養心殿台式養生鍋 (已結業)

終於有高質邊爐喺將軍澳之前喺旺角食過一次，覺得佢嘅食材好新鮮，而且幾抵食，寶寶成日都話想試吓麻辣火鍋，但係將軍澳偏偏就冇好食嘅打邊爐，所以當我地知道開咗之後，我哋就約好咗要來呢度試吓。應寶寶嘅要求，今日一定要食到麻辣火鍋，我就貪心啲，想試吓佢哋嘅酸菜白肉鍋，咁就一於一人一邊！坦白講，鍋底嘅吸引力已經好夠，因為怕辣嘅關係，我只准寶寶叫小辣，佢哋嘅麻辣湯底炒得好香，我本身已經有冰鎮豆腐同埋鴨血係湯底入邊，可以唔需要再自己叫，酸菜白肉鍋都係一樣，本身已經有一份酸菜白肉，酸菜白肉湯夠酸， 肉夠肥，而且份量都唔少！戲肉黎嘞，今日仲豪過任點任食！極上雪花肥牛同埋黑毛豬梅花肉，兩個肉嘅質素都係頂呱呱！我自己就鍾意個豬肉仲多過個牛肉，咁肥嘅豬肉有啲地方會有浸so味，但係佢冇，仲要入口係爽口嘅！錄完之後仲係大大塊，一啲都唔油，強力推介！黑柏頁，蜂巢牛肚，油豆腐，呢個簡直係打邊爐三寶，索晒啲湯汁，好味又飽肚！呢個手打丸嘅拼盤令到人好開心，有五款院子每款兩粒，原味嘅蝦丸同埋黑松露味嘅蝦丸，墨魚丸，芝士牛肉丸，最特別係佢個梅菜豬肉丸子！每一款都好好味，好特別！最後係咁意都叫咗個三鮮拼盤，就係我最鍾意嘅淮山粟米

突然之間想食火鍋，原來將軍澳都去咗養心殿。養心殿喺唔同嘅地區都有分店，質素相當有保證。今日就同屋企人試吓呢一間新開張嘅分店。新分店位於酒店入面，所以環境比較舒適，行入店入面最好有台式火鍋嘅感覺，一陣陣中藥材嘅香味撲鼻而來。我哋揀咗老鴨湯底及美人鍋。美人鍋用咗烏雞、花膠等等，配以金華火腿，清清地又特別。而老鴨湯底就入口比較濃郁。手切肥牛響鈴黑柏葉爽口的黑柏葉，從來都係火鍋嘅好朋友。手打丸拼盤手打丸相信都係呢度嘅招牌菜。除咗有梅菜豬肉丸及鵝肝墨魚丸之外，我都係比較鍾意返璞歸真嘅墨魚丸。好彈牙！要飽肚嘅，點少得有彈牙的手打烏冬呢？將軍澳嘅新分店同出面分店質素不相伯仲，食厭咗港式火鍋的話，不妨試吓呢一類形嘅台式火鍋。

養心殿近年分店越開越多，但偏偏未有機會品嚐，今晚終於可以到將軍澳的新分店試一試。有多款湯底任君選擇，今次試了美人鍋麻辣鍋雙拼，收費以較高者為準。其他配菜選擇亦多，價格適中，八時半前離座更有七折優惠。火鍋蘸料選擇頗多，個人喜好只要醬油、香醋加上芫茜，輕輕點綴即可。美人鍋/麻辣鍋美人鍋特色是內藏半隻烏雞，加上桃膠、杞子等多種配料，純粹天然眞味，沒有味精。而麻辣鍋是台式風格，不像川蜀的滿鍋紅油，反而以香料藥材為底蘊，舉勺淺嚐湯底，麻辣的風味，輕輕的刺激著舌頭，回味悠長。鴨血麻辣鍋底奉送鴨血一份，品質上佳，久煮不硬，口感細嫩爽滑，配撘麻辣鍋底一流。御選梅花豬油脂分布恰如其分，厚薄適中，輕嚼一下，肉質鮮嫩，肉味香濃。手工丸類拼盤打邊爐當然要有丸，拼盤有六款手工製作的丸類，當中以黑松露蝦丸最為突出，爽滑彈牙的蝦丸帶著松露菌的獨特幽香，色香味質盡皆佳妙。千層凍豆腐打邊爐遇上優質湯底，必須來一客凍豆腐，早早放入鍋底吸收味道，一口咬下，湯汁在口中蕩漾。雜錦蔬菜盤最後一定要來一份蔬菜盤，有多款蔬菜及菇類，單單是菇類已有四種，蔬菜清洗乾淨，清脆爽口。

養心殿開咗咁耐，開正屋企樓下，第一次試，係台式火鍋黎！今次試咗薑母鴨鍋同美人鍋，薑母鴨鍋比較重味而美人鍋就比較感覺上滋補，個人比較喜歡美人鍋多啲。當然食火鍋一定要有牛肉！手切牛肉比出面既大塊厚身，但肉質好嫩，油脂足夠，食得出係靚牛肉。仲試左手工丸類，有芝士牛丸、墨魚丸、梅菜豬肉丸、黑松露蝦丸、蝦丸同鵝肝墨魚丸，手工丸比較特別，唔係出面食到咁，粒粒都實淨飽肚，鵝肝墨魚丸最得我歡心。總括黎講，整體食物質素唔錯，選擇多，好似7:30pm前仲半價，都幾好！

知道七點半前埋單全單半價，打電話去問，兩次都話無錯，係全單半價！去到見到呢個單張我仲叫左兩個一人份海鮮，都無人同我講唔係半價，所以好自然覺得半價！埋單時覺得唔啱數，點解貴左百幾蚊？已經出到門口，再望清楚單張同點菜單，都無寫無半價！覺得奇怪，入返去問，有個男人（經理？）指住門口一張紙，話半價有例外！我覺得咁樣做生意好唔老實，打電話訂位已經問得好清楚，無講，點菜，無講，甚至半價宣傳單張都無講！其實去到門口已經一早知半價，直接入餐廳！跟本唔會留意到門口嗰張紙！希望餐廳會改善，一早提醒客人！如果喺半價宣傳單張寫明就更好！講返食物質素其實唔差，養生鍋有勁多人參！但絕對唔會再去，因為做生意太唔老實了！

將軍澳區朋友話我知，原來呢間有幾間分店嘅火鍋店都進駐將軍澳了! 近近地，當然要黎試下。原來7.30前埋單有半價，我係黎到先知，不過唔緊要啦，今晚我同honey兩個人食，好難得!個名叫得做養心殿，環境應該係有返咁上下，果然冇令我地失望，坐得好舒服，唔會話枱同枱之間好密好迫!服務員態度亦非常好，我地好快就落左單，試新口味(對於我黎講)，叫左酸菜白肉鍋做湯底!再叫左7樣食物，應該夠食了!每道菜都非常新鮮，份量亦算大，想特別講下翠絲水蓮，其實我唔知咩黎㗎，試下，點知原來咁清甜爽脆，一個字，正!仲有就係調味料bar, 佢地提供左非常清楚既指示同名，又乾淨，令人好放心!我會再帶埋屋企人黎食!

屋企人話想試呢間養心殿台式火鍋超耐啦，今日終於有機會帶佢地黎試下！而且我呢排睇延禧宮略睇上腦，見到養心殿呢個名就諗起皇上😂本宮當然去～～～間嘢係酒店既二樓，裝修真係幾有feel，有古典既氣味，d服務員個個都好好態度👍呢間嘢都好多湯底可以揀，太多選擇，所以我地叫左鴛鴦鍋，可以試多一款既湯底，我地最後叫左一款麻辣鍋同埋美人鍋！湯底一上，見到入面完全係真材實料。美人鍋入面有半隻烏雞同埋好多隻材料，有埋桃膠👍係未正式打邊爐之前我地就一人飲一碗湯先～個湯底真係正！又美顏養生！麻辣鍋我地叫左小辣，佢既麻辣鍋有別於其他火鍋店，佢既辣唔係全部紅油，只係有辣椒，我同家姐都好鍾意咁，覺得健康好多😂佢入面都有豆腐同送一份鴨血，鴨血好正！唔夠食我地再額外叫多一份～叫左極上雪花肥牛，油脂分佈好平均，好好食，肉質好林好正～食完一碟唔夠食再叫多一碟！蝦滑上面好多蟹子呢到既丸全部都係半份（有4粒），全部都好新鮮好彈牙

國內有朋友來港旅遊，住在將軍澳的九龍東智選假日酒店，我放工即去探望，去到酒店，已近晚飯時間，這時出面已滂沱大雨，不方便外出。我們就在酒店2楼的養心殿台式養生鍋食火鍋，火鍋店地方都好大，整潔衛生。裝修設計以中式為主，座位寬敞，火鍋湯底以養生保健為主。入座後侍應送上香茶，並指示我們往調味區混醬。酸菜白肉鍋：有秘方醃漬製東方大白菜、極品豬王花腩、QQ寛粉條、蕃茄。免費追加酸菜白肉一份。極品豬王花腩是薄切，輕輕灼一灼就食得，鮮味爽滑。秘製的酸菜酸味適中，湯鮮甜帶酸味，好醒胃。QQ寬粉條份量都好多，滑滑的粉條食落有QQ的口感。潮州魚蛋彈牙黑栢葉比普通牛柏葉更爽口。芝士牛丸、蝦丸、自家製鮮蝦雲吞和極品水餃即叫即包的鮮蝦雲吞和極品水餃餡料飽滿，都好大隻，雲吞餡有豬肉和鮮蝦，皮滑餡爽口，水餡也有鮮蝦和豬肉，還多了木耳絲，更有口感。蝦丸鮮味彈牙，芝士牛丸牛肉鮮甜，芝士流心惹味！

之前同朋友講過好多次一定要黎試呢間養心殿台式火鍋😋今次終於黎試啦餐廳既環境真係好有feel，有少少古代既感覺，唔錯唔錯👍湯底就可以鴛鴦鍋，我地叫左美人鍋同埋麻辣鍋，美人鍋既湯底好足料有半隻烏雞擺落去煲，d湯好好飲，而麻辣鍋仲送埋一份鴨血好鬼正😋呢個係極上雪花肥牛，朋友好鍾意食呢隻肥牛，話好嫩好好食，之後我地仲叫多碟😂呢個係送既鴨血，鴨血擺麻辣個邊特別好食所以我地額外叫多份鴨血，真係好好味的！蝦滑好彈口，啖啖都係蝦好好食，其實份量都ok，一定要食系列😬呢度係墨魚丸、蝦丸同埋牛肉餃，我覺得每一款可以半份半份叫，咁樣可以試更多款丸👍全部都好食，好彈牙！呢個擺落去，吸曬湯既精華，好入味👍

新開台式火鍋店緊係要試一試，仲要7點半前現金買單有半價，5點半入坐食兩個鐘時間岩岩好。茶芥及醬料每位$20，三歲以下免收點左美人鍋同麻辣鍋中辣鴛鴦鍋，先飲一碗桃膠烏雞湯美人湯，好清甜；至於麻辣鍋就唔麻唔辣，要自己係配料區加辣椒先夠辣，免費追加鴨血一份。手切牛肉，鬆軟嫩滑食到牛味，細份份量都多，剛好二人份量。蟹籽墨魚滑，鮮甜彈牙。油豆腐，食麻辣鍋索湯一絕。待應好新，加湯時連個湯底係乜都唔知，全店只售一款辣湯，都要問係咩湯🙄

放工後，是輕鬆愉快的晚上，除左有時幫人補習外，我都好多時會相約朋友食飯，辛苦得來，自然要食番飽又要滿足自己的胃口啦！今晚相約朋友在商場買禮物，賀朋友大婚之喜，順便在附近的餐廳食完飯才回家。朋友與我都好喜歡食火鍋的，要食就要食得健康養生，新鮮材料。見到新開張的台式火鍋店，又點可以放過它呢！當然要來潮拜一下啦！食火鍋去吧！先來個鴛鴦火鍋，麻辣、酸菜白肉鍋，各有喜愛，麻辣湯鍋是用多種白料及藥材，誠意用心調製湯頭，加入鴨血及凍豆腐，不油膩，味道微辣鮮甜。酸菜白肉湯底，也是用秘方醃製大白菜、豬王花腩，放入QQ寬粉條、風味獨特，酸白醒胃。豬王花腩，肥瘦均勻，肉味香濃、爽滑，一點都唔肥膩，湯底味濃又鮮甜，寬粉條，好滑，又飽肚，淥耐左都唔會糊口，仍是QQ滑口的。自製手打手工丸拼盤：墨魚丸、芝士牛肉丸、豬肉丸、黑松露蝦丸、蝦丸，每款都是鮮製，爽滑彈牙、鮮甜，芝士牛肉丸，流心芝士味濃。餃子拼盤，亦是我的至愛，粒粒餃子包的非常飽滿，真材實料，咬出啖啖肉。鹽酥雞：酥炸香口，雞肉鬆化，入口脆卜卜，是餐前小食。

午膳的時候，大家都坐埋一齊，傾下大家去邊度食野，交流一下，找食的好去處，因為平時我們的午膳，是供應商提供的，味道可想而知，在附近的餐廳少之又少，是沒有得選擇，只好接受那難食午餐，唯有是放工後，自找美食，才能填補午餐的空虛。同事提起，最近有間台灣菜進駐了將軍澳，其它地方都不斷開有分店，今次在我家附近，當然要品嘗美食。早前，我已在外的分店食過，味道不錯，食後都好想再次品嘗。大家都是將軍澳友，相約一起，去食個飽吧！古色古香的裝修，別樹一格，環境清淨，又位於假日酒店內，地方光潔、舒適！養生鍋別於一般的火鍋，是真材實料、新鮮為主。湯頭用心調製的，是用上多種香料及藥材、味道地道不膩，加入鴨血及凍豆腐，增加鮮甜味，鴨血越煮越滑溜，一點都唔會韌，是它的獨特，入口唔醒味，滑溜溜，口感嫩嫩的，豆腐吸入了麻辣的湯，小辣，是可以飲用的湯底，香濃而不膩。豆腐一口咬下，即爆汁，豆腐口感稔滑有咬口。手打蝦丸：蝦丸鮮味十足，放上蟹籽，滾熟後，蝦丸彈牙爽口，鮮味十足，再加上蟹籽在一齊食，蟹籽像在口裹跳舞一樣，卜卜聲，鮮與甜混在一起，口感一流。鹽酥蚵仔：蚵仔像想中大隻，外黏薄槳粉酥炸，外脆內軟，蚵仔肥美，多肉汁，而且鮮甜

養心殿台式養心鍋 - 再次古色古香的體驗養心殿火鍋這名子相信不陌生，古典的裝潢，古色古香的味道，建立養心殿獨有的形象，賣點的養心養生湯底、精心挑選的食材。今日發現在將軍澳開了新分店，一於再嘗一嘗高質的火鍋夜！美人鍋美人養顏鍋是每必點湯底之一，原隻烏雞的湯底，誠意十足，配以金華火腿、杞子和南棗，養顏滋陰，當中更有含豐富膠原蛋白的桃膠，多吃也不怕！養生鍋另一款熱賣的湯底，海量多的原條人參，以雞肉、豬肉煲成的濃郁濃底，當中亦加入多款藥材，出奇地湯底沒有半點藥材味過重的感覺，相反順滑易入口，像老火湯般，誰知是火鍋的湯底哈哈！極上雪花肥牛鮮紅色新鮮的肥牛，油脂分佈極為平均，雪花靚又夠，而且厚度十足，一浸湯底後，肉味非常香濃，肉味夠、肉質好、肉味濃，入口即溶。手工丸拼盤純手工製作的丸類，新鮮沒有半點雪藏的味道，手工丸種類新穎多元化，有鵝肝墨魚丸、黑松露蝦丸、芝士牛肉丸、墨魚丸、蝦丸及梅菜豬肉丸，一個價錢六種體驗，性價比之選。紫准山麵紫准山又名紫玉准山，比起白玉准山，紫玉准山的營養價值更高，有眼睛保健、促進腸胃、降血脂血糖，故又名「紫人參」，以紫准山製作的麵條口感非常彈牙，爽口，麵條軟軟的又不會過粗

一個字型容：「亂」已經一早book枱，亦有人打來confirmed枱，一家人準時去到，竟然話搵唔到booking。門口 reception 小姐完全唔知自己做緊乜，同一版紙，不斷搵，不斷搵、不斷話冇，點知原來寫左另一張紙，係佢自己搞錯，最後竟然安排「裝修中」的附近枱俾我地。姐姐喜歡食，冇計，照坐照食。落完order之後，等了又等，黎左一兩碟之後，完全冇影，「追」左好多次，係 N次 先終於黎齊食物。「特別多謝相中的女待應，眼見全場得佢一個係度執抬，加湯，落單，其他人下下企企，唔知做乜，最重要係佢仲可以保持笑容，仲好有禮貌，可以講話令到我地會再去的其中一個原因。」至於食物質素，係保持到尖沙咀分店的水平，不過不失。PS: 7:30前埋單，有半價，非常抵食👍🏻👍🏻

知道養心殿會在將軍澳開分店一直好期待。等左好幾個月終於開張了。我了訂枱7點，一出𨋢就見到人山人海，同接待員講訂左枱。佢話欣為個電腦唔正常，要人手埋單，所以等多陣，結果一等就等了一個鐘... 用左一個鐘睇Menu 一坐底即刻可以落單，兩個人叫了個鴛鴦火鍋，麻辣鍋個鴨血好掂！手切肥牛都有水準，手打丸都唔錯，可惜個手餃雲吞拼盤就一般，比較咸，包得好實，好似水餃皮包住粒肉丸咁。整體算滿意。新店混亂都正常。會再來 （特別係將軍澳無幾多好野食）