餃子館

營業中

休息中

見有谷反推介過，自己又鍾意食餃子，今日黎開天水圍順便試下先。一踏入間舖，阿姐即刻問食啲咩，又真係好個個都唔使諗即答喎，睇黎全場都係熟客。叫完野即刻要比錢，作為一間小店，我都覺得咁係有效率啲嘅。阿姐心算超強，無論你係雙併，加麵，加菜或外賣，完全無難度，一落單即刻計到個總數係幾多，快過用計數機，強落完單等食，因為要左煎餃子，阿姐話要等十五至廿十分鐘，無所謂，等就等。枱上有辣醬同餃子醋，本來呢兩樣醬料配餃子真係好正的，但外於個樽實在太多野飛飛下，完全唔想申手去拎。點了餃子加上海麵，湯底梗係要大受歡迎嘅魚膠淮山翅骨粟米紅蘿蔔豬骨湯啦，湯名好長呀真係好好飲喎，湯淡但鮮味，飲哂全碗都無口渴，果然係靚湯黎食完碗麵啲餃子終於煎好啦，要左韮菜餃六隻，煎到金黃色，十分香脆。皮薄但隻隻脹卜卜，餡料極多，菜肉比例各佔一半，已調味，咬落爆汁，味道滿分。餃子有好幾款，小食都不少，有選擇困難症請先在門外諗清楚。價錢平，味道好，本來真係好正㗎，但食一碗麵打死左四、五隻飛飛下，佢地係咁偷襲我啲餃子，外於衞生問題，不建議坐銀色枱櫈位置，店外坐位應該好一點。