餃子館

營業中

休息中

成日都走過依間餃子鋪，今日終於可以試試佢餃子有好多款式，可以揀麻辣湯或者豬骨湯仲可以加7蚊加米線👍🏻仲有唔同嘅小食。今次我就揀咗芝士豬肉餃加米線。粒粒水餃都好大粒，十分足料，有淡淡嘅芝士味，唔會好奇怪。加埋米線，其實真係好飽。唯一缺點就係坐得唔係好舒服，加上冷氣唔係好夠，食湯餃嘅朋友就要拎定紙巾啦😂

星期三下午二時許，掛住餃子🥟嘅味道就一個人去左餃子館食餃，因為大大舊足料夠好味！我住在附近，睇住餃子館由一間好窄嘅小店，慢慢延伸，租埋對面個地方就擴大左可以堂食嘅空間🤩🤩。雖然店內主要靠風扇來為客人降溫，仍不減客人來店光顧。店內要先付款後進食，而小店可能為了便利，使用塑膠餐具。如果你係環保小先峰，可能你會頂唔住了！講左咁耐，講番食物先。餐牌有相就一目了然。今次我揀左雙拼。 雙拼8隻餃：韭菜豬肉餃+粟米香菇豬肉 HKD 45韭菜餃多汁， 粟米香菇咬落好有層次感！最欣賞係佢個湯，無味精！我係成碗入晒😂😂😂😂

行過見有位就叫左個48蚊水餃餐，個呀姐吹要收我錢，等了15分鐘出了上枱，湯味道還可以但當我食第一口的時候入面豬肉是生的，咬唔開帶有小粉紅色。要求姐姐再換，姐姐有講再煮會好淋，話無問題的可以食。我接受唔到生豬肉‘叫廚房再搞搞´。廚房回應我係韭菜係熟曬的叫我食~唔很再煮再換!!!!!!我立即離開了

見有谷反推介過，自己又鍾意食餃子，今日黎開天水圍順便試下先。一踏入間舖，阿姐即刻問食啲咩，又真係好個個都唔使諗即答喎，睇黎全場都係熟客。叫完野即刻要比錢，作為一間小店，我都覺得咁係有效率啲嘅。阿姐心算超強，無論你係雙併，加麵，加菜或外賣，完全無難度，一落單即刻計到個總數係幾多，快過用計數機，強落完單等食，因為要左煎餃子，阿姐話要等十五至廿十分鐘，無所謂，等就等。枱上有辣醬同餃子醋，本來呢兩樣醬料配餃子真係好正的，但外於個樽實在太多野飛飛下，完全唔想申手去拎。點了餃子加上海麵，湯底梗係要大受歡迎嘅魚膠淮山翅骨粟米紅蘿蔔豬骨湯啦，湯名好長呀真係好好飲喎，湯淡但鮮味，飲哂全碗都無口渴，果然係靚湯黎食完碗麵啲餃子終於煎好啦，要左韮菜餃六隻，煎到金黃色，十分香脆。皮薄但隻隻脹卜卜，餡料極多，菜肉比例各佔一半，已調味，咬落爆汁，味道滿分。餃子有好幾款，小食都不少，有選擇困難症請先在門外諗清楚。價錢平，味道好，本來真係好正㗎，但食一碗麵打死左四、五隻飛飛下，佢地係咁偷襲我啲餃子，外於衞生問題，不建議坐銀色枱櫈位置，店外坐位應該好一點。

聽朋友說新北江商場內有一間又便宜又抵食的餃子館。今天和女兒在哪裏逛街，正好可以去試試。店舖的面積非常小，只有十來二十個座位，幸好等了一會兒就有位置。點了一客白菜水餃麵，一客韭菜煎餃和一客鹵水生腸。鹵水生腸率先上桌，咬一口試試，十分爽脆彈牙，口感很好。生腸鹵得十分入味，點少許甜醬一起吃，味道更有層次。白菜水餃麵和韭菜煎餃也陸續上桌。餃子果然大得嚇人，比平常的餃子大了差不多一倍。整隻餃子脹鼓鼓的，餡料很足。一口咬下去，水餃裡肉汁的甜香充滿整個口腔，好滿足呀！如果食量小的人，三、四隻餃子已經可以填飽肚子了。價錢也十分平民。果然是天水圍大件夾抵食的首選!

我六點五十分度去排隊比錢啦 ，外賣自取 咁我排第二個啦💁🏻‍♀️排我前面個個就堂食既！咁排我後面都有人嗌外賣既 ！有啲係我後面既都拎埋走左添啦😒7:15左右啦排前我一個個人食完走埋 我重企係度等🤷🏻‍♀️我忍唔住問啦 重要等幾耐？店員話 整緊架啦 老闆就話順序排隊架麻 🙄但我心諗排我後面都攞走晒 係我重係度等🙄到7:30我真係忍唔住🙄🙄重要等幾耐？姐姐又係講廢話 整緊架啦整緊架啦 張單入左去 老闆就話順序架麻排隊架 唔係話催就快架麻 我跟住就話後過我既三四份都攞晒 前我一個食完走埋好耐 呢啲叫順序咩？咁要等幾耐啊 佢地好似聾左咁 😒 我話我等左差唔多九個字啦 你重未有退錢算啦 麻撚煩 搞咁耐 🙄佢地就扮聽唔到 我講多兩次先慢慢低聲下氣話冇啊 煎餃係耐啲架啦 個爐就得咁大 你後面個啲湯餃咪快啲囉 我話咁我轉湯囉！佢地又話唔得 最後我差唔多7:40分先到手🖕🏻返到屋企 我明明嗌芝士餃同粟米冬菇餃 各四隻 $45 原本單款好似（$38only)佢地話雙拼要加錢ok冇問題 ，結果全部都係粟米冬菇餃 ，而且油到不得了🙄

男友住天水圍，他介紹這間他家附近的小店 - 「餃子館」。無介紹錯，好食、特別又多款。叫了一碗水餃和一碟煎餃，而煎餃不像灣仔的那間要加$10，價錢和湯餃一樣。8色水餃湯麵 - 餃子館共有8款不同水餃，其中一款是素菜，其他的有白菜豬肉、羊肉、韮菜豬肉、香菇豬肉等，每款都各有特色，尤其香菇水餃，又香又好味，而素菜餃就太素，沒有肉吊味，顯然沒其他的菜肉餃好味！而水餃湯用豬骨煲成，湯濃，還可以當湯飲！香菇豬肉煎餃 - 只選了香菇豬肉，共6隻，煎得香，讚！餃子真的不錯，還可以選8色餃子，吃盡8款。可惜3色餃子是設定好的，如能自選款色會更加好。下次要再來！

最近係fb見到好多食評都話呢度餃子好食就一心黎試下啦佢餃子既款式都算幾多仲有啲特別口味另外佢呢仲有好多款可以揀呀鍾意食肉啊食菜食素嘅都會有仲有一啲比較特別嘅款式啦就係搭芝士嘅佢嘅份量其實都幾多同埋佢每一隻都會好大隻咁但係呢個人認為佢嘅湯底比較咸左少少我朋友都話佢嘅湯底都係咸嘅雖然佢話佢嘅湯底係無添加自家製

本身我都好喜歡食餃子，因為聽好多朋友講，自己又上網，話好食、咪道唔錯、又夠大隻、又足料，所以我決定去試下好唔好食，但係我係外自取，我叫左個冬菇雞肉餃，40蚊12粒，佢地仲教我點煮,👍👍咁好啦，到左晚上，我煮熟左餃子，再煎黎食，一食弟一口，晴天霹靂，真係唔好食，食左弟一隻已經唔想再食，好怪，最緊要唔知點解隻餃會咁甜，真係好甜，唔係好明點解會咁甜，定日果日落糖重手左，不過人人口味唔同，但唔會再有下一次...

越吃越恐怖，衛生極度欠佳，樓面阿婆雙手抹完枱又去摺餃子，睇見真係反胃，而且餃子完全吃不出有猪肉味，落味太重，得個咸，唯有吃出一款韭菜餃味，所有都是調味料重咸味，少吃爲健康。樓面阿婆工作方式老闆自己心知啦！老闆認真要改善。

/一絕湯底🤤熱辣辣🍲<餃子館>🍲雙拼 紫菜豬肉 雲耳白菜餃($34)▪️🥕🌽魚膠淮山翅骨粟米紅蘿蔔豬骨湯真係好清甜好好飲😍每次都飲晒☝️👉🏽六隻餃膨卜卜一個女仔食晒真心飽😋雲耳白菜餃食落白菜味出，唔想食韮菜咁重口味，白菜都不錯，一口啖啖菜配豬肉粒，仲有爽脆雲耳，清新爽甜。👉🏽紫菜豬肉餃啖啖肉粒仲 滲出好大陣紫菜清甜味，配爽口椰菜🤤足料嘅大餃餃🙂👉🏽今次個餃皮煮得幾好，軟得泥帶嚼勁，食到尾都唔會變到好韌，轉左位年輕哥哥煮🤔即叫即煮👍....#wwhkfood #uhkfood #hkfoodies #wwhkfood #hkig #hkeat #hkfood #hkfoodie #foodie #foodies #foodiehk #foodieshk #instafood #foodielife #food #foodstagram #foodlover #餃子館 #餃子 #一隻兔的茶點時間 #topfoodnews

首先本人很喜歡吃餃子，而這間的餃子很合我口味，這是一間專門吃餃子的店舖來，我很喜歡他們這裏的水餃，咬落去有一種好滿足嘅感覺，，餡料飽滿多汁，而且價錢給你，吃一個套餐就夠飽了。值得推介喔。

係覺得偏貴，八隻餃大約$40，平均要近$5隻，但係餃子大大隻，食落唔覺得會好多肥肉，而且個湯底好好味，大讚。。一向都食開，如果唔怕油，可以食下個個芝士煎餃，好好味。但係我好怕堂食，因為一坐低食，油煙味好勁，吸到成身都係，所以我都會買外賣，外賣加一蚊好合理。但係今日買外賣，話如果要齊醋、菜圃、豆瓣醬，竟然話要加一蚊🤡家下醋好貴嗎？雖然係咁，感覺個小小醬料都加一蚊唔值，但係都會幫襯。。。。。。。。。

今日難得假日早起 來到呢間朋友極力推薦的餃子店 新北江這個小天地總是食店林立 不難找到一兩間心頭好或是實力小店 雖然環境有點陝窄 店內僅有桌子數張 但在等候的食客或外賣客不少 可見其歡迎程度友人在我去到之前已經下了單 我們僅叫了一碗八式拼盤加上海幼麵 一開始我還擔憂不夠吃 但上了菜才發現我的擔憂是多餘的😂檯上有醋和秘製辣椒醬供調味滿滿的一碗麵 豐碩的一隻隻餃子 見到其紋路就想象到內裡的肉餡是多麼重料每一隻也是皮薄光滑細緻試食第一隻 是香菇木耳雞肉餃 餡料可謂「落重本」一吃便知是新鮮材料 沒有一絲味精重頭戲應算是我們挑選的魚膠淮山翅骨粟米豬骨湯 朋友是極討厭魚腥味的人 也爭相把湯底一飲而盡 皆因其鮮甜而清爽的口感 不得不推薦！其後我試盡每款餡包的餃 各有特色 但由於太多人在等位 也不好意思在旁拍照品評 我最喜歡紫菜豬肉餃和木耳雞肉餃 因為他們的口感最正🙈臨走見到一系列自家制產品 全都非常吸引 想逐一把他們帶回家 下次一定會再來光顧 試吃煎餃😁

住係天水圍都十幾年，一路睇住呢區餐廳越開越多，今日襯住放假，就去新北江睇下有咩食。經過餃子館，之前都係面書見過有介紹，咁就入黎試下啦。餐牌有多款餃子揀，如果想試晒咁多款仲可以叫八式拼盤，亦可以選擇淨食餃子或者加麵。見今日唔係咁肚餓，就選擇食淨餃子，揀左8隻粟米香菇豬肉餃。上檯時香噴噴熱辣辣，餃子餡料十足，食落有粟米甜味，再加上菇既香味，話咁快就食晒8隻。食完餃子後，記得飲埋碗入面既魚膠淮山翅骨湯，非常鮮甜，全無味精，飲完都唔會好口渴。餐廳座位唔多，午飯時間可能要等等位，另外如果想買返屋企既，呢度都有生餃賣，買黎煮麵同打邊爐就一流啦。