霸嗎拉麵 (德己立街)

營業中

休息中

去蘭桂坊威前，食點野打底，免得宿醉街頭一轉身就見到一個光光的招牌，是您啦！一碗拉麵唔太飽，但頂肚，還有個樣好似好吸引，全部調味品都放好在枱上，牆上畫滿壁畫介紹美食菜單圖文並茂，還有點菜單都是以兩種語言，方便外國食客左睇右睇，最後點了炙燒豚肉海苔味玉拉麵 ($98)、沙拉野菜炸餃子($38)及元祖彈珠汽水($20)碗麵一上枱，我心裡立即“嘩”左一聲，好大碗，好大塊紫菜， 再夾起哪塊豚肉，再“嘩!嘩!”， 有1寸闊呀！， 肉質很腍滑，滿滿濃湯味， 拉麵份量同軟硬度都合到好處，湯味濃郁，配埋波子水，perfect match流心蛋，好似在流口水沙拉野菜炸餃子：勁多沙拉醬同蔥花配上脆卜卜的餃子，蔥香味濃

又到午餐時間，本身想自己隨便食d野，但見到一間好日式間格拉麵店之後，又忍唔住入左去！店內座位除吧枱外，其餘座位面前都有板遮住對面，個人空間感覺更好，岩晒今日一個人既我。餐牌好豐富，點餐時都有d難度，因為太多野想食啦！炙燒豚肉味玉拉麵加海苔，豚肉以厚切上陣，稍微經燒後肉香更出，帶少少香烤味之外，面頭有一點蒜香辣醬，濃濃蒜味配上微辣，非常好！而且湯底肉味非常濃郁，但食落又唔會有油膩感覺，只會令人更想食！配料有爽口味荀同軟軟糖心蛋，口感上亦得到補完！最後外加的海苔，個人認為必加的，濃郁而美味湯底被海苔吸收後一齊食，十分配合！羽根燒餃子，最大特色係有一塊比餃子更大的脆片，令鬆脆口感更外，同薄薄餃皮對比強烈，包裹住比例平均的菜肉餡料，美味！

今天去中環見客後，經過德己立街見到霸嗎拉麵，近期沒有時間去旅行，好懷念去日本食拉麵，真的好美味！香港的霸嗎拉麵媲美在日本的拉麵店，忍不住入去食返碗！霸嗎拉麵有多間分店，每間門口都有人排隊等位，證明霸嗎真的好好味！調味品齊全，尤其是有開水任飲，還加了數片檸檬，店家真的好貼心！炙燒豚肉味玉拉麵：湯底濃郁鮮甜，豚肉林滑入味，肥瘦適中，拉麵有得選硬度，我選了軟身的，雖然是軟身，但不會太林，滑滑的有口感，味玉熟度剛剛好，可以見到流心。十分美味，真的是回味無窮，百食不厭！羽根燒餃子：底部煎到卜卜脆，皮薄餡料好味！不錯的小食！

一直都聽人講話依度既拉麵好食，今日終於有機會試下。羽根燒餃子個外觀真係好吸引，有一層又薄又脆既脆底，下層就係餃子。食起來有兩種口感，一種係來自脆底既香脆，另一方面係來先餃子，餃子入面都有好多汁，內餡既肉都好好食。辛辣灸燒豚肉味玉拉麵拉麵係味道較重個種，濃厚的豚骨湯底，味道好好，好香，加埋辣味就好刺激啦。叉燒係經過火灸的厚燒叉燒，係層層分明的五花肉，充滿油脂和火灸的美味，同時又食到豬肉同香料既味道。一件火灸叉燒份量都唔少，女孩子食一件就夠了。糖心蛋非常之嫩滑，蛋本身自己既調味微咸，好好食，一切開就有黃澄澄的蛋黃流出。完熟梅酒依個梅酒好好飲，酸之中帶有甜味，梅子的酸正好去一去拉麵的油膩。抺茶雪糕抺茶雪糕質素唔錯，抺茶味夠香醇，甜度適中。不過配角紅豆都好高質，口感唔會太軟，甜度足。

《霸嗎拉麵 BARI UMA》霸嗎愈開愈多間 襯中環唔洗點等就試下啦-🔹辛辣炙燒豚肉味玉拉麵 $93 中辛麵質麻麻 選擇適中都偏硬身豚肉夠淋 但太肥 有3/4都係肥肉選擇少油都係好油 份量明明唔多 因為個湯底好飽中辛都唔覺辣 個辣係ok 可能要叫大辛先夠溫泉蛋加少少分-🔹雞叉燒辛辣雞白湯拉麵 $88 小辛食落辣味唔錯 但麵質比較差 好似係緊屋企煮既麵咁 雞叉燒都幾好味 好似雞脾肉既質感 但唔會再食多次-總括黎講我地兩個都覺得麵質麻麻但都唔會再試🤷🏻‍♀️🤷🏻‍♀️ 好彩叫做係中環食唔洗點排隊如果係尖沙咀食真係食到反枱-ByT+M: 3.5/10

今晚食左碗超好味既拉麵。覺得呢間其實味道仲好過一蘭。有自己既特色。餐廳環境好日系，播住日文歌。叫左個特盛叉燒拉麵。四舊厚切叉燒，好正。份量已經驚人，唔似其他拉麵店既叉燒咁少。叉燒食入口，因為脂肪個部位都燒得夠，所以個脂肪入口好香。成舊叉燒入口，三層肉配合得很好。食第一塊已經忍唔住食曬全部叉燒。湯底都甜，夠濃味。鍾意個湯底夠熱，同硬身既拉麵一齊食入口，個口感彈牙，味道豐富。叫左支啤酒。梗係要叫枝豆，呢兩樣野簡直係絕配。枝豆上邊有少少胡椒粉，味道更甜，殘留係口度既啤酒香加埋枝豆既甜味，飲完一啖又keep住食枝豆，感覺好正。既然有啤酒，就一定要炸雞止一止口痕。照燒汁炸雞啱啱炸出黎，熱辣辣，加埋照燒甜醬，味道好。炸雞出邊特別脆，入邊又好滑，而且份量都算多。幾抵食既小食。不知不覺叫左好多野，因為間野野食好味既，環境都唔錯。下次會再黎食下其他特色既拉麵。

星期五晚放工 同同事去中環 見到LKF附近有間拉麵店 以我所知依間幾有名 我地就二話不說就排隊 等候時間刀幾快！在內環境，雖然舖面比較細小 但勝在似足日本既拉麵店 好有日本style~另外見到餐廳系全日免加一 對於食日式拉麵 價錢公道！豬骨豚肉紫菜玉子拉麵：今次揀左麵既硬度系適中，麵質帶有少少硬 岩晒我！紫菜有三大塊，當中既玉子超正 一咬入面系好流心！外面既旦仲系軟林林～豚肉有長長的 脂肪適中 所以食上去吾會硬身 同樣吾系太林！湯底方面十分濃郁 不會太油！另加粟米粒：只系需要十蚊 就大大碟！個人覺得份量幾多 加一份刀可以同朋友share！羽根燒餃子（五件）：絕不油身 入面帶有肉同菜 外皮吾厚身 值得一試！飲品有罐裝飲品 價錢中等～甜品 - 日本黑芝麻雪糕：估吾到雪糕上面仲有甜甜既紅豆！黑芝麻的確濃味 又夠滑！配埋紅豆食 味道超正～

今日藍天白雲天氣不錯，便相約同事外出用膳。行經德己立街，看見有人排隊吃拉麵，於是，也趁熱鬧排埋一份。此店都幾貼心，門口有一大壺凍茶讓排隊的客戶享用。等了約10分鐘便有座位，內部是一貫日本拉麵店的裝修格調，開放式廚房使整間店彌漫濃郁的豚骨上湯味，即時令我感到肚子更餓呢。餐牌有不同拉麵及小食選擇我們點了2碗炙燒豚肉味玉拉麵及一碟羽根燒餃子。🍲炙燒豚肉味玉拉麵🍲濃厚的豚骨上湯，麵條幼細富蛋香，且爽滑彈牙。我很喜歡這裡的厚切豚肉，夠大塊之餘，肉質很滑唔鞋口，味道不錯。成個玉子很入味，而且勁流心，視覺味覺一流，正！🍲羽根燒餃子🍲餃子皮夠薄且煙韌，餡料是新鮮豚肉和蔬菜，再配上餃子汁，很美味。整體食物味道好，服務不錯，下次定會再來光顧~

依間野個收銀員工真係好波！要我突登開account寫食評！本人一行3個人去食。食物質數唔多講。各人有各人口味。不過重點係態度好差。本身我有個朋友叫石鍋飯。咁我地落單之前有個好好既中年啊姐同我地講要等耐少少。咁我地都OK！之後有一位後生D既員工話人手問題。可能要等最多30分鐘。咁我地就cancel左個石鍋飯轉拉面。我朋友要有米落肚，所以就加多個飯。咁我個碗到左。眼見都幾大碗，就問下我朋友，你加多個飯會好多。食唔食得曬啊？咁我朋友諗下，都係要個面算，因為都趕時間，有時間可以慢慢都食得曬。咁我地就cancel左個飯。到賣單果時，我見佢放起我台果張入單紙重有飯既item。咁我出去收銀時就有以下對話：收銀女仕：HKD423我：可唔可以睇下張單？收銀女仕：你唔俾錢？！我點俾單你？我：妳唔俾單我，我點知妳有無計數？收銀女仕：(指住個monitor)你可以係依到睇！依個收銀員工真係極之無禮貌。而其它員工都係好好，好有禮貌。

在蘭桂坊飲完嘢聽完歌之後感到肚餓了，環顧四周看看有什麼吃宵夜的地方時，竟然發現了這間日本拉麵店。 當時沒有多加留意拉麵店的名稱， 只見到餐牌上的麵及义燒很吸引，所以二話不說同朋友入內食宵夜。在拿過落單紙後，竟發現這就是我常常見到尖沙咀要排長龍食拉麵的分店。如要排隊等位我未必有耐性，但從沒想過在不用排隊的情況下能夠品嚐霸嗎拉麵，這就是機緣巧合了吧!？ ※ 辛辣灸燒豚肉味玉拉麵 ~ 這碗拉麵的湯很香很濃，味道有點像回鍋肉的湯，麵彈牙爽滑，蔥花嫩，溫泉蛋半生熟很滑，而燒過的豚肉肥瘦適中很香，還有筍絲也爽脆。我還追加了海苔及青蔥呢。整體來說很出色，一啖麵一啖湯食清光! ※ 辛口燒餃子 ~ 一客有5件並排在一起，上碟時餃子底向上，加了辣醬及蔥花後味道可以，但餃子皮完全不脆。※ 沙拉唐揚炸雞 ~ 一客5件的炸雞, 炸漿脆及香口，內裡肉嫩而且調味剛剛好。加了沙律醬及蔥花後很惹味。※ 炒野菜 ~ 內包含芽菜、木耳絲、紅蘿蔔絲及青蔥。味道頗清只帶一點感味。埋單時見到寫了野菜 (特選鹽)，但餐單上並沒有列明。不清楚是否因為拉麵店開在遊客區的關係，所以餐單都有中及英文版， 而用餐當晚也看到店內有不少外國人

今日食lunch想簡拉麵，就去試下bari 拉麵雞叉味玉拉麵，雞叉係2塊好大片嘅雞肉，肉質鮮嫩，好滑，口感佳！其他嘅配菜有木耳，蔥花，同埋流心蛋，拉麵超級彈滑，木耳好爽口，流心蛋個白係熟哂，黃就會未熟，一咬落去，蛋黃汁就流哂出黎，夾埋拉麵一齊食真係食得好滿足! 拉麵嘅濃湯都令人相當滿意，令拉麵變得更加好食!照燒餃子，望落係未好好味呢？5件餃子排得好整齊，佢d餃子好得意，細細隻咁，一口一啖，中要5件連住左，包圍餃子嘅薄薄脆片都唔可以忽視，全部都要食埋佢，因為真係好正，照燒汁同餃子好襯，餃子本來已經好多汁湧出黎，加埋照燒汁，變得更加好味！唐揚炸雞5件，賣相好掂，見到就想食，成件雞腌得好入口，又炸得卜卜脆，好入口係必然嘅！佢個皮炸得好香脆， 平時我都唔食皮，但呢塊皮嘅口感同味道都實在太好味，我唔捨得放棄，我選擇食埋，好滋味呀！

晚上7時半約了在中環的美容院做面部護理，見到時間尚早，周圍走走，走入了這間拉麵店。為食的我，當然又順便叫了碗拉麵吃。其實，在銅鑼灣已吃過這舖頭的拉麵，記憶中印象不錯，今天就試試這中環分店吧！拉麵湯底味道濃郁，叉燒夠大塊夠厚，拉麵有蛋香，夠爽滑彈牙！與銅鑼灣店的水準一樣，好味！

我有一段好長既時間都冇食過正宗既日本拉麵啦，呢日放假我約左個係加拿大番黎香港玩既朋友一齊去食左個拉麵，我地黎到中環德己立街見到呢間寫住手打拉麵，我地見到都覺得好似幾吸引，咁梗係要試一試佢啦喂，真係估唔到好有驚喜！！！我地淨係一見到個餐牌都已經餓到打哂古，價錢都幾抵，係抵食過中環其他幾間拉麵既價錢我叫左個辛辣灸燒豚肉味玉拉麵，我要左中辛！！個味我好鍾意！勁惹味呀！！呢個真係好正既重口味之選，湯頭中辣加上埋豬骨味濃厚鮮甜，個手打麵質感彈牙，掛湯能力極高！！真係正到不得鳥！！仲有果塊灸燒豚肉既油脂比例岩岩好，層層分明，一睇就知係一等一既靚豬肉！我朋友就選擇左灸燒豚肉海苔味玉拉麵 佢個湯底呈深褐色，勁香濃惹味，麵質一樣係充滿麵粉＋蛋香，質感好彈牙，掛湯能力依然係咁高！！個豚肉一樣係不負眾望，食落好嫩滑好淋，一Ｄ都唔鞋口，呢個豚肉絕對係個拉麵既精髓。 呢個豚肉係我食過咁多次拉麵入面最厚既一次，仲有個溏心蛋真係好流心，我特別讚一讚味筍，好好味呀！！！我地仲叫左個羽根燒餃子一上到台好驚喜，我覺得好得意，餃子入面既餡係野菜，哩個餃子真係燒得啱啱好，脆得黎勁好食！！我地仲叫左個沙律唐楊炸雞，佢唔會落太多

今餐午餐有朋友專程過黎一齊食晏 朋友咁有心當然要帶佢食好東西！已經提早離開公司 酷熱天氣無損人追求既決心 去到仍見到有人龍係到排隊一坐底忍唔住要點凍飲品 眾多選擇下點左呢款日本入口既密瓜炭酸飲品 味道幾清 有陣淡淡既雲呢拿味 點左招牌拉麵 - 豬骨豚肉紫菜玉子拉麵$98大大塊紫菜作裝飾 少見餐廳會俾咁大塊紫菜！先飲一啖湯 湯味超濃郁 好重豬骨味 深信功夫一定做到足！根據店員既介紹 原來湯底由日本空運到港 而且濃度會因應當日天氣既濕度而有差異味道非筆墨所形容 唔係一般拉麵店可以嚐得到味 而且加上辣醬作調味 更能令湯底多層次 先甜後勁帶微辣主角豚肉最上係一層肥膏 下面係瘦肉 肥膏喺口腔裏融化 變成一層帶豬油香既油花但當刻完全無絲毫罪惡感 因為夾雜住下層既豬肉食 係人間美食麵亦都煮得非常好 麵質煮得剛好 而且粗幼適中 每條麵條都吸收神級湯底 極之好味流心蛋呈膏狀 QQ彈力十足

昨天跟男友去到中環行街，正當諗緊去邊度食晚餐好，行過這見到我地好喜歡的霸嗎拉麵原來係中環開左分店，剛巧無人等位，可以立即入座！這間分店比起銅鑼灣及尖沙咀的分店小一點，座位不算多，但裝修同樣日本風格，設有OpenKitchen，可以看到師傅在廚房內煮食的情況！我們就安排坐到近門口窗口的吧枱！菜單跟上年的沒太大分別，主要以兩款招牌拉麵為主，豚肉及雞叉燒為主～也有小量的小食可以點叫及飲品，宜家仲有石頭鍋飯選擇，選擇比上年的多，不過只是兩款拉麵已經夠滿足我們了！自己寫上點菜單，仲可以選擇拉麵的軟硬度及是否要蔥等！雞叉燒雞白湯拉面（HK$83）這碗拉麵湯底比較清淡，因為我不吃蔥，所以這碗走了蔥，顏色比較清一點！除了有兩片雞叉燒之外，還有黑色像雲耳質地的配料～廚師秘製的雞叉燒肉質鮮嫩易入口，表面有點燒得微微黃，食落好香的雞肉味，一試難忘！ 而拉麵我就選了硬麵質地，硬落比較有口感，而且湯底清就黎好香，而且份量充足，沒有食兩啖就沒有的份量，男人食都足夠！可以因個人口味加少少一味粉，會比較惹味！