靚煲皇 (已搬遷) 新店位置

有日無意之中睇雜誌...見到有間打邊爐好似好正咁,咪打電話去訂位~去到仲唔洗等tim!佢啖湯好正丫^o^不過佢地係打邊爐,d刺身超正~碟肥牛一定要試試丫!以後又多一個地方去開飯喇!!!

尋晚同10個朋友仔去左大角咀打邊爐,試下靚煲皇,最初望到只係得地下,但係度既員工話有樓上,咁我地就上左樓上喇,上到去係差唔多爆晒,因為我地未黎過呢間食,湯底有好多選擇，眼花撩亂，就叫d員工介紹下,佢介紹我地食靚煲皇,話有翠玉瓜,龍骨,大蜆等等,而我地又見到其他都有叫呢個煲,所以試下,佢地仲介紹左手切肥牛,都係$120,牛肉好正, 入口好有牛味,夠冧, 。我地仲叫左,蟹柳,蟹籽丸, 墨魚滑等, 個墨魚滑好彈牙,中間有蟹籽同一d 生菜做配料,賣相幾特別, 咬落去會有d一粒粒既墨魚。

靚煲皇 Supreme Hot Pot這次要介紹的是一間又平又正斗的火鍋店, 位於旺角跟大角咀交界的靚煲皇. 近來天氣就算已近春天, 依然寒氣迫人, 上星期才暖了幾天, 跟著又來北風呼呼, 真是吃火鍋的最佳選擇.靚煲皇 --- 港式火鍋店HK 旺角想要一邊吹著冷風一邊吃火鍋, 也是別有一番樂趣.靚煲皇有提供勁多種類的配料跟醬油. 我比較喜歡下一些蚝肉粉及一點點蒜蓉, 這樣點起來會比較香口嘛.正宗澳門豬骨煲 (我們真是什麼材料都全放進去了, 雲吞, 肉丸, 菜, 魚肉, 全都共冶一爐!)豬骨湯好味就不在話下, 用來煮火鍋料之餘, 最後還可以當成湯來喝, 又或加入公仔麵一起吃不錯. 我們最後加了出前一丁跟烏冬. 感覺上, 湯底應該是配合出前一丁好味些. 純喝湯也可以, 到最後差不多把湯都喝光啦.火鍋料 手打墨魚滑.這個當然是要一匙匙的放入湯中煮熟啦, 就跟吃墨魚丸一樣, 分別就是大小由自己控制, 可說是吃火鍋一個有趣的玩法. 但要注意一點, 記著要跟同桌的朋友說明. 因為我那一桌子, 就有朋友整團放進火鍋中, 變成了一粒『超巨型墨魚丸』了~!! T__T!!牛雜豬雜. 內臟之類我普普通通

好耐無去過打邊爐, 難得出去食當然要試D平時屋企吃唔到既野啦! 至尊豬骨煲! 一上就見到好多料! 落料之前先飲D湯, 黑椒味還OK, 不過如果可以更重味就好了 其他有質素的食物包括肥牛 (雪花平均散佈, 很綿), 墨魚滑 (很香很爽), 雲吞都好足料~除此之外都有一般打邊爐既野, 不過係不太貴的選擇中有一點點的特別, 都算唔錯了!另外仲有波睇, 啤酒又夠凍, 一齊黎買醉哦 XDD

天氣凍左咁多，今次中同聚會就黎試下呢間打邊爐，因為聽人網成日播呢賣靚煲皇廣告有個煲叫“靚煲皇”，好多料，唔錯！直得向大家介紹。肥牛幾彈口，真係同出邊任食唔同LEVEL。包心丸，CHEEZE 。。。好味道。值得一提係，有得午餐肉食

昨晚我同朋友7個人來打邊爐，之前已打過電話book左位. 點知黎到話冇聽過我地電話喎. OK，唔緊要，當時7:20pm冇客人等位，甘立即羅飛等．眼見遲過我地黎都已經入得去．阿姐話人地係細枱喎．唉！得8度，食左2個鐘西北風，成九點先有位．大家好凍好餓！！！安排2/F比我地，環境好似飯堂… 張枱，食具黐立立．總有個聽唔到聲冇字幕的電視叫左個豬骨煲(小辣）．個煲好快黎到，有豬骨,粟米,蘿蔔,蜆.湯底超鹹，冇豬骨味，差！黎打邊爐得個煲，又等左1粒鐘先上野食，中途已吹過阿姐，答案係lee層得1個人做野丫．其實lee層連我地都係得2,3枱客．真係委屈哂你啦！埋單當然要Check單啦，因為有d野冇黎，有d又黎多左．阿姐話我地：都唔知係咪冇黎到，點解唔出聲？出聲？有用嗎？你聽到嗎？這間店真係不知所謂，book左位又話你冇book，湯底又差，食物普通，服務有嗎？！

涼左少少就即刻去食羊腩煲,去左呢間有露天seat的靚煲皇,秋天無乜雨落,又涼涼地,幾好風味,遲d再凍d可能感覺仲正.五女三男,有啤酒人,先嗌啤酒飲,大家清一色叫加士伯,然後點煲,6:2多d人揀羊腩煲,又費事叫兩個煲,小數輸比多數.都好快就黎左,本來都想叫d魚生做餐前小食,不過都無叫到,有花生頂下肚,大家都開始飲碑酒.個煲都多腐竹,又有支竹,馬啼冬菇,d羊腩蚊得好淋,好咬口,都多羊味又唔'蘇'味,就算用辣椒豉油或者腐乳食都好入味,無蘇味.其他都有叫本地手切肥牛,用羊腩煲食肥牛味道係唔同d.其他配料就叫左海蝦,白鱔,脆脘,芝士腸,牛柏業,黑柏葉.手打蝦滑.都食得下

第一次係度寫食評,原因好簡單,因為對呢間火鍋好失望首先,因為見到報紙賣左成版廣告,見個賣相好似好吸引,事實上個湯底係好大仲好似好多料,但其實只有一二隻帶子,小小豬骨,個湯根本就冇咩豬骨味,只係好鹹...成家都覺得d湯好鹹...本身仲對佢個湯底好有期望~好啦講完湯底講下野食,,手打墨魚滑影出來就好大碟,但實際上係得勁小....仲要唔係特別好食,,個人覺得稻香俾佢更好食...d牛肉都係好一般..我地叫左158個碟..諗住應該唔錯...但真係好普通....而且d price亦都好貴....所以一定唔會再去....

今次同2個朋友去左屋企附近既靚煲皇食. 我住左係大角咀8年度, 成日答車都經過靚煲皇. 直到上年xmas 番黎食左第1次, 差吾多每次番黎都會去食. 個晚book 左台,安排左我地去2/f. 可能個陣仲早,2/F 得我地一台, VERY GOOD . (因為佢地係1/F坐滿先會開2/F )環境不容置疑比連鎖式火鍋店較遜色,但卻多了一份街頭風味. 如果食煙人仕,絕對SUGGEST 你地坐地下室外, 打住邊爐飲住啤酒再食住口煙.夠哂風味我見個晚雖然只係岩岩入秋,但地下室外都幾爆下赤板豚肉煲好好好大煲! 比出面既火鍋店大好多! 一睇就知好足料牛柏葉記得放入個'哩'度烚,如果吾係好快縮到吾見左手切肥牛(大)切同鋪得都幾令仔, 色澤均勻,而且真係鋪滿成隻碟. 一D 都冇呃秤餃子我地仲另外叫左午餐肉同蟹子丸.最後我地係食剩好好好多野!!! 因為D 豬骨比我地想像中多好多 ! 我地2男1女,食到捧住個肚走,但個鍋入面仲食剩好多豬骨 !!!! **另帶一提,呢度既啤酒選擇好多.藍妹青島asahi泰象嘉士伯乜都有. 岩哂好啤酒之人

今日朋友食飯日 , 最後選擇左去靚煲王 , 我地一行6人去食 , 等位好好呀 , 唔需要1min就可以安排到 , 上到1樓就有小小失望 , 因為估唔到咁求其jei , 大家坐定定後開始叫野食 , 我就一路上openrice睇其他食評人推介去叫野食喇首先就叫湯底啦 , 叫左靚煲王 湯底真係好失望呀 , 估唔到係接近差囉 , 我覺得出現問題地方應該係貝殼類 , 貝殼類洗唔乾淨 , 湯底落得太多(老師父) , 豬骨方面反而食落去又ok , 貝殼類真係要分時間 , 我覺得唔岩時候既時間可以選擇放其他落去 手切肥牛 : 肉質真係好正呀 , 鮮味十足 魚片 : 放左係度好耐 , 唔記得左食 , 但係放得耐都食到佢既鮮味 , so good 鮮帶子 : 同樣地放左好耐 , 但係食落去都係好味 鮮雞 : 估唔到又幾好食 其實仲叫左好多野食架 , 只係唔記得影相 , 墨魚滑就連我老婆唔係太鍾意食既都話好味 整體上食材係ok架 , 但係個湯底真係十分失望 , 成個邊爐失去左主要既靈魂 , 好好彩地食材夠新鮮救番其他乍大家都食到好飽 , 大家都係讚食材方面ok , 湯底就 ................

今日真係好彩,唔洗開夜,我老公豬仲要黎接我收工,原本兩個人難得早收,諗住去食元氣,但條隊長到O哂嘴,老公唔想等,咪去附近搵野食,又經過反個間我地相識GE靚煲皇,係我地打情罵俏同緬懷過去之時,已經有個樓面問打邊爐AR?幾位AR? 原本唔諗住入去食嫁,兩個人,一個靚煲皇KO我地,食唔到D咩,個樓面好似聽到我心聲咁:我地有小菜!我中2食大蜆,因為真係超大隻,SO嗌左一個油鹽水大蜆,老公嗌左個排骨煲,不過唔知係人多,所以等左好耐先黎LOR D 野食個大蜆真係超抵食,平過土瓜灣無間道火鍋勁多,58蚊8 隻好彩無嗌湯,因為個個油鹽水可以當湯飲,個排骨煲等左成半粒中,不過真係超香,個味甜甜地幾得意,其實食兩個餸兩個人夠LA,無飯到肚好似怪怪地.......嗌左一個白飯,攪得排骨煲食唔哂有D哂野全店最高價就係藍妹,不過個死佬話小小醉,先有情趣,結果咁佢咪就成功嗌左一支藍妹.......老公下次唔準不過真係超抵,兩條友,都唔洗兩舊水,又好味可以再試AR~~>w<

去了靚煲皇慶生,不是我籌星,同事生日.都有嚟呢度食開,肥牛,胡椒豬骨煲,墨魚滑,海蝦,脆脘,白鮮片都係我哋叫開.手切肥牛好有口感同牛味,通常都食兩碟今次最大發現係見到有3D肉莆團的戲飛可以喺度換.價錢係$50,不過只限住換四張,區內有得睇,朗豪坊同百老滙都有戲院另外今次食左個新款煲,叫相樸煲,好多菇,髮菜,大隻生蠔,個湯好清甜,另外啲海蝦都好大隻,埋單時買咗四張3D肉蒲團戲飛,改今日去睇..

呢排稍稍涼d,又多打番邊爐,多數都係去靚煲皇,酒樓都有去,但種類始終都係呢d純火鍋店選擇多d.室外坐有d風味,傍邊係個花園涼亭,入邊就有冷氣.海鮮都多,有觸,蝦,魚類,扇貝,大蜆,仲有刺身,牛肉都幾肥同多牛肉味,湯底都有幾個常食,醉雞,胡椒豬骨煲,亦有時會食豬軟骨清淡d有時就食蕃茄薯仔同豆付雜姑湯,通常都會先飲湯後落野食.有啤酒妹sell酒,一個靚另一個一般啲,佢哋話呢度有得睇歐聯決賽,$158消費送兩古大啤,兩年前都係呢個組合,我哋都係喺呢度睇,果次就相當爆,1點已經坐滿晒,4點9完場走時,成個旺角都企晒人等車,上次第二日係公眾假期,超逼,無車搭..今年都應該原班人再喺度睇波.

今日同爸爸+細佬去左大角咀打邊爐,搵到呢間野係因為爸爸提議打邊爐, 然後佢o係報紙見到佢賣廣告~因為時間時間尚早, 大約6點45分左右到~只得有一兩枱有人坐, 所以我地即刻有位,呢度係類似大排檔既經營方式,可以揀坐外面或者裡面,覺得裡面太焗促, 所以揀坐出面,而我又特登揀左個頭頂有野遮既枱, 唔怕有野跌落黎~睇見人地既食評話呢度既招牌係"靚煲皇"湯底, 所以叫左呢個湯底試下,另外仲叫左豬下青,花膠, 白菜仔, 什菇 推介既墨魚滑等等,order既時候, 問侍應食咩牛肉好,侍應哥哥冇一味叫我地食貴價牛肉,反而叫我地食最平既本地肥牛( 好在有先見之名)~因為o固個湯底黎到之後,真係大到嚇死人.....起碼係正常湯底既一倍,有勁多豬骨+大蜆, 同埋粟米~suprise既係佢落左蝦乾同埋尤魚乾, 令到個湯勁香甜~overall黎講, 除左花膠之外(貴, 唔靚, 好薄好細), 呢度既火鍋料都係正常既質素,墨魚滑係唔錯既, 最平既牛肉亦都不過不失~主要都係食o固個"靚煲皇"湯底, d蜆睇上去好似好靚, 不過味就係一般, 不過令到個湯變得好鮮既~豬骨幾好食, 但係真太多太多喇.... 3個男人最後都

上星期六天氣還很涼快，特登行去大角嘴幫趁大名鼎鼎「靚煲皇」。當時差唔多06:00pm，該店剛準備開檔，所以唔駛等位。當時坐在店前，比較通爽涼快又可看電視。從落單到食物端上桌都很俐落。廣告介紹「相撲窩底」，當中有豬骨、大蜆、蠔仔、薑、芹菜、紫菜及其他材料，胡椒味好重，豬骨及大蜆份量也足，好正！菜單冇「相撲窩底」，據雜誌推介然後問待應才說有。因2人食量不多，只叫了半隻雞$48，賣相還算新鮮。四寶丸$20，魚蛋彈牙，牛丸合格。雲吞$28味道都OK。西洋菜$18，份量少了一點但好靚。炸魚皮$20仿似係從超市買回來原封奉上，不過都好香口。約07:00pm埋單，當時開始有客人等位！