韓脈 (帝國中心)

營業中

休息中

Ribeye steak 🥩 牛肉眼 $250180g 重嘅肉眼扒非常有份量，有大理石嘅脂肪紋分布平均，肉眼油花豐富，食落去口感鮮嫩😍，軟腍腍，肉眼熟嘅程度可以視乎個人喜好，自己燒自己決定🔥，烤完之後簡簡單單加少少粗鹽或者特製洋蔥汁🧅已經唔錯Ox tongue 牛舌 👅 $160一碟六塊牛舌大概重150g，每一片嘅份量適中，食落去口感彈牙，牛肉味好濃郁🐮，爽口滑嫩，幾值得推介呀👍🏻Marinated soy sauce crab with rice 🦀 醬油蟹、牛油飯 $250充滿傳統韓國特色嘅醬油蟹係餐廳嘅熱賣推介菜之一，將新鮮嘅生蟹用特色自製醬油醃製完成，將蟹肉、蟹膏撈入去紫菜蛋黃飯🍳攪拌一齊食，好味又好夾呀🤤Blue lemon ade 🍹🍋 藍海檸檬汽水 $48粉藍色嘅檸檬梳打汽水影相出嚟效果好靚，雖然飲上嚟味道有少少甜，但係充滿檸檬嘅清新香氣🌿，而且夠冰涼適合夏天同配搭燒肉飲！

🎪韓脈 (帝國中心) (尖沙咀)尖沙咀麼地道68號帝國中心地下高層UG43號舖韓國🇰🇷系列係小編至愛🥰餐廳係帝國中心，它原名叫韓珍，近排改左叫韓脈。最近天氣開始熱，凍食醬油蟹就最岩‼️正正🥹🌟 醬油蟹(1pcs) $225原價$250最近優惠價$225，配紫菜蛋飯，韓國直送蟹🦀，大大隻，獨家秘方醃製，味道醃得好均勻正‼️ 蟹肉飽滿蟹膏夠油潤，配埋紫菜飯，好正🥹店員好窩心，預備咗手套和鉗，食得好elegant🥰🌟辣魷魚海鮮湯(跟拉麵) $288性價比高☝️好多好多海鮮，魷魚🦑成條大大條，姐姐好細心幫手剪，仲有青口、原隻鮮鮑魚、蜆、蝦🦐，配料都係大大隻‼️仲有個公仔麵，好滿足！🌟醱酵人蔘雞湯 $108最近身體要補氣血🥹人蔘雞湯就啱晒，雞燜到啲骨都就黎熔化，而蔘味不重，但湯底清甜，仲配埋娃娃菜架☝️🌟藍海檸檬汽水 $48/ 柚子汽水 $48

今日去尖東搵食，睇到帝國中心有一間評價好高嘅韓式餐廳，佢原名叫韓珍，近日改左名叫韓脈。餐廳位於帝國中心2樓，裝潢係好傳統韓式燒肉店。餐廳主打燒肉，每一枱都有個烤爐，可以選擇嘅菜式好多。不過我地今次趕時間，就揀左熟食，留返下次再試燒肉。醱酵人參雞湯啱啱上嚟嘅時候，味道唔係好濃烈，但係飲落肚入面同感覺好舒服。湯底清澈透明，加咗啲紅棗同花旗參，令味道更加濃郁。雞肉又好滑嫩，一啖落去就可以感受到佢嘅鮮味。食人參雞最緊要加碗白飯，配埋一齊食非常好味。炒牛肉粉絲粉絲唔會太膩口，而且炒得十分入味。牛肉切成薄片，口感嫩滑，配合粉絲一齊炒，味道好好。菜式中加入咗啲青椒同洋蔥，增加咗啲蔬菜嘅清香味，令菜式更加平衡。韓牛骨湯湯底濃郁，骨頭煮得好滑，帶微微的酸辣，好惹味。牛肉好鮮嫩，唔會煮得過老，又冧又滑，湯底中蘊藏咗豐富嘅牛骨鮮味，配埋白飯一齊食，中和左湯嘅香辣，又好味又飽肚。50cm長嘅韓式雞蛋捲呢個蛋捲真係好特別，因為佢嘅尺寸好大，一份就可以供應兩個人。雞蛋捲中夾咗啲生菜、泡菜之類，味道清新，好有視覺效果。吃落去，雞蛋外脆內軟，配合埋啲蔬菜同泡菜，味道好好，一啖落去就可以感受到嘅層次感。呢間韓式餐廳嘅菜

每隔一段時間就會想食醬油蟹🦀️，之前食過一次呢間嘅醬油蟹，依家改左名由「韓珍」改作「韓脈」。.🌸鐵板烤小章魚🐙 $310侍應將醃製好的小章魚和配菜端上，然後現場烹飪小章魚。熱辣辣 真係又熱又辣，小章魚好新鮮 超級惹味。.🌸醬油蟹 $250心心念念嘅醬油蟹，金燦燦嘅蟹膏刮落去拌飯，再吸一口蟹身內的蟹肉，無限量供應免費紫菜飯，拌著生雞蛋一齊食，味鮮冇得輸！.🌸海螺辣拌麵 $158分別有兩團麵，海螺肉好多，仲有各式配菜，份量都幾多下～ .

為左大大滿足未有機會出走韓國嘅我，男朋友book 左尖東韓脈，佢地岩岩改左名，之前係好出名嘅韓珍！去韓國餐廳最開心就係佢會俾唔同嘅小碟小菜！每次見到咁大堆頭就已經覺得好抵😂有泡菜，醃蘿蔔，大豆芽，鵪鶉蛋，沙律，蛋餅！開心開心 🥰 一黎就即刻點隻醬油蟹，好鮮甜！醬油醃得好入味！甜甜地，唔會過咸。加埋紫菜蛋醬飯。真係不得了！同男朋友爭食最後一啖飯😂😂 絕對無令我失望.另外加左個八方美人套餐 $ 588有牛舌，雪花牛肉，豬頸肉，護心肉，豬肩肉，醬油雞肉，大蝦同鮑魚 $588 有8 樣野食。 抵抵抵！ 燒烤餐仲會送韓式蒸蛋！🤩每款肉肉都係厚實型，絕對唔hea. 我自己就最鍾意牛舌同雪花牛! 鮑魚同大蝦都唔可以忽視😍 重點：食韓燒一定要配韓式米酒！막걸리一絕🔥🔥

我真係好鐘意睇人食醬油蟹既ASMR 🙈最近睇到忍唔到口要去食啦！今次一於試原本係尖東帝國中心既韓珍，最近改左名叫韓脈HanMat📍呢間韓式餐廳既頭盤除左有常見既芽菜、茄子、青瓜，竟然仲有鵪鶉蛋！🐣好豐富既前菜🤗之後當然唔少得叫咗個醬油蟹🦀同二人燒肉套餐，crazy既係二人套餐好抵！😳五百幾蚊包左兩種豬肉（豬肩肉、五花肉）同牛肋骨，再跟埋一個南瓜沙律、泡菜豬肉豆腐湯同飲品❣️飽到上心口！而且全程有專人幫你燒，你只需要坐定定等食就可以😌加埋部超級吸油煙機，只需要安心享受同人相處嘅美好時光🥳而醬油蟹亦都十分大隻，配上附送嘅紫菜飯同煎蛋🍳，自己一路擠啲蟹膏，一路拌入飯中，好似去左韓國🇰🇷咁😜在場嘅氣氛都十分熱鬧，無論係一大班朋友，抑或知己碰碰杯底，相信都係一個不二之選🍻

最近好多朋友都去左韓國🇰🇷旅行搞到我心思思掛住 醬油蟹同人參雞湯😳所以今次就去左位於尖東海旁帝國中心既韓脈~原味韓珍餐廳廚師 係韓國人黎架 環境氣氛食物味道都 非常有韓國本土風味 主打韓燒同醬油蟹🤩蜂蜜梨汁生牛肉🥩$180對兩個人黎講 呢個前菜 份量非常之多！！！ 大量生牛肉絲用上梨汁醃制 非常鮮甜 配埋梨肉絲一齊食既話 口感層次進一步提升 十分推薦多人既時候叫黎做開胃菜😎醬油拼盤 蟹•蝦•鮑魚(細)🫙 $373好幸運撞正佢地Family month promotion食醬油蟹有折扣 ！ 鍾意食醬油蟹既朋友 唔可以錯過 呢到既醬油蟹 好大隻好多膏 肉質嫩滑入味😜另外 蝦同飽魚肉質彈牙 大滿足🤤醱酵人參雞湯 🐔🍲$108兩個人怕叫燒肉份量太多同想感覺健康啲！😆就叫左個人參雞試下 有意外驚喜👍🏻雞湯味道清甜 有淡淡人參既甘香 提神又暖胃 入面重有糯米飯添！😋梨汁🍐 $20蜜桃汁🍑 $20

Book 嘅時候冇講明兩小時要還枱，去到先講！如果－早講我地唔會簡你哩間啦！D侍應黑口黑面，係都要盡快燒哂D肉，使唔使咁趕！又唔係full house , D位又迫，我哋又唔係唔消費，－定唔會再嚟囉！我哋七個人，三個男仔都有12 歲牛高馬大，咁都要改我哋只有5人消費，何解？食到咁上下比張單嚟要埋單，我哋話未食哂，老闆話比多5分鐘你😡😡😡 D食物－般，醬油蟹係幾好味嘅。環境一般，坐位好迫，抽風唔夠，咁嘅收費可以做好D。

之前去韓國旅行，一試就愛上醬油蟹。 最近去了這家位於尖東近海旁，由韓國人大廚主理的餐廳，環境好似去咗韓國咁，而且感覺好熱鬧這裡除了醬油蟹，還有醬油蝦、醬油鮑魚，我也一次過點了醬油拼盤，可以試整幾款醬油蟹都幾大隻，好多蟹膏，醬油豐富，蟹肉嫩滑鮮味；醬油蝦及醬油鮑魚肉質就好爽彈。 我感覺將紫菜白飯放入蟹蓋拌蟹膏一齊食，真係無得頂！八色珍味拼盤 賣相搶眼，有四款口味的五花肉，及其他豬肉，如護心肉、豬頸肉等。 店員還會親自幫手燒烤😍 每款的豬肉都是卷著的，拉開燒的時侯就見到份量十足，我們兩都完全食唔晒當然不能了養生暖胃的醱酵鮑魚人蔘雞湯，熱騰騰出哂煙上枱，香氣撲鼻，半隻雞清楚可見。 湯底呈奶白色，非常濃郁，而且裡面還有好多人蔘及糯米飯

韓脈 (帝國中心) (尖沙咀)尖沙咀麼地道68號帝國中心地下高層UG43號舖。同好朋友食飯吹水，韓燒不失為一個好好既選擇，一路慢慢食燒肉，一路飲下酒，輕鬆就傾左3個幾鐘。位於尖東帝國中心既韓脈，原名係韓珍，係近日改左名。Pork & Beef Set Menu ($580)好抵食既一個二人餐，肉類有蜂窩五花肉、豬肩肉、調味特級牛肋骨，有d地方就咁order特級牛肋骨都已經二百幾蚊。另外仲揀左牛油果生果沙律、泡菜豬肉湯、雪糕，生果沙律好refreshing，泡菜豬肉湯足足分到4碗食。店員會幫手燒肉，唔洗擔心自己會燒得唔好，燒肉可以就咁食或者包生菜食，三款肉都好高質，特別係牛肋骨，襯埋韓國好出名既百歲酒（$118），好似飛左轉韓國食飯一樣。百歲酒既蔘味都幾突出，酒精濃度都有13%，唔係太飲得既朋友記住留意番

很多韓國來香港定居的朋友都說，一定要去這間吃，說味道跟韓國的最正宗，侍應也是韓國人～泡菜金槍魚湯~微辣而已，喝起來舒服的，內裡還有很多豬肉、泡菜及豆腐等，味道香濃～50cm 長韓式雞蛋捲～特長的，一定要有朋友分享吃才能吃完，雞蛋內還夾了些泡菜、芝士及蔬菜，頂部則放滿木魚絲，口感豐富～Seafood BBQ~有鮑魚、芝士扇貝、蜆、青口、蝦及魷魚，材料十足，一大盤的，旁邊還有一些菇菌及蔬菜～桃汁及雪梨汁～很香甜，味道濃郁，兩者喝起來還有些果肉纖維～

餐廳最出名系燒肉🔥到呢家仲記得燒肉嘅美味😊但同時其他菜式都充滿韓國風味，各有特色。韓國籍老闆推介我地試試醬油蟹🦀佢話黎緊母親節所以做緊優惠，用9折優惠就食到，講起醬油蟹。佢話原來韓國人過時過節好中意食，即系好似我地新年會食年糕或者中秋節食湯圓咁☺️✿ 醬油蟹 $225醬油蟹系一道非常受歡迎嘅海鮮料理，特別系在中國和東南亞地區，醬油蟹主要成分系新鮮的螃蟹和醬油，通常仲會加入其他調味料同埋香料，例如薑、蒜、辣椒、蔥等。醬油蟹口感鮮美，肉質鮮嫩，帶有濃郁的醬油味。蟹肉入口即化，讓人難以忘懷。✿ 50cm長韓式雞蛋卷 $15850cm咁長真系要睇下系咪真系咁堅🤩一黎到好震撼，一睇就知系食吾曬😂表面有大量木魚，然後就有茄汁&沙律醬❤️❤️雞蛋入面有少少拉絲tim😆✿ 護心肉 $150之前喺燒肉店食過護心肉，護心肉醃製醬汁同燒烤方式使肉質更加香脆多汁。護心肉醃製醬汁中含有大蒜、生薑、蜂蜜等成分，香甜有咬口，質感堅硬，成分可以增加肉嘅風味，而且具有護心作用。✿ 牛五花肉 $150牛五花肉質柔軟、油脂分佈均勻，牛五花肉的烹調方法有很多種，其中燒烤系最受歡迎烹調方式之一。燒烤戈陣牛五花肉散發出濃郁的肉香味🤤外

黎到尖東想食下韓國菜，見到呢間係帝國中心嘅——🌟HAN MAT - 韓脈🌟佢餐牌選擇種類都幾多，好多都係正宗濃味道嘅韓國菜，仲要有韓燒嘅肉拼盤同埋海鮮拼盤，完全滿足曬可以韓燒又可以食韓國菜嘅慾望😋淨係前菜都勁豐富，仲會配埋多款醬料可以點，仲有生菜同生蒜俾你包燒身食👍🏻._.🔥｜烤熟的海鮮拼盤｜🔥（芝士扇貝、蜆、青口、魷魚、蝦）呢個拼盤嘅組合完全啱曬我嘅口味，因為係全海鮮拼盤，唔洗唸揀咩海鮮食，每款數量都算少架，最讚係啲蜆數量多，而且好鮮甜又無沙，帶子佈滿芝士，同青口一樣大大粒，最後魷魚成隻上大大隻，好滿足👍🏻·🦀｜醬油蟹｜🦀（配飯）最鐘意食醬油蟹，食韓國野如果有都會必點，成隻原隻上勁多蟹膏，一咬啖啖蟹肉，配埋有蛋黃同紫菜嘅珍珠飯，好正呀💕·💙｜D41 Soju Rita (Blue Lemon)｜💙呢個個賣相好吸引，藍色大大杯，個酒底有得揀燒酒或啤酒，我就當然揀燒酒，用嘅係韓國真露燒酒，大大杯配咁多燒海鮮好夾🤩._.

孟加拉皇后🇧🇩離港啦…所以最後一聚就梗係食正宗地道韓燒，當然唔少得教皇后飲真露溝啤酒🍻啦…小菜嘅份量超多有泡菜、醃蘿蔔、麻油豆芽、魚乾四季豆、鵪鶉蛋、沙律、蛋餅～ Vienn最愛魚乾四季豆因為係白飯仔魚乾超高protein Port & Beef BBQ(2人）牛油果&生果沙律牛油果、 提子、蕃茄仔、蘿蔔絲配上千島醬，早前菜幾清新牛胸肉大醬湯超濃郁麵豉醬，牛胸肉非常入味唔鞋配埋豆腐簡直perfect match肉類拼盤蜂窩五花肉、豬肩肉、調味特製牛肋骨，配搭菇、翠玉瓜等蔬菜；完全唔需要用到調味，直接將烤肉包係生菜、加上蒜頭、辣椒絲，一啖一口，再飲啖酒，好滿足🤭甜品朱古力雪糕簡直係神來之筆，食到粒粒朱古力🍫Overall 嚟講$580真係2-3人食都冇乜問題，店員非常熱情招呼幫我哋燒埋，可以話係飯來張口！再者店內勁播blackpink既歌仲有flower 🌸好放鬆心情！ 好啱一家班朋友嘈嘈閉gathering 🥳如果大家中意俾個like支持下🤟🏽 𝗖𝗶𝗮𝗼~韓脈 (帝國中心) (尖沙咀)尖沙咀麼地道68號帝國中心地下高層UG43號舖

尖東正宗韓式燒肉!(・∀・)同好朋友一齊烹製燒肉、配上燒酒、辛辣嘅韓國泡菜小食 十分好氣氛!餐廳環境座位都闊落而每個烤爐都配備油煙機，通風良好之前叫嘅韓珍 最近改咗名叫韓脈主要提供典型嘅韓國燒烤體驗一去到餐廳店員就送上前菜同蛋餅，除左醬油蟹同燒肉，仲有石鍋飯、炸雞、湯麵、冷麵、同其他韓式小食前菜有泡菜、魚仔豆角、芽菜、蘿蔔絲、沙律、醃鵪鶉蛋共有六款伴菜，十分豐富烤蛋餅附送嘅烤餅喺鐵板上烤熟 仲有邪惡芝士拉絲!淨係食前菜其實都己經飽左3成XDD蜂窩五花腩Beehive-Shaped Pork belly $150五花肉上蜂巢式咁切左幾刀，油脂滿溢 充滿肉汁可以點麻油加鹽 夾埋生菜 加入蒜片 韓式辣醬同其他配料一齊食 好滋味不過燒得耐就會韌 記得唔好燒得太長時間(店員可以幫手燒)海鮮煎蔥餅 $150Seafood pancake朋友介紹一定要食呢味海鮮都幾多 配埋特調醬汁薄薄地 邊位煎得脆身 兩個人食唔哂要打包芝士鮮扇貝 $160Scallops w/Cheese有4隻 有大量芝士係上面燒完之後溶落包住扇貝食勁邪惡Beer Rita (Blue Lemon) $78呢款韓國啤酒第一次飲冇諗