韓牛韓式燒烤 (已結業)

上星期同班朋友聚會，見到呢間唔錯咁，價錢又幾平，所以去左，未燒嘢之前大家都好肚餓，有好多嘢可以食住先，啲炸嘢普普通通，不補不失，之後啲海鮮都幾好食，壽司水準都ok，啲韓燒真心唔錯要食咩有咩，啲牛肉幾好食，同班fd都鐘意食牛同豬，都食左勁多，真心不錯，幾飽肚，之後仲有好多甜品食，特別係朱古力綿花糖，有布丁，軟雪糕，我就覺得軟雪糕再多啲味好啲，啲服務都唔錯，態度好好，我同班fd都好滿意，任飲任食嘅韓燒放題嚟講都幾啱我地

呢間約埋朋友一齊去就最啱，鋪入邊嘅空間十分大，一定夠坐，唔係好洗等位韓燒最緊要就係睇吓佢啲肉靚唔靚，呢間啲肉十分新鮮，色澤都好靚，完全唔會有異味。而呢間啲分區都有條理，唔怕其他食物會沾上啲肉，好整潔。我同朋友去，有朋友唔係好食肉，都唔驚。因為佢有好多冷盤，大豆芽又有，韓式辣蘿蔔都有，唔驚你會唔啱食。另外，職員嘅服務態度都唔錯，有求必應，燒左陣叫佢換盤嘅速度都好快，快靚正。最緊要就係價錢，呢間嘅價錢又平，而質素又好，一定會有下次

店員服務態度幾好，幾有禮貌，個個都有笑容 牛肉 豬肉 牛仔骨係我個人推介，好入味，又有口感，最緊要真係有肉味！呢個加曬分！其次想講嘅係刺身，最好食當然係三文魚 ，入口好有鮮味，切得厚身肥美，好新鮮！鍾意食三文魚嘅可以去試下！而青口就好爽甜，有豐厚既肉，東風螺肉汁清甜，真心唔錯！而甜品都有好多選擇，有新鮮嘅飯後果，棉花糖，加上朱古力機，真係幾正！而飲品完全唔洗擔心，店入面有三個不停加滿嘅飲品櫃，唔使驚冇嘢飲！整體而言都有9/10分，同一大班朋友去就最好不過，下次一定會再幫襯！

夜晚9點一行入去冇嘜人，心諗系咪行左伏店，但肚餓冇計就入左。個店員周圍都有幾多空位，又吾系冇人坐，就系要我哋坐兩邊都有人嘅中間，好聲好氣問可吾可韓舍 (旺角)以轉位，點知畀佢啤。。。服務態度認真麻麻！之後用嘅碟要拎4次先有隻比較乾淨🙂啲食物醬料種類亦好少大家吾系好肚餓就死，請吾好入，行多幾步路其他價錢差吾多嘅韓燒係旺角大把🤡

食物少，不潻加食物，食物少，不潻加，晚歺時段廰面只食一个服務員，冇人換碟，冇人招呼，晚歺收費$178加一，態度服務極差，場內還有小强走來走去，食物不新鮮，熟食食物冰凍和發梅，一次不快的經歷，這個價錢有很多的選擇，難怪這麽多食评是負面的！！相信以后免费也不來。

d嘢又5好食，又得好少嘢食揀黎燒，午市都已經冇乜嘢飲可以飲，原來係因為d嘢飲同雪條個d都有分夜市先拎得！真係好無奈。。。又5係有多嘢比人揀。一開始食無幾奈就已經叫人埋單，埋完單之後仲要食食下熄燈，比完$之後擺明就好似要趕客走咁，服務真係差到癲，入之前就係咁話有好多嘢食入黎啦，入到去d員工就5係好理你😑完全未試過咁樣真係第一次，真係要比差評間嘢！！d員工又5會幫你換盤之類但係d服務費又貴過其他韓燒，真係好伏

首先呢係服務員的態度超好，非常nice，主動過來幫忙燒烤，五顆星好評。其次就係食物方面，雖然係自己燒，但係我想推薦係黑椒牛粒，同牛仔骨，個人非常喜歡，燒起身特別好味。味道十分入味。有嚼勁。仲有泡菜，食起身酸酸辣辣，非常爽脆。超級喜歡韓燒的甜品，特別值得推薦既芒果布丁，一次過可以食翻10個，仲有我最喜歡食地，新鮮的三文魚🍣，壽司，仲有好多好多製作棉花糖，仲有得玩朱古力噴泉⛲️，真的非常感覺物有所值。我們食得時間係17:30點至19:00點鐘前離座，仲有8折優惠，簡直撿到寶，好開心一次自助晚餐。下次仲要同地家人，朋友一起來分享這家韓式燒烤。 真心推薦very nice

明明睇住佢出避風塘炒蟹，跟住圓圈那個叫住隔離個職員收番入去！話冇乜客入黎，拎番入去⋯⋯我等左成晚佢先出，諗住有得食，點知⋯⋯⋯條氣有啲唔順，我咪走埋去問佢，點解啲蟹拎番入去，佢答我，小姐轉頭先，等等先！

預約好晚上八時到步，結果到了還要等，可供燒的選擇不多，相反甜品選擇過多，音樂歌聲太大，本人對韓語歌曲不太喜歡，令我與情人溝通有點困難，可能亦因爲音樂過大關係，附近客人談天也是聲浪很大，令整個場如街市一樣，食物味道一般，放肉類的架經常空空如也，令我不知道可有什麼選擇，飲品選擇也不算太多，而且還放在另一個角落，要問職員才知在那裡，職員態度亦算良好，如果不改善音樂與食物種類選擇過少的問，相信再來機會接近零

同一位置，轉左手的韓燒店裝修沒有太大改變但食物款式比之後前多跟之前一樣，不用等太耐已經可以入座食物跟一般韓燒店一樣有肥牛，五花腩等肉類亦金菇，瓜類等蔬菜不太好燒烤的我，熟食區會比較吸引我有泡菜，泰式鳳爪等冷盤熱食有炸雞翼，海鮮餅等重點有我最喜歡的蜆而且還有兩款，一款是炒蜆，另一款是蜆湯兩款的蜆份量都很多炒的多汁，湯的鮮甜而且不算是很多空殼，而沒有肉亦refill得很快，可以我大吃了幾碟但坦白來說，其他食物不算太吸引有白灼蝦同螺~但不算新鮮至於甜品有雪糕雪條豆腐花等但豆腐花到後期已經被人到爛溶溶…餐廳沒有refill…看到都胃口大減…另外飲品區與食物區分開要特登行到餐廳後面，幸好餐廳範圍不算大但很難留意到飲品區入座時店員都未必會提醒埋單每人大概250食物質素不算高，有點不值但如果唔想等位~要求不高都可以選擇這間

Reception開頭話188後尾單收228 ，前言不對後語。一講即改，姐係唔出聲收貴，出聲即收平嘅節奏？款式不多， 燒野食做主題，熟食有幾個櫃，可燒物得一個櫃選擇？熟食前提仲要唔好食！唔推介，野飲選擇好少！湯好咸，基本上得味精嘅味道，水果一般，甜品一係過甜，一係過淡，由其係桂花糕，味道出現新境界，建議出去食下所謂桂花糕嘅味道再做出嚟會係最好嘅選擇。真心第一次食一間咁嘅放題，價錢同質唔成對比。鋪頭做到咁想等摺埋？

2-3點左右我同d frd 行過記起有人推薦就上黎試下。點知一入埸就叫我地俾左錢先，我地念住無所謂啦，就俾左一出到去拎野食，可以煎既野勁少，熟食全部凍既，野飲唔俾拎想拎d茄汁點下薯條都無坐低唔夠20分鐘，就熄燈...咩事？要轉檔就唔好俾人入啦，入到黎20分鐘唔夠就趕客，真心火都黎連最基本既野飲，牛肉都無，連醬汁都無，咁話韓燒？真心食到火都黎無哂胃口，又有蚊滋認真，你午市搞到咁就咪俾我地入啦，掃哂我地興！

今次帶埋老豆來食韓燒, 因為老豆驚熱氣,所以佢都冇咩點食燒烤, 不過好彩有好多其他野食,睇圖片就知道啦.老豆都幾鍾意食,味道幾好, 又唔會太油太重口味, 如果唔係又話來錯地方,話我浪費錢

對上次食大餐都係友人旺角食放題大食既我地 今次就選擇挑戰呢間新開既韓燒韓「牛」既牛柳粒真係好入味 一試難忘👍🏻👍🏻青口👍🏻👍🏻刺身部份既選擇都幾多，最重要係有我最愛既希靈魚同帶子😍😍友人係三文魚既忠實fans, 所以多數都留左比佢食啦😆田螺😍😍💕形狀大大小小都齊全，細細粒個啲好可愛照燒扇貝😍唔講都差啲會成隻扇貝反轉咁燒😂好彩有問下店員，原來就咁反入面既肉就得，成隻反既話，上面啲蒜蓉同蔥仲有鮮甜既汁就會無哂lol好啦，消化時間。佢地有棉花糖機，有三隻味比你整。一開始都卷得唔大舊，再一次有店員出手相助教我地。好玩又好味👍🏻👍🏻哈哈哈，第一次整既雪糕個樣雖然有啲垂頭喪氣😂好彩味道補救返。奶味唔太重，幾易入口Chocolate fountain!!!😍呢個就真係睇下都好足夠，個人對棉花糖好感不大~總括而言，好滿足既一次韓燒體驗，食左一星期既quota都值得！不得不提，店內音樂為整間店營造有置身於韓國既感覺，加上都有韓國顧客更令人覺得去左🇰🇷

呢個價食2個幾鐘真系超抵，啲肉類好多種，有甜品，雪糕都好正，最正系個棉花糖機真系幾趣緻店員都幾有禮貌，野食就食完就立即添，5怕俾人夾曬啲肉類都5錯，啲牛肉同五花腩好好食💯雞翼呢啲最基本嘅都5錯❤️另外店面都算闊5會同人逼黎逼去，啲野飲都好多款，有啤酒和尾酒，好岩和朋友聚會❤️個日食野系我生日，啲朋友都覺得價錢好岩學生哥食。重點系我地仲坐多左半個幾一個鐘都冇趕我地，這店員都好勤力幫我換板，抽風系統都好，就算所有人喺度燒緊野，但係一啲油煙都冇，食得好，坐得舒服