霸嗎拉麵 (金巴利道)

營業中

休息中

尖沙咀食肆林立，餐廳各具特色，日式麵食頗受歡迎，霸嗎拉麵在金巴利道亦有分店，位於the one 附近。今日週末食客甚多，排隊等候了十五分鐘才有位，安排了吧枱位置，木製傢俱，日式居酒屋陳設，頗具東洋風味。玉子雞义燒拉麵是招牌食品，即叫即製，熱辣辣上桌，雞义燒夠晒香滑，肉汁豐富，玉子完隻，咬落蛋黄流心湧出，配合青綠香葱，吃起來十分香口，拉麵麵質亦軟滑彈牙，熱辣辣很惹味。唐揚炸雞非常酥脆，薄薄脆漿很香口，內裏雞肉嫩滑，油香而不肥膩，香脆可口。加多份替玉幼麵，令口感更加滿足。

呢間霸嗎拉麵開左一段時間，但每次想食都排長龍， 咁岩經過見到唔洗排， 就入去食下~一打開Menu， 就見到兩張最大嘅相， 就食呢2碗灼燒豚肉味玉拉麵厚切灼燒五花腩， 半瘦半肥入口即溶， 湯底勁濃， 溫泉蛋正常水準，整體份量好足，啱曬重口味既食肉獸。雞叉燒味玉雞白湯拉麵呢碗個雞湯濃郁到有d 誇張，非常鮮甜，有一層雞油係面，雞叉燒份量好大，口感嫩滑，屬中上水準。另外仲加左2個湯麵配料， 味筍和野菜，原本以為細細碟，點知黎到先知都幾大份，係一般餐廳既三人份量。再點左碟辛口燒餃子:餃子煎得好脆好香口，重點好食係佢個辣椒醬度， 辣得黎開胃又唔會太over👍🏻總括嚟講霸嗎拉麵唔算貴， 但份量十足， 水準服務都屬於中上，下次會再黎試埋碗 - 期間限定極上原隻龍蝦味玉拉麵👍🏻

我男朋友成日都話想食霸嗎，話食過辛辣味拉麵覺得好夠辣好正，於是今晚就陪佢排隊食。 食完之後完全唔明點解要排咁耐，又貴又一般，店員態度又差，完全唔值。 一入到去全間店員都黑口黑面，叫咗幾次先肯俾杯我地裝水，態度奇差。店員四五個圍埋自己傾計，細聲講大聲笑。我地睇完餐牌想叫野食果陣叫極都無人幫我地落單。 另外衛生情況令人擔憂。成個地下油淋淋，一坐低就俾我踩到舊肥叉燒，地下油到會冼親人。 另外拉麵方面，完全唔覺有咩特別好食，根本就係一般貨式。1. 湯底係一般味精湯2. 辛辣拉麵唔夠辣。朋友食開辣，覺得同之前比差咗好多，失望。3. 麵底麵係一般拉麵，自己麵煮到，唔值呢個價。$100可以有更好的選擇。

星期日既尖沙咀人多車多，熙來攘往，無乜特別都唔想出黎迫架，但係又得星期六日放假。。。今日既lunch+breakfast就去左長期人龍店既 霸嗎拉麵。🎈環境呢度位置都唔小，相信就算晏d排長龍，都唔會等好耐既。由於我地今日訓到成5點，先出到tst，唔係peak hour就唔洗等lu。🎈Menu有圖文並茂既大餐牌，睇完可以係order紙寫低，我地先揀邊款拉麵，再揀麵條既軟硬度、同要唔要蔥花咁。🍴🍴🍴🍴✨炙燒豚肉味玉拉麵 ($88)呢碗係餐廳主打既拉麵，有一件好厚既豚肉，經炙燒過，豚肉既油份即時散發香味。肉質就十分嫩滑，輕輕咬一下，就已經散開。🎈咁岩我地被安排坐係製麵廚房前，透過透明的窗口，我地可以見到人手製麵既過程。✨雞叉燒雞白湯拉麵 ($83) 呢個雞白湯拉麵既湯底好濃郁，每一條麵條都掛滿湯汁。而雞叉燒，係由雞脾肉整成，師傅將雞肉壓成一卷，再切出2大片，放上拉麵，唔洗驚唔夠餸食啊。✨靜岡密瓜梳打 ($28)食住拉麵，飲住日本直送既靜岡密瓜梳打，有幾分覺得自己唔係香港，但又係香港食到咁好味既日本拉麵，好幸福啊。🎈總結2碗拉麵都各有各好食，好彩我同朋友叫2款唔同味道，之後互相偷食，仲見到有期

每次來到尖沙咀想吃日本麵的時候，總會想起霸嗎拉麵。今天大約晚上九點左右，來到霸嗎拉麵，門口也是排長龍的，大約等了15分鐘左右才有位。我們點了一飯一面，豚肉海苔味玉子拉麵和石鍋燒豚肉飯。豚肉玉子拉麵是我每次過來都會點的，今次發現拉麵和湯底比上次的更好吃，湯底更濃郁更鮮甜，麵底我選擇了適中，麵質很有絲滑感而且好有口感。豚肉的脂肪好滑。和石鍋燒豚肉飯，鍋底好夠熱，好像在吃鐵板燒的一樣，飯底大少少飯焦，配上燒汁好惹味。當然羽根燒餃子是必點之小食，餃子皮香脆，餃子餡肉汁鮮美。飲品一定要試一下他們的綠茶可樂，綠茶和可樂的味很平均，感覺很有趣。

平時經過尖沙咀霸嗎拉麵，通常都見長長既人龍。今日剛巧無咩人排隊，所以就去左食喇。😬同好多拉麵店一樣，霸嗎可以俾係揀麵既軟硬度，多蔥/走蔥，少油，走荀。拉麵我叫左灸燒豚肉味玉拉麵，麵就揀左正常硬度，即係適中，其他多蔥/走蔥，少油，走荀都無揀。等左5分鐘左右，麵就送到黎喇，時間麵唔會話好耐。湯好濃郁豬骨味，豚肉好厚身，不過可能會有人嫌塊肉好肥，我就反而覺得肥瘦適中喇。😋😋去得食拉麵，除左拉麵🍜，當然係要叫餃子🥟啦。霸嗎既羽根燒餃子，有整個脆皮底，好有日本傳統餃子風格，食落口好juicy，好好食。😋

又到星期日的晚上，和友人在諾士佛台happy hour後，心思思好想吃碗拉麵，想起朋友說過霸嗎拉麵好吃，就試試這家。之前已經一直想試，只是平時人龍絡繹不絕，今晚9:00 才來到，只等了5 分鐘左右，太好了。一碗拉麵好不好吃，取決於湯底、配料和麵質。霸嗎拉麵的湯底，有雞白湯和豚骨湯可供選擇。我和友人點了炙燒豚肉海苔味肉拉麵 （$98）和辛辣炙燒豚肉味肉拉麵 （$93），湯底很香濃，湯上還放了一點秘製醬汁，很惹味卻不會太鹹，味道剛剛好。荀和香蔥的份量也很足夠。這裏的叉燒有別於一般拉麵店的薄薄幾片，這裏的是一大片的厚切叉燒。叉燒用上等豚肉低溫慢煮10 小時以上，再以明火炙燒，增添了脂香，喜歡啖啖肉的朋友就啱哂。而麵質可自行選擇軟硬程度，我要了適中的，口感跟在日本吃到的一樣地道、正宗，不錯！另外還點了羽根燒餃子（$35）和枝豆（$20），餃子剪得很香脆，好味！枝豆的份量比想像中多，我們飽到吃不完了。環境方面，由於樓底很高，坐得沒有壓迫感，也很寧靜，整體很舒適。價格正常，全日免收加1 服務費，在尖沙咀區來說，已經尚算抵食。

每逢星期五放工一定係約男朋友去行街食嘢，上星期五就去咗霸嗎拉麵🍜。當時都已經晚上9點半，行到肚餓去到唔使等位就可以即刻入去有得食，👍🏼！（不過，食食吓又有一大堆人喺出邊門口排隊啦⋯⋯好彩咋唔係又要等㗎啦）我哋分別叫咗炙燒豚肉拉麵、炙燒豚肉味玉拉麵、追加味荀，同埋咁熱天氣就梗係叫支元組彈珠汽水飲下啦（好耐冇飲過啦）。豚肉夠厚，燒得又香好食，拉麵煮得剛剛好，豬骨湯底夠香，隻蛋又流心，我同男友都好鍾意食味荀，所以追加左。同埋呢間分店嘅服務員都好好，好有禮貌。

前一排聽閨蜜講話位於尖沙咀葛霸嗎拉麵Ramen Bari-Uma係一間料足又試正既拉麵餐廳！係openrice見到好多食客們話店內葛餃子好好吃；點咗份羽根燒餃子，餃子以菜肉為餡料，煎成金黃色，薄膜輕脆，厚薄均勻，配上照燒汁則更惹味！然後點咗份辛口唐揚炸雞 ，滴辣油混埋滴炸雞度又辣又香脆，辣味非常香濃而豐富，餘韻十足，炸雞口感軟嫩，仲非常多汁。拉麵係唔可少的，辛辣炙燒豚肉味玉拉麵，湯底辣味濃郁，加上辣椒幹，讓湯底的辣椒香味更突出。而且個溏心蛋時間控制得宜，蛋黃半熟，蛋白軟嫩，雞蛋香味滿溢口中！

平日經常經過這家拉麵，都有長長人龍，這晚可能比較晚，9時多沒有人排隊，還沒晚餐的我們決定試試，我叫左一碗炙燒豚肉味玉拉麵，價錢$88，老公就叫了一碗加了紫菜的，就$98我也另加了一份粟米，+$10，想不到不是加進湯的，是另上一份粟米粒，份量挺多，足夠我和老公食，抵！言歸正傳！拉麵湯很濃，很夠味，拉麵份量也多，不用追加都夠食。重點是完整一粒的溏心蛋，很溏心，咬開蛋黃有少少流出來，喜歡這個熟度的蛋，而叉燒肉是厚身的，但不會硬，肉挺大份，肥瘦度剛好。可以再來！

早兩日上openrice睇邊到有拉麵食， 結果搵到呢間好多好評既拉麵店，排左半個鐘終於入座。枱上已擺好水杯，友人飲左大半杯後，店員行埋黎話：「張枱未執！」友人：「唔係啊？」店員回一句：「係啊！」，然後攞走哂水杯離開。同埋我都留意到，佢地執完一張枱 無論之後有無客 佢地都會擺定杯水響枱，咁樣好咩？ 快得幾多？下個客都唔知杯水係擺左幾耐同埋乾唔乾淨！我同友人一行三人，點了兩碗「炙燒豚肉味玉拉麵」軟麵及適中，「辛辣豚肉味玉拉麵」。上菜時，兩碗炙燒豚肉味玉拉麵一齊上， 我問職員邊碗係「軟麵 」佢就黑面走番去廚房問， 然後番黎亂指一碗。 結果我試哂兩碗麵底，我先知邊碗係真軟面！朋友果碗中辛辣，佢話一d都唔辣！唔會再食呢間拉麵店！ 垃圾中垃圾！

今日晚上和友人一同到霸嗎拉麵需要排隊 不過只係等左大約五至10分鐘就已經入得去餐廳環境舒服👍店員服務都算不錯第一次去試點左-炙燒豚肉味玉拉麵$88和一客唐揚沙拉炸雞$38豚肉好香易入口 肥瘦適中拉麵的湯底是非常重要 而這個湯底濃郁亦夠香 拉麵質感唔錯 亦非常入味整體覺得是一碗好吃的拉麵！值得再去！炸雞一共有五嚿 個人覺得炸雞比其他拉麵店大嚿 好夠飽 沙拉分量適當 肉質非常滑 配上沙拉好match👍☺️食完有滿足嘅感覺

食過返尋味的拉麵食過銅鑼灣分店，記憶中好好食，所以起尖沙咀行完街同伙伴心癮又起，630去到門口已經要排一陣隊，好彩店內多位，好快就到我地了我地分別叫左 灸燒豚玉味玉拉麵， 辛辣灸燒豚肉味玉拉麵 同埋 燒汁炸雞如果食到辣既人，我係高度推薦辛辣灸燒豚肉味玉拉麵的，同埋絕對唔好因為慳$10就唔加隻味玉，因為果隻係溏心蛋黎既 豚玉好大舊，肥肉好彩唔多，不過好好味呀，有灸燒既香味，但碗麵好大碗，平時都幾擦得既我都食唔曬，湯底微辣濃湯底，有少少花生醬味 好味道我鐘意偏軟既麵，落單時有圈埋，出到黎麵既質感好岩食喎！如果鐘意濃味既人士，就要試呢個啦不過照燒炸雞就麻麻地啦 要$3x 但炸粉好厚 食嚟食去都係食炸粉 中間舊肉細細舊 同埋都係偏鹹 加埋燒汁就更鹹 本身碗麵已經係重口味 如果加埋碟燒雞就好飽 不建議加購

每次經過呢間拉麵店都人到人排隊，上網亦見有好多讚好的食評，所以決定試試。雞叉燒味玉雞白湯拉麵 $88賣相佳，配料豐富。雞叉燒有兩塊，而且十分嫩滑及入味。味玉不過不失。拉麵用了像陽春麵般的白麵，而且比一般的日式拉麵幼身，吸湯面積自然較多。雞白湯雖然湯體厚身稠稠的，但不算濃味，所以雞湯味在口中並不持久，好在味道有慢慢出來，越吃越有味。炙燒豚肉味玉拉麵 $88炙燒豚肉大片而且厚身，整體尚算可以，只是較瘦的部份有點過韌，本期待會有炙燒過的味道但卻吃不太出。 拉麵也用了像陽春麵的白幼麵。濃厚豚骨湯稠稠的但味道在口中不持久，而且有點咸及有油膩感。羽根燒餃子 $35羽根日語的意思是羽毛，而羽根餃子重點在底下那層薄脆，像羽毛一樣輕薄。有些店做成網狀，這店就做成薄脆。整體來說餃子煎得香，亦尚算皮薄餡多😊總括來說，可能因為太多好評所以帶著較高期望去試，親身吃過感覺未達期望，但都算是不錯的拉麵。

有日同友人lunch去左霸嗎食我自己之前係尖沙咀食過一次 又係屯門食過一次但係係屯門食果次都幾令人失望今次難得又經過就去試下啦午飯時間都好多人排頭位都排左十五分鐘先入得跟住就同友人嗌左一個豚肉一個雞肉雞叉燒味玉雞白湯拉麵（$88）雞拉麵既配料有木耳絲 乾蒜同蔥雞叉燒好厚又夠大塊肥瘦適中湯底濃得黎又夠香～不過食食下覺得有啲太濃味了然後友人既豚肉拉麵因為走蔥所以睇落怪怪的炙燒豚肉味玉拉麵（$88）不過湯底又係好香濃然後舊叉燒燒得好好份量好足叉燒又係大大份咁之後仲嗌多左個餃子羽根燒餃子（單叫$35 跟拉麵$12）不過我自己覺得個餃子就冇乜特別係個底比較脆熱既時候食都幾唔錯不過唔點汁好似好食啲然後原來餃子跟餐都係加12蚊都幾抵食～下次可以再黎囉