霸嗎拉麵 (已結業)

霸嗎拉麵一開始第一間店選址喺尖沙咀諾士佛臺對出當時大排長龍終於開分店喺附近商場突然想食拉麵又唔想周圍走同人迫係唔錯嘅選擇！下午6點幾去食early dinner等左5分鐘左右就入得

朋友話好耐無食拉麵🍜，於是我地就搵下附近有咩拉麵可滿足下我地😂上網搵到呢間人氣都幾高既霸嗎拉麵佢既裝修都幾有日本既風味，好舒服。見到d menu 有lunch set 超級抵食！本身炙燒豚肉味玉拉麵係$88，但lunch set係68仲要包埋餃子同埋野飲，超級抵食！主角（炙燒豚肉味玉拉麵）到了，有大大舊既肉同埋一隻蛋，好正！首先佢既湯底夠曬濃郁，好好飲，d肉肥瘦剛剛好，唔會話全部都係瘦肉👍比大家睇下舊肉😂好大舊炸雞都幾好食，炸到幾脆👍餃子側邊個d脆脆加埋餃子一齊食都幾有口感。

下午2:30來到將軍澳店，再嘗一次！之前試過奇多人的尖沙咀店！又排長隊！今次假日下午用餐好快已經有位了套餐要等到3點先有，唯有單點啦周圍座位一直滿滿的，不知不覺傾到人都散了即試期間限定的特濃魚介魚乾豚骨拉麵$93難得有平時餐牌冇既食物當然要試下啦Yummy~~~!好味，濃濃的魚香味，整體即加分。辛辣炙燒豚肉味玉拉麵$93厚厚的豚肉，肉質都唔算鞋又軟軟的！中辣都不算太辣，可接受！Apps +$15 可加點羽根燒餃子原價$35，現$15可試到5件了！抵食皮薄不錯，讚好不用加一，埋單都係$201

今日放假同男朋友去左寶林食lunch，佢突然間話想食拉麵，我地就去左霸嗎拉麵。廣島最濃郁既拉麵，的確夠真材實料。男朋友叫左濃厚豬骨豚肉玉子拉麵，湯底極濃郁極香口，豚骨湯好香濃入口鮮甜，拉麵好彈牙充滿麵粉香，掛上濃濃豚骨湯，每口都極滋味，豚肉厚切夠肥美，肥膏油香入口又唔會好肥膩，肉質鬆軟燒得夠焦香！玉子最正，溏心度又高，入口好滑溜。我叫左碗野菜味噌雞白湯拉麵，湯底比較清，野菜份量好多好豐富，入口好清新。小食叫左唐揚炸雞，雞肉好香口香滑，外層炸得香脆又唔油膩！男朋友好鐘意！

第一次食到將軍澳新都城商場既霸嗎拉面，同朋友做完運動就想食好野補充下。呢到Menu 選擇都唔少，有唔少拉面配搭，豚肉，雞等等，我叫左碗雞叉燒味玉雞白湯拉面$88,可以係MENU自己揀配搭,面既軟硬度,湯底係咪少油等等拉面賣相Ok, 雞係平時d 滑雞黎，由於浸左拉面湯底，雞湯味道十分之濃郁，雞肉都好滑溜入味，仲有蔥花，海帶(好好咬感)，雞肉，唐心蛋(都幾流心同入味下)。拉面揀左合適既軟硬度，面質好好。下次會同朋友試下其他拉面口味。

小秘書中午嘅時候鼠咗落銅鑼灣攞嘢比人，一來一回搞到連lunch都無時間食，肚仔打哂鼓🥁 所以趁boss唔喺度，準時收工去食番餐🤤 一向無飯癮嘅 #小秘書，首選會揀有湯底嘅食物😄 嚟到商場，離遠已經望到紅噹噹裝飾嘅「霸嗎拉麵 Bari-Uma」🍜 「霸嗎拉麵」通常喺飯市嘅時間都會排滿人龍，今日可能時間尚早，我去到餐廳人唔多，侍應好快就安排到位置比我👍🏻 打開餐牌📕，有各式各樣嘅拉麵同丼飯，咁我梗係試吓個廚師推介「炙燒豚肉味玉拉麵」先啦！今日咁啱安排我坐喺師傅仔前面張bar枱，拉麵即叫即煮，感覺特別新鮮，而且我仲可以喺order紙上揀選口味，例如少油、走蔥... 各適其適！拉麵終於煮起🍜 濃濃嘅豬骨湯底，加上厚厚嘅豬腩肉+原隻溏心蛋，外貌已經相當吸睛👀 麵底軟硬適中，豬腩肉保持住煙燻嘅味道，好香口🐷 唯獨我覺得可以改善嘅係個湯底，煮熱啲應該會更好味。今餐當然唔少得要提嘅係「紅豆綠茶雪糕」，綠茶雪糕上面鋪想一層軟池淋嘅紅豆沙，兩者口味相當匹配❄️ 為今日呢餐劃上完美句號！

自從霸嗎拉麵係銅鑼灣開業之後, 我同老婆經常去開餐, 估唔到霸嗎呢間來自廣島嘅拉麵店竟然會去到將軍澳開分店, 仲要係我地屋企附近, 所以最近嘅周末我地都係去呢間霸嗎食lunch或者下午茶。😁今日我地係新都城睇完早場逛左一陣過黎開餐, 雖然已經兩點半, 但係都一樣咁多人, 需要取籌輪候, 餐廳唔大間, 座位唔多, 裝修以木色為主, 非常有日式風格。🇯🇵餐牌上每款拉麵都圖文並茂, 只睇賣相已經相當吸引, 我今日揀左期間限定嘅魚介豚骨拉麵加味玉, 老婆照舊揀佢最鍾意食嘅豚肉味玉拉麵。特濃魚介魚乾豚骨拉麵 $93期間限定呢款魚介豚骨拉麵湯底非常濃厚, 魚乾, 魚介粉配上香蔥, 味道層次好豐富, 炙燒豚肉非常厚身, 經過慢煮超過10小時, 肉質軟腍之餘肉汁非常豐富, 而且肉味濃郁, 超好食。😋味玉 $10食拉麵一定要加溏心蛋, 霸嗎呢度嘅溏心蛋非常流心, 而且好入味, $10一隻價錢合理。👍炙燒豚肉味玉拉麵 $88老婆最愛呢款炙燒豚肉味玉拉麵湯底一樣咁濃厚, $88已經包括埋溏心蛋, 餐廳仲唔需要加一, 有新都城住戶證食任何拉麵都有$10折扣, 勁抵食。😆

新都城霸嗎拉麵已經開業一般時間，但次次經過門口都有好多人，今日終於遇到冇咁多人可以入去試o下午餐啦，我地點左豚肉拉麵配餃子同石頭窩飯配野菜。豚肉拉麵既豚肉好大塊，入味一d都唔鞋，湯好濃餃子熱辣辣又脆口，好味野菜冇乜特別石頭窩飯有一層飯焦，都值得一試

平時好少係將軍澳搵食，但隨住呢度ge 人口增長，餐廳都愈開愈多，仲愈黎愈多元化。今日lunch去左新都城食呢間拉麵舖，為左避開人潮，我地兩點幾先黎到，唔使等位～日本風ge牆身。野食ge 選擇都幾多，好少拉麵舖有咁多小食揀，拉麵仲有雞湯雞义燒，幾特別。其實佢唔用冰水呢下我真心高興，因為冰水真係好難一邊食拉麵一邊飲。。先黎唐揚炸雞。新鮮炸熱辣辣，加埋少少檸檬汁中和下，脆得黎內裏juicy，簡直係呢餐ge亮點。夠肉好大塊。。。差d食唔哂。隻蛋是糖心的。有三大塊海苔，湯底唔會太咸，麵條煮到剛好唔會淋。呢個係辣ge, 朋友叫的，佢好快清哂，湯底都幾好飲。

 霸嗎拉麵終於登陸將軍澳， 之前在尖沙咀一帶， 真的沒有腳骨力排隊。 今天提早放工五點就到了 新都城 商場 唔需要排隊。雞叉燒辛辣雞白湯拉麵( 小辣$88) 每次去霸嗎拉麵都期待著 他的豬骨湯底， 濃而不油膩。 基本上配襯什麼材料都美味。 今天想吃比較辛辣的食物， 一於選擇雞叉燒辛辣雞白湯拉麵( 小辣) 來刺激一下。雖則是小辣但亦刺激非常， 血池地獄般的湯底顏色，非常觸目驚心。激辛之下仍嘗到濃厚的豬骨湯底。 辛辣夾雜著濃湯，味道鮮香辣度有勁。 兩塊雞捲肉 煎得香口， 肉質結實得來嫩滑， 雞味出眾， 配合硬身麭 和 大量幼細蔥花， 木耳絲， 口感和味道一流。 另一個是豬骨湯底系列。 炙燒豚肉味玉拉麵$88豚肉非常厚切醃得入味， 灼燒之後更香口惹味。 選用的叉燒肥瘦相間， 甘香美味。 再配上醃得入味的溏心蛋， 吃到幸福的感覺!店內還有其他小食， 麵食種類唔算複雜繁多， 好讓大家專心enjoy 特製的湯底和麵食。

星期日到附近新都城購物，行行下有少少肚餓，之後見到霸嗎拉麵，裝潢好有日本風味，忍唔住入去食返個拉麵。我同友人選擇咗坐喺充滿日式風味吧枱，拉麵師傅喺正前面煮拉麵，師傅可以從吧枱直接交碗拉麵俾客人，十分親切。首先我就嗌咗辛辣炙燒豚肉味玉拉麵，個豚肉用火槍烤過，食落燒過啲塊皮加埋有少少油脂好香，另外個溏心蛋亦都煮得啱啱好，唔淨止蛋黃連蛋白都係流白，食落超滿足，個湯底加入咗原隻辣椒，食落好有新鮮嘅辣味，忍唔住幾乎飲曬啲湯，配菜甘荀食落好開胃，一啖辣湯一啖甘荀中和返，配搭得好好，而麵條方面亦都煮得爽口，同個湯頭都十分夾。而友人就嗌咗雞叉燒辛辣雞白湯拉麵，湯底一樣加入咗原隻辣椒嚟提升鮮味，而雞白湯飲落就更加濃厚，雞叉燒食落好有肉質嘅口感但又唔會靭，而且雞叉燒一樣都用火槍燒過，食落都好香口，而麵條一樣都係煮得爽口啱啱好同個湯頭好夾。兩個拉麵夾埋二百蚊有找，日本拉麵嚟講算係相當抵食。

今日約左人係新都城行街，行完街有D餓，決定食碗拉麵。呢間拉麵店係尖沙咀見過，成日都有人龍，難得唔使排隊，當然要試下。入到去，竟然有set，而且個set超抵，配汽水，仲有小食!去得食拉麵一定食豚肉再加上餃子，同行人就叫雞肉拉麵加炸雞！中意肉人士請注意、未食過那麼多肉的拉麵、再加上小食、可樂，一個成年男人也十份足夠的分量！起抵超大份，新都城雖然多食店，但又平又好食係小知有小，經過今次後我明白長龍的原因！

第一次食霸嗎拉麵係係尖沙咀，估唔到佢竟然會殺入將軍澳，而且依然多人好鍾意霸嗎拉麵嘅炙燒豚肉味玉拉麵，個湯好好飲，但真係要提提想keep fit人士，因為舊豚肉係一層肥一層肉，所以都有啲heavy 😝

難得爸爸回鄉探親，可以與媽媽二人撐枱腳，我們選擇了廣島連鎖拉麵店-霸嗎拉麵。環境：日式傳統拉麵店裝潢，一邊是開放式廚房連吧枱，令一邊廂是梳化座椅區。店舖的人氣拉麵佈滿在牆上。服務：（半自助式）客人先利用點餐紙選擇食物及對拉麵的喜好/要求，再交由服務生落單。 桌面上提供各式調味料和清水，客人可以自行添加。食物：炙燒豚肉拉麵（拉麵口感：軟麵、少油）豬骨湯底，味道濃郁，炙燒豚肉又大又厚，媽媽吃得津津有味。雞叉燒雞白湯拉麵（拉麵口感：適中、少油）雞肉非常厚身、柔軟嫩滑、沒有多餘脂肪，略嫌湯底比較油膩。沙唐揚炸雞新鮮熱騰騰的炸雞，鬆軟多汁。

早早之前食過尖沙咀分店的霸嗎拉麵店，霸嗎一向都以濃郁豬骨湯為主打湯底，極濃厚湯底吸引我第一次去試，今日來到將軍澳分店，再一次品嚐拉麵之美。我叫左一個雞叉燒味玉雞白湯拉麵，雞叉燒非常香嫩嫩滑，清甜雞肉味入口雞肉極是滑溜，加上另外配的溏心蛋！蛋味香濃中間溏心度極高，蛋黃味濃香口，滑溜非常！拉麵彈牙掛湯力極高！我另外點上羽根餃子，餃子皮薄而菜肉餡豐富，喜歡旁邊脆口的麵粉，入口香脆香口！喜歡餃子煎得香口！