韓舍 (已結業)

今日收工出旺角，下晝嘅時候已經好肚。。。所以真係要放縱自己一下，同三五知己一於去食個於題韓燒放鬆一下！原來以為韓燒就以燒肉為主，但原來韓舍係有好多唔同種類嘅食物可以任君選擇，唔係食肉獸都唔怕呀！見到有魚生，即刻心心眼左！我當然要拎最愛嘅三文魚啦！原本以為係任食就會切得薄啲，但原來都認真切！係正常厚底，冇話hea 我地！刺身種類正常啦，有蟹棒、希靈魚、八爪魚等等 都算過關啦！ 我覺得冷盤方面有驚喜！有比較常見嘅日式冷盤食品，例如，凍豆腐、冷面、竟然有枝豆！好少燒肉放題嘅地方有枝豆！ 肉類種類都算多，重點係有泡菜同生菜可以拎，將燒肉放落生菜夾住泡菜食簡直一流呀！又唔怕好油膩！推介係辣味雞肉同五花楠片！夾生菜食超正，油份由生菜吸收，清爽得黎又juicy !! 食完正餐咁就當然要食個甜品先夠圓滿！甜品都有好夠款揀！木糠布甸真係唔錯！奶油味剛好！食兩個都唔覺得漏呀！ 總括黎講都唔錯，可以滿足所有人！價錢合理，可以再嚟！

參加一日遊，團餐居然係去旺角食韓燒，上網睇咗個食評，做團餐基本上唔會比太大祈望，去到要搭𨋢上去， 地方幾大，不過座椅好迫，一個中等身型嘅行過都係剛剛好，終於搵到編排嘅枱，每張枱有一個電爐，食物及飲品就出去自取！ 坐定大家出到去，因為幾團人差不多時間到，一下了擠滿了取食物區，好迫人，食物放得幾企理！ 燒肉：都係大路嘅豬牛雞，味道醃得幾好，唔會太鹹又入味，雞肉雞翼最好味，牛肉只有牛肉粒，唔韌好味，最差係雞腎，好硬，完全咬唔郁，最後大家都食唔到！加上啲丸同香腸，味道正常！燒烤爐嘅鐵板就唔會換，所以燒時我哋先燒肉及腸，最後先燒啲易黏底嘅，好像多春魚呢類食材！如果唔係會好多炭屎！ 熟食：除了燒烤，熟食選擇都唔少，都係正常自助餐嘅熟食，自己最喜歡雞腳，炆得淋又入味，充滿膠質！大家都再encore! 前菜：沙律只有生菜加啲粟米、紅腰豆之類，不過個醋汁酸酸地幾開胃，可以中和燒烤嘅熱氣！ 甜品：甜品櫃檯好大，甜品款式選擇幾多，不過唔係段段都咁高質素，後段嘅唔係咁好！大部分都係椰汁榚加啫喱！飲品：汽水選擇多，仲有埋冰提供，自己喜歡熱飲選擇都多，咖啡紅茶都有！仲有綠茶包可以沖！店員好忙碌，又

朋友介紹韓舍野食款式多, 咁岩有聚會就試下, 6.30去到唔多人, 首先行一個圈先, 除韓燒, 仲有壽司,刺身, 沙律,熱食, 甜品等等, 每款野食選揀都好多自助沙律吧, 有好多蔬菜揀, 沙律菜,車厘茄, 粟米等等,好新鮮, 好清甜, 可自行配上沙律汁, 作為頭盤好開胃刺身方面,有新鮮厚切三文魚,爽口希靈魚及蟹柳等, 每款都幾新鮮韓燒區, 基本肉類(魚, 豬,牛,雞)外, 仲有好多蔬菜, 推介菠蘿, 燒一陣熱熱地, 好JUICY,甜品時間, 呢度真係好多甜品, 啫喱,布甸, 蛋糕, 桂花糕, 雪糕, (仲有部軟雪糕機), , 炒雪糕機, 朱古力噴泉, 布朗尼,等等鐘意食甜品既我點會咁易放過, 好多甜品都好有水準, 朱古力布朗尼味好夠, 唔甜, 紫薯撻熱辣辣, 外皮脆卜卜, 入面既紫薯好軟滑, 細細個, 可以食多幾款甜品, 而布甸都做到好滑, 而我最鐘意就係千層穌. 好香口,又唔漏

近年都流行如韓劇看到的韓式燒肉，很久很久也沒有試過任食的自助韓燒呢!!還記得那些年，我與好姊妹們總喜歡吃午間自助韓燒作慶生或者gathering活動，經濟實惠又能吃個夠，很符合學生們的銀包！來到韓舍吃個烤肉+自助午餐，正好和好姊妹回憶當年一番呢>D< 哈哈!!門口的餐牌都寫得一目了然^^正值復活節假，價錢都貴一點點，不過也很合理。有自助的冷熱飲品及果汁等，還有酒店feel的圓蓋餐盤~ 另外供燒烤的選擇好像也不少^^壽司款式比較少，都是熟食類及淹漬類的，可能怕生熟冷熱的交叉感染吧~ 全是可見式的新鮮製作，吃著有家庭feel的味道，沒有太特別。這邊相信是小朋友最喜愛的炸物區吧^^由於我和朋友到達時已經是lunch 尾段時間，所以那些春卷、咖哩角都開始有點軟了~ 不過麥樂雞還算香脆吧!!夾了一些泡菜想用來夾烤肉吃，不過這邊的泡泡菜不太韓式，一點也不辣，味道帶酸甜的連小朋友也會吃！而熟食類方面有些早餐feel的包點粟米、另外還些像蒜蓉豬扒、葡汁雞柳、粟米肉片、藥膳雞腳.....等等的菜式。由於重心在烤肉上，所以這些都不大吸引我們，只吃了些炒什菜和鹽酥三文魚骨，三文魚骨仍然是酥脆

男友一向鐘意食放題類, 只要有刺身魚生的就啱佢起旺角行街, 收到很多放題傳單不是新聞韓舍之前都想去, 今日見身體好番可以食番多少少, 決定來慶祝慶祝 (其實都係就男友, 我都怕體重上升)不過見有幾日假期, 我可以去做番多D運動, 所以間唔中一次半次無所謂啦, 又唔係好貴, 百多元/位早段關係, 所以人流唔多, 都唔使等位添, 上到黎竟見到門口放左部爆谷機, 原來是刻意用來招呼等位的人客享用, 勁貼心呀~好快就由侍應帶我倆入座, 安排於有沙律吧隔離的卡位超爽, 拎食物勁方便啦呢度係用發熱線的烤爐, 檯上也放著"不要浪費食物"字句, 呢樣我地都好支持的男友拎了兩碟後, 佢話好多野食呀我急不及待的到我去"巡場", 大家都係第一次來韓舍先拎飲品, 都係自助式, 是正常的汽水, 沙冰等最初以為像"漢X苑"等只吃韓式食物, 原來大錯特錯, 我行了一圈, 見到有日式, 中式, 當然不少得韓式菜啦就我們隔離的沙律吧, 種類都不少, 大部份都是自助形式沙律菜爽脆新鮮, 大小都切得適中, 無核紅提, 蕃茄仔, 粟米, 雜果, 青瓜等仲有好多自選醬汁配撘, 任你自己調, 爽YY除左刺身區有師傅配給外刺身種類

星期六夜晚7pm 來到唔洗等，限時2個鐘，燒烤嘅肉類都算多種類，而且味道唔錯，唔會過咸，而且多春魚果d都大條，牛柳粒等都係新鮮嘅！飲野選擇少，一係水，一係汽水，咖啡，好立克，都係汽水機倒出來唔係罐裝或支裝，比較環保但係汽水味道麻麻~如果有d無糖茶供應就好啦~熟食方面有中式，日式，西式。芝士椰菜花過淋，牛柳片都係麻麻，d 肉好淋，豬腳姜出奇地唔錯，入味！咕嚕雞柳都係伏，外皮淋sai~壽司幾好食，刺身都唔錯，不過叫一次比2片你 要不停去攞 都有d 煩！有d 炸雞塊，炸魚，味道一般般 麥記比較好甜品種類算多但係味道非常一般，最好都係嘅芝士波，放落爐度加熱左仲好食~雪糕都係自己‘but’果鐘 味道唔錯，有個chocolate fountain 隔離有d 棉花糖供應~來之前期待有芝士撻 今日無供應可惜因為唔會再來~ ＄230 一個人埋單 可能去返日本放題好過~

✿╮❤╭✿✿雜感女生 好味日記✿˚*•✰。韓舍．旺角超抵食之選。✰•*˚✿✿質素上佳的韓式自助✿✿❤餓底飯聚❤ ❤經歷非常人式OT之後，本小姐4月復活了！帶著大少奶去食自助餐慶祝當然要試新野今次到旺角的韓舍吃韓國菜甚有驚喜！重點：海鮮類此店的刺身新鮮又甜到震！店家推介的三文魚腩魚油滿溢，非常肥美絕無一般貨仔會有的雪藏味或腥味這種美味的享受確是叫人難以抗拒而且冷盤之中的青口、大蝦、螃蟹亦非常鮮甜巨大的海洋氣息令大少奶破例吃了很多海鮮和刺身！特點：熟食類豬腳薑與焗蟹蓋的是熟食選擇之中必吃的豬腳與蛋都非常入味，看到很多女士都撈了好多隻蛋呢蟹蓋的味道泊得上酒店，難怪看到有位伯伯一人拎了10多隻！幸好添食物的速度夠快，其他食客都有得拎！賣點：韓燒食肉秀韓燒自然不能不燒五花腩肉此店肉類、蔬菜款式不少，而預先腌製的肉類味道非常突出，保持肉汁，亦能增加風味！特別是巨形豬林扒，牛仔扒，羊架、雞腎，味道引人冬菇、茄子和青椒燒後非常香甜，又肉又菜，一時一樣，兩全其美食得韓燒抵得渴飲品選擇多多，汽水、咖啡、奶茶、沙冰、糖水如此配合韓燒，顯然容易消化得多自助韓燒、刺身都有令人滿意的味道還有令人開懷的甜品：朱古

正所謂「食飽先有力keep fit」細心一諗，其實不無道理。今朝有酒今朝醉；今晚有肉今晚食，決定呢晚同朋友黎食韓燒食番餐飽 等位時都已經有爆谷做小食serve大家。成本低，但帶俾顧客既感覺就好正面，係好聰明既決定 內在環境相如上。有唔同既area，甜品區、DIY區、魚生區、海鮮區、熟食區、炸物區，最後梗係唔少得係燒肉區 可見呢間主打韓燒既餐廳，事實上各類食物應有盡有，貪新鮮既我當然係乜都食D，又可以全面D寫呢間餐廳既食評 三文魚頭盤先黎份我的至愛－－三文魚！作為一間韓燒店（好似講左呢句幾次）魚生有呢個水準，絕對收貨。有冰塊keep住保持魚生既低溫，呢幾片厚切三文魚無根，令成個口感好嫩滑 燒物因為食物種類繁多，所以今次食韓燒，反而燒物食得唔多，但特別要推介而下兩款食物 多春魚好易掌握時間，唔會好易就overcook，燒肉必點至選（一）－－多春魚 放上爐大概7分鐘，香噴噴既多春魚就可供享用 個人喜歡係將魚煎到微燶。絕對唔只係為左香口咁膚淺，真正既原因係... 可以95%確保佢係熟。火候控制得宜得話，骨都脆得可以直接咬開，原隻多春魚入口都無問題 豬腩肉燒肉必點至選（二

自從好多年前同大學同學食過之後，就無黎過喇，因為近年韓燒開到成行成市，外面實在係太多選擇喇！好彩呢度就係正創興廣場內，地方實在好搵，今日，應男神相約，又從臨舊地了，時間彷彿走回從前一樣，不一樣的人物，卻是同樣的地點，日子實在溜走得太快了，捉都捉不住，想抓也抓不緊……餐廳跟出面既韓式放題有好大唔同，呢度有除左係自取食物外，仲有好大張bar枱，放滿細細件既旦糕甜品咁，真是有點像酒店自助餐呢！前菜中華沙律夠對版，刺身鯛魚三文象拔蚌更是肥美。燒物多選擇，肉食蔬菜樣樣齊，菇菌雞翼五花腩，試了的雞腎亦好爽口滋味。本來只打算淺嚐甜品，誰知見到五花百門，實在吸引，幾乎樣樣也試匀。竟然又是變了甜點做晚餐，吃下了計劃想要吃的十倍量呢！真是嚇人！！！芝士蔴薯波波真不錯，幾有cheese味，外脆內軟，一吃便是半打。果醬撻甜度適中，少少酸，層皮夠鬆化。半熟芝士撻，流心醬入口充滿檸檬香，芝士味亦濃，細細個，食多多都唔會濟，好正呀，拎了也幾次。綠茶蔴薯，入口涼浸浸，甜味多，茶味少，但粉皮軟糯，整体不過不失。焦糖燉旦好高質，味香甜，滑溜的口感，教我吃了好大份。班蘭旦糕比賣相更軟綿，帶有少少清香，有驚喜。朱古力噴泉的綿

香港人的哈韓文化隨著近年不斷盛吹的韓風變得愈來愈高漲，基本上韓國盛行什麼，香港不消一會便能複製過來，而且每每更能牽起一片熱潮，當中韓國美食更是當中的表表姐。你看那韓式炸鷄、人蔘鷄湯、部隊鍋等等，已如桃李般朵朵花開，鋪天蓋地地佔據了香港各大小街道!但要數韓食中的代表，我首推韓燒，完全切合了本人無肉不歡的特點。近日留意到位於美食集中地旺角創興廣場的韓舍好評如潮，而且出名在於肉類選擇繁多外，竟然還提供了媲美酒店級數的自助餐美食，不得不試。整整佔據了一整層的韓舍佈置簡約雅緻，座位更加是寬敞無比，即使我們任意擺放各式醬料及從餐廳美食區搜羅的韓燒肉煩、中西熱葷、日式魚生壽司及應有盡有的甜點雪糕，亦難以將其「密鋪平面」呢!餐廳的規劃有序，依次為韓燒食品區、西式小食區、韓式小菜區、燒火雞區、海鮮區、中西式熱暈區、餐湯糖水區、飲品區、日式吧枱區及甜品區。除了韓燒食品區，這裏活脫脫是酒店自助餐的陣式，卻是一般韓燒的價錢，於首次選擇食物時確確實實令我大開眼界及喜出望外。雖然我們是衝著韓燒而來，但面對琳瑯滿目的新鮮魚生的招手總是格外吸引。刺身師傅曼妙的刀功堆砌出如藝術品般的刺身拼盤，光看魚生的色澤飽滿而有光澤

朋友話最近有間好旺場既自助餐叫「韓舍」，叫我一齊去試下。好吖，最鍾意試新野。黎到真係嚇一跳，勁多人，成村人響門口，不過餐廳好細心，門口擺滿座位，估唔到既仲有爆谷機，俾等候既朋友免費享用，所以大家都等得好高興。入到黎，真係有好多野食，以下我介紹重點區域：一、韓式烤肉既然係韓燒，第一個重點當然係烤肉。肉類同蔬菜既款式好多，我特別推薦牛仔骨同雞翼。牛仔骨味道帶甜，完全唔韌兼有肉味，好美味；雞翼分原味同辣味，後者用韓式辣醬醃過，都真係幾辣，嗜辣朋友必食；我就唔太食辣，食原味都very good，入味，雞肉夠晒滑。二、刺身及壽司餐廳自設刺身bar，三文魚、希靈魚、蟹柳棒等等……大家要乜師傅就切乜，刺身夠新鮮，好食；鍾意有飯落肚既，就可以揀壽司，一排排新鮮做起，我鍾意熟蝦壽司，夠鮮甜。三、凍海鮮食自助餐最鍾意就係食凍海鮮，屬回本之作。呢度既凍海鮮有鮮蝦、蟹同青口。老實講蟹係唔大隻既，但又估佢唔到都幾多膏，而且蟹肉鮮甜，賣飛佛；至於鮮蝦同青口，都新鮮味美，不過實在有太多野食，只食左一轉！四、甜品唔好意思，我真係好快就去左甜品區，因為實在太吸引！必搶既係芝士撻，每次一出爐都好快無晒，因為真係好食，芝士

約左大班小學同學食飯位於彌敦道593至601號創興廣場9樓。這裡的晚市烤肉 + 酒店式自助餐。滿心期待。沒有BOOK位，現場等位既人吾多，感恩，好快有得入座。一入到去留意到呢座裝飾品，十分有趣。裝飾都幾特別睇個簡介，食物種類都多，希望有好質素。燒物方面，選擇好像少了一點。只有拿牛柳粒和雞中翼。雞入口滿嫩，味道較平淡，這種厚度燒起來還滿快熟。不錯。牛粒醃得入味，入口算是質鬆軟，只好多吃這些。肉既水準可以接受。迷理蕃薯食太多的肉，點蕃薯減低罪惡感，平衡一下菜和肉比例。同想常的蕃薯都是小小一顆，剛好一口一粒。自製雪條機普通三文魚炸物春卷，入口似新鮮炸出黎的感覺，外脆內軟，熱騰騰里面配料又幾香。總結: 食物可以選擇種類正常值得，格局不錯 ，坐得幾舒服，幾闊落，幾乾淨。

朋友在元朗吃過一次韓舍，得知在旺角都有增設分店，住九龍的我倆就想去試試。韓燒和日式放題二合一的收費尚算合理，加上我倆入座時間早，愈早離座就愈著數。相比其他食店，這間的裝潢很新淨，而且座位很寬敞又舒服。食店以長型設計，門口位置是甜點區，有很多精緻的甜點和自製棉花糖，炒雪糕等等。所有食物都是自助形式，不需要畫紙仔，份量自己控制。韓燒區個火夠曬猛，不消一陣子就可以燒熟食物，韓式辣味雞翼夠曬入味，也喜歡燒菠蘿，栗米，多春魚，魷魚和魚片 。自助區那邊還有很多選擇，食肉獸燒番d肉食就抵番曬。刺身區有壽司刺身師父即場製作日式壽司和卷物，整體賣相也不錯，而且會不斷refill。在刺身區旁邊有自助飲品區，可選汽水，冰沙和熱茶等。甜品區甜品的數量實在是有點多，在正門口已經有兩個雪櫃擺放不同口味和顏色的杯裝啫喱果凍和布甸，覺得紅豆味挺好味 。除此之外，亦有點似甜品buffet，有大量賣相精緻的中西式甜品，如班蘭蛋糕，雲石蛋糕，酥皮士多啤梨拿破侖，新鮮出爐蛋撻仔，brownie等等。熔岩朱古力泉可將棉花糖封存，綿軟口感真的很美味。雪糕可選球狀或軟雪糕，個人覺得筒狀的比較好味。主食中式的熱食也有不少，老人家來到