露面手工拌麵料理

營業中

休息中

又到食晏搵食嘅時間，行經灣仔見到呢間開張冇耐嘅拌麵店，裝修乾淨企理，當時店內唔算太多人，唔使等位一於入去試吓 👫🏻餐牌有唔少選擇，除咗拌麵之外，都有唔少小食例如餃子同雲吞。亦都有午市套餐，有齊想試嘅燉湯同埋拌麵，試吓先。▫️野生松茸鮮雞湯 - 午市套餐跟咗飲品，亦可以加錢轉燉湯，當然要試吓佢哋嘅招牌湯品啦。連湯渣上，份量都幾多。燉湯出晒味亦夠鮮甜，讚！麻辣雲耳 - 份量都幾多，爽口入味，不過對我來講實在太辣。▫️鮮茄牛腩拌麵 - 拌麵嘅份量都幾多，牛腩份量亦唔少。牛腩炆至腍身，配上鮮茄醬汁，夠晒開胃。

咁岩係修頓踢完足球 就係附近搵野食見到呢間新裝修既麵店就決定入去試下睇餐牌 我第一眼就俾招牌 鎮店蟹皇拌麵吸引住 二話不說就點左 一上枱 我唔敢相信竟然係有一大碗蟹皇！先試一啖 蟹膏味好濃郁好足料麵條係自家手工製作偏幼身 做拌麵非常適合可以更易沾上汁口感十分彈牙爽口 好特別同普通麵條一咬就斷唔同好高質既手工麵條另外朋友點左鮮茄牛腩拌麵牛腩既份量都好多茄汁亦唔係茄膏係用新鮮蕃茄製成味道清新得多 好開胃牛腩半肥瘦 煮得軟淋再配上爽口既麵條口感好豐富 係另一個高質既拌麵我同朋友都食得好滿足我諗呢個冬季我一想食蟹或煮拌麵就會再黎幫襯因為真係太抵食

🍜 灣仔特色拌麵.去開灣仔行街 順便附近搵嘢食見到呢間特色小店主打拌麵就同男友入咗去試吓啦.▫️芥香麻醬雞絲粉皮 $42麻醬好濃味 反而芥末味唔算好岀份量多 粉皮爽口 唔錯喔.▫️鎖店蟹黃拌麵 $98麵質爽口彈牙 蟹黃醬裏面有蟹肉同蟹膏加落麵到食 鮮味十足落少少蟹醋 更提鮮喔.▫️油撥辣子魯肉Biang Biang麵 $55Biang Biang麵就好似刀削麵甘好煙韌 口感豐富喔魯肉半肥瘦 啖啖肉加埋辣椒拌麵 開胃👍🏻.▫️椒香麻辣湯小雲吞 $40略嫌小雲吞嘅皮比較厚肉餡味道夠 麻辣湯唔算太辣中規中舉.🍽 露面手工拌麵料理🔎 灣仔莊士敦道55號地下A號舖

今日夜晚要加班，加完班後到夜晚九點幾，咁啱見到呢間餐廳好似未食過就入咗去啦！裝修都幾新淨，侍應服務態度正常。🙆🏿‍♂️手拍小青瓜 (HK$28) 梗係要叫啲菜食下啦！但係呢個青瓜就非常一般，啲味仲要怪怪地添。👀油潑辣子魯肉Biang Biang 麵 (HK$55)韭菜豬肉水餃(5粒) (HK$30)極品陳年龍鳳檸蜜 (HK$32)叫咗個招牌嘅手工拌麵一試，雖然同以前食開其他嘅西安小吃有少少唔同，但係都值得一試嘅✌🏿！水餃好味，嘢飲亦都唔錯。🍸埋單接近$150一個人，偶爾放縱一下都係件好事嘅！🤑

Happy Sunday一大早去完花墟買花，決定落灣仔食埋lunch先回家，同事知道我喜歡食蟹，介紹我去“露面”食佢地Signature嘅蟹黄拌麵，頗為期待。店子頗為寬敞，乾淨整齊，位與位之間分隔頗遠，真係食得安心又放心。先來一杯滑溜溜香芋鮮奶$28~有好多芋蓉在底部，鮮奶打泡再mixed埋芋蓉，不算甜，好冰凉和清甜，好好味。秘製香糟醉雞$58~用雞脾位切件，肉質滑嫩彈牙， 糟鹵汁和紹興酒的味道非常濃郁，加入少許杞子更加美味。鎮店蟹黃拌麵$98~由手工製麵條加上一碗蟹黄和蟹醋。滿滿的一碗蟹黄全是人手拆的蟹膏和蟹油，將之混進麵條，再加入適當的蟹醋撈混。蟹醋調配得酸甜度剛好，非常香甜，絕對與鮮，香，甘甜的蟹膏相輝映。手工麵爽口彈牙，每一條麵條都沾滿蟹膏，蟹油和蟹醋，真係非常美味，齒頰留香，非常回味！

好耐冇食過好食嘅蔥油麵，行經灣仔見到有間新嘅麵色舖頭，二話不說衝入去試吓先🤩———————有別於坊間或者譚仔平時食到嘅皮蛋豆腐，呢度嘅用咗好特別類似醬油膏嘅醬汁加上蔥花吊味，亦唔會落任何辣椒油，好特別😙粉皮煮得好有咬口，加上濃濃既麻醫配合雞絲一齊食，感覺好豐富。由於我哋黎到已經係下午茶嘅時間，所以叫咗下午茶餐，有齊蔥油麵同大雲吞🤩蔥油麵係我嘅至愛，蔥油都俾得好足，而我特登要求店員將辣油同大雲吞分開，等我可以自己控制辣到，店員完全冇托手踭，加分加分😙😙雞湯飲落非常有鮮味，加埋淡淡既松茸香，絕對推薦各位一試🥰

兩個人喺灣仔好肚餓見到依間食晒面嘅舖頭，見未食過就走入去試吓。入面裝修都幾靚坐得幾舒服。七彩雞絲伴冷麵胡麻醬，依個冷麵好好食，個面唔會好淋，配料好多，倒晒啲胡麻醬落去一齊撈，成件事好爽好好食。黑松露雜菌忌廉菠菜寬麵，個菠菜寬面估唔到咁好食，好勁菠菜味，撈埋黑松露忌廉一齊估唔到咁夾，仲要淡淡都食到雜菌，真係好正。巴蜀口水雞，依個口水雞辣得好過癮，又好香，係食完一舊會好想繼續食多舊，好彩佢份量多，先唔會爭食，真係必點啊。巴蜀粒粒大雲吞，個大雲吞入邊嘅料好多，真係好大粒，加埋個辣醬比較獨特，又係好香好惹味。韭菜豬肉水餃，韭菜同豬肉嘅份量都好夠好平均，啲料好多好大粒，佢大粒嘅程度係出邊冇見過，值得推薦，鍾意食韭菜嘅人一定鍾意食呢個水餃。芥香麻醬雞絲粉皮，依個雞絲粉皮好爽口好好食，雞絲都多，撈埋歌唱一齊又係好特別，好好食。夏天食一定好爽，好涼好清新。滑溜溜香芋鮮奶，呢杯有驚喜，香芋唔會太甜啱啱好，同鮮奶又係好夾，攪勻佢先飲好清新好好味。極品陳年龍鳳檸蜜，佢入邊有話梅，好好飲，呢隻味喺出邊冇飲過，應該係粒話梅嘅威力，值得推薦。

係灣仔行完街好肚餓 天氣開始涼 想食返d 熱野 見到呢間 個名好特別 而家見到係食麵為主嘅餐廳 個刻好肚餓 就決定食個lunch 喇呢間有湯麵 特色撈麵 上海小食 餃子 選擇繁多 經過選擇困難症既洗禮 決定食下面幾款食物油潑辣子魯肉biang biang 麵-朋友想食麵 呢個麵大推介 整得唔會過淋過硬 因為要煮得剛剛好要好有技巧 果然呢間真係無令我失望 辣椒油超級好食 勁香唔會太辛辣有麻辣香蒜香 滷肉大大粒 唔係肉碎 配埋真係無敵！手帕小黃瓜-份量好多 足足有一大碗 好食好開胃野生松茸鮮雞湯-呢個湯好好味好足料 飲佢真係好似喺屋企飲緊湯秘製香糟滷豬手-個豬手好好食 有好香嘅油味滷肉飯-滷肉好大粒 攞嚟送飯一流韭菜豬肉水餃-呢個水餃好大隻 而且完全唔會偷工減料 勁足料陳年龍鳳檸蜜-好特別嘅飲品飲 完之後覺得好解渴

無麵不歡嘅我今次就試吓呢間露面🌟🔸鎮店蟹黃拌麵蟹黃嘅份量多，而且金黃顏色好吸引入面仲有真材實料嘅蟹黃同埋蟹肉🔸高湯餃子麵可以揀韭菜或者白菜我個人比較鍾意重口味，所以揀韭菜高湯清甜，餃子真材實料，皮薄涵靚餃子仲要有五隻，就算男士當正餐都一定飽🔸野生松茸鮮雞湯（原盅）新鮮滾熱辣嘅燉湯，鍾意湯嘅人一定唔會錯過一開蓋，松茸同鮮雞嘅香味撲鼻而來完全抗拒唔到，一啖接一啖強烈推薦各位一定要試🔸芥香麻醬雞絲粉皮淡淡的芥辣香，香而不辣，小朋友都食到而且雞絲同粉皮嘅份量都係一樣好多🔸滑溜溜香芋鮮奶與其話佢係一個飲品不如話佢係一個出色嘅甜品芋泥分量超多而且非常香濃加埋鮮奶嘅棉密口感，超正

搭叮叮見到莊士頓道開左間新既麵店 於是今晚收工就決定食佢😏灣仔黎講 價錢唔算貴兩個人食左咁多野都係260蚊野生松茸鮮雞湯 $38冇咩味 好淡 不過健康D都好既...巴蜀粒粒大雲吞 $35真係大大粒 啖啖肉 同埋都幾麻辣 鍾意食辣嘅朋友可以試吓芥香麻醬雞絲粉皮 $42味道都係偏淡 適合喜歡清淡的朋友白菜豬肉水餃 $30最好食係餃子 🥟 皮薄餡靚 肉同菜嘅比例啱啱好 食多咗都唔使內疚😌😌輕量滷肉飯 $25至於最抵食就係呢個滷肉飯 $25就有唔少肉 仲有半隻蛋 適合啲細食嘅人 鮮茄牛腩拌麵 $55既然間野叫拌麵 當然要試吓佢嘅拌麵啦 蕃茄味好濃 牛腩都炆得好淋 不過個面就軟咗少少 總括而言 呢間舖頭嘅味道都係比較清淡 非常健康 適合一家大細注重健康嘅人食

蟹黃拌麵$98拉麵隔離配上大大碗嘅蟹黃醬，裏面夾雜咗好多蟹肉，蟹黃醬嘅份量都好多，如果用晒嘅會有啲鹹，所以我只係落咗一半姐，加多啲鎮江香醋成個味道會平衡啲。雞絲粉皮$42雞絲粉皮做得幾好，首先份量好多，粉皮晶瑩通透，而且好彈牙煙韌，麻章嘅味道好好，唔會好重嘅芝麻味道，直落比一般嘅甜少少，青瓜好多，食落非常清新。酸菜湯小雲吞10粒$42小雲吞一啖一口，裏面嘅肉搓得好彈牙，配上酸菜湯，酸酸美味好易入口，雲吞皮都好薄好滑，一咬落去有肉汁別出嚟。西芹拌素雞$32呢一個菜式相對地味道比較清淡，而素雞都好彈牙，適合清清味蕾。百香茉莉寒天茶$24最鍾意喺呢度可以食我最鍾意食嘅寒天，仲有得選擇走甜，冇咗堂之後個百香果未出好多，其實本身味道好夠，唔需要加糖。

露面係莊士敦道最新嘅餐廳，作為灣仔返工嘅人士當然第一時間去捧場。我今日黎到係已經排曬隊，好在等左一陣都入到去。我地今日點左幾款小食，兩款主食。秘製香槽醉雞（$58）酸甜帶適量嘅酒味，雞肉係嫩滑嘅髀位。手拍小青瓜（$28）冰涼爽脆，唔算多蒜蓉。芥香麻醬雞絲粉皮（$42）粉皮比廣東菜嘅更厚，麻醬好夾，但雞絲份量略嫌較少。油潑辣子魯肉Biang Biang麵（$55）呢個幾似炸醬麵，重味醬汁佈滿啲Biang Biang麵。Biang Biang麵有啲啲刀削麵咁闊，但又比刀削麵厚身少少，口感煙韌。好多魯肉，粒粒好似雞丁咁大。我地點左少辣，啱曬我啲口味。老壇酸菜魚湯小雲吞（$42）話就話小雲吞，我就以為係五毫子咁大，點知，每粒有出面啲急凍餃子咁大!百香茉莉寒天茶（$24）揀左微糖，幾啱我，寒天係爽口嘅粒粒咬口。

今日同朋友灣仔上完堂，就係附近搵下有咩食，佢就推介我黎食呢間餐廳，因為之前佢食過個蟹王拌麵，一試難忘，想再食多次，所以我就陪佢重刷啦😋😋黎呢到食既朋友，一定要點呢個蟹王拌麵食啊！！蟹王足料入味，麵又彈牙爽口，一個字 正！另外，我都推介佢既芥香麻醬雞絲粉皮，粉皮又係爽口彈牙，雞絲滑又多，係我第二中意既菜式😋我地仲試左佢既香糟醉雞同魯肉Biang Biang 麵，佢既醉雞好嫩好入味，佢既魯肉麵又好香好有特色，都係值得一試既菜式😚😚我同朋友約好左，下星期上完堂再試下其他菜，大家等下我下一篇食評啦～

灣仔不嬲都好多野食, 最近約左舊同事食飯~~由金鐘行過黎都係10分鐘到, 佢提議食露面, 大家都係第一次食!高湯小雲吞蛋麵 - 入面有6粒小雲吞, 蛋麵有蛋香味, 又幼滑,唔錯~醉豬手非常爽口, 酒味香濃~韮菜豬肉水餃,  食落啖啖肉, 份量都幾多, 正!上湯松茸娃娃菜, 好爽甜健康!魯肉飯, 醬汁濃郁，魯肉美味, 不過份量如果多D就好, 飯感覺太多~野生松茸鮮雞湯, 松茸肉質緊密有彈性呈淡黃色，口感鮮美清爽，雞肉嫩滑！OVERALL 好抵食, 又冇加一. 有機會再食!

今天帶小米在灣仔完成興趣班後, 在附近來一個午餐.  看到路邊這餐牌, 粉麵餃子, 正合吾意.  我倆在內堂就座, 很快就下單了! 餐枱上有紙巾供應, 十分方便.   鎮店蟹皇拌麵  因為看到網上的食評提及蟹皇拌麵, 所以要來一份. 自己嗜蟹, 但拆蟹肉卻很花時間.  現在一碗裝有橙黃色的蟹黃溝蟹肉, 用以撈麵.  這個食用方法, 無需動用五指山, 保證有儀態!!!  把整碗蟹皇淋在麵條上拌勻, 先嚐一口原味<蟹皇拌麵>. 麵條比較有彈性, 似薯粉那個口感. 咀嚼之間, 有充份的時間讓味蕾感受蟹黃真正的味道.   不過, 以蔥花把蟹醋沾在<蟹皇拌麵>, 更能提昇蟹黃的鮮味..  蟹醋帶甜, 真的有點似在享用大閘蟹!    把蟹皇和麵條消滅後, 意猶未盡, 把餐匙上的蟹皇LAMP乾, 再把大碗內的蟹皇刮得乾淨淨才甘心.  假如可以把小碗裡的蟹皇都LAMP埋, 心中會更滿足.    巴蜀粒粒大雲吞   自己嗜辣, 所以覺得不算太辣, 只是帶點麻, 帶點糊辣/苦辣. 意外發現, 帶甜的蟹醋配大雲吞很夾.      上湯陽春麵  小米點的上湯麵..  不過小米把