141
19
10
港鐵寶琳站 A1 出口, 步行約5分鐘 繼續閱讀
所有分店 (5)
電話號碼
35807808
營業時間
今日營業
11:00 - 23:00
星期一至日
11:00 - 23:00
付款方式
Visa Master AlipayHK 支付寶 現金 銀聯
其他資料
Wi-Fi
當面支付
食評 (190)
等級4 2019-09-23
301 瀏覽
這間霸嗎拉麵在廣島很出名的,在香港愈開愈多分店,今日下午茶時間難得唔需要等位,終於有機會食了。店舖不大,座位不多,有開放式的廚房,設有吧枱,裝修得很有日本風。拉麵選擇不算多,主要分濃厚豚骨湯及雞白湯拉麵,還設有限定期間的特色拉麵。每碗拉麵都可以因應自己口味來揀不同的軟硬度。除了拉麵,餐廳還提供不同味道的餃子,炸雞及石鍋飯,連啤酒、日本飲品、甜品都有供應。豚骨湯食得多,今次反而想試下清一點的雞叉燒味玉雞白湯拉麵,雞叉燒原來是用雞肉卷到好似叉燒的模樣,超厚身的,煮得軟淋,幾特別。而湯底的雞湯味頗濃。拉麵是選用自家製的幼身拉麵,食落滑身,但掛湯度一般。配上原隻流心蛋,大量木耳及蔥。另外點了一個石鍋燒豚肉飯,單憑價錢$68仲以為份量應該比較細,但上枱份量足夠2人食用,煮得淋而入味的豚肉粒大量地舖滿飯面,豚肉的油脂滲入蛋炒飯中,令鍋飯的香氣更濃,石鍋更令飯身保持熱度。點了一個辛口的羽根餃子作小食,羽根餃子有著冰花脆皮,煎得焦香,配上頗辣的辣醬,如果平時只接受小辣的朋友,我覺得原味會比較適合。 繼續閱讀
(以上食評乃用戶個人意見 , 並不代表OpenRice之觀點。)
上星期去開將軍澳做野,餓左成個下午,6點幾晚餐時間,經過見到我鍾意食既霸嗎拉麵,忍唔住入去食返碗先出九龍!鍾意食霸嗎既原因係佢都由裝修到味道幾日式風味,而且選擇都幾多!呢間間既廚房仲要都幾乾淨!我所指既選擇多,唔單只係拉麵同小食款式,仲有各式日式飲品都同樣選擇多!我就叫左我最鍾意飲既綠茶汽水,味道就係可樂再加入綠茶味,兩種味道都非常融洽!唔會搶左對方既味道!飲品嚟完無耐,有陣陣照燒醬香味既照燒餃子都好快送到! 薄薄既外皮煎得幾香脆,餡料有點肉汁,比原味多了層照燒醬既味道!而熱辣辣香噴噴既醬燜雞叉燒味玉拉麵亦都好快送到! 香噴噴既係雞湯既香味!呢個拉麵真係份量十足,麵條我選擇左普通硬度,咬落都幾煙韌!至於厚切既雞叉燒,肉汁豐富,除左雞肉既嫩滑外,仲帶點咸味,兩件大大件真係再大食都夠晒!仲有要讚下呢粒温泉蛋,生熟程度處理得宜,令香甜蛋汁非常豐富,同埋咬落仲有微温,唔會凍冰冰!今餐既食物全相,非常豐富同吸引呢食到最後,我加入左香甜既珍珠米落d湯度,再加埋粟米,就成就左一碗香甜既雞湯飯,有粟米既脆口,加上軟綿綿既珍珠米,口感十足!咁好飲既雞湯我一滴湯都無浪費到,本來好鬼餓既我,食埋呢碗湯飯,真係飽到上心口! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-08
333 瀏覽
新都城差不多每個星期都會經過呢一度,真係眼大睇過龍😎,竟然無發現有間霸嗎拉麵!咁就梗係入去食下試下啦!地方都幾得意,好似左鄰右裡都係佢嘅舖頭,設計都有點日本feel ! 有橫排坐位近廚得食, 亦有二人枱二人世界,四人枱三五知己,侍應生禮貌地招呼, 檯面放了醬料由自己隨意添加任君選擇。咁就睇下有乜嘢好食先😋😋醬燘雞叉燒拉麵$83個湯汁好濃味,但又不算令你好口渴咁,係無味精味嘅,雞肉很滑👍辛口燒餃子(5件)$38辣得很爽呀!餃子係一隻隻㗎嘛!上面竟然有一層好薄嘅薄片, 透過呢一浸薄片就可以放啲辛辣味加蔥鋪響上面,賣相好吸引,食落仲更吸引添,再配埋啲拉麵同湯一齊食,爽呀!石鍋燒豚肉飯$68細細鍋,雞肉好多,也聞到啲飯焦香味, 可能之前畀餃子辛辣味蓋滿口腔,所以食呢個鍋頭飯有點飽飽哋,不過都食曬碗飯。毛豆$20好鍾意食毛豆㗎,我係好鍾意用手搣嚟食嘅 ,朋友介紹用筷子食又另一番口感,哈哈!醬燜雞叉燒拉麵成碗麵都好吸引,有木耳同蔥花辛口燒餃子 賣相好得意 辣得夠爽廚師有心思 餃子煎好再放一浸脆脆響面上食落口有點脆口感配湯麵非常夾石鍋燒豚肉飯豚肉比較實了些勝在夠香趣毛豆有好多胡椒粒和淮鹽鹹鹹地 用筷子夾嚟食比較好 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-05
281 瀏覽
無飯OL放工來到霸嗎拉麵用晚膳。照燒餃子($38)造型像水煎餃,那塊脆皮好似威化好口感,好鬆脆。內餡有白菜,韭菜,豬肉等,甚為惹味。炙燒豚肉拉麵  ($83)湯呈奶白色,質感濃稠,喝後嘴巴會黏黏的,有香濃的豬骨味。湯的表層有油份,怕肥膩的可以選擇"走油"。但這層油份卻可以令湯底更溫潤,當然要忠於原味,不要剔"走油"啦!亦可以跟據自己的口味選擇麵的軟硬度, 我選了”硬麵” 。拉麵彈牙有咬口, 沒有鹼水味。叉燒用上等豚肉低溫慢火浸煮十小時,再以明火灸燒。叉燒比坊間的拉麵店大件兼厚重,有炭燒香,很惹味。叉燒肥瘦相間,肥的部份入口即化,瘦的部份則甚有嚼頭,一啖有齊兩種口感,柔嫩卻又不會過於肥膩。雞叉燒味玉雞白湯拉麵    ($88)雞湯味道香濃,鹹度適中,味道比豚骨湯清爽。用雞肉取代豬肉做叉燒,還是頭一次見! 雞叉燒油膩度比一般叉燒低,比較健康。雞叉燒是厚切的,好彈牙,而且不粗嚡。附有一顆半熟玉子,蛋黃夠流心, 好吃。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-29
8 瀏覽
日式拉麵向來甚受港人歡迎,香港貴為美食之都,當然有很多選擇,今晚和太太到將軍澳新都城霸嗎拉麵分店大快朵頤。晚上八時許仍然食客衆多,麵屋佈置很有東瀛風味。雞义燒雞白湯拉麵熱辣辣雞白湯,清甜太濃味,拉麵爽滑彈牙,配合青綠香葱,很是美味。雞义燒肉質嫩滑,卷起來很有質感,却不覺肥膩,整碗拉麵配合得宜,十分滋味。野菜雞白湯拉麵野菜包括芽菜,木耳絲和紅蘿蔔絲,配搭色澤柔和,爽脆可口,清新健康。沙拉唐揚炸鷄炸鷄炸得香脆,肉質嫩滑多汁,塗上清淡沙拉醬,令炸鷄更加幼滑。 繼續閱讀
(以上食評乃用戶個人意見 , 並不代表OpenRice之觀點。)