韓舍 (已結業)

先總結一下,第一次食韓燒入到去5分鐘就想走.....琴日同女朋友一齊出去食LUNCH,見好耐都無食過韓燒,係FACEBOOK見有人話有綿花糖食好似好得意就想去試下,一入到去,帶位的小姐帶到我地入去,見到上面冷氣有滴水,就要求換過一張,帶位的小姐話 : 果D係倒汗水呢我地已經抹左了(佢抹左冷氣風口果D,張櫈仲有)後面果幾張無冷氣好熱嫁,如果要換要門口果張。係唔想熱又唔想座門口的情況下就無換到。座底之後去搵野燒,肉好少得14種,仲要D貴少少的好似牛脷同羊肉都搵唔到.其他的都係菜同一D好似到會一樣的所謂酒店式自助餐食物,返到位開始燒的時候發現無油,就同頭先個帶位的小姐攞,帶位的小姐話 :唔洗用油的,基本上都唔會癡底,如果癡底我地會"免費"幫你換過,仲有汽水任飲WO~免費佢都講得出,依個真係笑左,不過係D肉未燒好之前有汽水飲都好,搵到汽水返到位先飲一下............................................................依D係得糖水的汽水......完全無汽....糖漿ONLY......真係O左.....無野講......睇返D肉,食得,不過

自問都食過好多放題，但對 “韓舍”的價錢及食物質素比例都真的幾滿意。酒店餐廳既設計及裝修，座位闊冷氣足，韓燒鐵板唔易x底，又有電視睇，媽媽想追劇都無問題呀。酒店式自助餐食物方面以有中、西、日、韓式為主，有熟也有唔熟，有熱食也有冷盤，有糖水也有甜品。完全比我想像中的選擇多，所有食物都是自助餐形式放哂係枱上。以我記憶食物方面有冷盤(壽司、魚生、冷)、青口、蜆、炒菜、炒飯、龍尼柳、薯蓉、紅酒牛肉、炸魚旦、腸仔、pizza、燒物(有雞翼、青椒、三文魚、豬頸肉、冬菇、粟米、生菜、多春魚、牛舌、雞脾菇、牛柳、魚、羊肉、豬扒等等) ，而糖品方面有、jelly、牛奶凍、strawberry budding、mango budding、chesses cake、泡芙、旦榚、自製棉花糖+自製雪條，而且重有爆谷!! 你細心留意有些糖品是用金薄。印象中有些燒烤，醃得入味又好食，例如三文魚、羊肉，但也有一些燒烤物唔好食，例如牛柳和多春魚都太咸。而壽司款色也不多，都是三文魚為主，味道普通。而且魚生只限每人每次每款倆片，真的太少。食物的味道其實沒有什麼特別出眾，但因為佢是普普通通又唔差加上環境影響，特別是欣賞個韓燒

好耐冇食過韓燒, 今次跟D女士試新野韓舍.開頭都只知食韓燒.想不到上到去很同我想像好好多.以前去開個D韓燒, 燒野塊板都係很多油,好核突, 估吾到呢到一D油都吾駛加.4個人去食2個鐘, 開頭都覺得太少時間, 但我食了個半鐘已經好飽了呢到D肉都吾錯, D雞翼好好味,熟食都好好味, 估吾到咁幾價錢都有蜆同蝦食.D壽司,刺身都吾錯食到最尾當然是食甜品, 款式都很多,我估計應該有15款左右.味道都很好, 不會很甜,由其是個木槺布甸,真係好正整体嚟講食物都不錯, 環境幾舒適, 下次都可會約埋D朋友再來食多次

本身食至尊雞煲知道要等個半鐘就放棄左2個女仔食放題,冇咩人等就試下(見有班女仔走,多口問下好唔好食先決定食)10:30食138+10%,都低既,係野飲要加錢,(好似加$10定$20)就no good 囉 要水就free 既!食品方面三文魚新鮮,蟹柳ok,蟹柳係真蟹肉個d唔係面粉雞湯,唔掂冇味,飲鹽水咁pizza,好危口,拎個時得返一 塊冷面,唔掂林patpat有白灼蝦個蝦唔靚,肉都ok,呢個價食係咁上下仲有青口,炒菜,炒飯燒物: 雞翼正常唔太喊,牛有d un un地,仲有青椒,冬菇,雞脾菇好好味好juicy甜品方,呢個朱古力布丁,木康布丁,牛奶布丁重奶味,真係好好味,唔太甜加晒分 大杯d就好啦重有jelly冇試,旦糕就甜d同好多款揀

出到旺角最頭痕就係見到一大堆好同胞第二大頭痕就係唔知食乜好事關而家D餐廳間間都差不多貴之餘冇新意後來同女朋友搵左輪OPENRICE之後諗住食韓燒本身想去漢和,因為佢D雞湯都唔錯,但一問之下竟然要$168+1,仲限得個半鐘就算吧啦之後見到呢間韓舍打去問話五點有位,$138+1,一至三人都係得個半鐘,但見幾抵咪BOOK黎試下上到去見到環境都幾唔錯,有酒店格局但偏向平民店員安排左窗邊卡位比我地, 個卡位足足坐得落六個人! 感覺非常良好店裡食物分成幾部份 最入面係韓燒食材,一般豬,牛,雞,魚,墨魚,蔬菜等走唔甩不過我唔太欣賞肉類,用鬆肉粉用得太勁,搞到燒完之後好似有層蠟咁最大問題係食落口好大陣鹼味!! 好在佢雞翼,墨魚,多春魚都冇呢D問題!!跟住係海鮮,有凍青口同凍蝦都係煮熟左,尚算安全穩陣跟住係熟食,我諗一湯一糖水一飯係例牌走唔甩當日仲有豬腳薑,炒雜菜,忌廉焗魚,蔬菜炸牛肉之類的跟住係刺身,當日有三文魚,吞拿魚,鯛魚,希靈魚,同蟹棒即叫即切,每人限四件,可選兩款,次數不限刺身旁邊有沙律吧,之後有刨冰可以自己揀料,跟住有迷你西餅蛋糕三四款,跟住有奶凍,海底椰凍等等甜品,再返返去刺身隔離另一邊有

之前個fd叫我幾次陪佢出旺角整d野,但我1到放假就懶,所以1直未有出到去!!今日總算陪到佢出,雖然1直俾佢瞪左好久好久☺不過,搞店晒之後請我食野正晒!!俾佢瞪幾耐都抵，仲要係放題tim😝岩去到個時客人唔多,無耐就有位坐,我地即行出去探探咩料子先😄!!甜品好多、肉類好多、熟食都唔少,正arrr!!!!嘻嘻嘻試完幾件三文魚刺身,好肥好新鮮,唔錯!!不過個wasabi就唔係咁夠辣.不過今晚刺身唔係我ge目標、d肉ar甜品ar先係😊😊😊!!我見到直程wow左聲!!士多啤梨漿噴泉耶!!!!我估唔到價錢收費2百蚊内ge會有呢個噴泉食,好surprise ar!!士多啤梨漿唔會好甜,反而係棉花糖甜dd tim😜不過我都食左唔少件ja!d肉我夾得最多係雞扒、牛仔骨、豬勁肉,不過拎番入黎之後就唔記得影相😜我燒得(學北京朋友講句)可漂亮喇!!不過最靚同好味個件係雞扒,d肉依舊這麼滑嫩嫩的；實際上豬勁肉其實都唔輸洩,d口感好爽脆ga!如果無俾我燒燶左的話..haha件春卷食落就有d涼涼地,不過好脆好脆,好味.裡面d涵係有肉la,紹菜la(應該),所以食到脆之餘都有d爽口ga😃!!重點黎la,我地仲有野玩下t

旺角店由開將到現在, 差不多吃了10次....食物品質及種類一直下降, 尋晚仲見到好多蚊之四圍飛, 有兩隻跟在小cup cake上開餐.....!!最可怕係刺身凍柜肌裝著食物的膠盒上有一堆蚊子貼在蓋上, 沒有一個員工去清理, 衛生環境惡劣......食物方面, 質數及種類越來越差, 雪糕如石頭一樣, 還只得兩款, 燒烤類牛肉粒太多鬆肉粉味, 一點牛肉味都沒有...只有蔬菜類及豬頸肉可以食落口....甜品因為見到蚊子食過, 完全無膽拎黎食...只可以食雪柜裡的甜品, 但只得jelly及牛奶凍....蛋糕全部話已有客訂..我係食9:00哪場, 即$178/位哪時段, 唔知係唔係已經過左吸引客人既時間, 所以品質衛生可以唔使keep住, 只係想用最平既質數賺錢....仲點會有下次呀...!!!

大約分熟食,生肉燒物和甜品等3大類熟食和甜品基本上都沒有問題,最大的問題是主題的韓燒部份,入面的豬,牛,羊,全部都是一個味道,主要都是"鬆肉粉"的味道,D"鬆肉粉"味比平時茶餐廳的更勁,牛扒,牛仔骨,牛柳粒,牛舌,豬扒,羊肉等,D味神奇地全都一樣"淋GG"無口感之餘......D味仲要一樣嘅,好彩D雞肉無事,仲有D野食下.......甜品款色有接近廿種,算是唔錯,但一半以上平時住家餅店都有,行左少少最後感想係,如果想食韓燒就一定唔會再去囉!!一生人去一次就夠...........

同舊同事聚會～隨便簡呢間有熟食，有刺生，有韓燒，有多款甜品既韓舍～韓舍要人齊先入得！好麻煩，等左半個鐘個遲到同事先到～幸好室內氣氛5錯，近窗位置都10分滿意～梳化坐位都夠大～不過本人都係覺得d枱梳化用具有d油痴痴，不過接受到！ 應待問我地加5加錢任飲，甘我地當然加la～韓燒食野無野飲點得！之後距開埋爐我地就沖出去穩野食la～d熟食款5算多10款左右，生野就二十幾三十樣我就最like食多春魚～攞左d3文魚吞那魚～個師來傅切得好少比我地，新鮮度一般另外有5吸引既壽司野飲有奶茶，檸茶氣水自己出去針友人就話d韓燒肉類差5多味～食下食下當然係食甜品時間la甜品都算多款泡芙好好食～其他就mama地～個pancake模實在太大個d炒雪糕根本就5爭氣！不過200$有找都算係甘la～不過有得簡，我會去唱k buffet最後應待幫我地影相～gd

已book位的關係，所以都唔使點等位就入得。大致食物都ok，日本刺身、壽司例牌野走唔甩，甜品種類都夠多，牛奶布甸好濃味，可惜玩唔到棉花糖飲品都係個啲野揀，冇話有咩特別。(不過加20都有唔到幾杯，有d貴；加40有得飲啤酒)熟食林林種種，唔算話好多，但都叫有得比人揀，味道同款式都可以接受ge可能個人口味問題，燒個啲真係麻麻，醃魚柳味道好怪。不過，最唔掂係個抽煙機，冇力ge，一路食一路煙，食得勁辛苦，成陣味之餘，比煙燻到對眼係咁流眼淚，咩胃口都冇晒。因為星期六，會貴啲，印埋張50優惠卷都要每人200幾蚊埋單(5人)

依排睇得多韓劇. 突然想去食下韓燒... SEARCH下旺角有間睇落唔錯既! 就BOOK左位試試!五點到等左一陣開始入去, 一比左位就出動!1.韓燒生肉魚柳 - 味道唔錯,不過甜左DD... 牛仔骨 - 味道淡左D, 膏同根多左D... 雞亦 - 一般 ... 豬腩肉 - 太肥... 牛肉 - 比較"un"... 牛柳粒 - 雖然有根, 但算林, 味道幾好... 2.魚生三文魚 / 吞拿魚 / 希靈魚 - 都好新鮮, 三文魚味淡, 吞拿魚冇根, 但份量小左d ... 3.壽司三文魚壽司 / 燒魚壽司 / 玉子壽司 / 三文魚卷 - 屬一般超市級數 ... 4. 前棻及蝦前棻 - 4樣都ok! 係魚仔干太硬... 蝦 - 幾新鮮, 蝦肉夠實 ... 5. 甜品相中的九樣甜品唔錯, 特別係木康布甸, 老婆係左5~6杯...朱古力布甸 - 太甜啦...雪糕 - 荔枝味, 幾正! ... 整體上算合格! 但韓燒款式比較小. 裝修唔錯. 坐位寬敞. bar檯好似酒店feel. 氣氛好好.2個人任食1.5個鐘 HK$138 + 10%, 但唔包野飲, 加$20就有汽水奶茶任飲, 加$40就有啤

放左工又唔趕住番歸既情況下，過左去旺角搵男友，等到佢放工都盛差不多10點半，我o地都未食野好肚餓，佢同事介紹我o地呢度韓燒。呢度環境應光猛既地方光猛，酒店自助式咁樣自己拎野食既，感覺舒服，座位又夠大。拎黎燒個d肉，唔洗點樣調味，都好好食，葉得幾好，唔知係咪佢地自己葉嫁呢！！？我燒左好多塊三文魚，佢魚肉好多都好滑，好有三文魚香氣啊！！！仲有９菜都唔錯，燒完煙un，９菜味好重味好正。三文魚好新鮮，好夠味。

本來和媽咪都好鐘意黎呢度食...都去過5,6次...因為甜品真係好好食，好食過好多酒店buffet...可惜其他食物愈黎愈差...而且員工服務態度真係十分十分十分差...唔笑都唔緊要，但個個好似喪屍咁...幫忙倒杯水都好唔想咁，收碟放低果下勁大力，我坐係個櫃前面張table，每次個waiter放低d下欄野，都勁大聲...仲有，我們7pm要交番張table，6.45pm就比個男waiter收曬d野，叫佢留番對快子比我食野，佢竟然問我：「你想食咩？甜品出面有spoon」我心想：「我比錢黎食buffet，洗唔洗同你交代我要食咩...」跟住佢收曬d野，想放係我下面個櫃時，仲一時大意，差d倒到我成身都係d rubbish.........唉... 愈做愈差....真係希望佢地可以做番好d...食物係OK，但員工態度個個都好差...唔會有人笑，問拎刺身時，個師傅都係好晦氣... 總括黎講，食物OK ga，服務就真係要改善了，如果唔係dinner buffet正價去都可以，正價我去第二度無咁受氣...

呢間野係男友細妹推介我去食既...第一次食酒店式放題..由於book左枱所以好快就位啦！職員安排左卡位比我令我同男友坐得闊到一去到就拎野食喇,因為得1.5小時可以食食到都好趕急下所以只係識左一轉韓燒就唔燒啦~之後拎d熟食都唔錯..甜品都好好味...原來呢度加野20蚊我地都無加下次再來一定加職員都好好禮貌~下次都會再來....

小學生都5月1日是勞動節假期，但對我同E小姐來講又係另一個記念日，這是食完這個韓燒之後故事....時間倒回5月1日，當日公眾假期又想同E小姐食D特別野，早陣時在聊天室睇到有間韓燒，如果普普通通韓燒絕對吸引唔到我興趣，原來依間韓燒另一個主打係酒店式自助餐，再加豐富多品種的甜品，一度懷疑有無咁堅呀，又好驚待慢左E小姐，但見 OPENRICE 其他食客的介紹，決定試下先。訂在下午5:30(由於當日公眾假期，其他時段都 FULL 晒，仲得1.5小時要同時間競賽，無計喇)，準時到達開始計時：5:30-5:40 - 用左10分鐘大約行左成間餐廳一圍，分甜品區，魚生區，飲品區(要另加$20/位)， 熟食區，凍海鮮區，韓燒區等等....。5:41-5:50 - 用左10分鐘選左凍海鮮，有蝦，青口，翡翠螺，魚生每人只可選四片, 惟有行多幾轉； 同一時間，E小姐就慢條斯理咁係韓燒區夾燒肉仲整到靚一靚添，有牛柳粒，辣同唔辣雞翼，豬頸肉等同其他韓燒食品差唔多。5:51-6:10 - 依