養心殿台式養生鍋 (已結業)

當個人訓極都好累既時候，一係就濕氣重，要飲去濕茶。一係就身體機能變差，要多飲湯水進補。我就雙管齊下，又飲去濕茶，又盡量飲多d湯水。午餐就揀呢間「養心殿台式養生鍋」，貪佢午餐有盅燉湯。鹽酥雞肉燥飯 $78午餐有3款小碟，包括炸菜、荀炒牛肉及菜甫。主菜個鹽酥雞多到成個山丘甘，仲要熱辣辣炸起，超脆口，上面灑左小小鹽同調味粉，相當惹味，大大粒，嗒嗒肉。配上一碗肉燥飯，相當滿足。今次個湯就係藥材排骨湯，超重藥材味，排骨稔身入味，飲後暖笠笠，好舒服。佢杯熱菊花杞子茶亦好足料，每次黎我都係飲佢。另外仲有壺靚茶比你自斟自飲。。。呢個價錢有燉湯有特飲，野食又講究好味，十分抵食！