韓舍 (已結業)

今次要講既係位於旺角創興廣場既 "韓舍" . 雖然個名會令人以為果到淨係得韓國野食 , 但其實實情係連日本野都有得食 , 都幾過癮 .韓舍除左一般既韓燒食材外 , 仲有麵豉湯呀魚生等等 , 仲有唔少甜品 , 自助燒來講都算多款食 .至於好唔好味呢 ... 其實都係睇自己識唔識燒既姐 lol不過值得一提既係佢地既格局唔錯 , 坐得幾舒服 , 幾闊落 , 幾乾淨 ~

朋友生日 , 想食韓燒 , 之前表弟一直向我推薦韓舍 , 終於黎一探究竟。上禮拜想食但人太多於是放棄 , 今次五點半就入場 , 唔洗等。無油煙烤肉 , 啲食物味道淹得剛好 , 可惜種類少咗啲。推薦雞腎 , 好脆好爽口, 豬肉也是。仲有辣雞翼都正 , 燒三文魚肥油好多 , 都算香 , 牛同金沙骨就一般。蝦幾甜幾新鮮 , 食咗唔少。試咗豬腳薑 , 稍微酸咗少少。小食Ok強力推薦三文魚 ! 够肥够香 , 切得也厚。一次只可以攞四件 , 為此而走咗好多轉。甜品也令人驚喜 , 尤其是木糠杯 , 我同朋友每人食咗兩三杯 , 欲罷不能。細細件嘅cake都好味 , 咖啡蛋糕够濃味 , 苦甘苦甘 , 藍莓同士多啤梨都唔錯。芝士波麻麻地 , 泡芙還可以。朋友食完覺得好飽且滿意 , 美中不足的是 , 一係用餐時間太短 , 得一個半鐘 , 而燒野食本身就需要時間。二係凍飲太淡 , 茉莉花茶又太甜。三係服務態度差。四係衛生一般 , 好多碗碟睇起身好似無洗乾淨咁。埋完單有50蚊coupon送 , 四人或以上同行先可用 , 限期20日 , 可以考慮再黎。

今日同friend 去韓舍慶生 (聽人講幾好味） 一入到去好似酒店自助餐咁 食物種類多 不過肉類就少 牛肉淨係得黑椒 對於唔食得辣嘅人黎講會接受唔到 雞肉豬肉醃得太咸 要飲好多水去沖淡口腔殘留嘅食物味道 薯條 雞塊 春卷都保存得好好 唔會太霖 但係茄汁經常用曬要等好內先可以補翻 沙律可供選擇嘅配料好多 醬汁都有兩種 仲有冷麵添 野飲方面 凍檸茶冇乜味 但係勝在可以沖淡肉嘅咸味 又唔會好似水咁淡而無味 如果有人唔飲得凍飲 亦都可以選擇熱湯或者熱嘅糖水 韓舍的食物種類多 不過肉就醃得太咸 希望可以改善下啦！

想在旺角吃韓燒之餘又吃到日本刺身同各式甜品？來韓舍一次滿足你三個願望！原來在元朗開設分店的韓舍已經進駐旺角，在創興廣場開設分店。新店的燒烤爐沿獨立抽風爐，但美中不足的是旺角的分店人流太多，以致部分油煙未能完全被吸走，令店內長期有一陣油煙味，令筆者和食客感到非常難受。韓舍所提供的各種肉類皆經悉心調製醃料，且食材品質高，烤出來的燒物極具風味。除了烤肉外，韓舍除了提供各類小吃外，還提供了即叫即作的刺身和反卷，為客人在烤肉時提供有著另一番風味的美食。韓舍提供的甜品總類繁多，除了一般的蛋糕和布丁外，還提供了自製爆谷機·棉花糖機·窩夫機和雪條機，供食客自行製作甜品，非常有趣和貼心,而且製作出來的甜品的素質也很高，很好吃，也令我非常滿意和享受!

同fd去到呢個韓燒度試下一入去就比佢啲甜品吸引住, 好多唔同既款式, 令人即刻有肚餓既感覺攞左唔同既肉去食啲肉既水準可以接受(唔算太好食)有好多唔同既炸物去揀但係個賣相似係凍左甘樣令人冇夾佢既慾望有少少刺身可以攞但係每次攞既份量都唔可以多過4件控制啲人攞既份量都唔係壞事既喺個爐上面直接有一個抽油煙機, 我第一次食韓燒係食到件衫冇味既, 值得一讚終於去試一開始吸引我目光既甜品普遍都係好食既, 尤其係個木糠布甸, 我都攞左幾次先夠食個價錢除開都係大約170如果以韓燒作為主打既話呢間舖既價錢未免太貴但係勝在啲甜品所以都值既可唔可以再去食就見仁見智啦

今日放假同老公諗住食韓燒，於是上網睇下有邊間未試過，見到哩間韓舍好似幾好幾多野食咁就諗住試下，8點幾上到黎等位既人唔多，大概十分鐘就安排我地入座，入面係好似buffet影式，甜品種類真係超多！你諗唔到有既野都有，但係我地黎既目的係食韓燒，點知種類賣相真係嚇死你！啲肉好似冇奄過咁！啲牛肉粒仲瘦過瘦肉，都算啦！點知所有野食燒完後完全冇味！包括牛豬雞，魷魚、雞腎、仲有檸檬茶都係冇味嫁！！！我地第一次食buffet係食左十分鐘就想走！真係中伏了！！！

Thankfully I made a reservation for a party of four several days prior so no waiting was necessary on a bustling Friday night Environment: The restaurant was spacious with plenty of seats so this is definitely an ideal location for gathering or large parties. The decor and lighting were pleasing and a good venting system ensured good air circulation.Service: Excellent service! The waiters/waitresses were diligent in picking up our dirty dishes and prompt to replace our stove when we asked for a

我朋友 要搵一間比較多款式既放題餐廳，最後選了韓舍佢地話之前食過, 味道幾好, 直得返食！首先環境方面俾人有種乾淨既感覺，地方都好大，而且櫃檯又乾淨企理。肉類多唔洗講啦，間間其實都ok 試下其他熟食同刺身la但佢熟食真係好多 見佢兩三個盤都係炸物，但怕佢難食所以只係每樣少少咁試，見佢又春卷又炸雞又炸薯仔食落去好似頭先先炸出黎既感覺，外面又脆卜卜，裏面就真係熱騰騰~春卷裏面個料又幾香，但怕食太多就沒叫。到食刺身既時間，三文魚一個字鮮！真係好美味！仲有八爪鱼都好有鮮味，而且個質感又滑。我真係食左好多。終於到肉食時間啦，佢每一種肉個肉汁係爆出黎。而且肉係好嫩口，好香口，沒得彈。價錢就二百蚊有找，食到呢類食物 都算值得 聚會之類可以考慮呢間，食下野 , 吹下水咁 , 都幾好

5時-6時半晚餐早場，只要98加一，今天特別想吃肉，就到這裡吃了。一進去，場地十分整潔，黑色為主的佈置，令人有一種高級的感覺。那個三文魚真的很香很甜，但不知為何其中一塊有一點軟骨(?) 感覺有點微妙。有雞排﹑豬排﹑牛粒﹑牛肉片等，他們特別把肉弄得小塊一點，放便燒，味道沒有什麼特別，和平日在家煎沒什麼大分別，就是香多了而已。但我最喜歡的不是燒肉，而是那個笑哈哈薯餅，真的很香很軟，但卻不太油。還有其他好吃的例如朱古力棉花糖，真的很好吃。這裡不少食物都能自己動手做，例如雪糕餅，Waffle等~最後還拿著兩枝自制棉花糖走~真的又好玩又好食。 

久違了的韓舍，終於在昨天約了友人一嚐其滋味了。看各界食評也知道，其賣點並不在於「燒肉」，而是在價格，DIY，和甜品上。可能是小女子期望太低了，味道有點出乎意料，還不錯。肉類選擇真的非常少，不過對小女子而言尚算足夠。一部份是已經有味道的，但是燒熟了反而味道沒有出來。金沙骨和牛肉是較為好吃的。蔬菜的選擇相對而言非常多，有冬菇，秀珍菇，茄子，脆玉瓜，南瓜，洋蔥…個人認為燒蔬菜是一定美味的，但洋蔥，南瓜最為出色。熟食方面的質素當然是一般，除了炒飯和炒烏冬外都是炸物，冷了的油炸物咬下去時沒有油膩的感覺就算高質了…所謂最好吃的甜品，小女子對此真是大感失望。原來午市沒有奶凍類，只有五，六款蛋糕。味道？就是蛋糕。幸好還有DIY類。爆谷當然是已經爆好的，不過挺好吃。DIY雪條是真的不好吃，不過貪玩試一試是可以的。Pancake友人吃了兩次，她說很不錯。個人最喜歡DIY棉花糖，不會非常甜，吃了兩次午市沒有奶凍，刺身。$108加一。最推薦的就是DIY棉花糖了。到底有沒有回頭再光顧的意義呢？

突然想食韓燒，於是中午去間未試過既試下，又因為佢點知嚴重中伏了！我一點左右去到，限食個半鐘，不過食左半個鐘就唔係好想食啦。之前覺得漢和已經夠難食，估唔到一山還有一山高。首先食物種類非常地少，壽司，蛋糕，熟食，物，用黎燒既肉。 壽司啲飯又硬又散，都唔知係咪隔夜架。跟住試麥樂雞同春卷，睇落似岩岩整起，但食落唔脆兼難食。熟食得個幾樣，而且唔吸引，無興趣試。試了炒烏冬，以為實好安全，點知都係中伏，咸到呢，點解可以煮得咁難食。之後食燒的東西，都係個幾樣，都正常既，無咩特別。跟住試大豆芽，以為呢啲涼拌菜一定點都唔會差得去邊既，點知都係衰左，嘩，生既！食落好大陣青澀味，懷疑無煮過！而且幾乎好似無調味。只有旁邊的泡菜稍為ok。最後試最正常的雪糕同佢個棉花糖機，這個叫全場最好食的了我覺得。旁邊的格仔餅機俾人玩到一pat野咁，見到都唔開胃。野飲有汽水、檸水、檸茶等。汽水無汽的，檸水個啲又係無檸檬味...佢有個牌係枱到寫住珍惜食物，我心諗，你不如珍惜食物，唔好再煮啲咁難食既野吧！總知唔好貪平，俾多廿幾蚊食樓下漢陽好過。

大家印象中嘅韓燒，一般都係明火燒版燒，成個餐廳都烏煙瘴氣，但係呢度用燈燒，食起上黎香口之餘，又唔會做到成身油煙味，實在太好喇。呢間韓燒啲擺設都好乾淨企理，味道仲唔錯，好似啲雞翼，有醬料醃制過，但係又唔會成口都係味精; 牛仔骨亦相當出色，肉質非常鬆軟，一啲入口即溶嘅感覺。最犀利係呢間韓燒仲有新鮮嘅刺身，種類好多嘅甜品食，包括酸甜度適中嘅啫喱，軟滑嘅泡夫，真係同酒店無咩分別！

同學聚集提議左去旺角食韓舍，食落去又唔差，係度 打下自己感受!!韓舍其實唔錯，係服務方面都令我幾滿意下，好似我d舊碟，佢都好主動幫我換走，呢點令我留左好印象。加上味道同肉類種類有好多，又有牛肉，雞扒等等..全部肉類都有醃過，不會淡而無味 唔會太咸太甜.豬肉和牛肉的味道幾乎沒有分別，但肉質幾淋。雞翼味道偏OK，肉嫩離骨，很香口。可能我燒烤技術幾好 烤得D肉質好嫩口，幾易咬斷，而且每一舊肉既肉汁都係爆出黎！正係燒緊肉期間，就當然搵刺身黎食架啦！三文魚就一定要去食！大大件 好肥美 仲係”南位”tim甜品種類好多 蛋糕,布丁等.. 細細件 食多幾款都唔易飽我就貪玩 試食自製雪糕, 幾得意, 好cream 但幾甜, 小朋友應該幾鐘意.!!

一大班fd 12個人就去左韓舍到食韓燒放題喇因為太多人分左做前後枱之前食過元郎個間都覺得啲野ok嘅但係今次真係麻麻地張枱個爐太細火燒左好耐啲野都未食得五花肉就真係唔係咁好食喇太薄所以冇咩肉味但係有豬大腸真係好正甜品就真係好多選擇啲質素都唔錯因為依家有6送1優惠所以都幾抵食嘅

燒肉，雞翼款式太少，只得一種味。食過元朗果間，竟然有原味雞翼！！！刺身每人限取兩款。每款兩件，但兩件勁似出面食既一切為二？！細件到不得了。。有一盤盤的小食，炸物，但淋曬。熟的食物一般，只夾了小小。最好既系甜品多，蛋糕幾款，朱古力既好味，仲有布丁，o者哩，自製雪條。飲品自己倒。不是罐裝多種。總結：可試，不可再。