食神麗宮

營業中

休息中

和朋友在附近晚飯，隨意挑的，可惜出品強差人意。「紅燒乳鴿」$48 / 隻原隻上，隻鴿瘦猛猛，賣相幾肉酸吓：吃得出明顯是翻炸，只有表面係熱，僅有的鴿肉仍是凍，而且皮也不脆：「小炒皇」$80材料有韮菜、肥短銀芽、蝦乾、雜碎乾貨海味等：賣相娟好，卻欠鑊氣，像個洩了氣的氣球：味道係苦的，奇怪。應該是有炒燶了食材，調味也沒有特別好，燶味 override 哂：「15年話梅陳皮骨」$118餐牌說是廚師推介，名字聽落也蠻吸引，那就來一份。賣相亂糟糟一團，醬汁四濺在碟上，這個已經是我稍為清潔一下拍的照：整體調味太太太....甜；話梅是先浸水去做獻汁，糖的調味卻蓋過一切：我估計它應該是炆好一大煲，人客點菜時就𢳂上來捧客，所謂排骨是橫切的腩排，已經被炆的太久，失去肉質的纖維韌度，一夾幾乎散開，肉甚至有去到霉的感覺。食到呢度當然未飽，但大家已有一致共識，不要再加餸菜了，應該也不會好吃到哪裏。結果大夥兒另覓地方，再食下半場充飢。

大家有冇睇過星爺的食神呢？呢間餐廳係由電影既顧問開架~ 位於一間酒店的地鋪，距離西營盤站行10分鐘左右就到啦~ 我地叫左乳鴿、陳皮話梅骨、豉汁蒸風鱔、山楂汁脆蝦球4樣野。其實最初想叫半隻雞，但原來雞要預早訂架，大家黎食要留意。乳鴿係原隻上，俾埋剪刀同手套，可以手撕咁食，非常有風味；話梅骨就炆到超級入味同淋身；鱔方面都幾大兜，而且鱔片都唔會話好薄身，有咬口；脆蝦球好大份，每隻蝦都好大隻，山楂汁撈埋好有咕嚕肉既感覺，哈哈！最後仲要送綠豆沙甜品，煲得好綿好杰，啖啖綠豆肉！

跟朋友相約西營盤買海味乾貨，購物完畢想吃中菜晚飯，朋友推介電車路的「食神麗宮」。門外見老闆以自己的玉照作推介，自信滿滿。茶市點心價錢相宜。餐廳樓底甚高，地方寬敞，入口的大型水晶吊燈，傳統中帶點華麗氣派。餐廳特意推介的前菜「特醬燒乳鴿」；乳鴿的肉質鮮嫩，特製的醬汁已經夠味道，不用加淮鹽！完隻上，保留肉汁；附有手套，可用手痛快的食！二人晚餐，三餸一湯是最佳組合。生炒2吋菜芯，很人性化的菜心長度，菜芯口感鮮嫩，加上腩肉的鹹香，配搭出眾，最佳伴飯菜式。小二哥大力推介的「15年陳皮話梅骨」；主要是腩肉位置，骨不太多，充分烹煮，骨肉分離；陳皮和話梅的味道非常搭配，微微的酸甜與咸香，極之醒胃。彩虹海鮮羹口感嫩滑豐滿，蝦仁彈牙，豆腐及其他海鮮食材亦十分新鮮，灑點胡椒粉略作調味，讓人感覺滿足。最後一道菜是豉味涼瓜牛仔肉，涼瓜清爽中帶微微苦澀，適合夏天消暑食用。牛肉爽滑之餘，豆豉吊出鮮味，又是一度伴飯佳品。牛肉爽滑之餘，豆豉吊出鮮味，又是一度伴飯佳品。整體而言，餐廳食物味道不錯，服務也周到，價格合理，朋友果然好介紹。

晚上在西環工作後約了友人吃晚飯，突然想食中式小炒，去了德輔道西的「食神麗宮」，門面光鮮，印象中它是間主打著名的中餐廳，樓底高設有水晶燈！便決定光顧！餐牌選擇很多，中式小炒是主打，傳統粵菜、點心、燒味，招牌菜食神皇帝炒飯等，鑊氣十足。餐廳強調健康，每一道菜都不會加任何味精，值得一讚！山楂汁咕嚕肉，咕嚕肉外層爽脆焦香，肉質半肥瘦，入口甘香，加上青椒和菠蘿口感清爽中和解脂感醋汁，山楂汁份量多十分惹味！魔汁生煎蓮藕肉餅，份量同樣大碟，有六大件，豬肉煎得夠乾身，色帶金黃又香脆，口感彈牙，很多蓮藕粒！友人大讚！蒜香玉乳脆鱔球，上菜時賣相精緻，性價比很高，份量大碟，鱔球爽口，外面炸得香脆，色澤金黃，魚肉保持鮮甜多汁，吃得出新鮮的味道！我們馬上點了個白飯伴吃！香脆十分熱辣辣，也不會過油，推介！上湯海味雜菜煲，青翠脆綠的各式菜清脆可口細棵鮮嫩，蝦乾數量多值得一讚，湯汁味道帶淡淡的鮮味，菜軟硬度剛好，不會過淋或過硬，份量同樣大碟。整體來說，菜式選擇很多，賣相吸引外，環境加上食物及服務，十分滿意這晚餐！

偶爾從老一輩口中聽過一種叫戲棚粥的東西。 據聞是早年的潮州人遷居香港後，每逢孟蘭節在神功戲棚附近擺賣的一款類似泡飯的稀粥，用料多變，湯底多以豬骨或鱔魚淆成，再加入其他配料，對當時普遍收入不高的人來說 。能一邊看神功戲，一邊品嚐戲棚粥，是一種不錯的娛樂。適逢朋友家住西營盤，區內一間中菜館，不但有戲棚粥供應，還要是昇華版的製作，對於美食的好奇， 站在本人立場，只要價錢合理，不論地點、服務是否不似預期，通通也不是問題。店舖位於酒店地下，格局如傳統海鮮菜館，室內高高懸掛的大型水晶吊最吸睛 ，樓底高、空間寬敞，除了時令小菜還有晚市孖寶，菜式選項也不少， 除了指定的戲棚粥，其餘的便交朋友發辦。【雲腿螺頭鮑魚燉雞 $98】先叫一個燉湯潤下先。燉盅蓋一開，香氣撲鼻，入面有一只小鮑魚和很多雞件、雲腿碎、大粒螺頭肉，湯料豐富，份量十足，湯味自然鮮甜、濃郁，每一口都是精華【戲棚粥 $68】昇華版戲棚粥除了用鱔魚，還加入龍蝦熬製，多了一份鮮味，煲至半起花的泡飯粒加上其他配料: 鱔魚球、魷魚片、冬菜、香芹等，口感豐富，吃時緊記加入油炸鬼脆脆粒，點點甘香、咬起來脆脆的感覺，令整個粥的美味度更上一層【上湯波士頓龍蝦

▫️望到餐廳介紹，見大廚入行60年，獲獎無數，仲係四大名廚之一😯 見咁犀利一於帶屋企人去試試🥳🥜 花生 $12/🫖 晚茶 $12/ 位🍲 砂窩雞煲翅 $198▫️侍應姐姐極力推介✊🏻 鮮雞湯不加味精，味道濃郁清甜，魚翅份量超多好足料🤩 呢個價錢有咁多翅幾抵食👍🏻🦆 特醬燒乳鴿 $48▫️雖然全隻上第一眼望覺得有啲殘忍🫣 但真係燒得好香🤤 侍應姐姐仲會俾手套非常貼心💕 外皮炸得脆身，肉質嫰滑，一咬啲汁就滴晒出黎好滋味🤭🎬 戲棚粥 $68▫️餐牌寫住以前戲棚總會有粥賣俾戲子，望落幾得意🤣 以龍蝦湯做底，食落似泡飯，加入冬菜同脆脆油炸鬼，口感層次豐富😋🦐 金絲脆蝦球 $188▫️蝦球炸得酥脆，外層食到少許蛋黃香味🥚 蝦肉都幾大隻彈牙😬🥬 金銀蛋浸時蔬 $88▫️用上白菜仔，浸滿鹹蛋同皮蛋非常足料又鮮味😯 ▫️臨尾聲侍應姐姐仲好nice每人送上一碗紅豆沙🫘 煲到起晒沙兼好重陳皮味，食完超滿足🥰

今天專程到西營盤藝里坊打卡一番，之後到附近的食神麗宮吃晚餐。此酒樓由星爺<食神>飲食顧問戴龍開設，因此期待品嘗已久。甫踏進餐廳，已被很多中式擺設吸引著，趁時間尚早，四圍參觀及拍攝一下，原來酒樓內有一道門通往華大盛品酒店的大堂。特醬燒乳鴿🕊 $48乳鴿一上桌香味撲鼻，原來用以醃製的滷水特別加入了春砂仁，肉質鮮嫩，肉汁豐富。另有，侍應給了兩包以Hello Kitty 包裝的手套🧤，用來吃乳鴿，這樣可以特別吃得滋味，真的貼心😋戲棚龍蝦湯泡粥 🥣 $68戲棚粥真係聽都未聽過，看介紹原來是盂蘭節看神功戲吃的，現為大師傅創作升級版，先用門鱔骨及龍蝦熬湯，再配以魷魚片及門鱔打成的魚球，以及潮州冬菜及香芹等，將湯撞上煲至起化花的泡飯上，另配有切成細細粒的油炸鬼，很有心思，味道非常香濃又有層次感😋火龍果蜜豆牛柳 🐂 $138火龍果味道鮮甜，蜜豆飽滿，牛柳更是一大驚喜，肉質極為鬆軟入味😋山楂汁脆蝦球 🍤 $128蝦球大大隻，爽口彈牙，配上酸酸甜甜的山楂汁，還配有菠蘿🍍、紫洋蔥🧅、三色椒🫑等，非常醒胃😋上湯海味雜菜煲 🍲 $108足料好味，有菜心、生菜🥬、白菜仔、青莧菜、粉絲、杞子、魷魚🦑、

朋友多年沒回香港，想跟他品嚐中菜，今晚特意邀約他來「食神麗宮」晚飯。室內裝潢即喚起他舊日在港的回憶。當然要嚐嚐這裏的食物。他打開菜牌，各樣也想吃，難以下決定。店員耐心介紹他們的招牌菜，終可决定下來。❣️ 食神醬燒乳鴿 $48以特製醬料醃製的燒乳鴿，非常入味，皮脆肉多汁，味道甘香。❣️ 印度皇室咖哩牛腩 $168印度皇室咖哩牛腩跟香脆長城饅頭。送來時香氣十足，已讓人垂涎欲滴。除了牛腩，也有牛筋，牛腩軟腍惹味，咖喱醬汁辛香味鮮帶微辣，層次豐富。配上香脆鬆軟的炸饅頭。炸饅頭不油膩，不管是單吃還是沾咖哩吃都很好吃。越吃越美味❣️ 金絲脆蝦球 $188薄脆漿裹著原隻厚肉大蝦酥炸而成，表面再鋪上以蛋切成的金絲。金絲脆蝦球外皮口感酥脆，內裏是爽口彈牙的蝦球。❣️ 上湯海味什菜煲 $108用上不同的海味，如吊片、大蝦乾、瑤柱，還有菇菌、杞子、數款時令蔬菜和粉絲而成的上湯海味什菜煲。口感豐富，嚐到鹹鮮的海味味道，真的不錯。❣️ 紅豆沙店員最後送上是日甜品 --- 紅豆沙。朋友說已很久沒嚐中式甜品，真的有回到老家的感覺。這裏的食物令他回味非常。

睇過周星馳的電影，都對食神唔陌生。今次特登過嚟潮拜下， 皆因廚神都有喺電影客串過。睇下餐牌有咩食先乳鴿 $48原隻上枱，之後有侍應幫手剪開，仲有手套畀埋用，好貼心。乳鴿脆皮，肉質嫩滑，乳鴿味香蝦子山根扒豆苗 $138豆苗新鮮帶甜。配上灑滿蝦子，有種鹹香口感，幾有驚喜。金絲脆蝦球 $188賣相精緻，脆蝦球，蝦新鮮大隻又清甜戲棚粥 $68材料多， 米粒口感硬， 帶鹹香味15年陳皮話梅骨 $118鹹鹹甜甜的梅子骨， 醬汁開胃最後仲送紫米露做甜品，甜哂

今日早收工，搭車去西營盤接媽咪收工，再同佢食晚餐！我們今晚去了食神麗宮！招牌菜有好多，菜式種類繁多！食神醬燒乳鴿是這裡的招牌菜，上枱還熱辣辣，妙齡乳鴿用特別的醬料醃製，好入味，乳鴿皮脆肉嫩，十分滋味！必食推介！炸新鮮魚塊平時食粟米魚塊食得多，不過出面食多數是雪藏，這個食得出用新鮮魚塊整，魚肉厚身無骨，鮮甜魚肉嫩！炸粉脆而不厚！食嘅時候醮上秘制山楂汁，酸酸甜甜，特別開胃！煎牛柳牛柳非常稔，啖啖肉，醬汁好惹味，還有很多新鮮菠蘿可以解膩，好夾！靚湯海味雜菜煲雜菜煲一點也不單調，因為充滿海味香氣，有瑤柱、蝦乾、魷魚等等乾貨海味，令湯好鮮！有各種時令蔬菜，還有粉絲，健康又好味！食完還有糖水送，今晚有紫米露，不會好甜，又有椰汁香，不錯！

食神麗宮 (西環)西環西營盤德輔道西308號華大盛品酒店地舖（每項5💛為滿分）食物份量💛💛💛🤍食物種類💛💛💛💛🤍性價比💛💛💛🤍🤍餐廳環境💛💛💛💛🤍餐廳所有食物均絕無味精雞精等食品添加劑調味選用天然山珍野菌及生曬豉油 原汁原味濃湯雞煲花膠$98/位奶白色嘅濃湯入面有好大隻花膠同雞絲 非常足料女士養顏必食醬燒乳鴿 $48/隻用咗八種唔同香料醃製 非常入味 皮脆肉嫩肉汁滿滿印度皇室咖哩牛腩跟香脆長城饅頭 $168餐牌介紹戴師傅早年跟印度皇室御廚學習用本地新鮮牛坑腩加上秘製香料、洋蔥及上等咖哩咖哩味道非常濃郁 牛腩炆得好淋炸饅頭外酥內軟 單獨/加咖喱都好好味戲棚龍蝦湯炮粥$68/位高級版潮洲泡飯 湯底係龍蝦湯 粥入面有門鱔球、魷魚同冬菜等 非常鮮甜食神皇帝炒飯$188餐廳招牌菜成條理魚造型上枱 好有鑊氣 飯炒到粒粒分明 用料非常豐富有帶子、蝦 上面仲鋪蟹子 飯 食落口感層次好豐富

今晚經過西營盤，看到一間中式餐廳，標榜原汁原味，不加味精烹煮食物，所以入去一試。餐廳十分明亮，更有水晶燈裝飾，座椅闊落，十分舒適。我點了：-原隻龍蝦炒乳酪原隻龍蝦上，拆了部份肉來炒乳酪，但龍蝦還有很多肉，尤其是龍蝦鉗，啖啖肉，鮮甜爽口。-雲腿螺頭鮑魚燉雞原盅湯上，打開蓋已聞到濃湯香味。有一隻原隻的鮑魚，還有螺和雞肉，配料十足。湯汁很濃甜，飲得出沒有味精。-金菇粉絲牛仔肉煲用了牛仔肉炆煮，有銀芽和粉絲配料，醬汁濃郁，撈飯一流-醬燒乳鴿乳鴿大大件，用了醬汁調味才炸，所以很香很惹味。-花生糊是飯後送的糖水，不太甜，還有點花生碎，增加口感。

啱啱過完農曆新年，仲有holiday mood, 又未要加班，放工後就俾朋友約去食佢留意咗好耐的中菜館，話有名廚主理，搞到我好期待。今日星期一係平日晚市，唔算多人。環境跟一般茶樓一樣普普通通，但勝在有空間感，唔會枱貼枱。有食神加持的餐廳會以為好貴，但睇睇餐牌，居然有驚喜唔貴wor，定價都算合理，就唔使諗咁多就叫了幾個小菜。特醬燒乳鴿（$48隻）- 係招牌菜之一乳鴿。皮燒得脆，而肉質保持鮮嫩多汁。叫咗一隻，越食越滋味，下次可以一人一隻。皇室咖喱牛腩配長城饅頭（$168) - 另一個招牌菜。牛腩份量多，肉質算淋並且非常入味。咖喱香濃，帶辛香微辣。我同朋友都大愛長城饅頭，味道帶甜同咖喱好夾，饅頭有厚度，沾完咖喱汁，入口都外脆內軟。蒜香玉乳脆鱔球（$168) - 味道偏濃，非常脆口，而個鱔的生熟度是剛剛好，肉質嫩口。最後，仲有兩碗糖水送。小插曲見到食神出現同熟客打招呼，我仲聽到佢地講呢度冇味精，冇雞精，食得安心。

食神麗宫標榜不用味精或雞粉作調味，崇尚食材原味道以及不時不食的原則作菜，菜式有特色之餘味道亦有層次，跟其他中菜餐廳頗為不同。❤️胡椒咸菜豬肚湯咸菜及豬肚份量十足，一窩湯四人分享亦足夠。豬肚炆得入味夠腍，咸香之餘又帶有微微辣度，胡椒味又突出，喝幾口已有暖胃作用，非常適合冬天飲用。❤️皇室咖哩牛腩餐牌介紹戴師傅早年跟印度皇室御廚學習得來，用本地新鮮牛坑腩加上秘製香料、洋蔥及上等咖哩，味道濃郁而有層次，跟平時常吃的港式或日式咖哩不同。加上牛腩炆得軟熟，牛味濃郁。另外炸饅頭亦做得出色，外酥內軟，沒有一點油膩感，配上咖哩汁味道更一流。❤️吊片炒粉絲魷魚份量多，加上粉絲，兩者都有不同程度的彈牙口感，再加上芽菜清甜爽口，口感層次豐富。調味不會過鹹，當作主食即使不用叫白飯亦足夠。❤️15年陳皮話梅骨味道有特色的一道菜式，平日食生炒骨或咕嚕肉就比較多，但這道加上陳皮及話梅，除了酸甜外，更多了一份 特色香氣及懷舊味道。加上豬肉肥瘦得宜，有肥肉但又不會太過油膩，香口十足。❤️麥米粥晚餐接近尾聲時職員送上兩碗麥米粥作甜品，麥米粥本為懷舊糖水，口感煙韌又有高營養價值，含多種蛋白質和膳食纖維，現在已經買少見少了，難得今晚可

懷着希望去嘗試，失望的中菜。。。乳鴿好瘦，無咩肉。咕嚕肉酸味刺鼻。這個小炒王，全部都是炸出來的，沒有炒的鑊氣。魚香茄子，賣相很一般這個炒飯，不得了，一食就知用"美極"炒，鹹到不得了吃完飯又沒有甜品供應, 整體感覺欠佳。試了很失望