韓舍 (已結業)

之前聽講好似幾多選擇，又幾特別(類似酒店式的)…一般放題都係2個鐘，但…韓舍只有1個半鐘…差…好差…食物方面… ：炸物：凍，炸咗放咗好耐，感覺好油…韓燒：只有個半鐘，唔夠時間燒…刺身：細粒，每次只限四小件…甜品：無咩特色，個半鐘唔夠時間…總結：食物極普通，無咩特色，最主要時間短，完全未能試各類食物…差…無下次…更加唔會推介…

星期六係旺角同班朋友睇完戲去了呢間食自助餐。朋友食過話不錯，入門口見啲裝修都幾靚，食物應該吾會太差。因為5點第一場，吾係太多人，所以坐左攞食物個邊。是關我地lunch都未食，係咁搵熟食及炸野，麥樂雞pizza好正，個咖喱雞簡直就係超班。跟住攞其他野打邊爐清一清先，開頭以為個火鍋係水，原來都有味，清湯味。食完再進攻壽司刺身，刺身一次攞4塊，要走幾轉，當做運動，個塊鮑片我攞左4次 食完自己再整沙律，有個沙律薯仔都不錯。呢度甜品都很多款式，簡直每款食兩個都飽死。 總括呢黎講呢間野都出乎意料多野食。野食質量都不錯。自助餐，火鍋都有，一個地方食晒咁多種類，食到我同班朋友飽到不得了。

朋友好想食韓燒~ 咁我地上Openrice 搵下係旺角有冇間想去試架呢?見到韓舍係酒店底韓燒~ 睇食評又好似幾特別 可以自己整棉花糖, 又可以自己整雪條...咁就同朋友BOOK左~去到, 佢真係幾靚, 而即時吸引我地既係, 門口好大好既地方係甜品區, 真係好多選擇 感覺良好! 不過都係食左再講.. 有好多野都係得個樣。咁不如, 按我當日食物種類同大家分享下啦:Kimchi:個覺得呢碟野有d hea.. 個大白菜顏色超奇怪! 唔好食.. . 平時我係狂食kimchi, 今次就真係完全冇咩食過。壽司:門口有壽司, 日本小食。 壽司賣相好差, 又散又變型…師傅都幾HEA… 同standard 幾底下… 我食左兩件, 一件有cream cheese, 一件係唔知係咩..中間好多三文魚但冇味, 2件都幾難食下.. 如果件cream cheese可以係鞋既, 我真係唔敢食刺身…甜心蛋: over cooked!凍海鮮:有青口, 蝦同 螺: 見佢似翡翠螺, 我拎左兩件….都係成口沙… 係口到 “確確聲”肉類: 今次黎ofcoz 係食燒肉啦! 行個round…睇上去好似好多野食, 但係簡得落手既就真係

九點吾駛等，即入，位置偏遠但就幾舒服，出去睇一睇，這𥚃的魚生，咁既價錢，無得要求喇！肉還是肉，無咩菜食，話有邊爐但只可以煮下丸，菇就無咩用，D所謂烤肉，無咩特別全部自己去BBQ時買個D，全部腌得個咸字，D牛肉真係好難食，淋PAT PAT即吐，加二十元汽水係無氣的，好似飲糖水，個D熟食甜品都還可以，真係無下次.....

抵食到爛!!!如果你係有選擇恐懼症你就唔好去太多種類除咗各式醃得非常好味的肉類, 海鮮, 菜, 丸類一個半鐘係唔夠架...啱啱好夠一個半鐘就趕你走仲有刺身壽司仲有各式各樣嘅春卷, 飯麵, 湯, 咖喱角 etc etc etc仲有打邊爐!!!有甜品, 有cotton candy 機, 自己整架!!!有得食, 有得玩, 有驚喜一次滿足哂三十個願望!!!service ok加$20可以任飲加$40可以任飲啤酒!!!but 食完 very 口渴肯定用重味精醃

話說都同女朋友黎呢間食左大大話話有十次大部份都係揀5PM至7PM呢個時段最早期係118+1最近一次食加左十蚊一如以往, 去到都係食下刺身, 食下韓燒, 掃下甜品咁記得幾個月前, 都仲有吞拿魚刺身, 而家就要等到7PM打後先出不過收128+1呢個價, 仲有三文魚, 希靈魚, 雕魚同蟹棒都算過得去加上冷盤有青口, 有蝦, 有螺, 叫做值回票價啦用黎燒既肉類同其他任食韓燒無大差別, 唔多提喇熟食方面真係好悶, 食左十次幾乎都係果D野薯蓉, 蕃茄杯, 咖哩, 炒飯, 豬腳薑, 湯, 糖水, 雜菜甜品其實都係果D, 但間中都有一兩款新既蛋糕啦唔明佢擺幾筒假既MACARON係度, 又冇真既畀人食, 有乜為?其實食野果方面都算係不過不失啦但講到服務, 最近一次去真係差左好多老早就埋黎收錢夠鐘前五分鐘就走埋黎狂收野頭一小時廿五分又唔見你地咁熱心張檯有豉油叫佢唔該抹一抹要叫三次先聽到, 原因係掛住吹水搞到我要大聲叫, 叫完仲要好似我好冇禮貌咁掘住我叫畀兩杯熱茶, 第一次黎既係熱水, FINE再叫啦, 竟然係倒凍水一直都有熱茶供應, 如果取消左係咪應該講聲而唔係是但倒D水畀我?最離譜係, 岩岩夠鐘, 真係

係旺角行街，唔知食咩好，見到有人派傳單，寫住酒店式自助餐，d相又影得幾靚，價錢130，就行去睇下，地方几大，我哋去嘅時間係5点幾6点，所以唔冼等位，佢哋安排咗張大卡位俾我哋，又近攞食物，甜品位置，超正，除咗铁扳燒，還有一小窩人参雞煲，打邊爐都得，首先攞咗铁板燒食物先，有好多款，牛扒，牛肉粒，朱頸肉，魚呀，瓜呀，十幾廿款，绝对冇将货就價，牛扒牛肉粒，食落好諗，一d都唔硬，朱頸肉又好爽，其他魚呀，瓜呀都好好味(可能我自己燒得好啦，哈哈)再加少少辣粉更加惹味，第二轉就攞熱葷，款式唔多得四五款，我冇嘜点攞，淨係攞咗咖哩雞，但唔係好得，雞肉太老，有個師父即制印度薄餅，都OK 啦，之後壽司同刺身，壽司唔係好多款，我就主攻刺身，三文魚，吞魚魚，鯛魚，八爪魚和蟹柳，色澤好靚同好新鮮，最後係甜品，見到d甜品由師父自家制做，有兩個雪櫃放滿一杯杯甜品，一囗蛋糕仔，另一邊還有雪糕，同埋自己整格仔餅，雪條和棉花糖，除咗格仔餅，其余兩樣我睇唔明点整，所以冇試到，但都好有創意。其實有一邊係放飲品的，行到埋去見唔到有杯，問一問先知原來要加$20位，生啤 就$40，總结呢間餐廳真係好低，一定會再來。

因為見到這家放題店好像很有特色就來試試看。桌上有這樣的小食，但感覺放置了很久/_\！然後放題送雞煲?! 這個味道還不錯。這裡可以韓燒~ 食物質素和調味還好但是燒熟了也超難咬開=  =|||| 很多筋~!!!!炸物完全PASS!!! 感覺炸完放置好久的樣子。一點也不脆 = A=！胡麻醬凍豆腐、溫泉蛋之類的也很失望 最好吃的大概是這個牛筋粒 ^^ 但這個需要排隊等師傅煎~而且每次只會有4粒~想再拿要重新排隊 (但放題時間有限，其實吃不到很多w)甜品方面，能選擇的款式是很多。不過味道實屬一般，有些甚至可以用奇怪來形容=皿=!像那抹茶卷蛋吃下去就超乾.......如果要說最好(最正常)的甜品大概就是這個木槺布甸

小妹怕人多擠迫，故已很久沒有去旺角覓食了。每月一聚，碰巧A生日，搞手M揀了集韓燒、雞煲、自助餐於一身的韓舍。今晚，小妹依時赴約，由地鐵站步行至創興廣場，肩摩轂撃，舉步為艱，花了不少時間才到達韓舍。去到門口，頗為驚訝﹗餐廳裝潢、格局似西式酒店多於韓式餐廳，地方闊落而座位寬敞，用餐感覺相當舒適。琳琅滿目的甜品櫃放於大門入口處，極為吸睛﹗ 是晚，每位收費$158，任食兩小時，食物以中、西、日、韓式為主，除了生的燒物，也有熱葷、冷盤、刺身、甜品、糖水等，選擇多樣化。美中不足的是 - 收費不包括飲品﹗若要飲品，規定每枱每人均須額外付多$20，即可無限添飲。吃韓燒、吃自助餐，豈能沒有飲品呢？擺明是要搶錢的。飲品這一點，讓人覺得餐廳略為失當及小器了，不太認同﹗ 坦白講，飲品不是甚麼貴價嘢﹗此外，食客飲多了飲品，就自然吃少了食物，餐廳根本毫無損失﹗安頓後，小妹就出去巡視了﹗點品和餅點款式多，色彩鮮艷，又的骰精美，教小妹垂涎三尺﹗又見自製窩夫機、自製雪條機、朱古力噴泉、爆谷機，友人M表示聖誕節可帶家中小朋友前來，有得食又有得玩，一定超級開心﹗冷凍櫃有壽司、刺身(三文魚、鮑魚片、榮螺片、松葉蟹柳、希露

自問墨水唔多,學人寫幾個字啫我和兩位朋友一起去吃午市的免烤餐,上午11:30分起便可以入內進食,座位很好,沒有壓迫感,只是距離拿食物區遠些少,要食免烤餐便是這樣 免烤餐是熟食為主,款式有:白汁雞肉/肉碎茄子/翠瓜魚蛋青口/豉油王炒麵/椰菜,西蘭花/咖哩肉類/壽司/白飯/糖水/紫菜湯/沙律/冷麵/蛋糕/汽水,咖啡,雪糕,夾餅機,棉花糖機......熟食新鮮熱辣辣,賣相也不錯,在這天時食落肚後很是好味,滿足感好好,         而凍食的食品雪糕/冷麵/壽司.....都很新鮮,各色各樣,琳瑯滿目. 各款食物味道都ok啦,款式需然唔多,近期食兩次款式都一樣,         要求唔高的話,都能令人吃飽飽

一定要訂枱，因為我地企响門口等人齊時不斷見到walk-in果d要等到9點後先有位，仲要只係平日，假期一定更加要訂枱。香港地而家食飯要訂枱是常識吧！我地一共7大2小1BB，餐廳安排左左右兩張枱俾我地，十分闊落，坐得好舒服而本身間餐廳都唔係將在場排到密密麻麻，行步路都要打側身果D，呢點確係抵讚。食物方面，肉類選擇都算多，但味道全部差唔多，係偏甜的，但我覺得幾好。成晚燒得最多係牛仔骨，其次係牛柳粒，雞翼係大大隻，羊扒就被評為唔好食，仲有菇類，大大片雞脾菇，燒完係好好味。冷盤有蝦，青口同螺，亦有刺身同壽司，算係唔錯。熱盤亦有好多，多數係炸物，炸春卷、炸魚柳、炸魚餅之類，仲有炒飯，算係幾多選擇。到甜品款式，拍得住唔少酒店（當然唔係話5星級水準果d啦），但好多款都好好食，特別推介相入面細細粒既朱古力，好味有小朋友最開心見到既綿花糖機，爆谷機，仲有個類似朱古力噴泉不過係用d白色物體，唔知係奶定白朱古力，仲有部整雪條機？！第一次見最後，仲有雪糕食，真係大滿足。最後提提飲品係要加錢，全枱位位20就汽水任飲，想飲啤酒就加40。

同朋友兩個人去咗韓舍，點知成肚氣，得個半鐘頭其實係唔多夠時間，8：00入去9：20就走過嚟收錢，我地尐野未食完就每隔2分鐘走嚟叫我地要交檯，唔係剩好多，得尐一舊舊蛋糕仔甜品之類，到9：40咗右同佢講話好快食完佢都仲要話要交檯俾下一輪，唔俾我地食埋，要浪費尐食物，真係一收咗錢就係咁催我地走趕客，我見有張檯仲早過我地都未走，又唔係多人等位，尐野又唔係好好食，如果佢唔係多選擇我都唔嚟，我第一次帶個朋友嚟食，人地專誠請我食生日飯，又搞到佢都一肚氣，我幾咁唔好意思，幾唔老黎，真係枉我先前幫襯佢咁多次，唔怪得黃金時間都咁少人等位啦...可以話我無喺限時之內食完我都有唔著，但唔會話一夠鐘就要即刻掉低筷子即刻要消失下話？得個半鐘又要出去拎又要燒邊個夠時間，正常都預鬆3, 4個字俾個客走盞，最貴時段得個半鐘仲要催命符式厲鬼纏身每兩分鐘就嚟要我地交檯（出面都有2個鐘），出面食放題從來未試過咁，之前幫襯佢都唔係咁，咁搞法實真係盞同客爭執趕客..唉..服務咁差就算尐野有幾好食都無用，何況麻麻，做生意靠口碑，有時好嘅野尐人可能覺得係應份未必會讚，但衰嘅野就一定一傳十，十傳百街知巷聞，我都嬲到要上嚟鬧，唔上嚟都唔

朋友話...呢間韓燒好好味..於是就黎試下啦...一黎到..店內環境幾好..唔知以為自己去左酒店~haha~!肉類雖然唔多選擇,但係都幾入味...有多春魚啦...佢個咖哩魷魚都幾唔錯...記得要試啦...菜同瓜類都幾多..有韭菜啦...青紅椒呀 茄子 最最最好味就係個洋蔥..燒完又甜又爽..佢有d冷盤架...果日我食嘅就係凍蝦同埋青口...佢d刺身雖然每次只可以拎4塊..但係都係厚切..唔錯架...佢有棉花糖機架..可以自己親身整棉花糖..第一次整..真係好新奇...甜品必食牛乳布丁同木糠布丁啦~細細杯..唔會好甜...手慢都冇晒...雖然係服務態度麻麻~叫極d人都好似聽唔到咁...但我會再去食架...因為d野食真係唔錯

2戈013-8-8去到旺角韓舍食午餐韓式燒烤（呢度有得比你選燒烤或放題任食.燒烤加$20），環境：入到去環境不錯，可高空望到外面，而且地方企理。食物：款式特別，有自制棉花糖，自制雪條，但韓燒食物種類小，所有肉都無乜味，而且吾好食，有咖哩鮮魚蛋等熟食，飲品只得汔水及凍奶茶，甚少選擇，整體唔好食 服務：得3個員工照顧超過十五張台，我坐左接近三小時完全無人執野，而且電話訂位時，接線生態度差。 而且呢間韓燒係吾比落油，攪到我不少野痴底價錢：呢度算平小小，午餐$78+1，即都唔駛$901位

第一次食野嬲到要寫食評開頭見環境不錯以為是一間不錯的餐廳接待員問得得個半鐘食有冇問題(其他任食餐廳都有2個鐘)因為想試下就接受左但食左1個鐘就開始趕人走諗住食埋台上少少野就走可惜5分鐘內比人吹左3次只好無奈浪費食物走人環境方面環境比人感覺非常高級可以話有些少像高級餐廳衛生不錯證明裝修放左唔少心機大玻璃睇景,位置鬆動令人舒服相比依點做得好過好多餐廳食物方面壽司,刺身不錯算新鮮但不是肥美熟食有PIZZA,青口,咖哩等等不過不失甜品做得最出色,好多款牛奶布丁推介好香雪糕無時間試因為比職員趕住走生食燒物去到韓燒餐廳最重緊係韓燒但係佢依方面既野食做得最差款式選擇出奇地少好多款燒物都冇得夾我真係未試過食肉都可以食唔落牛肉豬肉雞肉羊牛食落口完全係食唔到肉味只係食得出鬆肉粉既味道魚肉一樣都係食唔出魚味大大隻字寫住原味牛肉但完全食唔出牛肉味就好似某D茶餐廳咁牛肉係冇牛肉味雖然其他韓燒調味重唔健康,但係依間食落連味都冇燒爐方面雖然唔供油倒落爐面但比想像中冇咁痴D肉,可以接受依間韓燒比其他韓燒餐廳唔同個爐唔係用明火燒,原理似焗燈有條柱發熱冇明火燒出黎咁好食或許會健康些少要用好耐時間先燒得熟食物且燒得唔夠香仲