影片
更多
2016-03-27
159 瀏覽
一年前黎過韓舍之後對佢地既烤肉同埋甜品念念不忘，最近想再黎試下享受一番。「韓舍」唔係一般既韓燒食店，佢地除左有烤肉，熟食，刺身，壽司，沙律之外，仲有好多好多甜品食，女仕們見到一定會好開心。一行兩人黎到「韓舍」，估唔到佢地無咩2人位，大部分都係6人位，所以我地兩個既座位都相當寬敝，好舒適，坐得非常舒服，加上每個燒烤爐上都有獨立抽風爐，享受食物時唔會煙霧瀰漫。我地坐低之後就出去攞野食啦。水吧有各式各樣既飲品可以隨意選擇。吧檯旁有仲刺身供應，我地每樣都要左少少，刺身切得都算厚，食落好新鮮清甜。冷盤方面有青口，凍蝦， 冷鳥冬等 沙律，粟米粒，各款醬，開胃小食，掩青瓜等。烤肉方面選擇都好多，都有十幾款，豬雞牛等等都係呢d，全部都得掩好入味。燒雞翼皮脆肉嫩，燒牛肉粒鬆軟，豬頸肉唔錯，味道濃郁，肉質結實，醬汁都同肉配搭得完美。 新鮮蔬菜方面既選擇都好多，值得推介既係燒椒，本人都試過燒粟米，但係燒完會好乾，味道同口感都好一般。熟食方面除左有咖喱，炒菜，炆肉同龍脷柳之外，仲有唔少炸物，食落仲係熱辣辣同脆架，完全唔似返炸。食完「主菜」，又係時候食甜品啦，呢到既甜品選擇真係好多，分分鐘真係多過D酒店自助餐
「韓舍」唔係一般既韓燒食店，佢地除左有烤肉，熟食，刺身，壽司，沙律之外，仲有好多好多甜品食，女仕們見到一定會好開心。
一行兩人黎到「韓舍」，估唔到佢地無咩2人位，大部分都係6人位，所以我地兩個既座位都相當寬敝，好舒適，坐得非常舒服，加上每個燒烤爐上都有獨立抽風爐，享受食物時唔會煙霧瀰漫。
我地坐低之後就出去攞野食啦。
水吧有各式各樣既飲品可以隨意選擇。
吧檯旁有仲刺身供應，我地每樣都要左少少，刺身切得都算厚，食落好新鮮清甜。
冷盤方面有青口，凍蝦， 冷鳥冬等 沙律，粟米粒，各款醬，開胃小食，掩青瓜等。
烤肉方面選擇都好多，都有十幾款，豬雞牛等等都係呢d，全部都得掩好入味。燒雞翼皮脆肉嫩，燒牛肉粒鬆軟，豬頸肉唔錯，味道濃郁，肉質結實，醬汁都同肉配搭得完美。
新鮮蔬菜方面既選擇都好多，值得推介既係燒椒，本人都試過燒粟米，但係燒完會好乾，味道同口感都好一般。
熟食方面除左有咖喱，炒菜，炆肉同龍脷柳之外，仲有唔少炸物，食落仲係熱辣辣同脆架，完全唔似返炸。食完「主菜」，又係時候食甜品啦，呢到既甜品選擇真係好多，分分鐘真係多過D酒店自助餐呀，好犀利呀。每一款仲要係細細件，一啖食晒，所以可以每樣都試下咁，食落又唔太甜， 味道仲唔錯。
個人最鍾意既當然係芒果布丁同埋啫喱。呢到既芒果布丁每一份都有芒果肉係裡面架。
雪榚方面真係唔知咩牌子，不過唔緊要，最緊要好味。味道方面有芝麻，綠茶，曲奇同埋雲尼拿，全部DIY ，鍾意揀要雪榚筒或者用碗食都得。我揀左曲奇同綠茶味，綠茶相當好味，濃度剛剛好，值得推介。
係雪榚櫃隔黎有部雪條機，可惜唔係太識用，所以整得唔係太靚，唔緊要，下次再試過。
係雪條機隔黎仲有部格餅機，仲要係可以整紫薯味，出面食自助餐一般都係整原味架咋，所以真係幾吸引。可惜因為格餅太飽肚，為左留肚食其他野，唯有放棄佢啦。
棉花糖相信對好多人黎講都有童件回憶，我都唔例外，所以見到部棉花糖機都好開心想玩下，做法好似好簡單，只要放一匙更糖係棉花糖機到即成。哈哈，你整過你就知啦，因為早入座，所以埋單都係一人$185左右，又有烤肉又有刺身壽司，仲有好多甜品食，真係幾抵食，淨係食甜品都有著數呀。
張貼
