霸嗎拉麵 (金巴利道)

營業中

休息中

行經尖沙咀見長龍拉麵店不用排隊，馬上跑去幫襯。進店內見餐牌上有期間限定口味的拉麵和石鍋飯，二話不說便決定下來。松葉蟹肉蟹膏軟殼蟹拉麵碗內鋪滿全蟹食材，有完隻炸到脆脆的軟殼蟹，豐富的松葉蟹肉，鮮味濃厚的蟹膏，全部都正合我這個蟹痴的胃口，還有一大片紫菜，不過我就貪心D，要加隻糖心蛋才罷休。食完整碗麵還是意猶未盡，要多加一個麵，麵質還可選擇軟硬度。石燒松葉蟹肉蟹膏軟殼蟹飯朋友亦是蟹痴，見有另一款松葉蟹肉蟹膏軟殼蟹飯，馬上點了一客。食材跟我的拉麵差不多一樣，軟殼蟹，松葉蟹肉，蟹膏均有齊，配在石鍋上的日本米飯，熱力令蟹膏蟹肉增加不少香氣，混入米飯內軟糯味美，不錯之選。唐揚炸雞我們還點了一客五件的唐揚炸雞，大大件炸得十分香脆，咬開肉汁豐富，真係百吃不厭。

呢間嘢好多地方都有, 有一排冇食食返都好有水準 超鍾意佢嘅豚肉半肥瘦超好味 大大嚿肉真係好正仲，仲要炙燒過最後食拉麵梗係要配埋個糖心蛋喇，咁先係完美羽根燒餃子 ， 一份有五件都幾好食又有肉汁， 個皮都幾簿唔錯

呢間拉麵店每次出新系列都會去支持今次係我最愛既🦀既拉麵🍜 一定要食松葉蟹肉蟹膏軟殻蟹拉麵 $128一碗拉麵入面集合蟹肉蟹膏同軟殻蟹😙聽到都覺得滿足 賣相仲好吸晴原隻炸軟殻蟹 都幾大隻 好多肉食落脆卜卜之餘 仲食到入面有蟹膏 除左拉麵仲見到佢出左石鍋飯 $98另外仲有甲羅燒配多士 $58將蛋汁同蟹膏撈勻 再搽落多士上面一齊食食到我停唔到口😂 真係太鍾意食蟹膏仲有每次都必嗌既炸雞 $35大大啖肉 仲要係滑既 抵食另外佢地既叉燒拉麵都一樣好厚切仲有小小燒過 都好惹味

小週末嘅尖沙咀放工時間人流特別多，不少大街上嘅食店都有人排隊入座。來到金巴利街「霸嗎拉麵」未到7點已有人在門外排隊入座。期間限定又有新品出埸😍松葉蟹肉蟹膏軟殼蟹🦀拉麵$128原隻軟殼蟹，未食先滿足打卡📷！味噌湯底也有濃香嘅海鮮味道！放上松葉蟹肉和蟹膏，無敵蟹味超吸引😍！原隻酥炸軟殼蟹，非常大隻厚肉！外皮酥脆蟹肉仲相當juicy！麵質揀咗硬身，其實一啲都唔硬只係冇咁軟稔。石燒松葉蟹蟹膏軟殼蟹🦀飯$98實際器皿熱辣辣，熱力逼出蟹膏嘅香氣，伴飯一流。想要飯焦嘅口感就繼續keep住最底層嘅米飯不伴勻~軟殼蟹🦀比拉麵那一隻更加大。😍羽根燒餃子（5隻）$35 餃子底部最後收乾芡汁形成一層薄脆，餃子皮薄外脆，肉餡多汁，蘸上酸酸地嘅餃子汁美味可口！綠茶可樂冇預期中嘅超驚喜味道，喝一口之後才有好輕微嘅綠茶味，可樂味道仍然穩重，新口味可以一試！

今日中午經過尖沙咀，看到一間日式拉麵店，位於大街的地鋪，裝飾佈置相當日式，有大大的日文招牌，掛滿很多日式燈籠，遠遠都看到。門口有個季節限定的特別拉麵廣告，是松葉蟹肉蟹膏軟殼蟹拉麵，又有蟹膏和蟹肉，還有我喜歡吃的軟殼蟹，當然要品嚐下啦！這裡點菜有點菜單可以自己點選。而這款特定拉麵，麵質可選硬身、適中或軟身，非常貼心。我點了適中。-松葉蟹肉蟹膏軟彀蟹拉麵 拉麵是幼身的，我選了適中硬度，所以麵質煙韌又不會太淋，有口感。麵上有隻軟殼蟹，相當吸晴。軟殼蟹炸得外脆內軟，味道鮮甜。碗內還有松葉蟹肉和蟹膏，混合湯麵一齊食，十分甘香。還有一大片乾紫菜，和很多海帶，整碗麵相當豐富。-石鍋燒豚海老飯 豚肉似滷肉，煮得很淋，肥廋均勻，很入味，再加埋爽口的蝦，撈埋醬汁，加上用石鍋盛裝著，食到尾都能keep住熱，最合冬天食用。

佢地係嚟自日本廣島嘅拉麵連鎖店🇯🇵最近全新推出左期間限定軟殼蟹系列✨啱晒我😍.📌松葉蟹肉蟹膏軟殼蟹拉麵 $128大大隻香脆軟殼蟹 入面仲有好多蟹肉蟹膏🦀拉麵揀左硬身 好爽口彈牙 仲掛滿湯🍜個湯底原本味道都好濃郁 再將啲蟹膏撈埋落去 仲更加鮮甜甘香🥰味玉+$12 醬油味好香 甜甜鹹鹹 蛋白夠彈 蛋黃流心軟滑🥚加埋味荀$10好開胃🙌🏻.📌甲羅燒 $58每次去到日式餐廳都會嗌😻蟹膏+蟹肉+蔥花+鵪鶉蛋 真係冇得輸 好香口❤️麵包烘到脆卜卜 夾埋一齊食幾特別🍞.📌炙燒厚切叉燒 $58叉燒好厚切 大大塊😍好入味 仲有淡淡炙燒香🔥一層肥一間瘦 口感都軟腍 唔算太重油脂感 食落唔會太油膩🐷我就覺得唔錯 男朋友就覺得太瘦🙈.📌米雪糕 $28第一次食米雪糕🍦佢就係牛奶味雪糕再加啲米粒🍚🥛食落冇米香 但有粒粒口感幾特別😆

依間位於尖沙咀The one對面既拉麵店成日經過都幾多人排隊～上次經過想試牡蠣拉麵無試到🥹今次黎到已經轉左期間限定軟殼蟹拉麵🦀第一次食蟹膏配拉麵🤣🍜湯底原來都幾鮮甜😋1️⃣松葉蟹肉蟹膏軟殼蟹拉麵 $128依款軟殼蟹拉麵🍜麵身硬度揀左適中，入面有松葉蟹肉同蟹膏份量頗多，令湯底飲落好鮮甜，味道唔咸唔錯～飲左好多都唔口渴，軟殼蟹有完整一隻但Size就唔算大，建議盡快食用🦀浸太耐會吸晒啲湯🤭2️⃣甲羅燒 $58💯推薦依款甲羅燒👍🏻蟹蓋入邊有松葉蟹肉、蟹膏、蔥花同鵪鶉蛋😋 蛋漿令蟹肉蟹膏鮮味更突出，查起烘到金黃色嘅麵包上食超滿足，份量充裕！3️⃣雞叉燒雞白湯拉麵 $88依款雞叉燒拉麵選用雞髀肉，雞肉雞皮都好滑，幾厚身，雞白湯湯底唔算濃厚，但味道都okay偏油，拉麵揀左硬身，配埋爽脆嘅木耳絲同蔥花，口感都唔錯🤣4️⃣羽根燒餃子 $35/ 5隻💯推薦燒餃子，餃子皮十分薄，食落外脆內軟👍🏻內裡既餡料豐富有肉汁，點埋餃子汁好好味😋5️⃣唐揚炸雞 $18/ 2件惠顧每款拉麵可追加兩件唐揚炸雞，揀咗沙拉醬味，雖然係追加但都大嚿，炸粉唔多，炸雞食落juicy，沙拉醬適量，味道啱啱好🤤

見到平時lunch time都有人排隊，今日有時間就入去試下係唔係甘好食~平時拉麵都係食豬骨湯，雞湯真係好少見，所以試下有咩分別😏上到嚟賣相還可以，湯底睇落唔算濃，個叉燒係雞肉嚟，扮到同平時啲叉燒差唔多樣，都幾特別~大家都好想知個味道，我本人覺得麻麻地，唔想太出色，冇咩驚喜😂雞湯的雞味唔突出，唔講都唔知係雞湯🤣個雞肉都可以，正正常常咁，唔算難食，又唔算好好食😏過得去~個拉麵的質量都麻麻地，唔算太高質😁隻蛋係全個拉麵入面最好食了~整體來講，試完一次都冇咩值得我返轉頭了，有機會可以試埋豬骨會唔會正常啲#拉麵 #日本 #日本菜 #日本拉面 #日本拉麵 #拉麵控 #香港特色 #尖沙咀美食 #黃怪獸 #黃怪獸覓食 #hk90s #hkfood #hkfoodie #foodie #foodiehk #food #japanesefood #japan

見網上留言的食評唔錯就和朋友來試試尖沙咀呢間分店。 下午1時40分來到門口、見到已經排長龍、明白既好野多捧場客好正常。等了差不多20分鐘掃完針卡就入座。我點了一個特盛而我朋友就點了蠔那個、再加2隻半熟旦（因為是半熟不是溏心）和一份辣餃子。等了大概5分鐘蠔拉麵到了、湯底好多油、湯味道偏淡只有油多、蠔腥味也比較重、伴腕菠菜最正常但送埋發泡膠粒。特盛拉麵有4塊肥豬腩肉、肉肥不肥暫且不說但超市買到的拉麵叉燒絕對好食過佢、湯底也是偏淡。另外、送餐的服務員放低碗半熟旦時是玩「飛碟」式的、撞到杯水好彩無整瀉。總結是： 來過一次 不太滿意

- 霸嗎拉麵今日開始推出限時優惠，英文名有個”Ho”字就可以有第二碗拉麵半價 (詳情可以睇返佢哋IG)！我地晏晝大約13:40到，舖頭唔多人，唔洗等位🤤🍜(Pics 1-4) Tonkotsu Ramen with Chashu 炙燒䐁肉拉麵 💰42.5 (原價$85) 湯底濃郁，比起一般出面嘅拉麵杰身，食完拉麵都唔會太口渴👍🏻 配料除咗炙燒䐁肉之外，有蔥同埋荀；䐁肉上面嗰pat醬少少辣幾惹味，如果大家怕佢哋嘅辛辣拉麵太辣絕對可以叫呢款，唔會得豬骨湯味！不過佢哋嘅䐁肉幾肥 (ard 80%肥膏20%肉，私心鍾意肥膏少啲🙈)，睇大家個人喜好啦🫠🍜(Pic 5) Tori Uma Ramen with Chicken Chashu 雞叉燒雞白湯拉麵💰85 朋友🐺欣賞呢碗配料多 (木耳、蔥、炸蒜片) 唔洗自己加錢去加😌 雞白湯同出面白雪雪嗰啲唔同，飲落比睇落更重雞味🐔 佢哋硬度適中嘅拉麵都會比其他拉麵餐廳硬少少，係朋友鍾意嘅口感～ 重點係雞叉燒偏瘦 (除咗一層雞皮)，大家怕肥嘅話都可以呢款😚🌟·留意返：用限時優惠要係堂食同埋落單嗰陣講，店員都會提返要用電子形式付款㗎～ 大家快啲去食啦🤭(P.

疫情期間，很久沒有外出晚飯，所以今晚決定外出吃一餐特別一點的晚餐。走到金巴利道附近，見到霸啦拉麵門口張貼的期間限定的牡蠣拉麵海報就被吸引進店。之前吃過他們期間限定的龍蝦拉麵是高水準之作，所以點餐後非常期待今期的期間限定。上菜後，一陣陣的蠔香味撲鼻，而且和相片一樣大大粒。牡蠣表面輕微煎過再放上湯麵上，生熟程度剛剛好，薄皮嫩口，咬下去香滑多汁，時間調教得剛剛好，湯底蠔汁鮮甜，齒頰留香。老公點了一個石鍋燒豚肉飯，豚肉鬆軟，肥瘦程度剛剛好加HKD18 可以叫小吃，推薦炸雞，一點也不油，表面乾脆，但咬下都是鷄汁，配上沙律油好惹味😋期待下期的其問限定❤️

🦪廣島牡蠣祭開始啦，霸嗎拉麵身為廣島規模最大嘅拉麵連鎖店，當然要出新品賀一賀啦🎏今次試咗2款牡蠣新品🦪🦪🍜廣島牡蠣瀆醬油拉麵💰$128湯底以霸嗎招牌「最強濃厚䐁骨No.1湯底」為基調，再加入大量牡蠣熬煮，層次豐富每碗拉麵重本配上4隻炙燒過嘅醬油漬廣島牡蠣，肥美飽滿，嫩滑多汁🦪雞白湯清酒煮廣島蠔💰$48以日本總店配方製成嘅雞白湯加入清酒變奏而成，配上大根及牡蠣潰，飲酒絕配，唔飲酒都一樣咁好食📣📣📣霸嗎拉麵仲推出快閃優惠，於7月6日至8日2-7pm結帳，英文名包含「Ho」字，可享折扣優惠🤑①同音一字：買一碗正價拉麵． 第二碗半價②同音兩字：買一碗正價拉麵，第二碗免費②同音三字：全單免費例子：(1) Chan Wing Ho(2) Ho Siu Ho(3) Ho Ho Ho*以整個英文單字計算，「Hollyj/ Hong/ Hon」等字恕不適用條款及細則：▫️優惠必須以電子方式付款▫️只限堂食，不設外賣▫️不可與現金券或其他優惠同用▫️半價或免費之拉麵以最低價格者作計算▫️需於下單時出示可證明本名之證件（身分證、駕駛執照、學生證）▫️每人只可於優惠期內享用全單免費優惠一次，優惠只適用於本人之帳單，上限為

呢間位於尖沙咀嘅拉麵店，開咗好耐都仲係見到有人龍排隊，而我都幫襯過幾次，幾欣賞佢到而家都可以保持一貫嘅水準！呢間拉麵店主打雞湯拉麵，我同朋友仔尋日各自嗌咗佢兩款唔同嘅拉麵，分別係辣雞湯拉麵同埋白雞湯拉麵。朋友仔食咗辣雞湯拉麵比較惹味，唔算太辣，但係個人覺得辣湯就會有少少搶咗雞叉燒既風頭。我自己就比較鍾意白雞湯拉麵，白雞湯拉麵嘅湯底比較淡，淡淡的鹹味反而可以令到雞叉燒嘅味道較為突出！Anyway，兩款拉麵嘅味道都唔錯！個人認為暫時雞湯拉麵佢哋呢一度算係比較出色嘅！不過都要順帶一提，尋晚食飯果陣感覺店員態度唔係好好，有一位男店員一開始會比較粗魯咁問我哋食乜，然後又好粗魯咁遞上飲品，我同朋友仔都覺得有啲不滿，好彩之後Serve我哋嘅女店員相對比較客氣同有禮貌，希望餐廳可以改善呢個問題啦！

雖然冇得去日本，但香港都有唔少人氣過江龍拉麵店，呢間源自日本廣島位於尖沙咀嘅霸嗎拉麵就係其中一間。佢最近推出咗期間限定廣島牡蠣祭menu，當然第一時間要去食返碗。廣島牡蠣漬醬油拉麵 $128呢款期間限定拉麵，用咗鋪頭招牌嘅「最強濃厚豚骨No.1湯底」做底，加埋大量蠔去熬製，每一啖蠔嘅鮮味都喺口到爆發出黎。粗身嘅麵條掛湯，面頭有4隻炙燒醬油漬廣島蠔，蠔肉大大隻，入口鮮嫩juicy，醬油味更加帶出蠔嘅鮮甜。廣島牡蠣漬薑汁石鍋釜飯 $95除咗拉麵，期間限定menu仲有呢款釜飯，用咗蠔高湯去煮個飯，飯粒吸收哂蠔湯嘅精華，非常鮮味，食落仲有少少薑汁嘅香味。釜邊嘅飯更加變咗香脆嘅飯焦，甘香可口，連埋飽滿肥美嘅廣島蠔一齊食，非常滿足。羽根燒餃子 $35餃子都整得唔錯，餃子皮夠薄煎到香脆金黃，入面嘅餡料鮮味多汁。千葉縣和梨酒 $18 & 沖繩菠蘿汽酒 $18另外仲叫咗兩款日本直送嘅水果酒飲料，果味香甜易入口，啱晒夏天飲。順帶一提拉麵店仲會推出快閃優惠，只要喺黎緊6/7-8/7下午2-7pm幫襯而英文名又有個「Ho」字，就可以享有折扣優惠，最高仲可以全單免費添。。。霸嗎拉麵 (金巴利道) (尖沙咀)尖沙

一個人食飯, 最好就係食拉麵, 香港拉麵店好多, 但係會有興趣翻兜既就好少, 霸嗎拉麵係我其中一間會翻兜既拉麵拉麵既選擇唔多, 主要係揀食豬定食雞, 豬就係配濃厚豚骨湯, 雞就係配雞白湯, 兩款我都喜愛食, 豚骨湯比雞白湯濃味好多, 但雞白湯清得黎又唔會好淡, 各有各好, 好難比較邊隻好食D, 今次就叫左雞叉燒味玉雞白湯拉麵 ($88), 麵條係用左細麵, 可以揀軟硬度, 再加左蔥同炸熟蒜, 令碗麵更香口, 雞叉燒不過不失啦, 最驚喜既係隻蛋, 唔洗加錢仲要係原隻上, 88蚊其實算抵食呀