食神麗宮

營業中

休息中

老公一向喜歡食中菜，朋友介紹西環食神麗宮，酒樓由名廚戴龍師傅主理，主打自家製和懷舊菜式，今晚同我專程過嚟試吓！酒樓裝修好有懷舊感覺，燈飾華麗，環境光猛整潔。特醬燒乳鴿：即叫即炸熱辣辣，師傅用特製醬汁醃過，皮脆肉嫩又入味，唔需要點任何野都好好味！粉絲大蝦煲：蝦球大隻新鮮好爽口，加咗肉碎嘅醬汁調得夠味又有口感，粉絲吸收咗濃汁，惹味又爽口。開胃山楂汁炸新鮮魚塊：魚塊厚肉，大大件去晒骨，肉質新鮮彈牙，濃稠紅潤的山楂汁酸酸甜甜，令人胃口大開，啖啖肉好滋味！枝竹火腩生蠔煲：熱辣辣上枱，即時香氣四溢，火腩肥瘦適中，炆煮後更腍更香，生蠔大隻好肥美，枝竹吸盡醬汁、火腩和生蠔的精華，非常入味可口。飯後還有甜品奉送，喳喳好足料，甜度適中！