韓閣 (已搬遷) 新店位置

難食到爆！！要講10次，我好耐都無食過禁難食嘅野食！重要成日有人排隊！啲人係咪傻架！！個牛展冷麵，牛展無問題，個麵痴住晒啲冰都算，比左一小碟好似話係醋嘅野，倒左都無味啦，最大獲係支芥末醬！超難食！個鐵板尤魚，咬到，但有陣雪味！個炸紫菜卷，炸過龍。如果要計個炸餃子叫最好味。我完全唔明荃灣係咪無野食到禁？難食到禁都禁多人話好食，有病！！！！！！！！！！！！！！！！！！！！！！！！！！！！！！

繼續係荃灣搵野食！今次同同事四人行去到荃灣路德圍嗰邊，見到有間韓國嘢就試吓啦！佢鋪仔細細但係都有好多韓國嘢食！一多人食嘢最好呢⋯⋯就係可以叫好多唔同嘢食！——————-蜜糖牛油炸雞呢個炸雞好好食，啲雞肉滑！份量好大份！快差啲食唔晒！——————-芝士泡菜煎餅佢剪得好薄仲有成塊泡菜響入邊， 芝士味又濃，又煎到脆卜卜咁！好好食！——————甜辣芝士年糕辣到啱啱好，好好味！年榚真係同係韓國食既一樣味！好有韓國風！——————-鐵板牛肉一人份量牛肉汁偏甜！但牛好好食！好簿！好好味！加飯都係$4！正！夠晒一個人食！——————-總結好味！好似去左韓國街邊咁！好有韓國風！

我哋一行四人又再出動搵好嘢食，今日我哋就去咗路德圍，搵到一間韓閣餐廳，門口已經好吸引所以我哋揀咗呢一間試，入到去好有新年氣氛，我哋二話不說就開始叫嘢食，我地點左佢嘅招牌菜亞之媽炸雞🍗、韓式餃子🥟、鐵板牛肉、芝士泡菜煎餅🥞同甜辣芝士年糕😋！好快啲嘢食就已經到，個亞之媽炸雞熱辣辣，非常好味又唔會鞋，好嘢未！甜辣芝士年糕冇得頂！芝士超好多，好好味，年糕柔軟又滑又有咬口！無得頂👍🏻(我個人超喜歡）芝士泡菜餅都好好食！仲有個豬手都好好味又滑又諗又唔會油膩👍🏻個個食到好滿足🥰！我個人推介甜辣芝士年糕！食過一定返尋味😛

同朋友途經荃灣，見到呢間店好多人排隊，好奇心驅使下都排埋一份。入到店里，座位有點窄，不過店員服務態度很好，很熱情。2個人點了4個菜，有點眼闊肚窄。芝士岩漿炒飯 - 很多芝士，很拉絲，很足料。蜂蜜牛油味炸雞 - 外脆內軟，但有少少偏咸。泡菜豬肉芝士手卷 - 豬肉有點偏咸鐵板牛肉 - 勝在多配菜

星期五晚上，我們仨揀咗呢間韓式小店短聚，家庭式經營，服務一般(真係有待改善)，價錢親民，食物質素一般，但唔知點解未夠8點已經出現人潮，不過我試過就算了。牛肉雜菜卷⭐️⭐️⭐️⭐️材料豐富，口感一流，牛肉味出又唔韌，必食卷物海鮮煎餅⭐️呢個煎餅好恐怖，好似油浸咁，輕輕一壓，d油即刻唧晒出嚟😱，一直食開嘅煎餅都係乾身同脆，呢個完全兩回事，材料豐富都彌補唔到鐵板香辣魷魚筒(一人前)⭐️⭐️⭐️一人前都好大隻，魷魚筒好香好腍好入味，唯獨辣度太勁，小辣程度嘅我只食到無辣椒籽嘅部份，墊底嘅菜完全食唔到蟹三式鍋飯⭐️飯撈好後屬清淡口味，食唔到蟹膏味、蟹肉口感係零、蟹子還可以，食咗少少已經無興趣，因為唔好味大家都食剩甜酸醬油雞(半隻)⭐️齋睇賣相仲以為係蒜香檸檬雞，咬一啖後覺得似蒜檸就同女店員確認，佢話放低錯咗，之後見佢即刻拎去另一張枱，此枱客人見狀當然唔會要啦，跟住就有個男店員去了解，其後又拎返我呢邊，仲好强調係甜醬油雞，我哋唯有無奈接受...就算食晒d雞我仍然覺得貨不對辦，不過公度講句雞係滑同入味嘅荔枝梳打⭐️⭐️⭐️⭐️荔枝味香濃又唔太甜，推介玫瑰檸檬蜜⭐️⭐️⭐️⭐️⭐️估唔到呢杯熱飲咁出色，飲完覺得好滋潤，玫瑰味香而檸蜜又唔會太

荃灣一間小小的韓國餐廳，入到去發現冷氣好大，人好多、地方好窄🙄，本身對佢冇咩期望🙊後來叫咗蜜糖味炸雞、薯仔煎餅、同埋蟹肉石鍋飯，好大驚喜😝😝😝我最鍾意係薯仔煎餅，雖然係油咗少少，但係咸度適中，味道非常好。而炸雞就普通啦，雞肉唔夠軟🙊🙊

今日同朋友係荃灣食晚飯，黎到「韓閣」～ 我地一早用app 攞位，所以等左5分鐘就已經有位，超級方便！我地一行5人，叫左5樣野，只係＄388，超級抵食！鐵板牛肉 ＄98牛肉有好多配料，包括粉絲／年糕，甜甜地，好好味！牛肉好淋，但唔算好多塊！三重芝士炸雞 ＄98唔好睇去細細碟，有成7/8舊，絕對夠3-4個人share! 之前試過蜂蜜牛油，今次既三重芝士比較鹹，唔係好推介！但雞肉熱辣辣，啖啖肉係值得一讚！海鮮煎餅 ＄72呢個煎餅好足料，有好多魷魚同蝦，個邊好脆，非常唔錯！溶岩芝士炒飯 ＄78呢個係另一驚喜之作，炒飯有豬頸肉，好好味！芝士份量亦都好足夠，撈勻炒飯，正呀！泡菜豬頸肉飯捲 ＄48捲得唔係好夠實，但味道一流！

聽聞荃灣路德圍有間《韓閣》🇰🇷味道非常唔錯..有韓國🇰🇷風味，於是同朋友就去試下，睇下搵唔搵到韓國既回憶！😂作為超級無敵芝士控..見到依個芝士岩漿炒飯就一定要叫啦！一送到黎見到佢既芝士真係好足料！！芝士混合左雞蛋，加添左滑既感覺，食落真係好邪惡！！！唔單止d芝士，係夾埋個有泡菜同埋豬肉既炒飯，真係好好食！誠意推薦！我朋友唔太好芝士都話好食第二樣叫左蜂蜜牛油炸雞，啲雞肉好嫩滑！外面啲皮好脆，加上啲蜜糖同埋牛油，唔會太多，但又剛剛好掛得到係d雞度。本身好煎蜂蜜味太重，不過依度既蜂蜜味唔會太甜，同牛油加埋味道岩岩好！推薦！眼見隔離枱食手卷同埋石頭鍋飯，都好似好吸引咁，下一次經過嘅時候一定要再試多次！

朋友介紹荃灣有間長期排長龍既韓式小店，於是星期五就同朋友去試一試啦。我地點左個迷你部隊鍋，泡菜湯底好惹味開胃，仲有我最愛既辛辣麵，熱辣辣，勁好食。之後點左個芝士岩醬炒飯勁多芝士圍住個飯，佢啲芝士裏面有流心蛋，撈埋一齊味道好夾，唔會好漏，而且個炒飯都好足料，有少量泡菜再加五花腩，真心推薦！大韓無骨豬手配埋泡菜、醃蘿白包生菜食，個韓式醬有啲唔同，豬手唔會乾，啖啖肉，好Juicy有3小碟前菜送，少少地岩岩好。飲品竟然有芒果啤酒，係韓國飲過一次覺得好好飲。另一杯叫左蝶豆花芒果奶，上檯會配一小杯芒果汁，幾有心思。

身為芝士控，一見到餐牌有芝士，就好想咩都叫嚟試下，好彩同行既朋友好清醒呢~阻止我瘋狂既行為，如果唔係叫太多就食唔曬啦 ;D今次叫左人氣料理芝士岩漿炒飯，雖然成盤都有芝士，不過唔理性既我仲想要多D芝士呀﹗我地仲叫左三重芝士炸雞，起初以為會有芝士拉絲係面，點知上菜既時候都有少少失望，唔夠芝士味，而且有D乾，下次試其他好啦~好彩最後有碟黃金海鮮盤，炸蠔同炸蝦都好好食，即刻平衡返曬~單叫完食物仲可以再加配薯條同飲品，價錢都好合理呀~

路徳圍其中一條橫巷，隱藏著一間小店，小店空間不大，主打平民化的韓國料理。我到達的時間，已經是晚上八點半，門外等候人數不多，但店內坐無虛席，幸好只等了大約五分鐘，便獲安排入座，位置雖然較迫，但這就是小店的特性。餐牌上，基乎涵蓋了，所有類別的韓國料理，由一人鍋，炸雞，到人參湯，手卷都有。只有兩人的我，當然只能品嚐冰山一角。下單後，先上韓式前菜，泡菜，蘿蔔，芽菜。飲品，亦同時奉上，夢幻蝶豆花及香芒金柚沙冰，前者酸酸甜甜，清膩，但可惜色沒有由紫轉藍 ，後者超大杯，跟餐價38元，香芒味明顯，但柚味不足，以且略甜，夏天必飲。半半雞，兩種味道的韓式炸雞，蜜糖牛油及甜酸醬，各八隻，可免費轉成雞鎚翼，醬一般，但雞肉多汁，皮簿肉嫩，兩人消滅十六件，輕鬆。無骨豬手（例牌），肉夠咬口，皮夠淋，味道偏甜，似中式蜜糖炒豬手。鐵板泡菜五花腩，韓式辣醬又甜又辣，五花腩夠淋夠肥，下飯一流，齋食，口味偏重，韓味十足。水梨牛展冷麵 ，平壤式冷面，煙煙韌韌，口味清爽，記得叫服務員用剪刀剪開，牛展入味，配水梨，更清更爽。最令我驚訝，莫過於牛骨蘿蔔湯，以韓式煲盛裝，湯清，牛味濃，不油，清淡，暖胃，好飲。每一碟分量十足，性價比高，

小店在晚市平均消費每人唔駛$100，份量充足，所以每每在外形成小人龍等候～餐廳亦算細心，店外有數張座椅讓人小休。今晚我倆都不太餓，所以只點了一個珍寶香辣海鮮湯，一份加了粉絲年糕的鐡板牛肉及２杯飲品。座位與座位之間機乎沒有通道，看著店員拿著滾湯左穿右插都幾「動魄驚心」珍寶香辣海鮮湯是用大醬同泡菜做湯底，飲落喉嚨有小火燒感，好過癮～加上海鮮是新鮮貨，所以清甜度十足，忍唔住飲哂個湯～鐡板牛肉份量係驚人，但牛肉＂喇＂得太勁，肉味稍稍不足～但跟餐個蘿蔔清雞湯勁好飲！飲品跟嘢食熱飲＋＄３，凍飲＋＄５，不過熱飲凍飲都似水咁淡，叫汽水可能會好少少。。。一分價錢一分貨，完全係小店ＧＥ寫照。

落完單就比3小碟韓式小食，夠地道。店內仲有好多傳統同特色的食物，花多眼亂。飲品當然要叫，酒依到都有。叫左蝶豆花同香芒金柚沙冰。沙冰好大杯，都夠兩個人飲。水梨牛展水冷麵夠晒凍，店員仲建議我地可以加入蜜糖芥末醬，果然更好食，水冷麵爽爽地。配合埋水梨，好fresh。叫左兩種雞，甜酸醬油，蜜糖牛油。可以免費轉雞腿雞翼，雞夠滑，唔嚡口，炸粉唔算厚。無骨豬手啖啖肉，甜甜地，見到有食客，叫個例牌加個白飯，就一餐。鐵板泡菜五花腩加入泡菜好惹味，豬腩肉未至於好肥，一人分量都好多。牛骨湯，好鐘意依個湯，夠清甜，仲有菜同蘿蔔，建議大家可以最尾飲依個湯，可以令口腔清新。依家冬天，仲有一人火鍋選擇。

之前經過這間” 韓閣”看到午餐很抵，本來特意多試試，但原來星期六沒有午餐供應，不過不緊要吧，一於入內試試，餐廳牆身是紅磚牆設計，感覺温曖舒服，餐牌頗多元化，如有炸雞，湯品類，鐵板料理，飯類，粉麵類及一些特色小食。韓式餐廳都會提供前菜小食，先來3小碟前菜，分別是泡菜，白蘿蔔及芽菜。點主食前先點了週年小食優惠的紫菜粉絲卷 $25 –這個紫菜粉絲卷外面是炸脆了的紫菜，內裡包了粉絲和一些蘿蔔絲，外脆內軟的口感，不錯的小食。今天天氣有點冷，來一個部隊鍋吧。部隊鍋 $78 – 濃濃的湯底，配有多款配料，包括特選牛肉，五花腩片，雞肉腸，韓國午餐肉，年糕，泡麵等，暖胃之選。鐵板牛小排(增量) $138 - 鐵板呈上，熱辣辣，牛小排很惹味，點了增量分，相對會有增量主菜粉絲及年糕， 牛小排份量真的不少，超大滿足，這個餐還附送餐湯。 味道濃郁，佐飯一流。香草薯條 +$15 – 點主食可加配一些項目，點了香草薯條， 薯條即炸，包保新鮮香脆。真露 $32 –韓食配燒酒，真情流露。

💁🏻‍♀️韓閣 (荃灣)🍽之前已經食過呢間，但覺得食過返尋味所以今次又同男朋友去食🥰🥰芝士岩漿炒飯（$78）🧀極邪惡😈天寒地凍，滿滿嘅芝士撈埋泡菜炒飯食，真係食完會有幸福嘅感覺😽以呢個價錢來講，個飯真心大份，Cp值高！泡菜煎餅（$68）超好味！唔會太多粉，又煎得好香，個煎餅都足料，我地仲要食唔曬打包可惜兩個人食叫得唔多野，建議大家多啲人組隊食會抵啲🙆🏻‍♀️/📍韓閣 (荃灣)#荃灣 路德圍運通街地下10M號舖#小丸子搵食記 #小丸子荃灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn