韓舍 (已結業)

朋友口中呢間自助韓燒幾OK我地無book位所以都要等一陣 , 好彩好快位 仲闊落既卡位坐TIM位都未坐定 就爭取時間衝左去拎野食我見到最正 係(甜品) 好多款有cheese cake, 果撻, ,木糠布甸…全部細細件 , 我可食多D款.佢呢度自助形式有個生肉區 比客人夾番去埋燒起碼有廿多款 , 花多眼亂一口牛重牛味豚肉厚度剛好 , 好快燒完有得食 , 味道亦唔錯雞翼 雞扒 豬扒 金沙骨 牛仔骨等都okD肉算夠入味 燒完依然好有肉汁冷盤有凍蝦同青口, 翡翠螺 都幾好味除左時間短左d之外, 基本上我同朋友都好滿意呢餐

經過多次都未試過就襯有機會試下，雖然未聽友人食過，但下面見到好次唔錯咁就上去啦，我地2人係5：30入座，可選擇至到6：30$98或至到7：30$148，我地選擇了至6：30，入去座位超大超舒服，馬上去攞食物，我負責攞甜品，生熟食物都不少選擇，但刺身就要排隊我們放棄了，先食熟食，豬腳薑冇味，超多腳毛，蝦不感到新鮮，其餘都係咖哩角同春卷，一點都沒特別，至於燒肉係主角但超失望，全部都不是韓式味道，比起漢×苑難食得多，菜類選擇少，至於甜品更是失望中之失望，超難食，唯一可取係啫喱同雪糕，我沒有整棉花糖，相信唔會難食吧～不過唔會再嚟試了

忽然想食餐勁... 就簡左D韓燒可以任食  因為有book位.. 所以一去到唔洗等 韓舍D裝修幾舒服同開揚 ,, 每枱都有個小型抽油煙機既，希望客人唔會食到滿身油煙，但其實點都會有DD味佔左係身！不過設計算貼心了 食物既款式算多,中日韓都有！而且睇落去好乾淨 感覺良好!前菜都有好多,,沙律﹑壽司,,海鮮,,凍盤有大蝦,青口 .. 冷凍櫃仲有好多刺身(三文魚、鮑魚片)、另外仲有D冷麵、中華沙律等等。款式好多.. 見到真係幾high哈哈另外有大量甜品，第一次見到DIY既雪條機@@ 可以自己選D 預備好既漿上一個冰機到.. 之後自己設計形狀!!!!仲有兒時成日都想玩既diy棉花糖機!!! 絕對岩有小朋友既家庭 至於燒肉同其他燒既食物，都好新鮮! d肉食落去唔會乾身 成口肉汁! 特別係D牛肉片!! 口感好正！ 並不是出面個D比梳打粉狂醃個D~(醃到都分唔到雞肉同牛肉)蔬菜類算多.. 而且切既size 比較大. 唔需要行好多次都夾到自己想要既份量美中不足既係,,兩小時真係好快過... 有少少趕 不過overall 係滿意既

 My friends have told me that 韓舍 is a good restaurant to catch up with lots of food choice and dessert so I decided to go there to try it. I went for a round trip seeing what sort of food they have. The choices of food actually is very impressive as i can find popcorn, marshmallow machines, sashimi, sushi, Korean food for BBQ, hot dishes and cold dishes. It was just like a hotel style buffet given that the price was very reasonable.The first thing that i tried was their Korean BBQ. They do marin

韓舍既裝修幾高級又舒服禾 食物素真係唔錯！先講到個款式先，真係中日韓都有！仲有d你諗唔到既都有tim好似甜品咁 又有錦花糖 桂花榚 最神奇係連DIY既雪條機都有 味道都好正就算係熟食都有超多 肉類係韓式放題就不嬲多 就連炸物都唔少 好似炸芋絲呀 炸雞肉呀等等講返味道先 佢呢到d壽司同出面日式放題有得fight!佢個天婦羅壽司係我覺得好正 佢蝦肉好柔滑 好彈牙 個皮又脆！包括佢個到d炸物都炸得好有水準 外面真係脆口甘香～～～去到燒肉同其他燒既食物，佢地d肉食落去係成口肉汁我就鐘意食佢地既牛肉片 又唔會好簿 又唔會話太厚 所以口感好正！有時仲可以拎埋粟米加個錫紙兜去燒 加多少少汁 仲好味！仲有佢地既甜品雖然沒話好味過酒店 但係味道唔會太差 好似d桂花糕 都過得去 同款多 變左會有好多唔同味選擇有時見到d人話款式少或者食唔飽都覺得有D怪 自己真心又試過唔差禾

幾個月前先去過韓舍，依家有FD生日都會去呢間食。一黎食物款多，二黎質素算高!!!!佢燒烤肉類给多即選擇 有牛扒，牛肉，豬扒，魚柳等而且肉類醃得入味，肉質實之餘又嫩口。間野唔單止肉ok，其他食物，例如刺身都值得推介尤魚爽口 好弹牙 三文魚 厚切 好肥味韓舍既海鮮湯都好正，海鮮味已經係鍋湯到，勁香濃而且湯內既魷魚同蝦都好有鮮味~~火灸三文魚腩壽司，三文魚，花之戀樣樣都好正!!!尤其刺身好鮮味，舊舊都食唔停不過有時多人要等位，比較麻煩。但食物真係幾正，我仍會KEEP住去呢間

一入門口，見到環境OK, 點知行入去坐低啲煙大到煙霧瀰漫！我直情想標眼水！食物種類OK多，但個爐啲火唔夠大，燒件鷄中翼要差唔多九個字，仲要食落口唔夠熱同冇燒烤味，我依家食slow cook 呀！的冬菇燒到啲水乾哂都未熟，粟米到我埋單走人都未得，仲要限時個半鐘即係叫人燒一轉就唔使食！檸檬水同洛神花茶飲咗一啖就要倒😨😨好難飲！真心唔明點解有咁多好評，我覺得漢和好食好多！

不知怎地，近期多了吃韓燒和放題，尤其在週末，跟朋友一起不想太花時間去找吃什麼，又想大吃一場，放題確實是一個不錯的選擇，而想吃肉類的話，韓式就比較容易滿足食肉獸。這個週末晚，在旺角覓食，便找了這間韓式放題店韓舍，齊來週末任你點。這店在週末9點半後有特價，每位$178，我們兩人就預訂9點半這時段。餐廳座位以卡座為主，坐得頗為舒適，而爐則棄用傳統高高掛的韓式煙筒，而用較新穎的款式，節省了一些空間。食物以自取方式，而非寫紙仔，燒烤類的食物當然是主打，我們兩人吃得不多，每樣都拿了一些，豬肉、肥牛、雞翼、腸仔等基本款式都有齊，而雞翼有辣有唔辣，吃得辣的建議一試，個人認為幾刺激的。我們都是注重效率的人，所以喜歡一次過燒很多件，然後慢慢吃。食物不只韓燒咁簡單，有不少熟食的，我也取了些燒雞、魚柳和蝦。喜歡甜品的，會覺得開心，因為勁多選擇，各種果凍和布丁都有。飲品方面，汽水和花茶任飲，啤酒就要加$45。小評:食物種類多，目不暇給，好比一些三星級酒店水準，反而韓燒的部份就比較普通，食物水準尚可，以$178這價錢，還要身在旺角，我認為很抵食。

對於韓燒，大家應該一向吃得很多，那麼多間的韓燒之中，我最喜歡的就是韓舍啦原因就是它什麼都有，不會只限於燒烤食物，還有很多熱盤，最重要的就是它甜品很豐富。有朱古力噴泉，有很多水果讓大家挑；還有雪條機讓大家製作雪條，很有趣！另外有棉花糖機，光是甜品已經讓我覺得很有趣很好啦，更何況食物也不錯！呢度食物都幾多元化，但身為牛魔王的我當然是主打「牛」啦呢度既牛肉尚算新鮮，色澤都唔錯，而且食落仲幾好牛味雖然唔同位置既牛肉味道差唔多....冇咩大分別，但系口感就各有不同，牛肉粒好淋好鬆化啊我地仲食左好多甜品，仲有朱古力噴泉，真系甜到入心啊質素唔錯，下次會再黎happy together

之前都聽過韓舍個名。知道個到無論係日韓食物都好正，見有假放就去左試下。 刺身的質素一樣很好。三文魚吃下去很新鮮而肥美，食落去冰冰地又新鮮 ，真係超正!!!!!講返佢既身炸物，佢炸物都有好多花款，當中炸魚柳最正，個皮又好脆，內面又熱。其餘，青口真係要推薦出去，經過燒左之後，青口香未食已經令人流哂口水，而且好易就可以拎到D青口出黎，個陣肉香，依家諗起都好想食 !!!之後就再去拎肉去食，攞咗一大碟返埋位去燒，同出面一樣都好多類別俾到我地。 佢地既肉汁好多，食落口真係成口肉香，肉質都好嫩口，但有少少肉我覺得好肥，但唔算話好多肉都係咁，好多都肥瘦均衡，所以都接受到。甜品都幾出色,類別真係有好多，要留肚食甜品，朱古力蛋糕 綠茶糯米磁 紅豆糯米磁 堵喱 雪糕!!!!!而且質素好高，要逐講真係有排講!!!總括黎講，真係要試下!!!

我個人好喜歡食韓燒，趁同個朋友聚會，就選擇左韓舍去到裏面一望，已經知道佢裏面有好多類食物 熟食呀 刺身呀 燒肉呀 真係咩都有咁當然，刺身我同班fd一定會食左先！！！希靈魚既肉非常爽口,味道鮮甜不過三文魚更加吸引，佢既魚腩除左厚身而且陣甘鮮令人食到唔停手,但因為都要留肚食其他所以就沒食咁多去到食燒物啦！！佢生果時都見到佢既紅白非常均勻，煎出黎就肉香已經吸引食落去肉汁更加係必出黎！！海鮮都唔差，基本上每一舊肉都好多，無論係蝦或者螺，陣鮮味都好濃郁!!!其他炸物都唔差，好脆口，仲有好多選擇，趁熱食就一流。最後黎講，呢間款式真係幾多值得推展!!!

因爲之前已經聼到友人話呢間野好好味，友人又話好多款式揀+好多甜品，仲話好味過漢X AND 漢XX多多聲甘聽到甘正，緊係要去試下拉，事先並冇諗過食，所以冇book檯，去到冇咩人等，而且下一臺就到我地，諗住應該好快有得入，點知等佐一個鐘，我地諗住走人時就叫到拉，於是入去原來佢全部都係6人檯，每檯得一個爐，5怪得會甘耐，坐係我地隔離個D好多都係2個人，設計個個人真係好有問題，4人檯都好D阿，我地2个人坐係張6人檯大到講野都聼5到，真心diu左出嚟好啦，到食物拉，等佐甘耐，緊係第一時間攞熟食食下先熟食有炸魚柳，咖喱角，星星炸雞，炒飯，豬腳姜，海鮮喇沙，有D 5記得左甘多樣野食最好味ge係喇沙，全晚我自己食左滿滿2碟，入邊有蝦，青口，片頭豆卜（呢兩樣索曬D汁勁好味）仲有D菇同芽菜其次居然係炸雞（因爲好難整得5好味，大家可想而知），但我食左3塊之後就好滯拉其他認真痲痲到已經5記得咩味之後到魚生同壽司拉，D三文魚變左色ge，我食都5敢食，D壽司飯好大舊，食一舊已飽之後到燒野食拉，種類都算Ok ge，但得黑椒牛仔骨好味，其他個D肉都好靭見到有豬腸燒，攞左幾舊燒，點知食落臭ge到甜品拉，的確係好多款式，

韓舍個名平時聽得多，於是今晚就去試下。一去到就見到門口有個錦花糖機，同好多甜品。我地一開始就拎左甜品櫃裏邊的野食 有多款既蛋糕 啫喱 木糠布甸等。而錦花糖甜甜地，真係好似細細個食果種。 放題既主角就當然係刺身啦!我同班朋友即去排隊拎三文魚 希靈魚 吞拿魚。三文魚肉真係好厚，加上表面上既魚油，未食都俾佢既賣相吸引。一食落口甘甜既三文魚腩，用一個字形容正。仲有其他刺身都好正!!!好似魷魚等等，佢地除左鮮味好足之外，而且每次份量都好足，好似個厚道，令個口感提升。翡翠螺真係不得不提!!!一挑出黎就見到大大舊肉係到，肉質仲好結實!!! 加埋檸檬汁成個鮮味真係一流。不過，食物雖然係好好，但係就唔太喜歡要排隊攞魚生刺身，仲要每次都限份量，結果每次都唔夠。搞到我要出入幾次。其實整體表現係唔錯，如果要我黎多一次我都制!!!但拎刺身個安排改下就好啦。 

上次無訂位,想walk in等左成個鐘都冇位,結果去左樓下漢X苑食要成肚氣!今次一早訂位,實冇走雞! 時日訂左18:00, 17:45到左,女侍應話19:00前賣單平D,每人$158!同老婆行左成日街好累,想早D位下,好啦早D入去坐下!一入去見甜品櫃有酒店氣勢,唔錯唔錯! 一路入去開始覺得好煙下,抽風唔得!只餘下一個鐘零幾分鐘,立即開動! 出到去見都幾幾選擇, 燒的食物有十多廿十種,蔬菜也有多款,還有約十種熟食,選擇比漢X苑多! 先攞左牛肉片,牛肉粒,尤魚,雞翼...等等,,再攞魚生(三文魚,鮑片)每次每人最多共四片,要食就走多幾轉,冇得要多!開始燒食品, 一燒就覺得個火好慢, 問侍應有冇得大D, 佢話冇, 是但啦! 燒呀燒........點解燒左十分鐘都唔熟? 食住魚生,熟食先! D肉有D開始熟啦, 食落味道還可以, 不會很咸, 但肉食都差唔多味! 三文魚幾好, 鮑片好水下(可能解雪唔夠), 去攞左D烏冬,生面,稻庭烏冬好食,係我食放提最好的一間! 望下D燒既食物,可以食啦,除左雞翼......結果雞翼燒左半個鐘先熟,可見火力有幾弱.....! 18:45分侍應我賣單,兩人共$316

見好評多影相靚。有次上次超爆人。心諗吾差啦。下次book定枱去食。點知.....點會咁家環境吾差。待應ok正常。咁去睇食咩先....韓燒食品。簡單牛肉冇。有邊爐牛肉。冇蝦。肉味道一樣。牛仔骨最好食。味道全部一樣（酒店式）甜品。得個樣。全部難食一口就由佢。最好食香蕉蛋糕最後韓燒食左少少。拿了淨面打底臨走2人價錢仲收我3人價錢。一定吾會再去。淨願食漢和東大門....