霸嗎拉麵 (已結業)

今日去左將軍澳接女朋友，中午時間經過霸嗎，原來將軍澳都開左一間分店。早早之前食過尖沙咀分店，味道非常出色，今日中午再戰霸嗎！中午時間人龍非常多，我一個人都要搭枱坐。我叫左一個熱門拉麵，炙燒豚肉味玉拉麵。豚肉半肥瘦，入口非常香嫩，燒得極是香口！拉麵彈牙掛上濃濃拉麵湯底！超濃厚湯底滿是豚肉香味。溏心蛋流心極高，蛋味好重！另外叫左一個唐揚炸雞，雞肉香脆唔會油膩，雞肉多汁加上檸檬汁好清香！大大一件好滿足！

下午和太太去試食,我太太說中環經常都要排長龍,不過這間很快就可以入坐,講真店內環境很窄迫,坐的很不舒服.不過食物質素和侍應的良好態度都足以彌補這些缺點.拉麵湯底和麵本身都不俗,豚肉入口即化.極力推介餃子,真的很不錯.

平日有一款特價拉麵和餃子炙燒豚肉味玉拉麵 (拉麵原價 $88, 特價 $68)湯底非常濃郁, 很好味,  真想飲晒佢, 他的味蛋是原隻上, 咬開有糖心好味, 豚肉是一塊大厚切, 但邊位很肥,  適合喜歡食肥腩肉的人~ 羽根燒餃子 (餃子原價 $35, 特價 $15) 一排過, 皮夠薄, 很易入口和咬開, 配上醋汁好味~~

搬屋來了將軍澳寶林，估吾到屋村內地鐵口有拉麵店，CWB分店人氣長龍末有機會去，中午行過剛巧有位即入啦，與朋友一人一碗豚肉叉燒拉麵，一碗辛辣一碗正常。要超讚個叉燒，一大塊，成碗面長，至少4吋長，又夠厚，吾會紙咁簿，肥瘦適中，吾會得肥膏油淋淋，有豬肉叉燒香味，啖啖肉，超過隱！旦半熟感覺健康，麵底彈牙好咬口，湯底夠濃吾鹹，正！

間唔中總係有一日會好想食下拉麵，見呢間咁多好評一直都好想試下。今日終於都比我試到！麵店主打烹煮左十幾個鐘嘅叉燒同濃厚嘅湯底，我揀左個超濃豬骨湯底嘅麵。識食第一啖緊係品嘗左個湯先，湯底係好濃郁嘅豬骨味，濃到好似飲緊牛奶咁，再加上大量香葱作點綴，真係色香味俱全！第二啖係拉麵，拉麵選用偏幼嘅麵，而且個湯係超級掛麵！！！果真冇令我失望。接著就係蛋，隻蛋同大部分店一樣，採用流心蛋，特別在佢冇切開一半，可以感受爆漿嘅口感。豬肉肥肉嘅部分睇落好似會好漏，但係現實絕對唔係！肉嘅鮮嫩多汁程度簡直令人一啖接一啖咁瞬間食完。真係會令人忍唔住連湯都飲曬！每個碗底都會有一句鼓勵你完食嘅金句，只要飲完d湯就可以好有滿足感如果未夠喉嘅話，係飲湯之前可以選擇加飯落個湯度食都好好味。

霸嗎拉麪之前係尖沙咀都食過一次, 排隊起碼等左30分鐘, 而家開左係新都城商場入面, 反而唔使等位!太好啦!拉麪款式唔算多, 得辣, 唔辣, 豚肉同雞肉揀。我揀左呢個 炙燒豚肉海苔味玉拉麫 $98因為有齊海苔同味玉，味玉就係流心蛋既意思。(唔記得走青) >''< **有蔥影相會靚啲哥哥叫左呢個 特盛炙燒豚肉拉麪 + 味玉 $118+$10特盛既意思係將平時2片豚肉變左做4片!超誇張!!真心食肉大食既人先好叫!講返佢地主打材料，佢地既秘製叉燒係用左上等豚肉再經過低溫慢火煮超過10小時, 最後再以明火炙燒增加佢既脂香。所以食落特別香特別好味!一碗拉既底同叉燒係最要既!佢2樣都做得好好!!個流心蛋都做得好好!一咬開蛋黃就要流出黎啦!好正呀!至於哥哥既4片超肥美豚肉, 佢稱食完第3件既時候已經好飽!!哈哈!!唯有笑佢一開始太貪心!!

下午好肚餓，所以就落街是但搵啲嘢食，跟住見到呢間拉麵，未食過就入嚟試吓，之後就帶咗個炙燒豚肉味玉拉麵。因為其實我比較怕油膩嘅嘢，所以我揀咗小油嘅。食落都幾有驚喜，因為一啲都唔油膩，雖然個湯睇落好濃，但係就冇乜油膩感，而且佢嘅豚肉都整得幾好食，同埋我好鍾意佢嘅蛋真係糖心蛋。不過我都係略嫌佢嘅豚肉稍為肥咗少少，而且佢個湯底飲完之後好口乾，感覺好似好多味精，因為我飲咗勁多水個口仲係好乾，但係作為午餐來講算係正常。

第一次食上面寫耐心等候🤤等左5分鐘至8分鐘拉麵係幾好味，雖然湯係涼左少少，但係咁樣就吾會因為太熱而辣口，我就冇咩所謂嘅總結拉麵係吾錯既！👍🏻👍🏻但係店員就唔係好得，服務態度算係中等🤨叫咗好多聲比單，冇人理，店員一直傾計，就算我叫大聲左，都冇人理，甚至望到我一眼都唔過嚟，直到我忍唔住出去先理我🙂返緊工就唔應該咁多嘢傾，加上客人吾少我隔離張枱都冇人理，我係見到兩三個傾計🤔咁得閑傾計，搞掂啲客先啦！我寧願你整好晒所有野先傾計！第二次去食發現有一台可能係店員嘅朋友，又係掛住傾計我覺得比較麻煩嘅就係收唔到訊號，就算寫明有Wi-Fi，要連好多次先連到....

有日去銀行入數，見到呢間拉麵店個名有啲熟口面，查吓原來係日本嘅連鎖拉麵店，主要集中喺廣島，咁我喺日本見過都唔意外。由於佢係連鎖店，喺香港不過係兩年，已經有五間分店，呢個速度其他人真係望塵莫及，咁如果佢哋做得出色嘅就真係無所謂嘅。雖然係午飯時間，但係有幾多人會晏晝食拉麵吖又唔係平，所以係唔使等位。而且平日午市仲可以用優惠價換炸雞或者餃子，只不過佢都係急凍貨姐，食唔食都無所謂。叫咗個炙燒豚肉味玉拉麵，湯底嘅醬油味都算明顯，但係豬骨味就薄咗啲，可能係想突出個醬油風掛，個人希望豬骨味更突出，始終你個油花都唔係少…都係無謂太奄尖。拉麵可以揀軟硬，我就不嬲都受硬唔受軟，而佢又真係做到偏硬身嘅麵出嚟，據知佢地嘅拉麵係自家用小麥粉製造，咁佢食落去確實有別於味精拉麵個麵底，雖然麥味唔重但勝在無鹼水味，收貨嫁喇。溏心蛋一切開個蛋黃流晒出嚟，以溏心蛋計其實佢算係太生（半凝結先叫溏心而家叫流心），不過我鍾意。味道雖然係淡啲，但隻蛋仍然食到醬油味，水準都唔錯。輪到個叉燒，的確係五層肉嚟，瘦肉就較多同埋偏厚身，口感幾軟熟，味道亦唔差醃得夠濃味，食落仲有啲甜味。但燒烤味唔夠強而且無咩熱度，有啲懷疑佢係一早燒好定係有

霸嗎拉麵🍜見到呢間拉麵店好多分店，剛巧有事在寶琳，經過新都城就試下，平日晚上7點入座，人唔算好多。裝修都有心思，仲有座位可以睇師傅煮拉麵，可惜比人坐晒。一入座就即刻有人比杯水我地，職員態度都唔錯。菜單除左拉麵之外，都有唔少小食可以選擇。講番拉麵，呢間拉麵既其中一樣值得讚既地方係可以自行選擇麵既軟硬，也可以選擇走蔥和少油，特別適合怕油既女士們。💃🏻今日點左雞叉燒味玉雞白湯拉麵，雞肉數量都幾多，每塊都夠晒厚同滑。麵果方面個人無特別偏好，所以就選擇左適中，果然恰恰好，有口感之餘唔會太冧。另外麵條也吸收左湯底既精華。溏心蛋同一般拉麵店店既唔同，唔會切開，咬開之後見到蛋黃仲keep到半固體既狀態～朋友點左炙燒豚肉拉麵，試左啖湯底，比雞白湯拉麵果個香濃，好重豬骨味，適合中意重口味的朋友😆。

今日同朋友一齊去寶琳行下商場，行完有啲肚餓就搵下野食，見到有間拉麵店，網上嘅comment都係值得一試，而且我地係繁忙時間晚上7:30pm去，都唔洗排隊，有位置坐店內牆身設計：店鋪的位置雖然唔多，但星期三的晚上唔會太多人，入到去同朋友自動坐低兩人枱，好快就有侍應比兩杯水，然後我地就睇餐牌餐紙先點食物。餐紙：可以選擇麵的軟硬度，我今次試的係適中同埋走蔥。可以依照個人口味調整，落單時候剔埋。點完食物大概等左10分鐘就有食物啦灸燒豚肉味玉拉麵走蔥花個人感覺：豚肉都好厚，湯底略嫌太濃，湯的溫度可以更熱，同埋都多油，下次會試下少油，整體感覺唔錯，值得一試！

因為平常晚餐時間要等位的關係，今天特意找個下午茶時間來霸嗎拉麵，果然不用等位。下單後基本上五分鐘左右已經上菜，因為本身很喜歡煎餃子，所以到了日式拉麵店也是會額外叫煎餃子來吃。霸嗎的羽根燒餃子與一般煎餃子相比多了一片金黃色的‘薄脆’，在享受餃子的同時還能享受到薄脆的口感。即叫即整熱辣辣的餃子其實和一般的煎餃子分別不大，可是正正多了那一片‘薄脆’整個口感也變得不一樣。拉麵上菜的時候老實說有點失望，賣相有點不討好，而且顏色看起來味道很淡，但果然‘人不可貌相’，湯底比想象中濃郁,但不是濃稠的湯底。幼身麵條口感爽口，對於霸嗎的湯底、麵條、配料都十分滿意，是我在最近吃過最滿意的拉麵店。雞叉燒入口那一剎那，內心不禁發出一聲讚歎：點解咁好味架? 正到痺呀! 好好味呀！(美味天王主題曲mode)雞叉燒是將雞排捲起來煮完再切片，雞肉鮮嫩，入口還有肉汁，帶點日式燒汁的甜味，口感特別。本來拉麵味道就很贊，加上經常會推出期間限定，難怪霸嗎拉麵每天晚市都門庭若市

喺將軍澳開到而家，一直都好多人排隊，今日終於等到一個時間冇乜人排隊而我又肚餓我知佢喺唔知邊度開過嚟將軍澳，咁巴閉，入到去其實選擇嘅款式唔多，不過通常出名嘅拉麵店都係咁，要專注響某幾款食品專注品質呀嘛我叫左個豚肉濃湯拉麵，湯真係好濃好鮮味，睇相都知啦，面呢軟硬適中，豚肉有碳燒味，最鍾意係加埋蔥花撈埋啲麵同湯一齊食。大家去食一定一定要加埋呢隻流心蛋，雖然冇影相，不過呢隻流心蛋嘅顏色同餐牌嗰張相隻蛋嘅顏色係一樣，橙紅色蛋黃。好新鮮嘅感覺啊仲有叫咗份餃子，餃子就… …普通普通嘅意思係可以食可以唔食。呢間野嘅拉麵同我響日本食嘅拉麵差唔多，分別係個湯冇咁鹹，岩返香港人嘅口味。難怪成日都咁多人排隊。

難得將軍澳區有間拉麵店, 所以就去試吓.  第一次幫襯, 真是大失所望....D湯底竟然不是熱湯, 麵無論要軟, 適中或硬, 3碗也一樣.  要扮日本拉麵也請做好D啦!有promo 沒有出聲, 在未結帳前留意到一傍有優惠牌, 所以 download 優惠, 但可惜店員話要落單前講.試問, 店員唔講, 鬼知??  又未結帳, 卻說不可改單 (除非給你的食物有不同啦!)  如果不想給優惠就不要放出來.

落雨濕濕都唔想去邊度，所以就落屋企樓下食個拉麵做brunch lar🤔 今次係第二次食啦，好中意佢地嘅叉燒🍯🍯 今日揀左個肉盛拉麵🤗🤗 有成4塊肥叉燒😂😂每塊都燒得香口，又肥瘦分佈適中🤓🤓 而湯底一號香濃，拉麵彈牙🐥 另一主食揀左石燒海老豕肉飯，燒得幾香，有飯焦,豚肉係切粒上，都有成塊叉燒咁多粒，幾淋，不過overall 偏干🙆🏻‍♂️ 小食要左炸雞，配燒汁👅👅雞肉嫩滑，皮薄炸得香脆🐵🐵