韓脈 (帝國中心)

營業中

休息中

今日嚟到尖沙咀搵韓國嘢食 朋友同我都好鍾意食燒肉 睇咗餐牌，諗都唔使諗就決定叫咗呢個八方美人燒肉餐 有牛有豬有雞有海鮮😍坐低冇耐已經已經送上開胃前菜 👍🏾好快燒肉拼盤送上 份量好多 我同朋友都係牛魔王 雪花牛肉，同牛舌好讚👍🏾 海鮮新鮮 大蝦啖啖肉 叫燒肉會送埋韓式蒸蛋 蛋香好濃 好鬆軟食完燒肉唔夠喉，再叫咗個韓方牛肋骨 熱辣辣上枱 牛肋骨炆得好琳，好香滑 好入味 仲大大嚿份量不少 總括嚟講呢度嘅食物好正宗 性價比高 環境同服務都唔錯 同朋友聚會嘅一個好地方！

呢間韓燒之前食過，原名韓珍，依家叫韓脈，都仍然係韓國人主理叫咗個燒肉套餐，送煎蛋餅，味道唔會太鹹前菜🈶泡菜、蘿蔔絲、鵪鶉蛋、生菜及沙律等，每款嘅份量都唔會好少牛舌及雪花牛肉嘅肉味十分香濃，口感香滑豬頸肉更加係值得一試，食落好嫩滑護心肉及豬肩肉燒太耐就相對有點兒韌，醬油雞肉味道都不錯烤大蝦非常惹味，食落爽口彈牙鮮鮑魚已經落咗醬汁，燒完就咁食都好滋味Kiwi Ade有新鮮奇異果🥝，飲落酸酸甜甜Grapefruit Ade都有新鮮西柚，口感清新

今晚在尖東吃飯，這家餐廳應該至少有一年沒有來過了，原來改名了，裡面的裝修依舊。我們點了一份雙人套餐。⭐️pork & beef set BBQ$580有蜂窩五花肉、豬肩肉和調味特級牛肋骨。免費送蒸蛋，蒸蛋熱辣辣，入口很香軟。小菜有沙律、鵪鶉蛋、泡菜、芽菜、白飯魚四季豆等，款式很多。蜂窩五花肉入口油脂充沛，配搭蔬菜吃很棒。豬肩肉入口鬆化，口感不俗，很彈牙。調味特級牛肋骨最美味，肉味濃郁，咀嚼起開很輕鬆，配搭菜吃最適合不過。⭐️甜南瓜沙律沙律配搭車厘茄、紅蘿蔔絲、提子等，入口清爽，南瓜十分香甜。⭐️牛胸肉大醬湯有豆腐、牛胸肉、節瓜、洋蔥、蔥、白蘿蔔、冬菇，入口暖呼呼，味道濃郁。⭐️柚子茶最後還點了柚子茶，配燒肉吃一流。

今次朋友就推介一間由讀U時已經食開嘅韓國餐廳。佢就果然冇介紹錯，呢到嘅食物同服務都好高質！估唔到店員會幫下手燒食物+分食物！絕對推介！落單冇耐後店員就送上前菜+醬料。前菜6小碟除咗有醃蘿蔔、泡菜、芽菜、沙律，最估唔到係有鵪鶉蛋！另外店員再送上鐵板蛋，入面有少少洋蔥同燈籠椒🫑。唔係講笑，食前菜都有啲飽肚感覺🤣。🌟八方美人餐廳提供唔少燒肉套餐，今次👧🏻就揀咗八方美人呢個燒肉拼盤。食物有：牛舌＋雪花牛肉十豬頸肉＋護心肉＋豬頰肉十 醬油雞肉＋烤大蝦＋鮮鮑魚。所以肉類都係厚切，雪花牛肉充滿油香又唔會覺得韌。而幾款豬肉都都幾爽口。另外👧🏻就幾鐘意鮮鮑魚，略略漬醃過，鮮甜彈牙。🌟葛根水冷麵一上菜店員就問👧🏻同朋友洗唔洗幫手分麵👍🏻，蕎麥麵煙韌彈牙，湯底比較淡味，梨味唔算太明顯，可以自行加醋/芥末調味。再配埋青瓜絲、白蘿蔔，係非常清爽，配埋燒肉食仲好似可以減輕油膩感又食到澱粉質！

餐廳由韓國人主理，食物質素及味道正宗😋特別欣賞醬油蟹🦀，味道非常鮮味且獨特，食完後有再想食嘅感覺😇另外點了二人餐，肉類及海鮮質素亦不錯，份量好足夠，值得再光顧～😊😊

位於尖沙咀帝國中心既韓脈，原名韓珍。雖然換左名，但高質素不變。今日係時候去潮拜韓燒之父😎先有多款前菜，例如泡菜、麻油涼拌荳芽、鵪鶉蛋、醃蘿蔔等，好豐富。✨醬油蟹蟹膏蟹肉非常甘香鮮甜，份量亦唔少。以醬油醃得好入味😍配上紫菜牛油蛋飯。可以將蟹鉗既蟹膏蟹肉吱落紫菜蛋飯內拌勻，或者將飯放入蟹蓋拌勻，一樣非常美味🥰紫菜飯仲有濃濃芝麻香添。✨八方美人套餐有牛舌、雪花牛肉、豬頸肉、護心肉、豬肩肉、醬油雞肉、烤大蝦同鮮鮑魚，非常豐富，每款都可以試下😙2-3人都好夠食。特別喜歡雪花牛肉，油花好香；豬肩肉味濃有咬口；鮮鮑魚好肥美🥰喜歡既可以以生菜包肉，加入蒜片、泡菜、醃蘿蔔等一齊食，有另一番滋味。點選燒烤類主食，仲會附送鐵板蛋餅一份🙌🏻

以前都偶爾黎帝國中心，原來韓珍改咗名叫韓脈😳我覺得食韓國菜其中一個好處就係一次可以品嘗多款韓式小菜，今次嘅小菜包括芽菜、鵪鶉蛋、生菜、泡菜、魚仔豆角、醃蘿蔔等，十分豐富✨✨🍳另外叫燒烤會送韓式蒸蛋，以少許紅綠椒作點綴，上檯時熱辣辣，記得要趁熱食😉🐮韓牛肉眼牛扒 $365韓牛用上1++grade，即係最高嘅等級，質素果然有保證😋油香十足，而且肉味濃郁～鍾意配上生菜同泡菜一齊食，口感豐富😋🐷蜂窩五花腩 $150值得一讚係店員會幫手燒，所以火候方面控制得好好！五花腩油脂會比較豐富，但餐廳用特別嘅切割方法，令大部份油脂都可以透過燒烤嘅方法將佢地迫出～所以食落唔會好肥膩👍🏼🍕泡菜煎餅 $130分量十足！辣辣地又帶微微煙韌嘅口感，令人會食完一件接住一件🤣🥘泡菜豬肉湯 $88材料十分豐富，包括洋蔥、泡菜、豬肉和豆腐等～整體味道會比較濃郁，覺得係配飯嘅良物🙌🏼🙌🏼環境：4/5大部分坐位都已經配備燒烤設備，部份座位私隱度會比較高～服務：4.1/5店員好熱情，會幫手燒烤😳對於我哋唔知熟唔熟同埋冇燒烤技巧嘅人係一大福音✨✨食物：4/5傳統韓國美食，特別推介1++韓牛😋😋Revisit: yes

今日約咗朋友慶祝 佢話想食韓燒 即刻book呢間已經bookmark左好耐嘅餐廳，陣間喺尖東帝國中心人氣都好高嘅韓國餐廳，之前叫韓珍 而家改咗名叫韓脈 不過一直都係咁多人食🤞🏻🇰🇷🥢我哋兩個人叫咗一個Pork & beef set $580, 再加一個炒牛肉粉絲 $100。完全估唔到個set有咁多嘢食 好豐富，而且餐廳嘅小菜比起出面嘅韓國餐廳都特別大碟 而且有六款咁多。朋友最鍾意就係醬油鵪鶉蛋 調味啱啱好，我就覺得泡菜好好食😋😋肉入邊有🐖五花肉，🐖豬肩肉同埋🐂調味特級牛肋骨。豬肉好新鮮 五花肉彈牙，豬肩肉比較實淨 一夠熟 就要即刻食，另外牛肉已經調咗味 肉質都比較腍 燒到7成左右即刻食👍🏻👍🏻👍🏻套餐包咗沙律同埋湯，我哋就揀咗牛油果🥑生果🍇沙律🥗同埋🌶️泡菜豬肉湯。牛油果幾新鮮，泡菜豬肉湯幾辣 好濃味，唔岩辣既朋友可以簡另一款牛肋骨湯。跟餐重有雪糕/柚子茶，我地要左一杯清甜既柚子茶，食完消下濟 岩岩好💯

小篇👧🏻接朋友收工，就介紹我去食韓國菜，好耐無食韓燒啦，鐘意食新野既小篇當然吾會錯過啦！ 去左位於尖沙咀帝國中心《韓脈》。餐廳環境闊落，好熱鬧，同埋店員好有親切。👅𝓜𝓮𝓷𝓾𝓼⭐韓國伴菜共有六款伴菜，每一樣都好好食，其中小篇👧🏻最喜歡係自家泡菜同鵪鶉蛋點啊😋。⭐烤蛋餅🍳每枱都會附送一客烤蛋餅，蛋餅經過洋蔥等配料抄熟然後在鐵板上烤熟，外皮焦脆好香口。⭐醬油蟹🦀小篇最愛必食之選，醬油蟹好新鮮大隻，而且仲充滿蟹膏，感覺好肥美，咬落去爆汁好鮮甜，將紫菜飯和蟹蓋內的膏攪勻一齊食，好正。⭐BBQ特級牛肋骨🐂牛肋骨油脂紋路好靚，有清晰的雪花，份量十足，店員會幫手烤熱，點上麻油加鹽的醬料，油香爆棚，入口即溶，牛味濃郁，質素性價比高，仲會附送一盤生菜，可以將牛肋肉用生菜🥬包上蒜頭、泡菜、青椒 🫑一齊食，好好食🥰。⭐BBQ魷魚🦑魷魚賣相分量超大，而且仲好新鮮爽口彈牙，魷魚控既朋友真係要黎試下。⭐人參雞湯🐔正宗韓國人參雞湯，雞肉內包裹住煮爛的韓國糯米，清澈嘅雞湯連埋一齊食，感覺好暖胃。——————————————————💕Encore指數：4.5/5 💕環境：4/5💕推介指數：4.5/5———————————

去韓國旅行最鐘意就係食燒肉同醬油蟹原來係尖東有一間正宗地道韓式餐廳就可以一次過滿足曬兩個願望餐廳位於帝國中心，前身為韓珍，裝修充滿韓國 feel一路播住 Kpop，座位寬闊，空間感十足，每個烤爐都配備強力抽油煙機，通風良好，用餐感覺不錯除左必試既醬油蟹同燒肉，仲有石鍋飯、炸雞、湯麵、冷麵、同其他韓式小食，總有一款岩大家心水餐廳環境開揚，座位寬闊，空間感中足，每個烤爐都配備強力抽油煙機，通風良好，用餐感覺不錯而且食燒肉仲會有服務員為你燒烤，咁就一定唔會過火，燒到剛剛好，非常細心，怪唔知差唔多全餐廳滿座食物方面:前菜 : 前菜有泡菜、芽菜、翠肉瓜、蘿蔔絲、沙律、鵪鶉蛋，最特別係有鵪鶉蛋，仲要可以無限添加，前菜都好有質素鐵板煎蛋餅 : 蛋餅外皮煎到脆皮，蛋餅嫩滑，最鐘意既韓式小食醬油蟹 : 醬油蟹爆曬膏，醬油入味，肉質鮮甜，最將撈左生蛋既紫菜牛油飯落蟹蓋連同蟹膏一齊食，果然係白飯小偷特級牛肋骨 : 牛肋骨脂肪均勻，口感軟滑又有咬口，而且牛味濃郁，韓燒必吃之選蜂窩五花腩 : 五花肉上切幾刀到蜂巢式，咬落去口感更柔軟，而且充滿肉汁，加埋生菜、韓式辣醬及其他配料一齊吃，夠曬惹味豬肉石鍋伴飯 : 食

📍 韓脈 (帝國中心) (尖沙咀)尖沙咀麼地道68號帝國中心地下高層UG43號舖———————————————餐廳原本叫做韓珍，最近改咗名做韓脈，平日夜晚去都座無虛席，可見餐廳有幾受歡迎😆一坐低店員已經送上不同前菜同醬料俾我哋，主要都係平時常見嘅泡菜、芽菜、醃蘿蔔等，比較驚喜嘅係竟然見到鵪鶉蛋😍 亦都有提供生菜、蒜片、辣椒俾我哋包住烤肉去食，成餐飯食落無咁膩😛 除此之外，店員仲送上蛋餅，裡面有啲三色椒粒粒，用鐵板上熱辣辣冒緊煙的～八方美人：牛舌、雪花牛肉、豬頸肉、護心肉、豬肩肉、醬油雞肉、烤大蝦(2隻)、鮮鮑魚(💰: 588 hkd) (二至三人份量)呢個套餐啱晒有選擇困難症嘅我，乜嘢都有啲：海鮮、肉類樣樣都有🤭 加上有店員幫我哋手烤肉，火喉生熟控制得剛剛好，我哋可以慢慢嘆，實在太好喇❤️八款食物都好高質，特別想提吓鮑魚、大蝦同埋牛舌😍 鮑魚同大蝦鮮甜爽彈，牛舌夠曬厚，口感十足，呢幾樣都係我嘅最愛～雪花牛肉、豬頸肉、護心肉、豬肩肉我都用咗生菜包住食，肉味香濃又唔會太韌，食多幾片都唔會滯😛 醬油雞肉就好多汁juicy😋 食落啖啖肉超正!!泡菜豬肉湯(💰: 88 hkd) 泡菜豬肉湯超好飲，

呢晚行經尖東果邊，再訪呢間幾出色既韓燒店韓脈，餐廳之前叫韓珍，最近改左名，但估唔到service同野食都upgrade埋，去到有妹豬店員幫手燒野食，唔洗點郁手覺得好開心😌坐低冇耐，店員會先送上超多前菜，除咗常見嘅泡菜、芽菜及醃蘿蔔之外比較特別係會有埋鵪鶉蛋及生菜沙律。❀韓式蒸蛋❀韓式蒸蛋望落脹卜卜軟綿綿，口感會比較實，不過都幾有蛋香。❀八方美人❀睇到個名決定點既😂有齊鮑魚、大蝦、牛舌、雪花牛肉、豬頸肉、護心肉同埋雞肉等等，好豐富又有唔同種類既食材，啱晒心大心細唔知揀咩野食既我。鮑魚預先醃好，食落好鹹香入味，仲要彈牙又厚肉。店員好好地用鉸剪幫我哋搣埋蝦，蝦肉大隻又鮮甜，冇哂蝦腸好好。❀醱酵人蔘雞湯❀隻雞好大隻，煮到好腍，裡面有好多糯米，口感軟糯，湯頭甘甜超清澈，飲左3碗超飽😄❀牛肉石鍋拌飯❀牛肉炒到好濃香，配上伴菜食味道岩岩好，底度仲有少少飯焦🤩

🔸️韓脈 (帝國中心)📍尖沙咀麼地道68號帝國中心地下高層UG43號舖幾個朋友聚下，諗住人多可以食大排檔楚撚記，但星期日都訂唔到位。朋友推介食呢間韓國野，原名叫韓珍，宜家改左名叫韓脈。🗨 韓燒：-雪花牛肉 $250-特級牛肋骨 $250-蜂窩五花腩 $150-牛舌 $160肉既質素真係唔錯，好靚仔🥰推介雪花牛肉 同牛舌。牛舌厚度唔會CUT得太薄，食落有咬口，又唔會太厚，驚唔夠熟。🗨 鮮牛腸牛肚粉絲湯 $338呢個湯好足料，個牛腸牛肚都好多，亦都配搭住少量菜同蔥。配飯或者甘飲都唔錯～🗨 醬油蟹(2隻)配紫菜蛋飯 $488呢個真係心心眼，叫左2隻，但原來朋友們唔係太鍾意食～我自己都食左一隻，好開心。佢D 膏撈飯食真係超好味，除左膏之外，佢D蟹肉都好軟糯，啖啖鮮味，亦都唔難咬，好滿足。🗨 韓式甜辣炸雞 $190佢好似得兩款味，另一款係原味。佢炸雞落唔會成口粉，炸得都好鬆軟，粉係特別調味過既~🗨 白飯2個 $30用黎擄醬油蟹同粉絲湯一流呀♡見到間野都有D韓國人黎食，間唔中見到廚師都出黎拎野呀甘，都係呀朱媽黎，真係夠曬正宗。呢間野好食，打破左我”韓菜咪又係個D味道”既一貫作風。會再黎食架！

我地到底有幾鍾意韓國🇰🇷啱啱返黎就被邀約食韓國菜🤪今晚去左前身係韓真現改名為HAN MAT韓脈嘆正宗韓國菜🇰🇷水準依舊一樣好好味😋餐廳依舊座無虛席🙌黎之前記得Book定位呀😉來到先會上多款韓國拌菜及烤蛋🥰醬油蟹🦀係必食之選🤪本身已經係蟹迷😬呢隻醬油蟹算大隻😊蟹膏睇起來夠吸引🥰我鍾意將蟹蓋裡蟹膏和醬汁把紫菜米飯放進去拌一拌來食☺️蟹身部分就直接放進口裡🥰鹹甜鮮美真係令人難以忘懷🤤烤肉點選了五花腩及豬頸肉🐖五花腩已預先界開成半片方便烤燒👍整件肥肉瘦肉層次分明🙌一燒起油脂滿溢😊肉味香濃😍簡單點埋生楊蔥汁🧅及鹽用生菜🥬加入蒜片一起食好正🥰豬頸肉紋路均勻燒至兩邊外層微微焦脆😊內裏充滿肉汁甘香😊口感爽口彈牙😌配上少許韓式辣醬更加滋味😎葛根拌辣冷麵🍜 自從係韓國第一次食過之後😂今次見到都第一時間要求點黎食😊酸酸甜甜帶點微辣冰涼口感☺️一邊食烤肉邊食冷麵真係別有一翻風味🥰🥂韓國🇰🇷White Wine呢支係韓國新出既白酒😊藍色酒樽夠哂搶眼😍斟出嚟嘅汽泡🫧清爽💓飲落有啲似Moscato味道既甜酒😍

餐廳位於帝國中心，前身為韓珍，主打多款正宗地道韓式料理，除咗可以叫燒肉BBQ之外亦有醬油蟹、石鍋飯、湯、冷麵、同其他特色小食配菜，款式多元化，老少咸宜，實有一款啱你心水～ 地理位置方便，推介同朋友嚟吹水食飯😆一坐低店員就先上前菜，第一次見到有鵪鶉蛋😂 另外值得一讚嘅係呢度唔洗自己燒，而且服務態度十分友善，開心🥳 二人套餐包括幾款特定肉類，沙律、湯同嘢飲或雪糕！蜂窩五花肉肥瘦適中，油脂感滿滿，感覺超級邪惡😈豬肩肉大大塊，厚身多肉，肉質嫩滑、個人最推特級牛肋骨，調味適中，咬落爆汁，係幸福嘅感覺呀～ 牛油果生果沙律滿滿一碟，新鮮又健康，單點都唔平，感覺好抵食🤭 牛胸肉大醬湯上枱時熱辣辣，牛胸肉切到薄薄一片，吸滿湯底，裏面仲有蘿蔔、豆腐等，配料豐富，滋味無窮🤪 另外加多咗個魷魚，估唔到燒完都唔乾而且好彈牙，同時帶點淡淡嘅炭燒味，幾有驚喜～ 最後以雪糕作結，為呢餐畫上完美嘅句號！