靚煲皇 (已搬遷) 新店位置

天氣乍暖還寒,把握機會,又來一次火鍋.四個人試了:靚煲皇$168 - 料多取勝,煲料有:大蜆,蘿蔔,甘筍,大蒜,蔥,蝦乾,芹菜,粟米,土魷……等等,豬筒骨與豬軟骨估計加埋有斤多兩斤重,如此多料,湯味自然濃郁!美國桶蠔$128 - 一桶一磅有七隻,肉鮮味美又夠大,好食!墨魚滑$58×2 - 夠鮮夠滑,一個最值得推薦的火鍋料!生腸$18 - 洗得乾淨,全無澀味,可以爽食,又可以腍食,正!雜菜$28 - 有西洋菜,塘萵,及小白菜三款混合,菜新鮮,好!其餘肥牛$158,脆肉鯇$38,貢丸$28,和四寶丸$20等都合格!加上烏冬$18,黑啤$30×2,酸梅湯$13×2,醬芥$6×4埋單$830,中上消費!

我食過 出名既靚煲皇 同埋醉雞煲靚煲皇好多豬骨..正到爆...醉雞煲就睇個人..因為好多藥材...真係好正好濃味...岩曬我..兩個都好足料好正! 真係想ORDER 一個白飯黎送!D魚都幾新鮮! 同埋肥牛都OK....必定要試!如果係一班人宵夜OR 一定人去食反都唔錯..又過引!

4男3女一齊食打邊爐,有女仔生日,先食飯再去飲野,其中一女仔介紹去塘尾道靚煲皇食,去到靚煲皇,好彩訂左位,因為去到都坐滿晒人,就咁望我估都有二十張檯,都好旺下.order左個招牌靚煲皇,好大煲,都幾多料,紅籮白,白羅白,粟米,豬桐骨,豬軟骨,大蜆,冬姑,啖湯好正,唔咸,好濃好多胡椒味,亦都好滑,每人飲一碗先.其他配料當然有牛肉,有幾款牛肉,我地叫左一碟本地手切肥牛,一碟牛頸脊,兩種唔同味道,搭埋d豬骨湯好入味,d牛肉好滑好稔.仲有叫由麥菜,墨魚滑,白鱔片,再叫一份豬軟骨,生蠔.酒叫左幾支,樣樣都幾好食,幾新鮮.另一樣係加湯時呢度係加豬骨湯,而唔係酒樓式加水,d湯唔會愈來越淡,呢樣我地都覺得幾好.

上網見到食評OK,加上飲食男女又有介紹得正.我哋9個人去食,叫咗個招牌靚煲皇同埋個艇皇大蜆煲,因為我哋女仔鍾意食海產嘢,湯底鮮甜，大大煲得來不會煲大材料少，,跟往生料叫咗大手切肥牛,一個好似叫極上肥牛(我哋都唔識得分),手打鮮蝦丸(蟹子黏在上面，連同鮮蝦丸放到煲裡滾,'蟹子又會爆開。到頭來，眼睛白白睇,又食唔到,只係裝飾多過實際!) 美國桶蠔,魚雲,墨魚滑,脆鯇腩,雞子、炸魚皮、田雞(上枱時仲陏陏吓,好恐怖!),值得一讚既鵝腸,水餃,生腸,金茹,魚蛋,娃娃菜等.一開蓋好香,好快啖湯,就幾乎全部飲光,之後佢係加湯唔係加水，幾好嘢喎湯底味不變,牛肉好正,唔係一般街市貨色,夠冧,好濃牛鮮活味!唔係一般嗰D任食火鍋可以比!我吔唔係好計較錢,不過超咗D預算,每人百伍蚊到,多咗D,不過都飲咗5支1升大ge 朝日啤(成30蚊罐)仲坐咗成三個鐘舔.值得一讚個煲!

兩男兩女專程去食靚煲皇,原本友人說食正斗會好d,由於我未食過靚煲皇,加上飲食男女又有介紹,講到鬼咁正.叫了一個招牌靚煲皇,手切肥牛,脆鯇腩,蟹柳,蟹籽丸,西洋菜,一支啤酒&酸梅湯.招牌靚煲皇→失敗之作,d大蜆有沙,豬骨奇差.手切肥牛→仲離譜,一d肥都冇,像去街市同牛肉佬買十蚊牛肉炒嘅的牛肉沒兩樣.其他不過不失,埋單差不多六舊,仲要食唔飽,頂...好彩有義海大結局睇,如果唔係都唔知點算.

六人到了唐尾道的靚煲皇,都算來得蜜,有時唔打邊lo都會來食小菜,或者飲兩三支啤酒,加上可以坐露天位,有風味.咁當然都係打邊爐多d,三男三女一齊去,每人$100左右,湯底叫左個招牌靚煲皇,有好多隻大蜆,豬骨,蝦乾,粟米,籮白,啖湯好香好滑,唔鹹,每人都飲左兩碗,另外再叫霜降肥牛同牛頸脊肉,仲有墨魚滑,菜,豬軟骨,都幾多野食.每種牛入口都有唔同味,好新鮮,霜降牛入口好有牛味,夠淋,似入口即溶.湯又好鮮味.最重要係加湯唔係加水,成個煲keep住有豬骨味.

上網見這一間的食評OK，同朋友試下。點左個澳門豬骨湯底，幾足料既，可惜的係佢唔係豬筒骨，只係軟骨，令一心去食豬筒骨的我有點失望......不過味道係可以，最值得讚係，之後佢係加湯唔係加水，我們不斷飲湯都仲係好好味。價錢OK啦，唔係貴，但又唔可以話好抵食。食物方面，其中叫左個韓國霜降牛肉，但口感麻麻地......魚雲份量太少，唔抵......至於其他食物，基本上都係滿意的。服務一般，唔覺得特別好，但又唔會令人唔高興果種。同其中一個網友講的一樣，入座時會問你食唔食煙，講左唔食，但上到去，其他桌的人都係在食煙的.......

沉日一行１３人, 中學同學既gathering. 經過大家投票, 考慮過地理環環境之後, 我地決定幫襯openrice 好多個笑臉既笑臉既靚煲皇。打去訂位既時候問定點去, 原來係旺角地鐵站C2出口一直行到去橋底右轉過馬路就會見到大大個"靚煲皇"既螢虹燈掛左係度，比想像中易搵同就腳好多。值得一提既係訂位個陣個姐姐仲會好貼心咁問你係邊區黎咩車去,再教你點行,抵讚！去到既時候見到格離個陣骨煲皇, 差d入錯去。 大家要小心d, 因為兩間野既門口好近,好易撈亂！一開始見到個鋪面得好少枱，原來佢仲有一樓同二樓。 我地今次就被安排坐一樓。就咁望張湯底紙有好多選擇，眼花撩亂，最後叫左佢地既招牌煲 “靚煲皇”同埋地獄豬骨煲。個晚都算幾爆，好在一早訂左位，如果吾係有排等！兩個煲d 料都好足，好多豬骨，仲有粟米個D，個煲滿瀉咁滯！未落餸之前飲左啖湯，靚煲皇d 蜆超級大隻，個湯底好鮮甜,不愧為招牌煲。 火鍋配料同坊間既連鎖店大同小異，成堆餓鬼不理後果咁乜都叫，包括地本肥牛($58)，手切肥牛($158)，頂級手切牛($138)，手打蟹籽墨魚滑($68)，墨魚滑($58)，桂花蚌，珊瑚蚌，帶子，田雞，炸魚皮，

昨晚 5 位同事一齊上去食！好彩早一日訂左位！如果唔係都無位坐！入到去叫左個胡椒豬骨煲！ d 豬肉夠哂味！好味！再叫左 d 四寶丸、墨魚滑、雞子、炸魚皮、手切肥牛...etc 啦 ~係啤酒叫得幾多，係咁打孖上 ~ 肥牛一般，但咁既價錢差唔多啦，墨魚滑真係正！推薦！服務幾好！有求必應！哥仔同姐仔都做到喘哂氣都不忘過黎幫手加湯！應該會有下一次！是次消費 $905 ~ 飲飽食醉！唔錯！

六月的氣溫竟然下降到二十多度…又下著連綿細雨…這個時候最好的晚餐當然是打邊爐啦~~~沒想到踏入夏天還可以在微涼之下打邊爐…實在讓人很高興…今天就去試一間經常都會經過但就未去過的火鍋店….大概七點九到達…樓下的舖位幾乎坐滿了人…店員問我們吸不吸煙…我們不吸煙的…而且樓下的人不少在賭馬….(因為馬會就在隔離)…所以就建議我們到樓上去…要到樓上首先要成為會員…不收費用…只需要給姓氏和電話就可以….樓上一樓掛著會所牌…難怪要先做會員…不過一進去就發現好幾檯客在吸煙….那麼剛才為什麼問我們吸不吸煙呢…? 況且這樣比起坐在樓下吃更糟糕…樓下有一半是通風的…煙味會散…現在在室內開了冷氣…煙味就一直散不去了…..所以下次就不會再被騙上來…堅持坐在下面…..首先選湯底…涼涼的當然想吃辣…所以麻辣鍋是走不掉…所以另選了一個沙嗲做雙併…因為覺得吃麻辣鍋淥菜吃太油了…但又不能不吃菜…所以點一個沙爹中和一下…火鍋配料沒什麼特別…跟坊間的差不多….兩個人最後瘋狂的點了十款…包括花甲…鮮枝竹…豬紅…金菇…雜菇…唐生菜…鱔片…午餐肉…竹笙…肥牛…最後飽到反轉….火鍋料大同小異…所以只挑幾款值得講的…花甲…四十八蚊一碟

天氣最近涼涼地，最適宜打邊爐。三五知己一起滾下滾下好開心又可傾計。對我來講打邊爐的湯底非常重要，平時出面打邊爐d 湯底好多時都係加熱水，但靚煲皇係加豬骨湯底，個湯唔會越來越淡，最重要係豬骨湯底濃，配料廣泛，十分足料。而打邊爐最重要係肥牛，新鮮又薄，淥一淥即食，人口十分嫩滑彈牙。

朋友介紹話唐尾道打邊爐,話X骨皇,去到發現有兩間,上次搞錯咗,食啲野麻麻哋,原來問番個fan先知係靚煲皇先啱,即係露天果間靚煲皇可以坐露天,亦都可以冷氣位,湯底選擇比較多,張紙"立"一"立"都有over50種煲底,我地就食咗個赤板豚骨煲,辣辣地的,問左可以少點辣,佢地話ok,個湯底幾香,飲左半碗,似某壽司店的麵豉湯,有芝麻,少少辣,好香口.個煲亦都有豬骨,粟米等.....都幾多配料.其他就叫咗碟手切肥牛,好大碟,望落都幾靚,田雞仲係跳緊郁緊,仲有叫菜,美國桶蠔,大蜆.配埋個湯好入味.碑酒唔係飲左好多,我地就飲柑桔檸檬,總共七百九十幾,即係每人一百蚊樓下...望其他人食的煲都幾吸引.個澳門豬骨煲都幾靚仔,下次可能會轉食下個澳門豬骨..

今日, 見做野辛苦左甘耐, 就約左班FRDS去食餐好, 有唸過放題, 有唸過打邊爐, 於是5比2既情況下去左打邊爐. 見靚煲皇甘多好評, 就打算去試下啦.去既途中, 差D比骨x皇的員工誤導, 大家千祈唔好去錯,係靚煲皇, 唔係骨x皇我地ORDER左赤阪豚骨煲, 頂級降霜牛,田雞, 當然唔少得"院"類啦, 由於太肚餓既關係, 我地食住三文魚刺身先, 無錯! 真係三文魚刺身, 仲好新鮮同肥味TIM.等左一陣, D湯同料開始黎, 個湯辛辣香味好特別...好有濃郁日本拉麵湯味, 田雞上枱時仲陏陏吓, 好新鮮, 頂級降霜牛既肥瘦適中, 真係好雪花, 同個湯底好夾另外, 呢到幾岩成班人聚會, 又有波睇;.仲有高清iD Tv ... 伙計介紹下次來食個新煲艇皇大蜆煲,有好多客食...話好有海鮮漁家風味.....下次一定會試

一個月打5次邊爐lo,想死咁. 今次比人叫去打, 開頭都唔想去, 叫到囉咪試下囉.本來意為靚煲皇同骨煲皇同一間公司，不過唔同叫o左:豬骨煲- 好多料lo手切牛肉x2- 好新鮮wor桂花蚌- 第一次食,幾易食重有幾款餸好飽,好食

湯底吾會越打越冇味, 因為佢吾係加水, 係加番原本d湯落去, 正 !!番茄湯好濃, 食材都好新鮮, 值得去試6 個人都係食 左 650 蚊左右環境好一般, 不過好有地道風味