養心殿台式養生鍋 (已結業)

之前去過銅鑼灣個間養心殿，已經愛上了這間火鍋店的湯底，食完之後反來同朋友分享，原來佢地都聽過養心殿，但就無去過，於是就約埋一日一齊去啦。 上次我去食個陣就揀左美人鍋，個湯底既材料好豐富，有成一隻烏雞咁多，結果兩個人食唔哂。至於今次就諗住試下新野，叫左個鴛鴦鍋，一半係美人鍋、一半係寧神養心鍋。 打邊爐一定要有牛肉啦，上次食左肥牛，今次點手切牛肉（大），牛肉份量都幾多，而且牛肉肉紋幾靚，肥瘦適中。 至於丸就唔少得，點了半份鮮蝦雲吞，同埋手工丸類拼盤，一共有六款共12粒。 跟住仲有雞肉，依碟雞肉都出乎意外咁好食，雞肉鮮味同埋就算煮完之後都仲好滑，值得推介。另外亦都要食下菜，叫左個蔬菜拼盤，有生菜、蛙蛙菜、粟米同埋菇。 炸類食品亦都唔必食，今次無點上次有食的老油條，就點了響鈴，響鈴係即炸，送到黎熱辣辣，仲好香口。 最後我地食哂湯底D 雞，個人推介，雞真係要早食，唔係就會老，食哂所有野已經好飽，埋單都係一人三百，抵食又好食！

第一次試養心殿將軍澳呢間試業中成程飯都好唔滿意食物質素：1. 湯底無啦啦撈到隻膠衣夾，仲要有張落單紙，好噁心2. 唔覺得特別好味，霜降肥牛無乜牛味服務態度1. 每一張枱本身都有壼茶同矮身茶杯，當我地叫完嘢飲，就收咗壼茶，但又無俾新杯，得隻矮身茶杯點飲2. 嘢食嚟先，但無煲，點打邊爐，等到個煲嚟又要等個湯滾，上菜次序唔make sense😬3. 無啦啦撈到衣夾同落單紙，同職員講，話係廚房同事唔小心跌咗落去，然後就逐樣逐樣計我地有咩已經落咗去個衣夾湯底度，蝦雲吞本身叫咗8粒，落咗4粒就話補番4粒我地，肥牛落咗一半就俾番一半。唔係唔啱，但俾人感覺好唔舒服姐，明明佢地出咗錯但仲要同你計住計住。

養心殿於將軍澳開了分店👏🏻 終於有機會來試試裝修非常有特色 很古色古香的感覺點了麻辣鍋湯底 可選辣度 而且有好足料 除了香料和辣椒 還有鴨血和豆腐。 湯底味道很濃郁 而且麻辣味和香料味很配合。點了手切肥牛 肥牛厚很度很好 煮好後很有咬口而且牛味濃郁 脂肪分佈亦很平均 肉質水準很高。點了日本牡蠣 一碟有6隻 牡蠣非常新鮮 而且亦大隻 煮熟後依然保持肥厚 味道很鮮甜👍🏻餃子拼盤有12隻 6款不同的餃子 其中鮮蝦雲吞十分出色 蝦肉佔餡料一半 而且蝦肉非常新鮮彈牙。

還有差不多兩個星期便到十月的工作旺季，到時一定會忙得不可開交。趁著今天工作不是十分忙，特意來一個早放工，及時行樂，來一個台式火鍋晚餐。養心殿台式養生鍋位於將軍澳九龍東智選假日酒店2樓。從將軍澳地鐵站C出口進入Popcorn，乘搭商場升降機到二樓便到達，十分方便。餐廳裝修很有特色，用木屏風張枱與枱隔開，提高食客私隱。我們一行2人點了以下食物:酸菜白肉拼麻辣鍋(⭐⭐⭐⭐⭐):這裏所有鍋也可選鴛鴦湯底，並以價錢較高湯底收費。我們叫了酸菜白肉並麻辣鍋。酸菜鍋包含醃製大白菜和豬王花腩，不是太酸，而且有微微甜味，十分醒胃。湯底還有QQ寬粉條，吃起來質感煙硬，十分飽肚。麻辣鍋包含了多種香料和藥材。吃起來味道十分豐富，不只是有辣味。湯底還會有凍豆腐和鴨血 - 特別一提鴨血，吃起來爽口而且入味，質素比一般火鍋店高。御選梅花豬(⭐⭐⭐⭐💢):豬肉脂肪分佈平均，而且薄身。大約一分鐘便熟透。豬肉質地較為軟身，而且吸收了湯底的味道，不用醬油也十分入味。手工丸拼盤(⭐⭐⭐⭐⭐):對於眼闊肚窄的我們，這拼盤毫無疑問是最好的選擇。 6款12粒當中我最欣賞黑松露蝦丸，黑松露味道突出而且彈牙。朋友就愛吃芝士牛肉丸，牛肉味

近排發現友人心事重重，她簡單提及過身心靈都不在狀態.....看來，我要快快找她關心一下。今晚就帶她去一間希望能幫到她的餐店。它位於酒店2樓，別以為是西餐廳，而是一間滿有中國色彩餐店。友人一見到店名就馬上諗起《延禧攻略》，這齣劇果然大熱，但我無睇，哈！內裏裝潢亦很有心思，以通花屏風間出卡座，每枱也是木枱配木長櫈，裝潢古式古香，好優雅。有多排卡座，亦有不少四人枱和幾張大枱，座位都幾多，枱與枱之間有一定距離，坐得舒適。枱上放齊餐具和點餐紙，先細閱兩版餐紙，選擇不少，分門別類，有湯底、巧手小食、精選肉類、生猛海鮮、豆品類、手工丸類、餃類、滑類、其他和新鮮蔬菜，選擇不少。友人本身要戎口，故就由㨂選合適的。點齊所有食品就先作好準備，做咩？就是去醬料區，有芫茜、紅椒、蔥花、醬油、蒜蓉和醋選擇。我要火辣就加大量紅椒，再加些蔥花，配埋醬油，簡簡單單。******************************友人又要寧神又要養心，這窩寧神養心鍋 Deluxe Chinese Medicine Broth ($168)一定是她最佳選擇。滾起啦！滾起啦！一打開蓋子，不斷翻騰着，熱辣辣，散發着陣陣藥材香。究竟

聽說將軍澳都開了"養心殿"於是便去養下心啦！地點鄰近地鐵非常方便呢！ 而且環境有點高級添，男女侍應生都非常有禮貌和招待，坐位闊落不覺迫夾，讓你食得舒服，覺得好正，由於只有2個人食不能點太多款式，有點可惜呢！不過又有開心驚喜喎！原來只要like"養心殿"fb就有免費1杯咸檸七送添門外很優雅地方闊落呢個一定要like酸菜白肉鍋$128可以追加酸菜白肉一碟 (免費)配料有:醃製大白菜 極品豬王花腩qq發粉麵 風味獨特好醒胃呢什錦蔬菜盤$68招牌滷味拼盤$118滷味拼盤很琳和入味配料有 鹵牛展 牛肚 大腸手工園類拼盤$108鵝肝墨魚丸 黑松露蝦丸 芝士牛肉丸 墨魚丸 蝦丸 梅菜豬肉丸粒粒都好新鮮 美味可口餃子拼盤$118自家製極品水餃 自家製鮮蝦雲吞 自家製韮菜餃 自家製麻辣牛肉餃 魚皮餃 自家製水蓮餃雲吞和水餃味道最鮮味和香口蟹棒 $48呢個一流 新鮮肉甜 雖然有點貴 不過下次我會再叫呢個食咸檸七 facebook like養心殿 就送你一杯我哋每人like一下 所以有兩杯qq闊粉條 透明好彈牙 有點似薯粉食完個湯底仲係好滿不用添水架

在將軍澳假日酒店新開的台式火鍋店 一直都很想去試 中式的裝修 亦有型格的感覺自助調味區點了寧神養心鍋 湯底材料非常豐富 有一個大魚頭 想不到魚肉經過餚制依然很嫩滑還半隻烏雞 和其他中式材料 湯底十分鮮甜點了一碟手切肥牛 牛肉的脂肪比例均勻 而且牛味很濃 煮過後仍然很嫩滑 讚👍🏻羊肉片肉質很彈牙 沒有羊騷味 最喜歡的是這個蟹籽墨魚滑 墨魚滑沒有用很多粉拌成 每一口都是爽滑的墨魚肉 而且滿滿的蟹籽令口感很有層次 先吃到蟹籽爆開的感覺 然後就是滑滑的墨魚肉

今年生日揀左食養心殿，試下係咪真係咁好食先。家姐請當然佢話事食乜 ，今晚6口子吃的食物如下：湯底：美人鍋同養心鍋，湯底濃些更好。湯底的雞幾滑，可以食埋佢唔好浪費。小食：滷水鴨舌同豬腸夠味，好食的。 鹽酥雞差劣，拎黎以為食緊雞粒，再換 過情況一樣的，真係可以慳番唔叫啦！肉類：手切牛肉，滑加有牛味的，可惜份量小 嘉美農場雞肉，比起平日食的雞滑丸類：蝦丸同餓肝墨魚丸，墨魚丸係彈的，只係味道唔夠餃類：雲吞同餃子，一致認為雲吞比較好。不過，我就覺得同平時食開有d唔同，我覺得一般啦～菜類：萵筍，無乜特別麵類：寬粉條，夠滑，唔彈牙，喜歡食彈牙的人未必喜歡了什食：鴨血：同豬紅有d似。不過就硬d同好食d炸午餐肉：即炸的，只係午餐肉質素一般啦！豆類：即炸嚮鈴，淥2下食得，又唔覺得同出邊買盒裝的好大分別千層凍豆腐：索左湯汁好食。不過，賣48元有d貴啦！（仲有d我無食的關廟麵，米粉，蟹棒就唔寫啦！）合共$1922（加埋一2114.2），6人的人均消費約$352溫馨提示，只要打咭可揀無酒精飲品一杯。（邊個時段用得，請問待應）有著數係咪都要打，可以幫

今次第一次寫食評就是不好的經歷。之前食過呢間火鍋幾次分别位於旺角及將軍澳分店的水準確實不錯, 今日行過將軍澳分店見佢午市好低, 所以買咗個午市便檔外賣返屋企食, 有燙有食飯有小食重有飮品都係70蚊有找真係好低。今次叫咗個1號餐糖心蛋鹵豆腐肉燥飯。當返到屋企打開個便當時候, 發現糖心蛋同鹵豆腐都失咗蹤! 得番D肉燥同小食, 好失望! 不過味道還不錯。佢地午市都冇乜人, 只得3枱客都可以攪錯。真係冇嘢講。下次真係要睇清楚先好走。

將軍澳終於有一間火鍋店🍴1. 湯底味道佳（酸菜白肉底）👉🏻可免費追加酸菜白肉（額外附上）2. 推薦手切牛肉👉🏻手切牛肉好吃😋份量都可接受3. 愛蝦人士-推介海中蝦👉🏻有蝦膏，肉都好紮實4. 半價優惠時段更抵食👉🏻1930離座或2115後開始👀環境偏黑，不是每個位置上方都有燈，見到很多人要求換位置

之前同朋友吃過養心殿、實在太喜歡它的湯底、已經跟不同朋友吃過幾次。留意到將軍澳酒店裡新開了養心殿、決定跟家人再吃一次！隨著大家都在看延禧攻略、對養心殿這名字感到格外親切😆餐廳的陳設裝潢很古典、以酸枝屏風間隔、桌與桌之間空間足夠、感覺舒心。點了雙併美人鍋和養生鍋。美人以原隻烏雞餚製而成、加入南棗、杞子、金華火腿、還有女士最愛的桃膠、滋潤養顏、味道甜美。養生鍋則以多種藥材、人蔘、火腿、老雞精心肴制、有補氣之效。火鍋前都不忘多喝幾口雞湯補一補。😌嘉美農場雞肉新鮮肉厚、好有雞味👍🏻必點。手切牛肉油脂分佈均勻、肉味突出、爽滑無筋。吃火鍋最愛就是點鮮豆皮、滑滑的豆皮浸在養生湯底中份外美味。鵝肝墨魚丸和梅菜豬肉丸都好香又爽滑。另外點了餃子拼盤、有齊六款水餃。極品水餃皮薄餡鮮自家製麻辣牛肉餃都好特別、有點麻不會太辣。讚了facebook 還可以送咸檸七或者烏梅湯😌

叫咗個鴛鴦湯底一邊係麻辣鍋一邊係酸菜白肉鍋啲白肉都幾好食湯底都非常之濃郁手切牛肉小$238肥瘦均勻叫咗手工丸類拼盤12粒每款兩粒$108半份魚皮餃四粒本分自家製鮮蝦雲吞都係得四粒鴨血是免費送的響鈴$68份量太小略嫌貴仲有叫咗新鮮雞子$128一大碟小羔羊肉片$216營業時間到凌晨六點岩哂收工收得夜既朋友約埋三五知己一齊來聚一聚不限時👍🏻三人行埋單時段已經有折扣都成千蚊略嫌貴點餐紙都非常多選擇👍🏻

老公成日話呢間餐廳的用料好正，得知將軍澳新開了，趁著打 8 號波前都要食吓~雖然餐廳的佈局係一貫其他分店的風格，唔知係咪分店位於酒店裡面，覺得空間感較多，坐得較舒服。我們先點了湯底，今次我哋點個 寧神養心鍋，等到滾起咗一陣陣香濃的藥材味，仲有鮮雞、豬肉同埋大大條魚，撈起仲見到大大個魚頭。對他來講，打邊爐又點可以無 雪花一口肥牛 呢？雖然話一口，但都幾大塊又帶點厚度，食落啖啖肉又香口。鵝肝墨魚丸、黑松露蝦丸嚟得呢度，又點會點 d 一般口味的丸呢？所以佢點咗呢兩款特別口味的，不過佢聲稱我鍾意食鵝肝同黑松露至點喎~食得出肉質係打到起膠，而鵝肝同黑松露的味道非常突出。有機粟米、蟹棒另外仲點了些粟米和蟹棒。粟米非常甜和 juicy，另外蟹棒大大條很有口感。最後不得不大讚職員們，因為我們走的時候漏咗把傘，職員追出來交還給我們，真係好細心呀~

養心殿在旺區插旗的分店普遍水準穩定，這家在將軍澳新開的店保持其古色古香裝潢。座位間的空間較其他店寬敞，窗邊座位更有公園景觀。鴛鴦湯底：美人鍋和養生鍋。右邊的美人鍋以原隻烏雞、杞子、南棗、金華火腿熬製，湯底清甜濃郁。左邊的養生鍋更用上人蔘、火腿、老雞，同樣美味，放火鍋料前一定要喝一碗。晚市時段讚好facebook可免費獲一杯咸檸七或無酒精飲品。我們要了酸梅湯，沒想到竟有這麼大瓶呢！嘉美農場雞肉新鮮嫩滑日本牡蠣雖不算很大隻，勝在夠飽滿。餃子拼盤包括極品水餃、鮮蝦雲吞、韮菜餃、麻辣牛肉餃、魚皮餃和水蓮餃各兩隻。我吃的鮮蝦雲吞和韮菜餃饀料有鮮味，雲吞的蝦厚肉牙。黑松露蝦丸咬落陣陣松露芳香手切牛肉牛味濃，一點也不韌

一直都有留意呢間台式火鍋店，估唔到佢黎左將軍澳開分店，我同老公一定要去試下！地方闊落、裝修古式古香，店員見我大肚，俾左個好舒服的角落位置我，夠細心！湯底我地要左麻辣鍋同美人鍋，兩款湯底同樣份量十足，美人鍋有成半隻烏雞係裏面，麻辣鍋仲可以免費追加鴨血，可以話食湯底都夠飽，難得打邊爐，咁當然唔會淨食湯底咁傻豬啦！先黎一個極上雪花肥牛，大大碟夠新鮮，肥瘦適中，入口即溶！再黎一個手工丸類拼盤，勝在每款丸都有兩粒，我同老公都試到。丸類大大粒，粒粒夠彈牙，質素唔錯！不得不提鵝肝墨魚丸，裏面真係釀左粒鵝肝！ 梅菜豬肉丸夠特別，黑松露蝦丸同芝士牛肉丸夠香濃！呢個拼盤值得encore!淨係食肉唔夠健康喎，所以叫左碟雜錦蔬菜盤，菜洗得好乾淨，唔會濕淋淋又新鮮，特別有原條珍珠荀，第一次見，食落好鮮甜！再黎多半份韮菜餃，唔好睇佢得四粒，粒粒脹卜卜，有半隻手掌咁大，咁大隻似乎真係自家制，好彩叫半份，唔係實食唔晒，裏面韮菜同豬肉都量多，好滿足，最好係無咩肥豬肉，夠健康！最後叫埋打邊爐一定要有的響鈴同寬粉條，響鈴夠脆又無”油膉”味,寬粉彈牙，唔會越淥越淋好好味！總括而言，呢間火鍋店用料新鮮，食物款式特別又高質，值得