影片
港鐵尖沙咀/尖東站 P2 出口, 步行約4分鐘
繼續閱讀
電話號碼
25116316
營業時間
今日營業
12:00 - 15:30
17:30 - 23:00
星期一至日
12:00 - 15:30
17:30 - 23:00
*午餐最後落單時間: 14:45 晚餐最後落單時間: 21:30
以上資料只供參考, 請與餐廳確認詳情
有關獎賞計劃
由韓國人主理，餐廳同座位算都闊落，如果唔食燒肉，用餐時間就係1.5小時，所以我地揀左4人餐pork & beef set BBQ。上菜速度都好快，牛油果 & 生果沙律嘅沙律醬汁偏甜，掩蓋左本身沙律應有嘅清新味道。雖然圖片只供參考但實際都相差得幾遠😂蛋餅要趁熱食，蛋味幾香濃，不過除左蛋味就好似無咩其他調味。海鮮煎餅少少失望，麵糊調得一般，煎餅酥脆感不足，海鮮同個煎餅顯得有啲分離。味道還可以，好在有韓式辣醬點綴下，如果唔點醬就顯得有啲唔夠味。拌冷麵口感清爽，醬汁味道恰到好處，帶有微微辛辣，整體味道層次豐富，而且份量都唔少。成個bbq set最重要就係啲肉肉，套餐包括護心肉、豬肩肉、豬頸肉、特級牛肋骨同雪花牛肉。店員會幫手燒，不過我哋都未食得切佢就極速幫我哋係咁燒，啲肉喺個爐上燒太耐有啲靭。牛肉幾乎無任何調味，味道略顯單調，無咩牛味。豬就相對好啲，點左醬汁味道更加出色。可能因為有限時所以店員仲急過我哋，8點半鬆啲就開始叫人埋單。不過服務都算係咁，前菜可以refill，生菜要加$10。
繼續閱讀
帝國中心聽得多 但入後食韓燒就第一次！老闆娘係韓國人唔會差得去邊😎小菜一開頭已經擺到成枱都係kekee 麻油味芽菜is da best! 韓式蒸蛋都有！建議趁熱食😉✢ 醬油蟹 $250/1 pc主腳🦀唔係講笑即使拜訪韓國千萬次 但今次只係小妹初嘗醬油蟹!!! 肉眼可見的亮麗蟹膏色 友人教先將飯粒擺入蟹蓋 連埋蟹膏一齊食😝味道的確幾鮮 唔會有明顯嘅腥味 然後剩底嘅精華就可以撈哂落芝麻油香飯度食🥰少食多滋味 無想像咁嘅爆多蟹膏but good try!✢ 雪花牛肉 $250✢ 蜂窩五花腩 $150可以自己燒嘅🫡但我地都係將啲咁靚嘅肉都係交番比專業嘅店員sss處理就好哈哈 店員手勢好就點都係好味😝雪花牛嘅火喉控制得啱啱啱 肉嫩多汁👍🏿五花腩一份嘅量都唔少！用生菜連埋配料包埋食 就係最高享受☺️✢ 海鮮煎蔥餅 $150呢份真係震驚性的大份🤪肯定大過你地每個人塊面！多料到差啲夾唔起 海鮮量 + 蔥sss都係滿滿的🦞🦑放心入面啲椒唔辣der 唔會太厚粉 蘸埋經典煎餅醬再好食啲！✢ 葛根水冷麵 $98呢個天氣唔可以唔食嘅냉면🍜係令人懷念嘅冷麵質感 煙煙韌韌 非常正宗的比你自己剪剪麵落下醋 冰塊多番啲會開心啲hehee✢ 米酒 $100店員用金鋁壼倒入杯成件事極有氣氛😆滿滿的儀式感 食都開心啲
繼續閱讀
🤎 近排先喺社交平台問過有邊間韓國餐廳好食，就搵到呢間喺尖沙咀由韓國人主理既韓國餐廳😍 🤎 一座低就有六碟小菜上，最surprise既係有鵪鶉蛋！比較少食到☺️ 又醃得好入味😁🤎 醬油蟹 1pc 配紫菜飯 $250 ♡ 今次既重點係醬油蟹！🦀 因為韓式醬油蟹比起中式既又有另一番風味。♡ 今次叫左一隻醬油蟹，都夠大，我同媽咪兩個人食都OK😁 醬油唔會太鹹，用隻手唧晒啲蟹肉出嚟再一啖食真係好正😍😍 蟹膏經過醬油點綴，仲特別鮮甜🤤♡ 另外配咗一碗紫菜飯，可以將蟹膏蟹肉唧落碗飯度撈勻。亦可以將紫菜飯加入蟹蓋入邊撈勻~ 🤎 Saturday Lunch Special for 2 - 旋轉煲五花腩BBQ Lunch Set $289♡ 星期六見到有呢個lunch special 好似幾抵食。首先有滿滿嘅五花肉！店員將五花肉同配菜，加入我第一次見既旋轉煲😳 嗰個旋轉波會自己轉動，令到啲五花肉均勻受熱，煮出嚟夠香，又唔會燶晒~ ♡ 有附送嘅生菜可以夾住五花肉一齊食♡ 飯可以揀白飯或者炒飯，如果揀炒飯店員會加埋泡菜入去個旋轉煲度幫你整炒飯☺️♡ 最後仲可以揀牛胸肉大醬湯或者純豆腐辣湯~ 我媽咪唔食辣所以就揀咗牛胸肉大醬湯☺️ 牛肉同配菜都足夠，可以連白飯一齊食😁🤎 下次再想搵韓國餐廳，我應該都會再嚟，想再食醬油蟹同埋試吓呢度嘅人蔘雞呀！🤩
繼續閱讀
位於尖東帝國中心嘅𓄹𓄼韓脈𓄹𓄼推出左 𝙍𝙤𝙩𝙖𝙩𝙞𝙣𝙜 𝙋𝙤𝙩-𝙋𝙤𝙧𝙠 𝘽𝙚𝙡𝙡𝙮 𝘽𝘽𝙌 𝙇𝙪𝙣𝙘𝙝 𝙎𝙥𝙚𝙘𝙞𝙖𝙡 由店員將五花腩放入旋轉鍋，全程唔洗自己動手，就可以享用到炒得好均勻嘅五花腩喇！五花腩充滿油脂香，仲有生菜、大醬、青陽辣椒等等可以包住一齊食，既提高清新度又有口感套餐仲包括左炒飯(另有白飯可選)同牛胸肉大醬湯(另有純豆腐辣湯可選)，炒飯都係由店員將泡菜，紫菜同飯放入旋轉鍋炒，值得一讚嘅係呢度嘅泡菜帶微酸，好啱口味，加埋紫菜同麻油香，令到成個炒飯更有追吃性！而牛胸肉大醬湯相當暖胃，牛胸肉肉質唔錯，大醬湯嘅發酵豆味香濃，令人飲落好舒服喺旋轉鍋炮製五花腩嘅時候，最好就係食住醬油蟹等！另外叫左一個醬油蟹套餐，包括埋另一靈魂 -紫菜飯！食完充滿醬油咸香嘅蟹身後，再將紫菜飯放上蟹蓋撈埋蟹膏，每一啖都係享受♡𓄢韓脈 尖沙咀麼地道𝟲𝟴號帝國中心𝙐𝙂樓𝙐𝙂𝟰𝟯號鋪
繼續閱讀
【尖沙咀韓式餐廳🦀韓脈Hanmat😳即場爆炒五花腩⁉️】-糾結咗好耐介唔介紹呢間餐廳😖雖然嘢食味道幾好😕但小編用餐嘅時候有啲不愉快嘅經歷🥺唔理啦！照出食評，大家自行判斷幫唔幫襯啦！希望餐廳睇到之後可以改善改善，做得更好😚-😋Saturday Lunch Special Pork Belly BBQ🍖 $288小編同朋友就嗌咗呢個燒五花腩套餐😳一嚟就上咗好多碟小菜😍有泡菜、豆腐乾、雲耳、翠玉瓜等等☝🏻食完開胃小菜就到重頭戲😀『即場爆炒五花腩』🥓但店員好似經驗不足🥵係勁高落豬肉啲熱油彈到周圍都係超危險🤯仲彈到小編隻眼😰😰😰之後店員冇即刻道歉仲繼續炒肉😶小編很無奈😑希望餐廳可以好好改善👀不過公道講句，五花腩加上生菜同蒜片🥬係幾好食嘅🤕爆香五花腩之後剩低嘅豬油就會用嚟炒飯😯加埋泡菜🫢又幾香辣惹味套餐仲包埋牛胸肉大醬湯或者豆腐湯🤤小編就揀咗大醬湯🍲啲牛肉幾靚係有牛味🤩個湯夠濃，但唔會好鹹，唔錯唔錯～好味指數：🌕🌕🌕🌕🌗安全指數：🌑🌑🌑🌑🌑-😋醬油蟹🦀$250醬油蟹超多膏🤩小編鍾意將啲蟹膏擠晒落碗飯度😜再加啲醬油😍然後將紫菜同埋蛋黃一齊撈勻🥳要啪曬成碗飯都無難度！好味指數：🌕🌕🌕🌕🌘-📍韓脈 (帝國中心) (尖沙咀)尖沙咀麼地道68號帝國中心UG樓UG43號舖💸人均消費： $300（設+1服務費）
繼續閱讀
您可能會有興趣的...