靚煲皇 (已搬遷) 新店位置

天時暑熱, 但朋友提議去打邊爐喎, 我都係幾經掙扎至應承去咋, 仲要山長水遠去到大角咀呢間叫靚煲皇的東東度食, 入到去見地方簡陋, 好擔心冷氣不足會焗死我, 叫到個煲黎都覺得幾有睇頭, 大家見個煲一滾就馬上開波, 個湯底好濃, 白胡椒粒啲味好香, 夾舊豬骨食下, 全部都係有肉果種, 食到好過癮, 粟米好甜, 蘿蔔好稔, 雪花牛肉勁好食, 脂肪分佈平均, 好有牛肉香味, 仲有就係佢地有一包包叫的魚皮, 魚皮放入湯內輕輕霎下, 熱熱地但不失脆口, 食味一流, 而我地啲汗亦不斷咁流,一面食, 一面抺汗, 大呼過癮好食, 正!!

HAHA..原來我同D朋友仔又真係幾好鐘意打邊爐咁囉!每個月o既聚會我地都係去打邊爐!無計啦鬼叫我地班fd全部係吸煙人士咩!而靚煲皇又完全符合我地呢班人o既要求,不過都要d野好食先我得架!點知今次俾我地發現左樣新出品...就係呢個雪場蟹煲囉!!!見次次都係食豬骨煲,今次咪試下d新口味囉,點知竟然有驚喜囉嗦!真係估佢唔到呀!以為個煲會好貴啦!!又唔係wor!三舊水多d咋,仲要跟埋咁多配料tim wor!!!個湯底好清好鮮味!!不過我地都仲未夠皮,仲要嗌下其他配料試下!估唔到又OK WOR!!!今日食到我地幾個都滿載而歸!!!下次真係要拉大隊黎先得呀!!!

哈...今日我又去左靚煲皇到打邊爐,其實我想左都好幾天喇,但無腳所以無去到,今日終於比我`到,我地叫左個細既豬骨煲,仲有我既至愛鵝腸,豬潤,手切牛肉同其配料已經食到我地滿載而歸,都係幾百蚊咋.....d豬骨仲要多到食唔哂咁tim呀,

HAHA...今日有食神..何解呢?話說今日同老闆開完會後,老闆就同左我地落靚煲皇到烚下烚下,今日叫左個地獄豬骨煲,呢個煲黎到o個陣都幾驚架,我驚辣到噴火呀,但原來唔係架!跟住我地就叫配料,有本地新鲜肥牛,鯇魚片,水餃,生腸,金茹,魚蛋,娃娃菜,同最值得一提o既鵝腸...同平時食o既唔同囉,有d係比雞腸扮鵝腸架,而呢間就唔係喇...新鮮不左話下,仲有鵝味同唔太肥,真係值得一試架!d娃娃菜同d金茹索哂d汁同味,都係好正斗架！仲有生腸打邊爐，我真係第一次咋，估唔到又幾好味喎。。。又有分吸煙同非吸煙區,真係好體貼.....

住喺大角嘴咁耐，周不時幫襯嘅食肆會有好多。不過，同朋友一起時就會比較仲意去食火锅多D。隔屋企近D就有一间。提前booking位，個recelve都會有問到食唔食煙。可見，呢間食肆係有食煙區同不食煙區分嘅。咁樣几好吖，几細心，有為我哋D食客著想到。我仲意呢點。今次點咗“花膠海蔘鳳爪煲”，配料係花膠、海蔘、紅棗、杞子。D湯几清甜，鳳爪都煲得好淋，接下來噹然係上飯啦。聽D朋友講，鳳爪含膠原蛋白丰富。經常食嘅話係可以美容架。

都好耐冇打過邊爐, 食過火鍋, 今日撞啱"有腳", 大家又有呢鋪引, 就去左大角咀靚煲皇食豬骨煲....呢度係我第一次黎食, 平時多數幫襯福苑、杜香、富臨呢類酒家, 坐街食呢種格局真係久違咗好耐...亦都恨左好耐3個人想食個招牌"靚煲皇", 但見隔離檯鬼咁大煲怕食唔晒同食唔到其他野, 所以叫咗個細豬骨煲+胡椒, 另外叫咗個大蜆, 直情做到"靚煲皇"既細裝版 另外叫咗:炸枝竹, 鮮蝦腐皮卷, 羊肉, 四寶丸, 唐"hold", 炸魚皮, 蝦滑先黎豬骨煲, 個煲好快就滾, 一開蓋, d生料一齊黎埋, 都唔知係咪夾定, 不過都叫做趕得切...骨煲d料除左白蘿蔔之外, 樣樣都已經煮焾晒, 一黎就食得, 雖然加左胡椒, 但冇蓋過其味道, 煲內有軟骨同筒骨, 份量多好, 粟米同蘿蔔都好甜, d豬骨好正, 雖然食完有d口渴, 但論味道就一流不過有樣唔好既就係佢d火鍋料好多都係現成貨, 四寶丸, 鮮蝦腐皮卷都唔係鮮貨(唔怪得收十幾蚊咁平), 真係有d食唔慣, 所以先追加個鮮蝦滑, 真係一分錢一分貨(好似$5x), 又彈牙又足料, 羊肉唔錯, 朋友就話冇咩肉味, 但對我黎講覺得唔"so"就得, 整體上都

我上星期六有朋友生日,她想去打邊爐,所以我就上綱看看有那間食市多人說好,看到open rice靚煲皇大家都說得很好,價格又不算失禮,所以一行6人就去食食,他們的價格又貴只得8條芝士腸都要$18,手切肥牛肉明顥不太新鮮又不嫩口,生根很多都碎了,食物水平很差,結帳要$886,食完後只能去其他地方再食小食,我的男朋友說了4個字來形容又貴又廢,其實我也有同感.

本來打算去Tony Roma食漢堡飽，後來因為某種原因三人改來了靚煲皇打邊爐。也沒所謂，對我這愛食的人來講，只要有得食就得，吃什麼東西也不太重要。是晚星期三，為賽馬日，樓下嘈到拆天，並不是吃東西的好地方，都係上一樓安安靜靜食一餐火鍋好過。火鍋湯底有十數款，其中有一款是同店名一樣叫靚煲皇。不知是什麼材料，但能與店名齊名，相信差極都有個譜，應該穩陣，就要這個。原來，裡面既材料有豬骨、蘿蔔、粟米、大蜆等，幾豐富的。蘿蔔切成條狀，不算十分鮮甜，卻頗爽口；粟米反而幾清甜的；最欣賞是豬骨，肉質嫩口，也不失味道，尤其是近軟骨的位置，口感更佳。湯底本身的味道也不會太淡，不錯。也點了不少配料，總的說質是麻麻，簡單各大家介紹一下。本地肥牛和雪花肥牛均屬一般，單睇紋理同埋肥瘦肉的比例己知不會太好。果然，牛肉是很韌，即使只是輕輕烚一烚也不行；估計蕃薯片會爽脆，原來都唔係，太粉了；毛肚也是太韌，很考牙力；包心芝士丸，裡面芝士的含量太少了。相對較好的有桂花蚌及生根，桂花蚌起碼做到爽口彈牙；生根吸華了湯底的味道，也可以接受。以上食物，加上小量的啤酒汽水，埋單平均每人$150，不算貴了。

-18人食，價格又啱，每人數130-靚煲皇豬骨煲,地獄豬骨煲-珊瑚蚌-夠鮮味-桂花蚌-爽甜夠彈-田雞-好生猛-生蠔,鮮雞,花膠筒,-最正係 竹筒墨魚滑...好彈牙,又滑口.-牛栢葉

前2日同亞豬仲有一個朋友仔,一行三人去0左喱道"打邊爐",因為之前係OR見到佢D野食好正,所以就同埋亞豬一齊0黎試下啦~一坐低我地就點0左個蕃茄湯底(因為貪佢酸咪咪既醒胃又唔熱氣),跟住我地仲點0左蝦滑 / 芝士腸 / 蘿蔔 / 魚標 / 墨魚丸 / 西洋菜仲有唔少得0既邊爐主角"手切肥牛"蕃茄湯~鮮甜又有蕃茄味一D都冇交行貨(佢地每次冇湯佢地都會加返原來湯底,而唔會加水所以個湯底就越食越好味啦)蝦滑~真係食得出重重0既蝦味(90%似係人手打的),又有咬口一D都唔似係街市貨色加味加色機器做.而其他食物都係冇咩特別,只係比出面新鮮D.最重要主角手切肥牛肉~肉質鮮嫩油花平均又富牛肉味真係好食到哇哇聲~因此食完0左一碟之後我地再叫左另一碟本地肥牛;同樣都係肉質鮮嫩,富牛肉味不過油花相對就好似少0左DD啦下次再去一定要再試多D野,因為今次人少試得太少啦題外話:話說食到尾聲,本人要去一去洗手間(女廁 仲係好鬼污JOE添架),行經廚房見到入面班年輕師傅,一邊開行部唱機,一邊熱舞又一邊出菜真係好鬼抵死ccc~,因此出到0黎我都忍唔住同亞豬佢地講.如果下次你地有機會去食野,不妨睇睇啦

我地去屋企附近打邊爐,呢度係逐碟逐碟叫唔係任飲任食對我地食量唔大既人咁仲好!!我地先叫個豬骨湯湯底,叫左肥牛,鱔片,生菜,芝士丸同埋枝,仲有泰啤!!!!!D 野食都黎得幾快同埋伙計呀姐服務幾好,肥牛望落好似切得唔係好薄..咁但食落又幾好食好稔好新鮮仲好似牛腩咁唔會話韌,整體黎講係唔錯會再黎過!!

本人十分鍾意食辣,呢度嘅豬骨煲辣得嚟又好有豬骨味~~~good除咗豬骨煲外,三文魚刺身同埋肥牛都好正!!!!!

尼次我哋5人天氣剛開始凍，又係食火鍋的時候，經開朗豪坊見至行人天橋有間靚煲皇火鍋店，於是一起試試，見到有種新煲叫地獄豬骨煲，湯底是似日式拉麵湯，不過辣辣地好鮮甜，又非常之香，叫咗帶子，頂極手切牛肉、竹笙、竽絲、墨魚仔。正！正！正！味道配得好，由其是手切肥牛，牛味重，又稔又鮮味，5人消費$550值得推介

同D friend想挑戰嚇呢間店有冇其他特別野，於是試咗藥膳水魚煲，因為我哋怕其他煲會好肥，嗰煲一上就有好香嘅黨參味同花雕酒味，水魚用另外一隻碟上，不過只水魚雖然宰咗，但係仲會“毓毓”下好殘忍，我個Friend就好開心，因為廚房佬刀法快“湯開”只水魚仲有生命，我二話不說馬上送佢上西天，跟住D Friend都唔知係唔係整蠱，叫咗份田雞，幾只田雞都係咁樣“毓毓”下好可怕，鱔片跟上什菜同竹笙都來齊，個湯越滾越香一試好清甜，好香，花雕同藥材味，呢個煲真係好味，湯又唔肥膩，最啱我地KeepFit餐單。D魚旦好彈又有魚味，所以專誠推介愛打邊爐又想減肥/又想食得好味嘅朋友。一定要食呢個煲，因為香味好都聞到，真材實料。

常常坐車經過，今日天氣凍和好友共5人去試試，首選靚煲皇煲，先試淡湯好鮮味，又有大蜆，豬骨，蝦乾，吊片，脆肉瓜，蘿蔔，栗米等等，真係豐富.叫咗手切肥牛，好正，好似街市肉檔買嘅個種味，又鮮又有牛味無渣，桂花蝦，蝦滑好鮮甜爽彈，服務尚可，上菜較耐，太多款點菜紙，花多眼亂，又有小菜，又有日式小食，活魚剌身，不過來到梗係食火鍋啦啦隊地方就無大裝修，有點樸實感，覺得地方夠大，幾多年青人來食，又好多人好似係度攪生日會，好熱鬧，D青棻幾翠綠，唔錯！下次要試吓個霸皇蟹煲!