靚煲皇 (已結業)

冬天來臨 最緊要就係約埋三五好友一齊打邊爐 專登由沙田出旺角食靚煲皇 因為對靚煲皇嘅味道念念不忘 雖然係街邊鋪 但係味道及服務卻不輸五星級酒店👍🏿👍🏿我哋嗌咗藥膳醉雞煲 湯底特色，好香花雕酒和藥材味，同個鮮嫩雞肉配合相當好！店主話呢啲係出名嘅「三黃雞」，用嚟打邊爐最適合，雞肉非常柔嫩和滑口，雞味豐富，一啲都唔油膩，煲除咗香味之外，嗰味暖湯好滋補，所以我哋好快搏命飲晒個湯，就算飲完再加嘅湯都係藥材雞湯，唔似出邊淨係水去加落個湯底！飲完湯之後轉身即時溫暖晒🥰🥳講返嘢食先， 本地手切肥牛非常新鮮，牛味豐富， 十分有咬口，肉質非常鮮嫩，係屬於高檔次的肥牛肉，牛白肉（牛胸爽）喺出邊是十分難吃到的，主要原因是在牛的部份十分稀少，牛尾濃郁，入口有索索聲的爽口感覺，所以是我們首選的，可惜今晚鮮牛脷已經賣晒，下次一定要叫埋新鮮牛脷，響鈴卷是即叫即炸的，唔似出邊一盒盒包裝嘅響鈴，非常香脆，最能吸收湯味！！！最最最重要嘅就係服務態度喇！一入到去，店員即刻過嚟招呼我哋，嗰陣時鋪頭依家full晒，但係都係好熱情，並沒有因為full晒而黑口黑面，好親切，我哋要求好多，但係店員都係滿足晒我哋嘅要求👍🏿👍🏿👍🏿問我哋

話說早兩日我出咗旺角靚煲皇食野，食到反屋企就已經眼訓到不得了，都唔得閒上梨打食評，係今日先突然醒起😂不得不讚下啲員工服務好好，街邊店舖食嘢，有種五星級酒店的感覺😂服務好周到👍🏻啲員工都好好吹！！講反食物先，果日嗌左個麻辣雞煲，啲雞好食过以前，香过以前，最衰同行既朋友唔太食得辣，所以只能嗌少辣，如果唔係大辣一定不得了食物方面呢，我就唔介紹太多啦，因為都係啲大路野，不過呢，不得不講下炸響鈴同鴛鴦滑，仲有手切肥牛我喺香港我食甘多次火鍋既炸響鈴，十间有十间都係啲盒裝版既比客，但咧间靚煲皇既響鈴係即叫即炸既，上枱都仲係熱辣辣，真係唔洗點湯，就甘放落口都好好食至於鴛鴦滑呢，佢真係好有蝦同墨魚味，而且好彈牙，唔似街市買食落食口粉果啲，值得一試👍🏻個手切肥牛真係要講，真係好好笑，碟野一梨既時候，我问过啲員工，點解甘似機切甘,個樣完全唔似手切既，因為真係好平面😂佢地答我既係真係手切，甘我地咪試下啦，不過當食落口既時候就知道係手切口，機切果啲入口係好韌，因為機切係切唔晒啲纖維，同埋煮會好散，但手切就因為時間比較長，所以啲纖維可以切得徹底，入口好重牛味，亦都好易咬，好味😋我地五個人去，埋單都係三百幾蚊一位，

呢排凍左好多  今日同男朋友去旺角行街 行到夜晚七點幾 覺得好肚餓 問男朋友食咩 我話好鬼凍啊 佢就提議不如去食打邊爐 我就即刻上到去OpenRice我睇吓有咩好食 一搵火鍋店 就彈咗呢間靚煲皇出嚟 又近喎 就即刻打電話book位 問完店員 仲有位 就馬上行過去 我哋喺朗豪坊行過去5分鐘左右就會度 一條路直過 好方便又好搵 一坐低店員就攞咗一樽熱茶過嚟 出面又大風又凍 有杯熱茶飲下 成個人都暖曬🫢店員好熱心 問我哋有冇嚟食過 我哋話冇 佢就推介左呢個靚煲皇俾我哋試吓🤭咁佢就幫我哋落咗個煲先個煲一上 個煲一滾 哇 個湯香到 好香豬骨湯 我哋即刻畢咗一碗嚟飲下 煲湯豬骨味好重 又有啲胡椒味辣辣地 一啖湯落去 成個人個暖笠笠 再試下啲豬骨先 入邊有筒骨啱晒我鍾意食骨髓 仲有啲豬軟骨 豬手 最重要係有五隻扇貝 啱晒我男朋友鍾意食海鮮😋😋飲完淡湯 d生料就陸陸續續咁上 打邊爐一定要有牛肉啦 叫咗一碟細極上肥牛 聽店員講 係安格斯 啱晒我呢啲鍾意食肥肥地既人 因為我好怕啲牛太瘦 唔夠肥就會唔夠牛味 所以呢款啱晒我 又重牛味 又滑 雖然細極上已經好足料 但係真係唔夠喉 就再試埋個手切 聽店員講係本地

前兩日 經過橋底 愁緊食咩 咁啱見到有間雞煲同打邊爐 望落去好似幾正 於是就入左去 入到去勁多人 但係d員工都係好有耐性招呼我地入座（因為我哋7-8個人 唔似其他鋪 間鋪好多人仲有人黎 就黑口黑面 比曬眼色）佢哋嘅嘢食好新鮮 好好味 完全係當日入貨 當日賣 冇凍過嘅味或者雪櫃味 手切牛肉非常正👍🏿 牛肉味非常濃厚 仲有小小彈牙 我哋嗌咗個招牌靚煲皇湯底 因為有扇貝 蝦乾 乾鮮魚片等等 扇貝好新鮮 生勾勾 路過廚房嘅時候仲見到師傅開緊扇貝 扇貝入面嘅炸魷魚干好好味👍🏿最重要嘅就係肥鵝腸 平時我係出面都唔夠膽嗌肥鵝腸 因為好驚唔乾淨 嗰日係我個frd要食 我有嘗試阻止過 但係最後都係嗌咗 肥鵝腸一上到嚟令我眼前一亮 非常之乾淨 冇污糟嘢 冇異味 老細👨🏻‍🦰話 鴨腸入貨返黎 用人工手洗多幾次 嘢食好食之餘 d服務態度仲好好 會主動幫我地加湯 全程好熱心 雖然帶著口罩 但係都感覺到佢哋面帶笑容 好和善仲好有耐心聽我哋嘅要求 因為我哋加咗好多次單 嘢食好乾淨 員工都係一樣 我見佢哋一晚換咗幾對手套 廚房d師傅個個帶曬手套 老細都好好人 過黎同我地傾計 問我地嘢食好冇食 仲請我地飲2支杯酒 非

唔係平,冷鮮或者新鮮價錢,急凍感受,成$4xx碟牛,唔似手切,份量少, 擺盤都無,打邊爐都可以係抄埋一埋咁,服務極差,上菜速度慢仲唔認,要三崔四請,發嬲先處理,食物品種少,不會再去, 令人一肚氣!

時隔咁多年，終於等到开关可以回流反梨香港，趁住天氣又开始凍，約埋幾個舊知己去老地方（靚煲皇）聚下腳先，見到老細反梨，估唔到佢仲認到我老實咁講，咁多年呢度都無點變过，唯獨味道呢方面真係改變左，好食左好多，今日點左個靚煲皇食，咁多年都依家咁驚喜，個煲又大啲料又足，個湯真係好濃郁，啲豬骨好多，仲有啲蝦干吊片令到個湯底好鮮甜今日嗌左個手切肥牛，啲牛好嫩，好易咬，好濃郁既牛味，揮之不去，每次必點之菜！！手打蝦丸同埋個双滑都好彈牙，好香各自各既本身既味道炸午餐肉甘多年都係做小食最一流既，炸出梨個口唔會好油膩，而且仲好外脆內軟好奈地無試过脆鯇片係脆既，反梨香港之後就算試过去街市買过梨食，但都係唔脆既最後就係個貴花蚌，好鮮甜，好味菜籃就唔多講啦整體梨講，真係甘多年都屹立不倒證明佢真係好好食，同埋價錢真係好值，每人平均消費都係$400左右我見到佢除藥膳雞煲之外仲有羊腩煲，當然仲有其他湯底里，过幾日可以再梨試下先題外話，呢度咁多年都冇變嘅係有得睇世界盃，正😁

又去到食宵夜嘅時間～諗唔到食咩好，朋友提議不如去打邊爐，然後就四人啟程去左嘗試左呢間老字號不得不說，開頭未入到門口既時候見到條街有些少污糟都有少少擔心，但入到鋪入面，佢地方不算太闊落，但環境整體都乾淨，講返食物先，我地今日點左個四川麻辣湯底，本身都以為係普通野梨，點知個煲一梨到，我地幾個人都咳咗兩聲😆自從封關之後，我冇再試過喺其他地方食過味道甘正宗既麻辣湯底，比起其他鋪頭既麻辣湯底，呢間鋪真係好濃味，唔似其他鋪頭甘淡口，食得出係用足材料去整，個味道真係好濃郁，唔似外面啲舖頭水汪汪冇辣味冇香味，都唔似其他鋪用湯包開出嚟👍點咗碟牛胸爽厚薄適中，諗住影相嘅時候已經畀咗朋友食曬😂炸響鈴都係即叫即炸，就咁食都覺得好酥脆。個花膠件好正，好厚實，落去煲都唔會溶得好勁不得不提一定要講佢哋嘅黑松露墨魚丸，好彈牙，佢真係即叫即整，本身都無抱望，但放左落口之後對佢完全改觀，佢唔似出面買果咁：成口粉味，佢呢隻係真係有好濃郁既黑松露同墨魚味，而且仲有啲墨魚粒係入面價錢方面，我又覺得好合理，比較適中，四個人平均都係四百幾蚊左右係喎，呢度仲有世界盃可以睇，一邊飲酒一邊打邊爐，仲睇埋世界盃，真係好有快感下次聚腳又有新

琴日陪男朋友同班朋友睇波大家一早講明唔想又去酒吧睇就約左係旺角打邊爐邊睇大家又已經冇咁大個胃食放題就上網睇到揀左黎依到自選叫餸既邊爐😂打電話問可以自帶食材(需收費)朋友醒目仆去買定海鮮😀😀位置黎講都算方便 喺朗豪坊街市附近門口有搓手液俾大家清潔啱哂我地懶人🤣入到去員工介紹我哋食靚煲皇湯底本來見到羊腩煲都想食可惜有個朋友要戒口冇得食羊就番佢一齊食🥹一上煲第一件事一定係試飲湯 好鮮甜👍🏻👍🏻啲豬骨好大舊👍🏻扇貝更加唔使講係大隻既👍🏻手切牛肉雖然睇menu有啲貴食完都覺得係值既 睇得出係新鮮中意食牛既可以試下🫶🏻響鈴都好正 因為係真係既炸上到台都係熱嫁其他食材都好食👍🏻略下n個字加湯個啲真係湯 唔係清水 值得一讚🤤雖然鋪面比較細我地叫到成台滿 海鮮冇位擺好彩隔離枱食飽埋咗單走咗員工比埋隔離台我地擺🙏🏻本來都冇特別影相好多都係食食下先影下🤣唔知係咪我地食得有啲戰亂員工有時會主動幫我地抹台保持清潔😂埋單大概都係人均3百幾其實同放題差唔多價 但好食好多倍已經決定過幾日過嚟食羊腩煲！！

今日約左兩位好朋友三人聚會🤭諗極都唔知食乜好，最終上左梨open rice睇，最終發現左呢間比較隱世既餐廳，不得不說，本身睇open rice既時候見其他人話污糟都有少少擔心，但去到實境，佢地方不算太闊落，但環境整體都乾淨，我最估唔到既係佢呢度有世界盃可以睇😂一邊飲啤酒一邊打邊爐，別有一番風味👍🏻講返食物先，我地今日點左個羊腩煲，本身都以為係普通野梨，點知個煲一梨到，我地三個人都“哇”左一聲，完全無諗過成個煲好足料😆個味道好濃郁👍🏻舊舊羊肉都好大舊，配料都好料，早知個煲甘重料，我地就唔會嗌甘多配菜啦，最終都係食唔曬全部。價錢方面，我又覺得好合理，反而仲覺得有啲平，三個人平均都係三百幾，如果唔嗌甘多配菜分分鐘都唔洗，如果唔係得三個人，真係想試埋個醉雞煲，下次聚腳唔洗再頭痕啦，總之好評啦👍🏻👍🏻👍🏻

開始踏入秋冬天氣，雖然天氣未算冷，但腦海中突然間想食正宗王道的味道-雙冬羊腩煲，市面很多羊腩煲，都整得味道不足，材料質素很差，突然想起這間店，早幾年前常常得到網上媒體推介！多年前也曾經來吃過，因呢幾年的疫情影響，擔心這間店會否結束了營業，於是打電話查詢，終於該店仍然捱過艱難，繼續經營，11月初會推出羊腩煲出品！我和兩個朋友10分期望食到最正宗味道的羊腩煲，因為在外面之前吃過很多，味道不夠濃郁，又或者香味不足，又或者陪選材料10分低質素！於是抱着10分大的期望，和朋友三人一起去吃！個羊腩煲一送到枱面，火爐開了一會，煲蓋一打開，南乳味配合着羊肉的味道，撲鼻而出，當堂食慾大增，口水長流，我和朋友們，二話不說，馬上大口大口地食下去，羊肉質素非常好味，肉質問得非常軟腍適中，冬筍和冬菇都充分吸收了羊肉汁的香味！價錢$408 ，份量夠我們三人吃，於是點上了火鍋生料，生根，豆腐卜，烏冬麵，還有本地流浮山生蠔等等！最後還是要幾個白飯，來點羊腩汁，才真正滿足到我的味蕾，這個煲的羊腩汁，真材實料，味道和香味及肉質配合得非常完美！希望盡量在這個冬季來吃多幾次！在外邊真的很難吃到如此味道配合得非常有地道羊腩煲特

－入間野，一大陣臭味😓😓😓😓😓😓😓之後諗住係出面吹入尼，點知繼續咁臭同d地方都幾dirty . 環境衛生一定有問題食物其實就ok ,價錢偏貴，－定唔會再去

今次一行四人嚟打邊爐，果晚嚟到都唔太full。我地叫咗豬骨煲做湯底，入面都有好幾舊湯骨，仲叫左本地手切肥牛，窩筍，響鈴，日本烏冬等食物，味道係唔錯，但份量真係好少。廿幾蚊一個烏冬居然只係得半個，一人一"住"都冇，同枱嘅朋友都覺得頗唔抵。喺食完嘅時候, 有一件得人驚嘅事發生，我地四個都同時聽到假天花上面果個位，有好明顯嘅吱吱聲持續左一段時間，由於我冇見到實物，我都唔夠膽comment 係咩嚟，但聽到果下真係想即刻走😖😖

靚煲皇不同凡響，上次同老友食過，一直向我說想再去光顧，湊巧我老友生日，我話好呀！6個人去，今晚又係飲啤酒有排吹水啦！先上個特香胡椒豬骨煲，聞到香噴噴，滾了急不及待盛碗喝湯，隨後到齊極上黑豚肉、肥鵝腸、極上肥牛、炸芋頭、響鈴、鮮冬菇、金姑、雪花肥牛、羊片、芝士腸、野菜菜籃、脆鯇片等等！食物質素一如以往超新鮮👍🏻大口大口地吃下且3次加單！尤其是飲了廿幾支大啤酒，天氣炎熱，呢度的啤酒真係雪得好夠凍👍🏻夠晒醒神! 由於太過好味及盡興，所以遺憾冇每碟食物飲料都拍照留念啊😅直至凌晨2時許埋單走人，玩到咁夜，好在係星期五，明天放假啫！呢度無限時真係好好，使完全能夠好好Relax！完全能夠將繁瑣拋諸腦後！難怪老友一食難忘！我都好鍾意黎呢度！

早幾個禮拜想打個老邊，朋友想食靚牛，睇完食評就book 咗琴晚！位置在旺角街市尾轉右直行就見到，隔離串燒店6:30 已經坐爆，靚煲皇仲未準備好，不過入面已經坐低左一檯！入去前當然要安心同影卡啦，好一坐低個環境係市井嘅，但係價錢就⋯，anyway 點都好試一次啦！咁目標係牛，當然唔食雞煲，叫咗個麻辣火鍋同胡椒豬肚湯湯底$168，一上香到呢，真夠味！跟手叫碟$418 聲稱手切本地牛脛脊，一黎到以為俾錯，因為用機片得薄同埋只得10片左右，椰菜底滿滿，咁就即刻問問個店員，點知佢話啱呀，細碟係用長方碟，哩碟係大嘅！朋友仔大家對望左一下，okok 試吓囉！牛色係靚，同出哂名九龍城$250 磅果D不過應該唔夠半磅，我真心肉赤唔敢再叫第二碟！滾8秒左右就片片同酒樓豉油碟大小，牛肉味唔重，不過湯底好味！勸牛摩王就睇住食喇！其他雞魚料都算新鮮，未食飽都每人4舊水，敗筆係支支啤都唔夠凍，有機會叫定冰桶穩陣啲！

近日老友們whatsapp group話出黎食晚飯聚舊吹下水，都3幾年冇見面，佢地一定要有啤酒飲、冇限時果種，並且要座得舒服，地方就腳，食物唔失禮果種火鍋店。於是我左睇右睇，咁多要求都覺得有d煩之際，俾我睇到靚煲皇，於是就在昨天去一試！我第一個19:30去到先攞位座低，覺得餐廳環境很順意，枱與枱之間不會很近，沒有壓迫感之餘，每個位都看到電視，每枱有插蘇、手機快叉、wifi ，感到環境不錯，不久朋友黎齊共3位，佢地都滿意！沒多久湯底先來到，選擇了「毛桃椰青雞煲」，朋友在湯滾即飲了兩碗後說味道不錯，我撈起見有雞、豬肉及其他配料都很足！👍🏻桂花蚌、脆鯇片、紅薯粉、野菜菜藍、新鮮牛胸爽、手切肥牛、羊片、生猛海蝦、美國桶蠔、手打蝦拼墨魚丸等，仲有嘆住啤酒渡過。海鮮、肉類上到黎都很夠色澤，食落都夠爽夠新鮮，令人很有食慾👍🏻我最鍾意食牛胸爽，又香又有咬口！我地食完，飲酒傾計座到凌晨12點半才走，期間侍應沒有吹過人埋單，並且服務態度很友善，真的抵贊！所以今次係冇選擇錯，黎靚煲皇係明志決揀👍🏻下次都會再光顧！