食神麗宮

營業中

休息中

得朋友口碑，今晚偕同家人到「食神麗宮」吃晚飯。未嘗佳餚，在大堂先分享飯店琳琅滿目的輝煌紀錄。打開餐牌不難看到多款傳承與創新的菜餚，最吸引眼球是$48一隻的特醬燒乳鴿，晚市這麼抵食不妨好事成雙，一飽口腹之慾！一對特醬燒乳鴿隨著香味撲鼻而至，第一次看見如此有禮的跪地乳鴿，熱辣辣的乳鴿，皮脆之聲隨剪刀落下而出，酥香皮脆，肉汁鮮美豐沛！戲棚粥- 是「食神麗宮」戴師傅創作升級版，用門鱔骨及龍蝦熬湯，配料再加上魷魚片、門鱔打成的魚球、潮州冬菜及香芹等，將湯撞上煲至起花的泡飯上，味道非常鮮味，我除了嘗味，還像上了歷史的一課，原來戲棚除了欣賞大戲，還有如此美味的戲棚粥。蒜香玉乳脆鱔球~豉汁蒸白鱔就吃得多，嘗味脆鱔球還是首次，脆香的鱔球，咬落啖啖鮮嫩白滑鱔肉，的確令我們回味無窮！椒鹽百花釀生曬吊片~很有新意的配搭，吊片釀入蝦膠，鮮味彈牙，加上油炸的香口鑊氣，真正齒頰留香。上湯龍蝦燴伊麵~原隻龍蝦燴伊麵又是非常抵食，龍蝦肉爽彈鮮甜，伊麵掛滿上湯滋味無比。兩款免費糖水奉客:芝麻糊與紅豆糖水，我擇紅豆糖水，滿滿的陳皮香味的起沙紅豆糖水，甜度適中，真的想再添一碗噢！今個晚上我們食得開心，也享受著新頴的飲食體驗，

見到有頗多好評，所以跨區由北角到西營盤嘗試這間食肆。入座時見大堂的枱都坐到七八成，但睇落好似街坊幫襯多一點。點的菜都是之前一般食評介紹的菜，乳鴿好味和熱辣辣，見到差不多每枱都有食這度菜。濃湯花膠煲雞足料，但問題是不夠熱。陳皮話梅骨話梅味濃。之後的金絲翠蝦球和炸新鮮魚塊的問題是上菜的時候，食物的擺碟已經東歪西倒，絕對影響食慾。另外menu 作為一個食肆最重要的靈魂，特別介紹菜式的照片竟然與列印菜式的頁數完全不同。當查詢侍應炸新鮮魚塊是否在另一頁照片那款，她要找更資深同事確認。如果menu 都可以做得咁求其，有點無話可說。

呢間歷史悠久嘅酒樓中菜館喺酒店樓下，酒樓總廚戴龍師傅祖籍潮州，入廚六十載，為九七回歸香港四大名廚之一，特別拿手點心、小菜、燒烤、養顏湯水等等。洒樓環境光猛企理，啲餐具嗰啲唔會覺得癡笠笠，坐得幾舒服！酒樓有點心同小炒，佢啲餸菜做法傳統正宗，無添加味精，但價錢又唔貴！菜式唔會話好悶，都幾特別，分好晒海鮮類、肉類同菜類嘅小炒，都幾多款式！------------------------------🐤◖特醬燒乳鴿◗ $48唔需要點任何配料已經好夠味，可以用手套成隻食夠曬過癮！乳鴿有少少五香嘅味道，乳鴿油脂豐富，外皮燒得香脆，裏面熱辣辣好juicy，肉質幾鮮嫩！🦞◖原隻龍蝦炒乳酪 ◗ $268呢個原隻波士頓龍蝦龍蝦超吸引好抵食，拆咗啲龍蝦肉嚟炒蛋白，好香滑帶啲奶味，成隻龍蝦殼放返喺碟到上枱，霸氣又靚！佢個龍蝦殼都仲有唔少肉，有少少海水味，蝦頭部位仲有少少膏！佢兩隻鉗要自己拆肉黎食，大大隻啖啖肉，肉質彈牙好鮮甜，可以一蝦兩食！🦑◖生曬吊片炒粉絲 ◗ $128用咗生曬嘅吊片（即係乾魷魚）亁炒粉絲，吊片好夠鹹香味，炒到乾身好煙韌；粉絲味道入口香味濃郁，咁嘅配搭更食得到吊片嘅鮮味！🥬◖大盤南乳齋 ◗ $

# #西環 @chinese.banquet朋友介紹, 由食神 ~ 香港四大名廚之一的戴龍師傅策劃的酒家, 主打巧手小炒、養顏湯水等, 仲強調絶不採用味精雞精調味, 採用天然山珍野菌及生曬豉油作為調味, 梗要試試啦! 🐥特醬燒乳鴿 $48 ~ 乳鴿肉質好嫩滑, BB鴿連骨都好軟! 外皮炸得香脆! 貼心的附上手套, 讚! 濃湯雞煲花膠 $88/位 ~ 花膠好好好大件, 好厚好滑, 骨膠原豐富, 湯底濃厚, 雞肉很多又嫩滑! 🦞戲棚龍蝦湯泡粥 $68 ~ 很特別的一碗粥! 其實較似湯泡飯, 有大量冬菜、魷魚、魚滑等等, 湯底香濃, 風味十足! 🤤印度皇室咖喱牛腩 跟 香脆長城饅頭 $168 ~ 很有驚喜, 底料非常豐富足料, 牛腩很腍, 一夾即散! 咖喱很惹味香口! 長城饅頭是炸厚切饅頭片, 很香脆又出奇地不油膩, 單吃與醮咖喱汁同食都一樣美味, 讚! 🐖15年陳皮話梅骨 $118 ~ 醬汁滿分, 整體味道很惹味, 滿满的陳皮話梅味道, 很濃郁, 排骨入味! 是很好送飯的一味餸! 🥥最後送我們糖水, 很窩心!

今日係港島西營盤呢邊收工，見到呢間名字及牌面設計相當有氣派的酒樓，於是就決左了在這品嚐一下晚餐。根據網上食客的推薦，先點了份特醬燒乳鴿，由於是即叫即炸的關係，等了大約15分鐘，燒乳鴿外皮香脆，淡淡咬落去都有爽脆的聲音，而且再用上店家的特醬去燒製，味道香濃，鹹鹹的，相當惹味。然後的火龍果蜜豆牛柳，由於此種搭配，坊間比較少見，所以引起我的注目，於是點了一份。火龍果蜜豆牛柳的外表，較樸實無華，反而驚喜在裏頭，原本蜜豆牛柳是較濃味的食物，會愈食愈濃味，令味覺遲緩，在後期難以食得出第一淡的濃味，然而加上火龍果的鮮果，可帶有果香，有啲清爽的感覺，相當出色。最後的瑤柱金蒜蒸茄子，不用多形容，本身用蒜蓉蒸製的食物已香味十足，再配上它的黃金拍檔茄子，兩者配合，絕對是不會輸的菜式。

在上星期五朋友聚會去過的一間有驚喜食店一聽個名係食神麗宮就知道和食神套戲有啲關係地方不是屬於豪華的那種但是勝在有驚喜, 最主要老闆是香港四大名著和食神的其中一位演出者當日佢俾面出嚟介紹食物, 當然係佢哋嘅手本名菜食神叉燒啦; 佢親自用火槍加上五加皮酒在我哋面前炮製, 食落口真係唔講得少; 相信係全港最好食的叉燒之一另外乞兒雞亦係一絕, 這個餸菜是需要特別預訂的, 因為佢哋將隻雞埋左係啲泥土入面烹調, 跟住很有趣地叫我們其中一位朋友用錘仔大力敲打, 很有意思是日一行24人, 每位食到捧住個肚盡興離開😋

以前，爸爸在西環上班，都會跟著他四處走。今次，同爸媽一齊再去西環行下，事前做左功課搵餐廳，因為家人較愛吃中菜，所以就選擇了這間餐廳，網上都有不少好評。燒乳鴿以前都常在西環覓食，但是也不覺有乳鴿吃，今次見到有乳鴿一定要試下！乳鴿原隻上，侍應附上剪刀和手套，可以慢慢享用。乳鴿燒得香，十分熱辣辣，出曬煙。乳鴿皮十分脆，而且肉嫩，咬落好多汁，每人一隻啱啱好！濃湯雞煲花膠望落好吸引，即刻每人叫咗一碗。雞煲花膠湯每人一碗，用蓋蓋好送上，可以好好保存溫度，一打開蓋，湯的香味湧出。燉湯十分足料，每碗都有花膠和雞，燉湯燉得夠時間，飲落味道十分香濃。冬天飲碗熱湯，成個人都精神晒！金絲脆蝦球全家人都喜歡吃海鮮，所以每次吃飯都總會有海鮮的蹤影。看到餐牌上這個金絲脆蝦球十分吸引，所以一試。每個脆蝦球都炸得金黃色，上面的金絲原來是蛋絲，蝦球十分香脆，蝦肉爽口，色香味俱全。印度皇室咖喱牛腩餐牌上看見有介紹這個牛腩，說北京的雕爺牛腩向這間餐廳的食神師傅買了咖喱牛腩秘方，這樣讓我更想試一試！上菜方式特別，咖喱牛腩是在鍋上，下面有火熱著牛腩，保持牛腩的溫度和咖喱汁的質感，以免涼了後咖喱汁變稠了。正因為這樣，咖喱牛腩十分熱

住咗係西環咁耐都未去過食神麗宮飲茶，今日帶咗屋企人來食晚餐😃 酒樓燈光光猛，睇得出地方有好耐歷史，店內大部分都係老友記，店員充足，但姐姐友善親切～食神皇帝炒飯呢碟炒飯打卡一流，賣相成條魚咁，表面有蟹籽，畫龍點睛👍🏻 炒飯夠獲氣，味道偏鹹特醬燒乳鴿乳鴿冇太大羶味，皮脆肉嫩，又多汁～古原蠔油牛仔肉滑牛肉份量都幾多，蠔油味濃雞茸燴雪燕（4位）湯質地濃稠，好滑，肉碎好多好有口感金華花膠菜心花膠細細塊夠軟淋，膠質豐富，因為冇津白嘅原因轉左菜心～

餐廳由香港四大名廚之一嘅戴龍師傅主理，絕不採用味精雞精調味，採用純天然山珍野菌及生曬豉油作為調味，水準有保證😍之餘，仲好健康☺️扣北菰海參花膠 $98 鮑汁海蔘鵝掌 $88先叫兩個矜貴啲嘅菜熱下身先😆😆又花膠又海蔘，呢個價錢唔算貴。花膠大片厚身，海參爽口滑嘟嘟，好滋補養顏。另一款嘅鵝掌大大隻，炆得好淋又入味，讚。🐷15年陳皮話梅骨 $118個精粹係個汁度，陳皮話妹不會互搶，互相融洽，岀嚟嘅味道有驚喜，酸甜醒胃，肉半肥瘦，肥豬肉部份入口即溶，瘦肉部份如果炆得淋啲會更好。🫕彩虹海鮮羹（4位）$108最愛羹滑嘟嘟嘅口感🫶呢個海鮮羹好大鍋又足料，有蝦仁，豆腐粒，蛋白絲，蘿蔔，菜，菇，鮮甜暖胃，淨係飲個湯都飽左一半咁濟。🐮豉味涼瓜牛仔肉 $98炒得好惹味，個汁調得剛好唔太鹹，牛仔肉份量都唔少，大片又軟腍，涼瓜清熱又下火，呢個菜佐飯一流！酒樓寬敞舒適，乾淨企理，岀品唔錯，可以一試。

今次去咗呢間位於西營盤、由戴龍師傅主理嘅酒樓，佢哋提供唔少自家製懷舊菜式，整體質素唔錯！.同行朋友鍾意飲湯，佢特登叫咗煲濃湯雞煲花膠。一小煲可以分到兩碗湯，兩個人飲啱啱好。原來入面嘅雞已撕開哂，食落冇骨好方便，肉質亦都好滑，連平時唔食湯渣嘅我哋都食哂啲肉😆個湯最好即上即飲，趁熱飲先至係最正😁.小菜方面推薦醬皇煎牛柳😆個醬係店家自家秘製，我哋食落覺得係芥末加芝麻醬，味道幾特別幾好味！牛柳亦肉質嫩滑，配上菠蘿洋蔥西蘭花等配料，成道菜好豐富。.我哋都叫咗呢到嘅招牌菜式之一——金絲脆蝦球🍤蝦肉質爽彈，食落感覺新鮮，唔錯😄.另外叫咗個金銀蛋浸時蔬，有個菜成餐感覺健康好多🤣如果要指定菜要加錢，是日時蔬係菠菜～.最後仲送糖水😆送咗咋喳，暖笠笠糖水做結尾唔錯住附近嘅人可以一試😄

今日係叮叮免費日，就坐叮叮去了西營盤食晚飯。鳳巢伴絮蓮香外型真是有個鳥巢，蔬菜炒得鮮嫩，紅黃椒甜；蜜糖豆、西芹和馬蹄爽脆。魔幻汁生煎蓮藕肉餅肉餅外邊煎得香脆，肉汁和油分足夠，裏面更食到粒粒蓮藕，口感爽脆。15年陳皮話梅骨15年的陳皮真是確實不同，味道帶有清清的果味，雖然是豬腩肉，但因有果皮的關係唔會有肥膩的感覺，這些肥膏有彈性，很邪惡。蒜香玉乳脆鱔球脆鱔球外表炸得香脆，食到少少南乳味，又唔會太油膩，如果廚師可以起埋骨會更好。📍食神麗宮 (西環)西環西營盤德輔道西308號華大盛品酒店地舖#foodie #food #foodpic #foodphoto #hkfood #香港美食 #美食 #hkig #ighk #中菜 #西營盤#foodielife #為食妹 #tm128_love food

今次來到西環試下食神麗宮今秋蟹后蛇宴。地方都很大，當日都坐滿食客，本來第一道主菜是大閘蟹，聽說當晚太多人食大閘蟹，所以變為壓軸一道菜😅😅。有清蒸大閘蟹和鹽燒大閘蟹，我揀了鹽燒大閘蟹，因為不太寒涼，服務員將大閘蟹推到我們面前燒一燒🔥，大家好像在看表演😝，味道都好。菊花五蛇羹，味道一般。至於鮑魚花膠，味道唔錯。還有食神叉燒拼腩仔、瑤柱油鴨絲扒豆苗、潮式蒸龍躉鮮魚、糯米飯、甜品和生果。總括，都算抵👍🏻。

今日去咗西營盤探朋友對呢一區唔係太熟悉，所以晚飯佢發板，帶我去食好嘢。佢揀咗嚟呢間中菜廳，話呢間中菜廳大有來頭，有食神師傅戴龍主理，令我對呢餐充滿期待。原隻龍蝦炒乳酪$268原隻波士頓龍蝦拆肉炒蛋白，成隻龍蝦殼放返響碟到上枱，好有霸氣，又靚，打卡一流。波士頓龍蝦好新鮮，非常鮮甜，肉質爽滑。蛋白好滑溜，中間混入咗類似台式蚵仔煎嘅木薯，令蛋白有多一重口感。特醬燒乳鴿$48燒乳鴿新鮮燒起熱辣辣，侍應貼心遞上膠手套同埋鉸剪。燒乳鴿香噴噴，令人流晒口水，急不及待開動。鉸剪一剪開乳鴿，肉汁便湧晒出嚟，未識都知道鴿肉一定好 juicy。果然一口咬下，乳鴿皮脆肉嫩。呢隻乳鴿都算係BB鴿，睇落沒有好肥大，但食落其實啲肉都唔少，食到舔舔脷。濃湯雞煲花膠$88用砂鍋上枱，個湯熱辣辣，一打開蓋，金黃色嘅雞湯就知道個湯係真材實料肴成，好吸引。花膠大大一塊，軟硬適中，女仔養顏食就一流，骨膠原豐富。飲啖靚湯先，雞湯味道濃厚，好好飲，個湯仲有好多雞絲，呢個一人份量其實都分到兩小碗，很不錯。魔汁生煎蓮藕肉餅$108呢個蓮藕肉餅煎得非常香口，肉餅好有肉汁，連同蓮藕粒一齊食好爽口，蓮藕粒同肉嘅比例剛剛好，調味亦都好惹味。肉

老公一向喜歡食中菜，朋友介紹西環食神麗宮，酒樓由名廚戴龍師傅主理，主打自家製和懷舊菜式，今晚同我專程過嚟試吓！酒樓裝修好有懷舊感覺，燈飾華麗，環境光猛整潔。特醬燒乳鴿：即叫即炸熱辣辣，師傅用特製醬汁醃過，皮脆肉嫩又入味，唔需要點任何野都好好味！粉絲大蝦煲：蝦球大隻新鮮好爽口，加咗肉碎嘅醬汁調得夠味又有口感，粉絲吸收咗濃汁，惹味又爽口。開胃山楂汁炸新鮮魚塊：魚塊厚肉，大大件去晒骨，肉質新鮮彈牙，濃稠紅潤的山楂汁酸酸甜甜，令人胃口大開，啖啖肉好滋味！枝竹火腩生蠔煲：熱辣辣上枱，即時香氣四溢，火腩肥瘦適中，炆煮後更腍更香，生蠔大隻好肥美，枝竹吸盡醬汁、火腩和生蠔的精華，非常入味可口。飯後還有甜品奉送，喳喳好足料，甜度適中！

食神麗宮專心製作精緻點心、巧手小炒、惹味燒烤、養顏湯水、喜慶宴會及商務應酬，而總策劃食神戴龍師傅入廚58年譽滿內地、港澳及東南亞，仲係香港四大名廚之一，崇尚原汁原味和不時不食的烹調理念，咁吸引今日就過黎試下。特醬燒乳鴿夠熱，經過特別醬料調製，肉質鮮嫩多汁，兩三下就食完。夏威夷果炒蝦仁份量都多，夏威夷果原粒上都幾多，蝦仁粒粒都大大粒，再加埋芹菜都幾惹味。蒜香玉乳脆鱔球新鮮炸起，配埋蒜香味，配番杯啤酒就岩哂，鱔球大大塊仲啖啖肉，爽口好食。潮式川椒雞幾特別，啲雞勁滑勁入味仲要又係啖啖肉，別外佢配埋一啲食落去類似紫菜嘅口感，又係勁香口超正，最後配白飯再加埋花生茶介。真係要喺食神套戲跟返佢講一句「好好味呀⋯」。