麻辣，另一邊就試下薑母鴨鍋 因為平時出面好少有。養心殿既麻辣鍋底確係有台灣風味，鍋底既鴨血好嫩滑，凍豆腐吸收哂湯汁，好惹味。而薑母鴨鍋底有豆皮、豆腐同鴨肉。淨係鍋底已經好豐富。火鍋必點既雪花肥牛，每一片牛既雪花紋都好靚，食落好香牛肉味。丸方面就點左兩款比較特別既黑松露蝦丸同鵝肝墨魚丸。兩款都係手打 好彈牙，黑松露同鵝肝味都夠濃。而呢個係必嗌既油條，炸得相當香脆，只需要淥5秒 口感最好。最後仲有新鮮蔬菜🥬同寬粉條結尾。寛粉條口感煙靭，吸收哂啲湯汁精華。食完之後真係好滿足！

第一次來養心殿食火鍋真係好多人，地方全層好大唔逼夾，侍應生態度好，上菜速度快，叫了個鴛鴦鍋有麻辣和薑母鴨鍋，湯底好足料，叫了鵝肝墨魚丸和黑松露蝦丸都好新鮮，台灣萵筍好少地方有得食，嘉美農場雞肉好味食得過，整體算唔錯，價錢偏貴。

上次在尖沙咀分店只顧唱K,未能細意品嚐，今晚特意前來返尋味這裏的裝修古色古香，空間偌大，有很多桌子，但仍然很多人排隊等候。湯底我們點了麻辣拼美人鍋，美人鍋內有原隻烏雞，滋陰補虛勞！還加入了少有的桃膠，此乃山桃樹皮中分泌出來的樹脂，含豐富膠原蛋白！ 女仕養顏至寶！麻辣鍋免費追加鴨血一份，越滾越入味等湯底滾起前先要了兩款熟食頂肚餓招牌鹵味拼盤有牛𦟌、牛肚及大腸！鹵得十分入味清湯牛腩件湯底淸甜、牛腩有口感極上雪花肥牛油脂分布均勻，牛肉味濃！手工丸類拼盤有鵝肝墨魚丸、黑松露蝦丸、芝士牛肉丸、墨魚丸、蝦丸及梅菜豬肉丸，黑松露香氣四溢，令人胃口大增！香菇貢丸爽口彈牙，咬下去嗦嗦聲餃子拼盤有水餃、鮮蝦雲吞、韮菜餃、麻辣牛肉餃、魚皮餃及水蓮餃，最適合只有二人用餐又想試勻所有口味響鈴真的是即炸，上枱時還是暖的最後還有我最愛的水蓮，是每天空運到港的就這樣。。。又吃多了。。。究竟我的減肥大計何時才能開始呢？

我同朋友今日去咗銅鑼灣購物，買完野之後又係打邊爐嘅時間了。好，一於就去養心殿養下個心啦，食下近期興起既台式嘅打邊爐。麻辣鍋配酸菜白肉鍋麻辣鍋真材實料，裡面仲包左啲鴨血，配搭得非常不錯。 而酸菜白肉鍋一樣咁足料，成個鍋都係酸菜，仲可以免費追加一客白肉，正。手切牛肉之後就叫左啲度既招牌菜手切牛肉。牛肉非常鬆軟有牛肉味，另外入口即溶，有雪花，不可多得嘅招牌菜。必食之選！蝦丸拼鮮蝦雲吞蝦丸頗為彈牙，有手打嘅感覺。鮮蝦雲吞粒粒有唔止一隻蝦，抵食夾大件。新竹米粉話明係台式嘅打邊爐當然唔少得新竹米粉啦，估唔到咁大碗，又一樣抵食夾大件之選。鹹檸七最後要左杯清涼解渴嘅鹹檸七，正！

已經是第三次食養心殿因為太喜歡佢個湯底同鴨血喇❤室內燈光柔和，感覺很舒服… 醬料是全自助的，最特別的是有完全搞碎的蒜蓉汁，沒有一般蒜粒食完後口氣會持久不散 湯底方面選擇了要鴛鴦鍋， 一邊是麻辣鍋,一邊是美人窩$188 美人鍋用料十足，有原隻烏雞，加入桃膠，杞子，金華火腿，南棗嘅超濃老火湯底肴制而成，啱晒需要進補一下既女仕，即是我湯內放了很多桃膠，桃膠可以幫助增多膠原蛋白，可以滾耐少少，等湯底滲入桃膠內，咁就更鮮味又有益炸午餐肉$58厚切午餐肉，外脆內軟，很香口，雖然邪惡但忍唔住停食手切牛肉(細)$238脂肪分佈平均，入口嫩滑有濃厚牛味，每次都是我必食之選免費追加一份鴨血，鴨血夠入味，入口juicy很滑，很鮮味 大腸頭$88食台式火鍋一定要食大腸頭先夠正宗，大腸冇'壓'味 山水滑豆腐$38豆腐很滑， 翡翠絲瓜$48, 絲瓜吸取曬所有雞湯嘅鮮味,口感軟滑，清甜，必點 自家製鮮蝦雲吞(半份)$42, 餡料新鮮,蝦肉夠彈牙 稻庭烏龍麵$48烏冬嚟到已經煮熟，所以輕輕灼一灼就要食