韓燒大叔

營業中

休息中

係旺角行街見到呢度好似翻新左，又多左啲餐廳就入去試下新野～-呢度位置幾大幾寛敞，店員服務態度好好，會推介款式比我地仲講埋有啲咩係比坊間優勝既地方，搞到我樣樣都好想試😎-佢地有午市放題同午市套餐，因為我地晏就食唔到太多野既關係我地就簡左午市套餐～-人參雞湯配白飯 $118人參雞湯配白飯人參味好重，雞唔算鞋但湯水濃而清雞味重而佢都有幾款配菜可以簡我簡左傳統韓式泡菜、韓式白蘿蔔、韓式芽菜白蘿蔔酸酸地好解膩飲品簡左得米雨前龍井茶，韓式蘿蔔湯😋-辣醬石頭鍋飯 $108辣醬石頭鍋飯(雞)呢個石頭鍋飯好食食到好似炒飯底咁仲有啲飯焦好香口啲配料仲有啲粉絲同菜小配菜韓式大豆芽，韓式芽菜，韓式小白菜飲品樂天蘆薈汁，韓式蘿蔔湯-就咁一個午市套餐都好飽好多選擇😉

夜晚同朋友試咗韓燒套餐，燒肉、熱食、伴菜、飲品和甜品都任食。店內環境乾淨企理，仲有電視播放韓團MV。呢個價錢嚟講食物的質素都超出預期地好食，食物種類都幾多，非常合適一班朋友一起聚餐，而且店員都好好服務，餐桌設計都非常得宜，方便擺放食物，值得加分，希望能保持水準，提供更好嘅食物！

【油尖旺區】【韓燒大叔】同事就嚟離開香港，等我把握時間好好咁同佢食多幾次飯。縱使天氣好差，落住傾盆大雨，我哋都照食。因為今次嚟試嘅呢間餐廳就係喺旺角站 E2 出口出面嘅友誠商業中心，所以就算冇帶遮都唔驚，跑過去最多二十秒左右。去到就食午市套餐，好想試嘅係 $118 嘅「人參雞湯配白飯」，我哋叫嘢食嗰陣，侍應都係咁話呢個正。的確，呢款人參雞香得嚟唔會太偏重個人參味，啱晒平時唔中意人參個味太大嘅朋友。個餐仲配三個小食，另包嘢飲同湯。嘢飲我揀「樂天忌廉溝鮮奶」大家知係點啦，個湯我試「泡菜豬肉湯」就好濃好夠味。而朋友就試 $88 嘅「紫菜包飯」揀咗配牛肉，都幾正，而佢飲「樂天蘆薈汁」就唔多講喇，反而佢話個「韓式蘿蔔湯」好夠味，幾好飲。兩個餐即係有六款小食，我哋試「傳統韓式泡菜」、「韓式小白菜」、「韓式薯仔」、「韓式白蘿蔔」、「韓式芽菜」同「韓式野菜粉絲」，各有特色，都幾好食，夾埋埋單價係 $227，以呢個咁方便嘅位置嚟講，係幾抵食喎。。。（地址：旺角西洋菜南街51號友誠商業中心5樓）@uncle.siuuuuu#1amfoodie #foodie #hkfoodie #thatfoodieth

見到好多人都推薦呢間燒肉，而且晚市$298燒肉放題都幾抵，就過黎試下😋*自助區有好多韓式冷盤同蔬菜可以自行選擇，我攞咗泡菜同生菜，包住燒肉食超解膩🥰*肉類肉類選擇超級多，豬牛雞唔同部份都有😻肉類質素普遍都頗高，唔會cheap!個人最推薦牛舌、雞軟骨、牛肩胛❤️*刺身刺身選擇有好幾款，樣樣都好新鮮！三文魚油脂充足，帶子同蝦都好甜，希靈魚北極貝魷魚都好爽嫩彈牙🫶🏻*海鮮海鮮都有唔少選擇，基本嘅海鮮種類都好齊全，我叫咗帶子、蜆、墨魚、多春魚，仲有好多海鮮因為食得太飽所以冇叫🥹下次encore再試！*甜品甜品除咗出面自助區之外，仲有刨冰，自製雪糕，爆穀任君選擇🤤

好耐無食韓燒放題，放題款式多又可以任食，今日帶埋媽媽一齊去試吓呢間餐廳。餐廳位置鄰近地鐵站，店內環境新淨、清潔、舒適，重要是食完唔會全身都有油煙味。 晚市韓燒放題298元一位，120分鐘（海鮮刺身任食另加88元）。食物包括：肉類、熱食、蔬菜、甜品、飲品……等等。😋餐廳使用QR code點餐，是日推介： 1️⃣美國安格斯下肩胛肉 🍽油花分佈均勻而不油膩，肉質較結實，牛肉味濃郁。 2️⃣紐西蘭羊肩肉 🍽肉質嫩滑，羶味少，羊肉控必試。 3️⃣韓式豬頸肉🍽店員推介，豬頸肉夠入味，口感爽脆有彈性。 4️⃣澳洲穀飼安格斯牛板腱🍽肉質軟嫩，油花醇厚。5️⃣爆谷 🍽即場新鮮製作，甜度剛好，粒粒都香脆可口。

每次去食韓燒都會諗爆頭，因為唔知邊一間係好嘅餐廳，又要物超所值又要有質素。今日我去咗呢間韓燒大叔就真係令我覺得係值回票價，我哋四個人一齊去點咗佢嘅雪花牛肋骨，佢仲送咗安格斯牛肉俾我哋，啲油脂喺上邊真係好均勻令人覺得好似食和牛咁樣。同樣地，佢亦都會提供泡菜蘿蔔絲等等嘅韓國小食，亦都會好貼心咁樣提供生菜，因為牛肉有時會油膩夾舊生菜就真係最fit，整體嚟講今次食韓燒嘅Experience真係唔錯，每人買單都係三百幾蚊易令人覺得物超所值

超高質韓燒放題！首先不得不讚嘅係佢地嘅自助吧有超多韓小碟選擇☺️🤍個人推薦：生醃魷魚, 醬油漬鵪鶉蛋,醬油漬紫菜,醃蘿蔔,泡菜,辣菜脯~另外，佢地員工服務態度非常好而且好有效率👍🏻👍🏻上菜收碟換爐板，全部都好快手。主菜當然係肉🤤🤤選擇非常多(有20款：美國安格斯同埋澳洲黑安格斯都好出色🥰，韓式辣炒豬肉同豬頸肉亦不錯)另外仲有14款海鮮同埋16款韓式小食~不過啤酒任飲真係好重視！特別係有藍妹Hite同Terra~💸💸120分鐘晚市韓燒任食 $298/ppl(海鮮刺身啤酒 每位加$88)～每位$386📍韓燒大叔Uncle Siuuuuu!地址：旺角西洋菜南街51號友誠商業中心5樓

餐廳一出地鐵站就到，好方便。本身對韓燒放題麻麻地，但係呢間新開嘅餐廳一改對放題嘅負面印象，款式好多之餘食材亦非常新鮮！餐廳環境簡潔舒服，有動漫風嘅掛布同埋播住kpop，最緊要抽風系統好冇油煙味。肉類放係圓形木板上節省好多空間，又好岩打卡。晚市兩小時放題$288/位，加多$88可以任食海鮮同埋暢飲生啤同韓國啤酒，價錢好合宜。----------------------------▪️前菜辣拌米蟹幾脆身惹味，涼拌海帶清新爽口，好解膩。▪️刺身三文魚、帶子、同蝦都好新鮮，唔會有腥味。▪️肉類未點菜之前侍應送上唔同款式，可以先試下再落單。牛肉起碼有六款，而且每款都好高質，唔似放題嘅質素。特別推介薄切牛脷同肩胛肉，醃的、得岩岩好，肉味濃郁同好煙韌~▪️海鮮蜆肉幾多肉鮮甜，仲有大大隻扇貝！▪️熟食熟食有好多款，例如單骨雞翼、泡菜煎餅、魚糕同埋蛋餅，可惜淨係食到肉🥹韓式蘿蔔湯可以用黎煮蜆肉，幾鮮甜。▪️甜品甜品選擇有五六款到，正常發揮，仲有自助雪糕機，可惜唔夠時間食。

這家旺中韓國燒烤餐廳位於旺角，地鐵站出口大約2分鐘路程。自助吧，讓人可以隨心所欲地選擇喜愛的食材，冷盤，汽水飲品，雪糕，爆谷樣樣齊全！使用QR碼點餐時，驚喜地發現餐廳有豐富的肉類選擇，包括牛肉、豬肉和海鮮，每種類型都有多種款式可供選擇。當店員把這些不同種類的肉類擺放在桌上時，非常壯觀，讓人垂涎欲滴。這裏也有刺身供應，品質也不錯！此外，餐廳還播放最新的K-pop歌曲，營造出一種年輕活力的氛圍。這讓用餐體驗更加有趣，讓我彷彿置身於韓國的街頭文化之中。

地鐵站E出口旁邊既大廈就見到呢間韓燒 地理位置好方便👍🏻見到有啤酒放題 咁吸引就即刻約朋友黎一齊食😋.晚市放題$298 / +$88海鮮刺身啤酒放題食完之後 推薦想同朋友黎傾計飲酒 真係一定要加埋啤酒放題先夠盡興! 而且好欣賞佢既海鮮燒同刺身☺️.另外想講係難得餐廳係有幾張6人-8人枱 地方寬落 好適合一班朋友聚會🍻.｜韓式海墨魚墨魚仔燒完好爽口彈牙 加埋本身墨魚仔已醃左醬汁 好惹味🤤 encore左幾碟.｜韓式魷魚鬚同墨魚仔同款醬汁 都係好惹味! 但魷魚鬚一條條比較容易痴網 燒既時候小心睇住👀 但覺得又係超岩送酒 同朋友傾計個陣一啖一口咁食🍻.｜薄切牛脷我覺得薄切好岩自己燒 因為好快就食得又唔怕自己掌握唔到火候 一眼就知食得🤣燒出黎肉質嫩滑🙌🏻.｜熟食 – 韓式柚子單骨雞翼熟食選擇好多 好多韓式小食例如紫菜包飯/泡菜煎飯/魚片串等等… 其中最鐘意就係單骨雞翼 包住滿滿酸甜既柚子醬 唔怕膩 可以食好多舊🫢.｜刺身 — 赤蝦試左幾款刺身都好新鮮 我地最鐘意赤蝦 大大隻 彈牙有鮮味！ 除左刺身咁食 我地仲試過拎黎燒都好正🔥. ｜韓式雪條同自助乳酪雪糕最開心有韓式雪條食 當日有益力多味同朱

今日約咗個 friend 喺旺角食飯，朋友話唔想行太遠，揀咗港鐵站附近嗰間「韓燒大叔」。餐廳裝潢型格，以黑白灰為主調，牆身上繪有店名及餐廳 Logo，形象鮮明，加上場內不停地播放著 K-pop 音樂，韓味滿瀉。餐廳採 QR Code 自助形式落單，午市有 Lunch Set 同 BBQ Buffet 可供選擇，午市套餐非常經濟，最平 $78 已有交易。我哋點咗兩個午餐，每份套餐都會附送韓式小食 3 碟、非酒精飲品 1 罐及湯 1 碗。小食可以自選，我哋揀咗韓式泡菜、芽菜、白蘿蔔、野菜粉絲、薯仔同青瓜。至於餐湯就有韓式蘿蔔湯同泡菜豬肉湯，兩款味道都唔錯，尤其是係泡菜湯，入口酸酸辣辣，開胃惹味。韓式炆牛肋骨飯：牛肋骨非常大件，每啖咬落去都軟綿綿，又腍又鬆軟，濃郁肉汁充滿味蕾，油脂也香口不膩，連啲配料都相當入味，用嚟送飯真係一流！另一客人參雞湯配白飯，水準亦唔錯，一上檯已經傳出陣陣人參味，湯頭濃稠富米香，入口唔會過肥過膩。雞肉好嫩滑，加上吸收晒湯底精華，非常滋味，就算夏天食都唔會有負擔。

上次FD食完哩間韓燒話唔錯，咁試試。晚上只有一個套餐選擇，每位298HKD，如果加多88HKD，仲可以海鮮刺身啤酒任食，今晚食豪D，加埋刺身！餐廳裝修得幾得意，好韓風。一座低，會立即送上QR code，熟食海鮮刺身等可以QR code下單。出面吧台都幾多嘢食提供，有傳統嘅韓國拌菜，蒜片生菜，飲品，調料，甜品等。拌菜真係勁豐富，最鐘意食酸蘿蔔同糖蒜，酸甜可口，就烤肉一流。韓式醬油漬紫蘇葉好特別，醃漬過嘅紫蘇葉紫蘇味唔重，有種特別香味。侍應好快送上燒肉8小碟，每份都係細細分量，唔錯。8小碟燒肉最喜歡薄切五花腩同薄切牛脷，五花腩食落肥瘦均勻，唔會好滯，仲有少少燒烤焦香，幾好味。其他牛肉同雞肉預先用韓式醬汁醃制過，微甜，好韓式傳統味道。刺身品種好豐富，有三文魚帶子等，仲有少見嘅魷魚。刺身都好新鮮，食落好鮮甜。海鮮裡面，帆立貝同海虎蝦質素好高，海虎蝦仲開咗邊，燒完好方便食。帆立貝好厚身，食落鮮甜肥美。最後食完一定要食甜品，popcorn焦糖味好濃，搭配埋雪糕同韓式卷蛋，簡直一流。估唔到哩間韓式餐廳質素咁高，宜家仲做咁promotion，4人入座都有嘢送，如果加埋刺身，會送一條鰻魚，真係好抵食！

於OpenRice 見到這間韓燒放題，故與朋友一起前往晚膳。放題食物種類多，所以未有特別加錢食海鮮及刺身。肉類都有高質的選擇、熟食亦好味道，尤其是柚子單骨雞翼。而甜品則以軟雪糕為首選，而刨冰亦值得一試。而不可不提是這裡的員工，當晚值班的皆非常有禮貌，實在好耐無見過咁好服務既店舖而這間店用餐時間為120分鐘，但容讓客人加錢繼續食，實在對於不想短時間用餐的人士的好選擇。那裡亦有一間大廂房，可安排多人聚會呀！但我無問到收費如何🤣🤣🤣

與朋友到西洋菜南街樓上鋪韓燒大叔，回億－下韓國嘅味道，環境乾淨舒適，可以任食韓燒放題，亦可以選擇套餐定食員工服務週到，自己掃QRCode點餐，佢細心教我哋點樣做，抵讚👍我哋選咗主廚推介兩欵套餐，所有套餐都有3個前菜，湯和－礶飲品炆牛肋骨飯：有三塊大大嘅牛肋骨，炆得好淋滑，好入味，醬汁甜甜地，惹味人參雞湯：好大塊嘅雞肉，微微嘅人參香味，湯有回甘前菜選咗：韓式青瓜：清新爽脆韓式小白菜：爽韓式薯仔：炆得好惹味韓式野菜粉𢇁：微辣，微甜，好味大豆芽：爽脆開胃泡菜豬肉湯：有泡菜，豆腐，微辣開胃

唔知有冇人發現我一個多月冇更新，因為我去咗歐洲旅行。返嚟第一餐梗係要食豐富啲，朋友揀咗係旺角的「韓燒大叔」來迎接我haha~韓燒大叔主打任飲任食自助燒， 午市$168/位(另有午市套餐), 晚市$298/位( 海鮮刺身任食+$88)， 任食而言價格實惠不進取!入座後自行掃QR code下單， 十分鐘左右送到，快捷方便。有多款肉類及不同 部位提供：濟州豬肉、慶州千年牛、澳洲穀飼安格斯牛板腱、美國安格斯下肩胛肉、韓式牛肉、薄切牛脷、霜降一口牛等等。餐廳擺盤精緻吸引，特別推介依款慶州豬腩肉充滿鐵質和骨膠原， 油脂相間分佈平衡，口感細嫩又多汁。更有多款即製韓式小食：炸雞、紫菜包飯、魚糕串、春捲、 蛋餅、泡菜煎餅等。另外出面Mini bar 可以自行拎蔬菜、 配菜、醬汁、6款汽水、 焦糖爆谷、 軟雪糕、 及數款甜品( 泡芙、蛋糕、雪糕)。媲美戲院的焦糖爆谷， 自行配搭非常過癮大滿足!😆環境非常新淨舒適，沒有油煙味，仲有包箱房～ 服務員非常快捷有禮， 地點方便，整體性價比不俗!