霸嗎拉麵 (金巴利道)

營業中

休息中

霸嗎拉麵一向廣受歡迎，不時大排長龍，趁加班過後的時段比較少人，所以就來一個豐富的宵夜獎勵自己。拉麵店一如既往配上地道日式小店的裝潢，加上獨特的字體作裝飾，風格鮮明突出。除拉麵以外，店內還提供丼飯，餃子，炸雞等。【毛豆 $20】枝豆的豆莢飽滿，豆子圓渾，用上鹽巴和黑椒作簡單的調味。【羽根燒餃子 $35 & 照燒餃子 $38】餃子以菜肉為餡料，煎成金黃色，薄膜輕脆，厚薄均勻。原味配上餃子醋能幫助解膩，而配上照燒汁則更惹味。【辛口唐揚炸雞 $38】原以為日本風味的辣味會比較溫和，但絕不能小看拉麵店的辣油，辣味非常香濃而豐富，餘韻十足。炸雞都是使用腿肉，口感軟嫩，還非常多汁。【辛辣炙燒豚肉味玉拉麵 $93】跟炸雞一樣，湯底辣味濃郁，加上辣椒幹，讓湯底的辣椒香味更突出。豚肉肥瘦分佈均勻，經明火炙燒後脂香豐盈。溏心蛋時間控制得宜，蛋黃半熟，蛋白軟嫩，雞蛋香味滿溢口中。【極上原隻龍蝦味玉拉麵 $148】原隻加拿大龍蝦非常吸晴，視覺效果十足。龍蝦肉質彈牙厚實，而且豐滿鮮味。湯底除豬骨湯外，混入了蝦湯和櫻花蝦油，濃郁鮮香，層次豐富。加上湯汁濃稠掛麵，每一口拉麵都沾滿蝦湯，非常入味。【抹茶雪糕 $28】清

今日左滕右滕忙到甩碌 3點先有時間食Lunch, 同朋友嚟到尖沙咀“霸嗎拉麵”，可能時間已晏唔使等位已入坐，急不及待即點餐，我點了“辛辣炙燒豚肉味玉拉麵”、友人點了“豬骨豚肉紫菜玉子拉麵”，“餃子”就一齊食 辛辣炙燒豚肉味玉拉麵~微辣加上濃濃豬骨湯底配上軟硬適中的拉麵拾到好處，竹筍很入味很鮮甜，慢煮义燒望落肥膩，但食落沒油脂感，肥瘦相間口感軟綿 亦很入味流心蛋蛋黃有點流心，但沒蛋香普普通通。餃子~買相特別底部煎得香脆，但食落口感不油膩，餃皮皮薄餡靚, 餡料再多些少會更有口感！友人點的豬骨豚肉紫菜玉子拉麵，我嚐了一口湯底，濃濃的豬骨味擁進口腔，鮮味濃郁不會太咸太淡，美味之選 今次坐近bar 枱望到店員在煮麵，留意到他們是用心的續碗制作，不是快餐般餐作，雖然我好肚餓，等了10分鐘先有麵食，但看見他們制作認真等下都值得

每次去KNUTSFORD同朋友摸酒杯底時都會經過呢間店 門外總是有人龍 到前晚 我會的起心肝 決定要一試呢間拉麵館既水準 不論排多久！ 入座覺得間隔同一般拉麵店的裝潢相比下 更舒適一點 忽然令我回想起日本地道小店的屋台Feel ! 友人要了辛辣炙燒豚肉味味玉拉麵 辛辣度可選 ($93) 厚厚的叉燒(我猜足有1cm厚切？！)經火槍炙燒過脂肪，油香完全迫入肉中　讓人不會覺得厚重膩口 溏心蛋火侯還不錯 而我就要了雞白湯拉麵 平日食的拉麵都是魚介湯同豬骨湯最為人知曉 一飲才發現原來鮮甜成這樣 雞叉燒食落完全唔嚡 肉質細嫩 湯不是過濃或杰 忍不住喝光光！ 麵的硬度當然也是任君選擇 既軟彈又有點紮實感　不論口感又或是份量都一流　 其他小食頖還有炸雞、煎餃子等供應 我們點了煎餃子 相當出色 皮薄多汁 底部香脆

今日去咗尖沙咀行街， 行到大約兩點半左右， 就開始搵嘢食， 見到有間拉麵鋪門口有人排隊， 走過去望下餐牌， 覺得都啱食所以試下。餐廳裝修風格， 跟我從電視看到的日本拉麵店差不多， 如果半邊卡位都算闊落。都有填紙式落單， 可以選擇面身嘅軟硬度。燒汁唐揚炸雞炸雞表皮炸得夠香脆， 裏面嘅雞肉有好多肉汁， 燒汁方面比起平時食開嘅燒汁相對冇咁甜， 由於汁嘅份量唔多所以我覺得味道方面啱啱好。特盛焰燒豚肉拉麵呢個係食肉獸嘅首選， 上到枱有點嚇咗一跳， 滿面有四塊燒豚肉， 四塊都一樣厚身， 四塊豚肉都夠入味， 夠淋， 豚肉應該係用五花腩嚟做成， 肥瘦適中， 豬骨湯底味濃，夠熱， 麵身浸咗一段時間都唔會太淋。雞叉燒味玉雞白湯拉麵相比之下呢個面無論喺湯或者肉方面都清淡少少， 比較適合女士或小朋友， 湯底方面比較清甜， 雞叉燒方面都夠入味，淋身， 味玉都係唐心蛋抹茶雪糕配紅豆雖然食到好飽 ，但係最後叫多個甜品

平時對於食拉麵冇乜特別要求，唔太難食都ok不過今日食完呢間拉麵店之後，先發現原來拉麵嘅水準可以好好其實我哋嚟嗰陣係午餐尾段嘅時間，雖然落緊雨都仲好多人排緊隊我哋都等咗差唔多十五分鐘先入到舖頭餐牌主打係雞肉同豬肉拉麵呢度嘅調味料幾特別，除左辣粉，仲有蒜粉可以揀，啱哂我呢D蒜魔我地叫左幾款食物，呢個係照燒餃子呢個煎餃幾細心，唔知師傅係咪怕煎燶D餃，所以特意鋪左一層薄薄嘅皮一齊煎，咬落表面少少脆，入面又食到肉同菜嘅味道雞叉燒味玉雞白湯拉麵呢款拉麵味道較清淡，湯底有少少肉味見到雞肉都好大塊，食落肉質好滑辛辣炙燒豚肉味玉拉麵呢個麵就相對較濃味，我揀左小辣，對於平時唔常食辣嘅我，都覺得可以接受D湯汁好濃，沾滿左D拉麵，我另外加左蒜粉，非常惹味開頭唔明咩係味玉，原來係指呢隻蛋我覺得呢個蛋做得最出色嘅地方，就係隻蛋浸左喺湯度一陣我先食，但一咬開入面都仲有流心，證明師傅整蛋嗰陣有預計埋湯嘅熱度，所以冇將隻蛋整得過熟，到我食嗰陣都仲keep到有流心日本抹茶雪糕呢個雪糕唔太甜，少少奶抹茶嘅味道配埋紅豆一齊食好好味整體覺得拉麵幾有驚喜，份量十足，味道有水準，相信下次會再嚟食

霸嗎拉麵-高質日式拉麵專門店之前試過銅鑼灣的分店一試難忘，今天在尖沙咀出沒一於再回味一番，門面一致的是典型日式的裝潢，配以非常壯觀的巨型橫向招牌，藝術品似的，內裡桌子一列列井井有條排開，配上淺木的桌椅，外牆繪畫著拉麵的漫畫、日文書法字，極濃厚日式味的拉麵店。拉麵紙一樣可以選擇拉麵的軟硬度，油份的多少，配菜的加入如蔥、荀和木耳。炙燒豚肉味玉拉麵濃郁的豬骨湯底，喝下後不會有過咸和味精的感覺，真材實料的湯底，拉麵彈牙爽口，炙燒的半肥瘦的豚肉片，肉質超腍身，味玉是溫泉溏心蛋，啫喱流心狀態超正。石鍋燒豚肉飯熱騰騰的石鍋，熱氣不斷冒出，香噴噴的豚肉粒，入口即溶底味夠，當中加入炸蒜、蛋白粒、蛋黃蓉後非常惹味有口感，鍋邊的飯焦更加是鍋飯的精華。沙拉野菜炸餃子即叫即炸的餃子，餃子皮薄，沒太油膩的感覺，內裡的餡料飽滿，配上沙拉醬很夾。

突然間心血來潮想去食拉麵所以上網搵下邊到有好食嘅拉麵店見到有一張圖係拉麵上放住咗隻龍蝦覺得好得意 而且又有好多好評我諗點都唔會有伏啦即管就去試一試上網見呢個拉麵店成日都要排隊但我哋好好彩嚟到唔洗排隊直接入去濃厚豬骨豚肉味玉拉麵 $ 88 首先講下個湯底先豬骨湯底濃郁 口感豐富飲落個湯底好有層次✨入口覺得好濃 之後帶少少甜湯汁係口腔到慢慢散開令人好想飲哂成碗湯底重點唔渴喉 因為好怕味精重真係落足功夫用心熬湯底好味道豚肉有2-3舊但肉身厚 脂肪比例平均而且燒得都啱啱好當我以為肉咁厚應該會有些少難咬但反而係輕輕咬就已經咬得開真係可以嘅 我會想嗌多啲嚟食而麵身我揀左硬身但就唔係話太硬 感覺似適中整體嚟講 已經無得輸 超好食極上原隻龍蝦味玉拉麵 【限定】 $148 龍蝦係中間切開咗一半方便啲食客食隻龍蝦而且龍蝦都幾大隻 好吸引湯底係 豬骨濃蝦湯湯底同樣好濃郁 以為自己飲緊濃蝦湯🍲配料有木耳、蔥絲、西蘭花成個拉麵望落好豐富絕對吸引到你 一試再試食拉麵最緊要係餐廳嘅湯底而呢間嘅湯底毫無疑問👏係滿分好食💯龍蝦拉麵賣相就比較吸引而豬骨豚肉味玉拉麵就稍為輸蝕😞不過絕對會回頭再試😤

拉麵店喺香港開到周圍都係，我自己唔太鐘意食拉麵，一年入面食拉麵嘅次數五隻手指都數得哂，但朋友話想食就即管陪下佢啦。呢間位於The One對面嘅霸嗎拉麵店聽講好出面，之前經開呢邊都見到外面排哂長龍好誇張，今日嚟到竟然唔需要等位直接可以坐低！環境都算大，坐得舒服唔迫。呢度賣點應該就係果塊又大又厚嘅五花腩叉燒，平時拉麵啲叉燒賣相好悶，一塊又薄又圓嘅肉咁，睇落其實唔吸引。呢個就係呢度嘅名物喇，炙燒豚肉味肉拉麵塊叉燒好厚啖啖肉，食肉獸最愛！嗌多個炸雞

上星期男友說想吃拉麵，於是便跟他來到尖沙咀吃這家霸嗎拉麵 店舖位置方便易找，我們去的時候是下午兩點多，所以也不用等位。門面及店內裝潢都很有日式風格，當天還有幾個日本人坐我們旁邊吃東西，我想這裡應該能讓他們在異鄉懷念一下家鄉的味道吧。我點了一碗炙燒豚肉味玉拉麵，男友則點了一碗辛辣炙燒豚肉味玉拉麵。麵質可選軟硬度，我點了適中的，味道很好；豚肉肉質鬆軟夠淋身；味玉應該即是溏心蛋，內裡非常流心，很棒呢！我們又點了一支靜岡蜜瓜梳打，淡淡的蜜瓜香配上梳打味道不錯。小吃方面我們點了羽根燒餃子及唐揚炸雞。羽根燒餃子賣相很吸引，一大片薄薄的脆片覆蓋著餃子，脆卜卜的，餃子內裡的菜肉餡亦很足料很juicy。唐揚炸雞配上一小塊檸檬，加上檸檬汁令炸雞感覺沒那麼熱氣，淡淡檸檬香非常配合炸雞的味道，雞肉十分嫩滑juicy。最後，店員服務禮貌也很好，食物味道高質，難怪連日本人都要來光顧呢。

跟朋友來吃午餐，原本以為會有挺長的等候時間，但是不到幾分鐘我們就能進入。尖沙咀來說，地方也挺大的。我很少可以很快就能決定吃什麼，但看了圖片就想吃炙燒豚肉味玉拉麵。等了一會便來了。它的雞蛋是溏心蛋，做得非常好吃！拉麵也軟硬適中，最喜歡的是它的炙燒豚肉，尤其是它的肉夠「林」。可能是有比較多肥肉，但是本人是比較喜歡肥的所以對我來說不是問題。湯底也不錯，可是我不能確定是否沒有味精因為喝了湯會有點口喝。總括而言也是非常推薦的！

每次去尖沙咀行街，係美麗華行出黎都會見到一間拉麵店排住隊，成日都好想試，今日終於機會黎啦話說行完UNLIQO，行出美麗華，朋友話不如食拉麵，一望，YEE，今日唔多人WOR，仲唔試下排佐都唔使五分鐘就到我地啦，入到黎好闊落，環境好有特式，咁岩坐著個住隔離仲對飲品櫃，都幾多得意野飲枱面調味料好齊好乾淨企理，諗得到既拉麵調味料基本齊曬望下MENU好快咁點佐個豬骨豚肉紫菜玉子拉麵，野飲就㨂佐做緊PROMOTION既三矢梳打，梗係叫黎試下咩黎野飲話咁快就送到黎，簡簡單單既外表，諗住應該都係梳打水點知一飲，不得了，原來咁好飲，有小小似檸檬味既波子汽水，但又無咁甜，都真係正，食日式野梗係要飲下日式特別野啦好快就黎我既豬骨豚肉紫菜玉子拉麵，都真係幾大碗，而最吸睛係佢塊巨型紫菜同埋塊叉燒，點講好呢，塊叉燒。。。。。其實真係大塊過豬扒但咬落去又好淋，應該都真係花佐唔小時間去煮，豬骨湯好濃，但又不至於好杰，幾岩我。成碗麵都唔錯，但最正我會覺得係塊叉燒朋友就點佐個野菜味噌雞白湯拉麵，因為佢唔食肉的，但我唔知同唔同佢講其實雞白湯者係用雞湯煮好～～果然係野菜，有極大量我最愛既芽菜，我都偷佐唔少黎食湯望落好清，但味

由於星期一是學校假期，難得有機會和小愛人拍拖，當然是吃盡玩盡的日子！是日行程是尖沙咀歷史博物館丶科學館，來到尖沙咀當然是搵美食啦！在網上看到這人氣日本拉麵店，就前來試試。小愛人點了這個兒童餐，有一碗份量不少的拉麵，還有一大杯果汁，並奉上巧克力哦！最終小愛人吃不下整碗拉麵呢，可以想像這碗麵的份量也頗多，讚！而我點了這個豚肉海苔拉麵，一看到那巨大尺寸的海苔，已經滿心歡喜，小愛人更嘩了一聲！搶着要我的海苔！海苔脆口美味，豚肉大塊肉嫩味濃，湯底濃郁又不會太鹹！還有最愛那半熟蛋，極滿足的一餐！特別為小愛人加了粟米，那粟米的份量，多到令我有點驚訝！是日是放縱的一天，我們還點了蜜瓜汽水，飲飽食醉，十分滿足！有機會必帶愛吃日本拉麵的閨蜜前來來試試！

我同一位朋友入去食。最初係兩位，然後有多一位朋友想join，我晌問左店員應該點做，店員應承我預留旁邊位置比我。但到我朋友到既時候，旁邊位置已空，但另一店員卻叫我朋友排隊。因為有其他人用坐。並用極惡劣態度回應:先生，出面寫得好清楚，要齊人先入坐。我本身係兩個人，我入場時固然係齊人，但有人後join，就係意料之外。如果店內冇咁既安排。大可於我朋友到之前reject我，但就要等我朋友到左之後先叫我朋友排隊。咁就好荒謬仲有，身為日本食店。店員係可以同食客嘈！真係好野奉勸各位以後都唔好食

聽聞這間拉麵店好多時都會見到長長人龍。 今天慕名而來朝聖。雞叉燒味玉雞白湯拉麵麵可以選軟麵,適中,或硬麵。我們選了適中。果然拉麵軟硬適中,易入口。拉麵比起其他拉麵店鋪的拉麵好吃。雞湯底雖濃郁,但不會重口味。味道剛剛好。有兩件厚身雞肉,尚算嫩滑。雞蛋是流心蛋。炙燒豚肉味玉拉麵有兩大塊豚肉,帶少少肥肉。聽人說一般豚肉帶少少肥肉才是最好吃的。豚肉軟腍。雖有少少肥肉,但不感油膩。唐揚炸雞一碟有5件,不是厚粉來炸,炸得香酥可口。見到Memu有原隻加拿大龍蝦配櫻花蝦豬骨濃蝦湯拉麵,都好吸引, 下次來試試。

今日中午來這拉麵店吃，平時晚上經過總是大排長龍，平日中午來就不用排隊！店面位置充足，而且寬敞，十分舒服！我們點了豬骨豚肉紫菜玉子拉麵，有三大片紫菜，是亮點！另外豚肉的肉與脂肪比例剛剛好，減少膩感，加上有蔥花，很對味！而醬燜雞叉燒辛辣雞湯拉麵的雞很入味，而且是厚切的，所以口感十足，湯底的辣度合宜，十分惹味！羽根燒餃子是必點的吧！餃子煎得香脆，就如冰花餃子一樣，加上醋汁，能夠減少膩感，就如在日本吃的一樣，難怪這店常常客似雲來！