韓珍 (帝國中心) (已結業)

突然心血來潮想食韓國菜，所以當日上團購網睇下有無韓燒做緊團購, 竟然見到一路我都好想試嘅韓珍。韓珍喺尖沙咀有兩間食店，一間係寶盈商業大廈，另一間係帝國中心。打去寶盈商業大廈話當日無位，於是book咗帝國中心，可能地方比較偏遠，當日book位都得，去到見到入座率真係唔高。座位同座位之間有一段嘅距離，環境尚算ok。團購二人套餐包括前菜同沙律、一份蛋薄餅、蜂窩五花腩、護心肉、泡菜豬肉湯跟白飯、一支濟州漢拿山燒酒, 咁多樣野加埋都係$288, 當日仲用埋團購折扣大概$265,埋單加埋一唔使＄300有找！首先嚟咗前菜同埋沙律，沙律酸酸地幾開胃，泡菜普普通通。之後嚟咗支酒，支酒其實幾易入口，因為甜甜地，不過本身唔係咁好酒精，所以唔係特別鍾意。之後嚟咗個蛋餅，味道唔錯，熱熱地幾香蛋味。之後嚟咗蜂窩五花腩，都幾大舊，韓國店員服務算ok，雖然用團購優惠，但店員好多時都主動過嚟幫我地燒肉，仲會通知我哋幾時食得。之後嚟咗份護心肉，主要都係店員幫我地燒。兩份肉都好好食！不過我覺得五花腩好味啲!之後仲有個泡菜湯飯，味道同樣好食！整體黎講，呢個韓燒團購優惠都算唔錯，二人套餐份量啱啱好，加埋一唔使＄300。

幾日前已訂了8人位，而當日6:00已有店員打來確認我當日8:00的預約和確認人數，但到當晚他們不斷入walk in2人、4人，我們變得要再等，而服務員叫我們不如分枱，那麼我們預早訂枱都沒有意思，店員亦沒有理會我們，服務差，我不會再去食

Lovely Korean Food~!! I love eating Korean Food especially LA갈비..부대찌개, 비빔밥.I recommend this shop and Pork BBQ Set B $700.So many dishes, and the manager oppa is hansome

今次同朋友嚟試吓，因為朋友極力推介，今次真係無失望，好好食~先講價錢，二人牛肉餐$580，兩個人食就啱啱好，所以我地叫多一個護心肉$200套餐食物：牛肉眼⭐⭐⭐⭐⭐手掌大d嘅size, 肉質鮮嫩，多汁，超水準，大愛。雪花牛肉⭐⭐⭐⭐肉質幾滑，單面燒到七成熟就一流牛五花⭐⭐⭐⭐肉味濃，食落有少少似美國肥牛，但嫩滑好多，唔會有雪味。夾埋洋蔥一齊食超讚。甜南瓜沙律⭐⭐⭐⭐南瓜蓉味道清甜，爽脆生菜，配柚子汁，勁好食。護心肉⭐⭐⭐⭐肉味濃，醬汁係蒜蓉加韓式醬油，食落有咬口，剪細佢再炒一炒，好香口。一路食一路讚，服務員服務週到，全程幫我地燒，見到我地食晒d肉，佢就好開心話very good。每人三百有找，我就覺得值哩個價，生日再嚟過P.S.原來有午市套餐，要試吓喇~

今次黎試呢間韓珍新分店位於尖東 地方有啲唔就腳 不過勝在無咁full 所以都唔洗太擔心 但當然book左位會好啲今次叫左燉牛排骨 芝士魷魚鐵板 同辣水冷面首先上台係燉牛排骨 牛排骨超淋身 可以話燉到骨肉分離 舊骨輕輕整整就輕易整得走 又唔會un 重有佢白蘿蔔同紅蘿蔔都好淋身又入味 湯底亦好好味 如果配返碗白飯簡直完美 不過呢個牛排骨最表面比較油 整走再食健康啲然後就黎左水冷面 但我地叫辣唔係水冷面 前後同左香港同韓國員工講左3次佢先知俾錯我地換返個辣 呢隻搞左半個鐘個人口味覺得辣好食過原味 下次可以叫辣 雖然只係加左辣椒醬 但叫辣佢會俾少啲梨汁等等 食落濃味辣椒醬啲至於最後既芝士魷魚鐵板 其實食完燉牛排骨已經叫佢上台 第1次係叫佢可以上菜 第2次問佢話整緊等多5分鐘 最後要等多20分鐘先上到台 但上到台既時候都係未炸好魷魚 亦都無主動同我地講上面啲炸魷魚未ok 我地亦唔知食唔食好 雖然餐廳送左啲飲品俾我地飲 不過補償唔返佢地做野真係好慢但呢個鐵板係幾好食 有幾種芝士 有原味 有車打 有香草 個人覺得香草同原味幾好食 雖然店員話一塊一塊上 但我覺得2塊會比較好 同埋機熱得慢 好易一次就用

近3個月,本人已吃了不下5次韓菜! 事緣一位朋友好鐘意食韓菜!環境不錯, 舒服, 唔迫芝士酸辣炒豬柳 , 芝士好濃 再配酸辣濃醬, 好rich醬油蟹 ～好多膏, 不過D汁唔夠甜同唔夠香, 價錢亦一般般 $189 （1隻）燒烤分別點了豬同蝦 ：豬因為不是腩肉, 燒耐咗會好乾! 而蝦雖然好食, 爽口,冇雪味, 不過本人應為貴!呢個蛋餅係送嘅, 味道正常, 最緊要襯熱食整體佢呢度話貴又唔係貴,但好食又未係好好食! 而家市場上又咁多對手, 希望佢地成功守得住啦!

尖沙咀有兩間韓珍這間坐得較舒服！老闆和侍應都是韓國人所以我對這裡加分不少。地方大不太逼侍應算高效率。前菜離不開都是泡菜泡菜味道正宗。我們點了多款牛肉、生牛肉。我個人暫未能接受生吃肉類所以沒有試但有吃的朋友說生牛肉十分好吃拌勻其他伴料拌勻很好食喎！我燒的牛肉肉質也很好。烤香後入口外脆內嫩有肉汁。較有特色的是豬腩豬腩用不同醬料醃過要用心慢慢燒。肥的地方被火燒至不太油膩。另外點了醬油蟹生蟹被漬得入味而且十分還可以吃到蟹的鮮甜。炆豬手炆得十分鬆軟而且入味不用咬到牙都軟。其實食物也十分好味所以我會再幫襯！

今次已係第六次去韓珍，慶祝朋友生日，貪其環境舒適好坐，星期五晚最好先訂位，全店樓面只有一個識講廣東話嘅侍應，其餘係韓國人，顧客亦多是同鄉，每次都係兩三個人去，唔可以痛快叫一次八色五花肉，二人唯有揀四色，我地揀左香草、咖哩、大醬、辣椒醬，五花肉間左花另其入味又易熟，人手足夠時侍應會幫手燒，我反而唔鍾意，會阻礙傾偈同比較鍾意自己控制，可以燒得冇咁燶，五花肉雖肥，但包菜就無左肥膩感，而且係無限供應，沙律、辣椒醬蔥、洋蔥等菜類任食👍，牡蠣海藻湯一小鍋要$100有點貴，牡蠣新鮮口感好滑，韓國海藻如一陣風，口感唔實在，味道清淡不差，不得不提贈送嘅蛋餅，蛋味香濃，有洋蔥增添香氣，一定要趁熱食♨️

去尖東返新工,梗係搵下係附近返工既朋友食午飯聚聚加回一回氣, 韓迷朋友繼續推介韓食, 以我所知韓珍係帝國中心呢邊新開既, 今日就試新野啦, 1點去到已經要等位, 好彩等左5分鐘就有位, 午飯時間, 都預左搭枱,睇睇menu, 牛胸肉都幾特別, 就試下啦, ORDER到送餐都好快, 預5分鐘左右就有牛胸肉大醬湯配飯, $68湯入面有牛肉, 金菇, 豆腐, 翠肉瓜湯微辣, 牛胸肉好似肥牛, 偏油,肥膏多過肉, 女仔食份量剛好, (自問唔大食架)而配菜係一人一份既, 包括南瓜, 醃魷魚, 黑豆, 泡菜 (左至右)南瓜係烚既, 好香好甜最好味係醃魷魚, 辣辣地好入味,送飯一流黑豆普通, 有就食埋咁泡菜係偏酸既, 辣度唔太辣

這間韓國燒烤係朋友食果另一間店話好味, 所以嚟試下, 老闆及仕應也是韓國人來的, 感覺好正宗及地道, 餐廳都幾大, 環境舒適, 仕應都係韓國人嚟架. 前菜有泡菜, 沙律, 仲有一碟洋蔥, 有兩種醬汁, 然後我們叫了牛肉同埋五花腩, 牛肉都好JUICY, 五花腩肉質肥厚又唔會好油油膩, 好好味呀, 呢個一定要試.仲有熟食叫左雞蛋, 韓式湯, 唔記得叫咩名, 入面有些菜, 蘿白咁上下, 辣辣地好開胃, 又夠晒熱辣辣呀. 仲有一個雞蛋, 好香蛋味, 又唔會蒸到過老, 好味呀, 我鍾意食蛋, 所以覺得這個好啱我食.另外, 我們還叫左韓國馬格利米酒, 都好香, 好易入口呀, 飲多左都唔覺.這裏的食物, 環境及服務都好好, 值得推介的地方.