響葫蘆 燒物 . 居酒屋 (已結業)

響葫蘆，很特別的名字。聽說這𥚃的食物獲好評，便來一試。一入門，格局有點像卡拉ok房間，令我和mr bunny都有點猶豫⋯看先套餐食物選擇不錯，便點了個上的二人餐（$388)先來個送的花之戀，三文魚不錯，以免費來說很好。再上的沙律菜很新鮮，讚。刺身不錯，看到餐牌有很多活魚刺身可點，風評亦很好，應該可主打刺身的，惟豉油和wasabi 很不行，浪費了新鮮肥美的刺身。食物上的速度太快了點，還在吃沙律的時候，其他的已上得七七八八，上得太快人客是趕不及吃的，熱上遲了吃也會變冷，應注意一下。一口牛、天婦羅，以小店及其價錢來說已算收貨。軟殻蟹卷有驚喜，飯薄料多，蟹很脆，不錯。最期待的香橙焗銀鱈魚出場了，沒令我失望，很好吃。橙酸中和了沙律醬及魚的膩，味道有層次。加錢轉了蕃茄牛肉烏東（不明為什麼要加錢，分明與跟餐的拉麵是同價，擺明剝削客人）。味道一般，湯底可以，但烏東煮得太淋，可以不試。日本菜是smart bunny 的主食，因為常吃，要求是嚴格一點，感覺響葫蘆對食材及創意方面還是有心的。最後不明為什麼每人收$12茶錢，難道這𥚃是茶樓嗎？！

其實今次已經係第二次上來食飯, 上一次同老公今次同幾個朋友飯局上次點了一個二人餐, 今一次因為多人所以就散叫食物,我們叫左多款了刺身, 有三文魚,甘蝦, 北寄貝, 帶子,海膽, 吞拿魚等.....全部都好大件又新鮮跟住其他就叫左串燒, 壽司,天婦羅,店員同我地推介香橙焗銀雪魚, 燒牛肋骨都點了, 本人特別推介香橙焗銀雪魚, 味道真的很清新醒胃.而個燒牛肋骨都好juicy 之後朋友們想試下番茄黃牛拉面同冷烏冬, 大家都異口同聲話好味~今晚真的好豐富,  每人都係200大洋, 個個都食到好飽D野又好味道!這小店係我近來的大愛~

今晚約左老友去聽左麟右李演唱會, 一如以往, 都係在尖沙咀食飽先出發去紅磡的了. 老友想食魚生, 但我又唔想食放題, 於是就去阿哥極力推薦的響胡蘆比老友試試.呢間野, 其實我上星期都試左, 真係好正!18:15 我又再次無訂位咁衝上去, 侍應原本話食晚BOOKING FULL 晒的, 但我話我可以19:30 前交檯, 佢就比我入喇~今次, 2個女人仔, 唔食多, 所以叫左以下食品:三文魚刺身…肥美新鮮, 呢種口感, 係放題係無可能食到的.鹽燒雞翼…不過不失啦, 無乜特別驚喜1人餐(包一份刺身壽司拼盤 及 一碗豬軟骨拉麵)…刺身&壽司正如上文所講, 係好好味既. 而豬軟骨亦非常軟, 連我呢個唔太鍾意食拉麵的人都KO 左一大碗, 連湯都飲埋我同老友都係前世同牛有仇, 好鍾意食牛, 所以我就介紹佢食個乜乜燒牛肋骨…今次個廚將份牛肋骨起晒D肉, 切到細細塊, 入口果陣香味真係令人諗起都流口水…雖然2個人食佢係有啲飽, 但真係食得過的.我上次同阿哥佢地食, 我連骨都啜埋佢~埋單盛惠 $400..每人200, 同食放題差唔多,各有各好啦, 放題可以勁食魚生 ; 呢度就可以食到D放題食唔到的質素…我

半年前試過，現再重來，服務態度比以前仲好，食物多了各款套餐，今次我擇了一個2人餐，有刺身、天婦羅、海膽飯、清酒、甜品、仲有店的招牌菜等等，呢個餐有成11種食物，可以2個人就試到好多野食。刺身好新鮮好鮮甜，天婦羅也炸得很脆，又脆又新鮮，成個餐我最鍾意食香橙焗銀雪魚(是店的招牌菜)，好味到唔識講，魚夠滑，味道酸中帶甜，甜中帶酸很開胃，成個餐真係值得一試，三百幾蚊有刺身，有天婦羅，仲有燒酒，真係值本票價。

早两晚，又路經亞士厘道， 當然飯後的節目是喝酒吧！今只也不知道吃什麼好，見到有廣東燒味， 原先是想去廣東燒味的，但見到4樓一間日本野，好像不錯，滩是我兩個就就想去試一試，店内的地方不算太大，但由於沒有幾多人客，我們都不算太擠逼。我們點了一個刺身拼盤，有三文魚，甜蝦，海膽等等，刺身的質素一般，上算新鮮，但份量較少，一個價錢要400元。另外我們再點了兩個炒飯，一個是海膽炒飯，炒飯要百多元，但完全吃不到海膽的味道，另外一個是石頭鍋飯，味道中規中矩，不過不失，沒有甚麼特別！這晚上我們點了三種野，要七百多元， 食物質素只屬於一般其實是有點太貴吧！

新年屋企人聚會，上網物色日本餐廳，見這間餐廳評論唔錯就去試下。環境整體唔錯，係精致的居酒屋，座得幾舒服。原來餐廳出面仲有個空中花園，佈置得簡單舒適!吃方面那天晚上不斷嘆燒牛肋骨，牛肋骨燒烤程度恰當，好juice，另有特別的醬汁香，跟牛肋骨好夾！之後又點了很多壽司，刺身拼盤都好新鮮  特別係海膽壽司，雖然話海膽新鮮係基本，但往往係好多地方食過都覺得中規中矩，唔會有特別感受。但呢度食過覺得鮮甜得來仲有陣海水鮮味。還有點了串燒，天掃羅，可以一試！燒菇同粟米唔係好突出，正常。本人比較欣賞雞軟骨串，雞肉中間夾雜碎軟骨，食落幾特別，好煙韌，幾有爵口！總體來講都幾滿意，下次可以再來，試下其他嘢！

與小友再度踏上尋覓日式拉麵之旅。是日吃些相對地廉價一些的，午市拉麵及烏冬套餐各一個才花費不用一百大洋，於亞士厘道食街這地段來講，這已是十分經濟實惠的選擇....聽聞這所剛新開了不久的居酒屋的蕃茄湯烏冬是得到不少人的讚賞，對於我這亭茄迷來說這自不然是有一股莫大的吸引力。一坐低安頓好一切後便馬上叫了這個；另一款豚拖羅拉麵看來也挺引人，讓小友這個麵迷吃必定令他大快朶頤....前菜端來一小碟在尋常超市或外帶壽司店也可買到的人工海帶條。有極重的麻油味入口甜夾酸，算是頗讓人開胃的....試了一口店自慢蕃茄湯，感覺就有如上述在"大門橫丁"吃喝到的一般，味偏酸酸的略帶少許甜，看來同是下了不少茄膏進去熬的結果，這固之然就不能攫取小弟的歡心了；肥牛肉沒下底味淡口之極還有少少渣的，不嚐也罷；烏冬也不存很強的韌勁....總的來說，這只屬一碗飽肚用來充飢的東西，僅此而已....說它是店自慢之物的話，也就未免令人失望透頂了....豚拖羅的拉麵湯底是豬骨的，顏色呈肉白的味甚濃甜，不過多後不久喉嚨便有點特別反應，看來應是師傅作粹吧；豚拖羅片得薄薄淰淰的油份足但完全沒咬勁。對這類的肉質一向沒有太大好感；麵份量頗足勝在夠

受到通漲的壓力，要找一間抵食的日本餐廳吃晚飯實是不易。與其花上百元到商場連鎖店吃一碗普通的烏冬或拉面，倒不如找一些比較有個性的小店。亞士厘道出名多有質素的食店，而位於四樓的響葫蘆更是價廉物美。店內的環境舒適，人流不多，晚市定食$98-$148不等。這次試了：雜錦魚生葵風沙律+牛肉蕃茄湯烏冬 ($138)軟殼蟹卷物+三文魚茶漬飯 ($128)對比連鎖店，4樣食物都是不錯，葵風沙律更是上上之選。沙律汁內Wasabi味挺重，但沒有蓋過原有的魚生的味道，酸酸甜甜很醒胃，喜愛Wasabi的朋友可以一試。 卷物及烏冬雖沒有驚喜，但烏冬入口至少有手打的感覺。惟獨是茶漬飯挺失色，三文魚的量不夠，而茶漬既不香亦不濃，需要改進一番。令人值得為這間小店寫食評的，還是它的招牌菜，香橙焗銀雪魚。出爐的賣相比餐牌上的更是，自家調醬的香橙醬跟沙律醬出其的夾，加在燒銀雪魚上再焗一番，成為整晚的亮點。單憑這道菜，就可以叫人再來一次。聽說還有另一道招牌菜，我就留待下次再試最後一提，這裡的服務很好，還送了張五十元現金卷下次用

今晚約左老友去聽左麟右李演唱會, 一如以往, 都係在尖沙咀食飽先出發去紅磡的了. 老友想食魚生, 但我又唔想食放題, 於是就去阿哥極力推薦的響胡蘆比老友試試.呢間野, 其實我上星期都試左, 真係好正!18:15 我又再次無訂位咁衝上去, 侍應原本話食晚BOOKING FULL 晒的, 但我話我可以19:30 前交檯, 佢就比我入喇~今次, 2個女人仔, 唔食多, 所以叫左以下食品:三文魚刺身…肥美新鮮, 呢種口感, 係放題係無可能食到的.鹽燒雞翼…不過不失啦, 無乜特別驚喜1人餐(包一份刺身壽司拼盤 及 一碗豬軟骨拉麵)…刺身&壽司正如上文所講, 係好好味既. 而豬軟骨亦非常軟, 連我呢個唔太鍾意食拉麵的人都KO 左一大碗, 連湯都飲埋我同老友都係前世同牛有仇, 好鍾意食牛, 所以我就介紹佢食個乜乜燒牛肋骨…今次個廚將份牛肋骨起晒D肉, 切到細細塊, 入口果陣香味真係令人諗起都流口水…雖然2個人食佢係有啲飽, 但真係食得過的.我上次同阿哥佢地食, 我連骨都啜埋佢~埋單盛惠 $451..每人225, 同食放題差唔多,各有各好啦, 放題可以勁食魚生 ; 呢度就可以食到D放題食唔到的質素…我

今日放工由鄉下出尖沙咀接老婆收工。我哋一路行去亞士厘道，我一路問佢今晚想食咩？泰國菜？韓國菜？京滬菜？.. 佢諗都唔諗話「日本菜」，咁好喇我立即話食日本名菜「出前一丁」喇!..哈哈!...講笑啫!...邊捨得佢食「出前一丁」吖!......咁好…我就同佢食好嘢!我倆7點未到就去到一遊，門口侍應有禮貌問有無訂位？幾位?我答：「無訂位！兩位！」..佢話唔好意思今日已經被訂晒位，只有吧檯，老婆立即扁咀…我心裏一沈「衰咗!..鬼知星期三都咁多人出來食飯咩? 」.....我望住老婆，突然待應姐姐話可以比張枱我哋但要八點九前交枱...老婆話“ok吖“......嘩！好彩啫！一入到去見環境昏暗, 好有日本居酒屋feel，我感覺好好，好舒服。我倆坐低，侍應送上餐牌，我倆打開餐牌，食物款式齊全，如串燒、壽司、 刺身、和牛、日本送酒小食、意粉、飯、韓國料理都有….嘩！睇相樣樣都好似好好食、好吸引… …我正在苦惱...老婆話唔準睇價錢...“我請“...我答“哦“。 跟住老婆話我要食壽司...咁佢就叫咗特級雜錦壽司，佢知我會叫啤酒，所以佢叫咗燒雞串，佢話比我送酒 (嘻嘻! Yeah…)。而我就叫咗一個海鮮沙

食過響葫蘆既食物都有兩、三次，鮮茄牛肉拉麵都係第一次食，鮮茄尼個名絕對係實字名歸，鲜茄味非常濃厚，又好好味，牛肉夠多，但唔夠特出，但係湯底+拉麵美味蓋過一切，我第一次食拉麵連湯底都清晒，所以我話呢食野唔好只係睇個名好唔好聽，真係要食落口先之知特出！炸雞軟骨，可選辣與唔辣但本人覺得赿辣赿正! 

由於朋友們鍾意食日本嘢,詢問之下,朋友介紹一間新開日本料理,當晚人唔多,所以唔需要等位,入到裹面地方唔算大,但唔覺擠迫,坐低後,店員主動幫我將蛋糕放入雪櫃,還推介我地食香橙焗銀雪魚,先嚟兩個魚生沙律(個汁好正,酸酸地,辣辣地,好開胃,夏天食一流),跟住就梗係刺生拼盆啦!(刺生好新鮮,d魚生又大又厚),我地一邊食一邊點菜,到酒煮大蜆喇!(蜆肉夠大隻又鮮甜,朋友仲飲晒d湯添),仲有一條燒日本金目鯛(魚皮香脆,肉質甜美),終於等到香橙焗銀雪魚喇!(放上枱已經聞到好香,魚肉好滑,加上個汁酸酸地好醒胃,d橙反而唔酸,估唔到銀雪魚可以食,可能我見識小啦!),突然間店員送上一碗烏冬,話送俾兩位小朋友食,哈哈!真係服侍周到!期間都叫咗好多嘢食,有汁燒安格斯牛扒(好嫩,一d都唔韌,可惜小咗d),牛油果軟殼蟹卷(外軟內脆,老婆唔食蟹都話正),由於唔夠喉再加多幾客火灸三文魚壽司(哈哈!真係好厚肉,老豆一個人食咗幾件),最後師傅出嚟問我地試唔試日本岩蠔，今日空運到港,心想梗係試，我至愛!（d蠔一d都唔腥，好鮮甜，又大隻，朋友仲想食，可惜只得５隻）,今晚真係好滿足,下個月老婆生日,一定再去!

同親班朋友出去食飯, 個個都好似有選擇困難咁.......咁呢個諗食乜既重任~ 又落左係我上身 (因為我最為食, 又會搵D經濟D既餐廳)有時會比較鍾意去d小店食野, 因為煮出嚟既食物keep到, 個蕃茄牛肉烏冬, 真係堅好食, 同專賣烏冬果d鋪頭比較, 呢個係好食過佢地~ ichiban架~~~  ~>0<~

上次同老婆試過晚餐，見今次得自己一個就嚟試吓午餐啦！其實今次都係膽粗粗試吓啦，次次午市多數餐廳都出品一般，所以都不抱期望！一去到同預想一樣相當爆滿，可能一個人啦好快就有位！一座底定，仕應就同我講（我地今日開始全日85折呀，不過特價餐牌除外！）睇一睇兩款餐牌作比較，有（折）的就一個主菜+一碗麵+一杯飲品！特價的就一個主菜+一杯飲品！見今日唔係太肚餓，就叫咗個特價壽司試吓！一嚟到，賣相相當吸引！有7件壽司:三文魚（好新鮮）油甘魚（好肥美）吞拿魚（好鮮甜）熟蝦（甜中帶少少酢味）尤魚（不過不失）立魚（好特別，食落有少少咸得嚟又有少少gel口）黃金尤魚（好食）午

朋友同我慶生，揀左好耐，本想食放題，但友人吃得不多所以我咪唔放，諗住揀間幾好既食下日本野囉見到有4.7分咪上網訂枱亞士厘道既餐廳都唔會差得去邊上網訂完唔夠30分鐘有人打黎confirm效率幾好，但我訂8點，佢問我8半得唔得話啲枱full，我話要問下朋友，佢就話咁8點喇去到，根本唔滿，都唔知咩事當晚唔想諗野，落單全部朋友叫，望下價錢比一般日本餐廳貴但如果好食都值得既點知全部野既味道同一間好食既放題差不多你話佢特別好食又唔覺魚生係新鮮，但二百幾蚊既魚生壽司set得8片刺身（4款）加4件壽司，但刺身同壽司唔可以揀同味劍魚腩又無雞泡魚乾8 十幾蚊7個人，每人3條仔都無飯團，完全普通到叫左好似被騙，3十幾蚊一件牛肉煱甜到飲糖水咁有咩好好食就真係唔記得，但咁既價錢食放題會開心啲突然記得有個牛x骨係幾好食，唔記得118定128天婦羅都係咁無特別