露面手工拌麵料理

營業中

休息中

灣仔沿着莊士敦道呢邊有好多嘢食，但係我同朋友都想食一啲地道平民小小嘅嘢，所以就揀咗食麵。環境幾好，牆上面仲有一啲新潮嘅字句，適合打卡。《野生松茸鮮雞湯》$38飲落去少少淡，可見係冇加味精，雞味好濃，入面嘅料都好豐富，呢個價錢好抵飲。《秘製香槽醉雞》$58酒香味好夠，雞肉唔會太乾身，食落都幾滑，味道同一般嘅醉雞都有少少分別，真係做出秘製感覺！《嫩雞白布湯闊麵》$68好大碗份量好多，雞肉名副其實好嫩，白布湯清清地，連湯都可以飲埋，闊條麵好大條好過癮，都幾滑溜。《鎮店蟹黃拌麵》$101面底可以自己揀，我地揀左Biang Biang麵，睇上去都幾似刀削麵，口感都相似，我都幾鍾意，驚喜嘅係蟹黃真係好好味，蟹味香得來但係冇腥味，配埋面一流。 總括嚟講，如果鍾意食麵嘅話唔好錯過，價錢合理得來又好食！

突然有種好想食麵既欲望，而且睇人地食麵既相好似特別滋味咁，可能近排食得太少碳水化合物，所以放工特地約左個朋友去露一露面。鎮店蟹皇拌麵分開麵同汁上，有啲似沾滿，所以我都用沾麵食法，冇倒晒啲蟹皇汁落去。蟹皇味唔算好濃但都食得出重蟹味，仲有一梳梳蟹肉，比起就咁撈麵食，更加中意加埋醋吊一吊味，麵條幼身所以都好掛汁。另外點左芥香麻醬雞絲粉皮，意外地出色，首先大量杰身既麻醬好濃香，雞絲完全沾滿醬料，有增加口感同蛋白質既作用，粉皮彈牙，加上青瓜絲脆口清爽，係夏天不可多得既麵食。白菜豬肉餃子不過不失，餡料飽滿，加上辣椒油更好食。野飲分別係冬瓜龍眼茶同芋香鮮奶，啲奶真係幾濃奶味口感厚身。

看似一碗簡單的面，其實一點也不簡單，光是面條的變化多端，他們便足足準備了一整年。 啖啖酸菜魚套餐豆芽,酸蘿蔔,酸菜,鯇魚, 非常多不同的菜，份量很多。BiangBiang面是很棒，手工感很重，口感亦好。由店主嚴選之四大淡水魚之一～完全無骨，小朋友老人家吃都不用擔心～酸菜爽脆帶清新酸味，咸咸酸酸味道，感覺很棒～ 人氣酸菜魚餐廳，吃的都是魚味，最近天氣有點熱，但亦無減酸菜魚意欲。令人有吃慾之味，酸菜魚香芥香麻醬雞絲粉皮好吃之選～粉皮專為OL 而設，平時Lunch過千卡路里，這個小吃實在不錯，可以吃很多亦不怕肥。.這手工拌面料理的店，每天新鮮製作手工麵，真的很吸引，心機喔。 餐牌選擇多，有拌面、湯面、小吃、雲吞、水餃等。 鎮店拌面。皮旦豆腐經典又百吃不厭的涼拌豆腐，口味非豆腐和皮旦這二樣莫屬，豆腐能襯出皮旦的美味，淋上蒜蓉醬汁更是絕配!這個料理有家的感覺，朋友分享雲吞有手工感，雲吞內的肉很特別，湯吃法也好油潑辣子魯肉Biang Biang面biangbiang面是陝西特產，好像腰帶的闊，油潑辣子香而不燥，醋包酸味柔和，酸酸辣辣的口感，讓人胃口好～棒粗辣椒粉等，潑上熱油的味道。面條扯的夠薄，特

今日約左朋友去竉物展，相約在灣仔就唸住快快食完就去，咁啱呢間鋪頭就在修頓球場隔離，就入去試下🤩🤩$82免加一的午餐，包小食，麵/飯，飲品都幾抵👍👍我揀左個油潑辣子魯肉Biang Biang麵,麵質煙韌有口感，魯肉並非肥肉，非常入味，加上小小辣油，更加惹味，小食點左蒜蓉青瓜，清新脆口， 菠蘿青檸蜜，勝在唔算太甜。 我朋友揀左個魯肉飯，份量適中，魯肉份量足夠食完一碗飯，仲有半隻流心蛋，真係不得了，小食點左秘制香槽醉鷄，花鵰酒味濃，鷄肉嫩滑🥰🥰另外仲點左麻辣豬手，可以用‘爽皮’黎形容，一碟都有5件左右。

比起食飯，我更鐘意食麵經過灣仔見到呢間以手工拌麵的餐廳，價錢又相宜，入去試一試先呢度既招牌麵，有個好得意既名,  問左待應姐姐，原來讀 BIANG 係一種陝西的麵，BIANG 字就係當地既讀音~今日同女女黎，叫左2個麵同一個小食，但最後都食唔哂... 因為除左價錢抵食，份量都唔細。姐姐推介我呢個油撥辣魯肉麵 $55辣度有得揀架。因為第一次食，試左少辣。感覺下次再食可以再加辣魯肉亦做好出色，揀的豬肉肥瘦適中，魯汁肉惹味，菇粒仲好滑又入哂味Biang Biang 麵係手工麵，麵身較闊，但唔厚, 入口幾滑，又有O趙頭，仲好飽肚。而且手工麵仲好掛汁，每條都沾滿醬汁~女女近期愛食瑞士雞翼 ($58) ，估唔到呢D咁有家鄉風味的食店都有得點雞翼夠入味，D麵撈埋瑞士汁，非常惹味~叫左一個芥香麻醬雞絲粉皮，因為怕芥醬辣，姐姐幫我改做麻醬, 小朋友都食到。粉皮非常有驚喜，又薄又滑又彈牙，同坊間個D好唔同配青瓜，雞絲和麻醬食，非常清新的口感特別適合呢個炎熱的夏日而且42蚊的價錢，份量勁多，真係抵食又好食。推推推~24蚊的特飲菠蘿青檸蜜和蜂蜜百香果，前者味道偏酸，後者較香甜，水準不過不失~餐廳裝修幾有心思，

想念台灣的味道😌 經過灣仔依間台式餐廳，決定要入去試下🤓餐廳環境都舒適，食物選擇都豐富😉 分別點左麻麻辣辣牛展biang biang麵🍜韭菜豬肉水餃🥟芥香麻醬雞絲粉皮🐔麻辣雲耳，啖啖酸菜魚套餐配擔擔麵🍜一杯菠蘿青檸蜜🍍同一杯蜂蜜百香果茶🍹食物賣相絕不馬虎💯 味道質素都唔錯！麻辣雲耳辣味足夠，仲有微酸的味道，十分醒胃😆愛吃辣的朋友，依道小菜很適合🤓 麻醬雞絲粉皮本人十分推介！麻香味突出，雞絲粉皮慷慨又足料！粉皮又闊又滑👍 真係好好食😋（必叫）韭菜豬肉餃大隻又飽滿☺️ 韭菜比例好多，鍾意食嘅朋友一定要試吓！兩款麵各有特色，首先介紹吓個麻辣牛展麵，牛展好淋又入味，雖然叫咗小辣，但辣味都好濃，麵條大條又飽肚😬 個人更喜歡酸菜魚套餐🐟 魚肉十分慷慨！而且又滑又小骨👍 食得好放心😆 湯味濃郁，酸味較突出，配上擔擔麵，感覺都幾開胃（必試）兩杯飲品都唔會太甜，個人較喜歡百香果茶，健康又清新☺️整體都很滿意😉 鍾意食台灣菜嘅朋友可以嚟依一間試一試😬

一人拌飯餐+一人拌麵餐 中午兩個人， 一人一個拌飯餐+一人拌麵餐分別有一個主食，小食，仲有飲品，其實都相當唔錯。而且選擇困難既人，就可以好快決定到啦 先講下佢既魯肉飯，其實係好香，魯肉比台式店大粒既仲有半個魯蛋，汁既份量夠，但特別係佢有八角係入面，有少少既八角粒，幾有趣。 這個餐配醉雞。醉雞加了幾粒紀子，帶有花雕既味，但亦有一陣甜香，雞唔會話好肥，價錢比一般上海店食鋪既平，但味道絕對係唔錯 辣子魯肉biang biang麵biang biang麵其實硬度係好好，有咬口得黎又唔會太硬，有辣度可以揀，揀了小辣，幾好食既，香辣味都幾岩而家天氣食。 配既麻辣雲耳，帶有好重陳醋味，不過我一向都好鐘意雲耳個餐既食物就好岩我啦 另外，因為我未食早餐，所以再加左瑞士雞翼瑞士雞翼入味得黎都好岩配麵或飯，佢都幾多食物選擇， 瑞士雞翼都一樣有。 椒香麻辣湯小雲吞，有成10隻，鈿細隻，小雲吞一口就食曬，每人5粒，加上佢個湯好香，辣，椒香。 跟餐仲配有飲品，菠蘿青檸蜜，出面熱一熱，飲佢就唔錯，凍飲唔洗加錢

灣仔放工，去試下附近呢間手工麵，店舖雖然唔係好大，但環境都唔錯，staff有禮貌，手打麵咬口係唔同d,我地好鍾意！我地叫左鎮店蟹皇拌麵、七彩雞絲拌冷麵、秘製香糟醉雞、滑溜溜香芋鮮奶鎮店蟹皇麵：唔好見佢平平無奇，個湯濃得黎好鮮，仲有唔少蟹肉，好鮮甜，店員話加少少醋仲帶出鮮味，係同意得的，加幾滴😋😋七彩雞絲拌冷麵：超多料，我地用左蔴醬撈，好正，不過唔好成碟撈哂落去，食幾多夾喺碗仔再撈，咁就方便調較口味，加以用辣醬撈黎試下，都非常唔錯！秘製香糟醉雞：雞件夠滑，無雪藏味，個汁亦調較得唔錯！滑溜溜香芋鮮奶：都幾滑，我叫左微甜，飲到幾香嘅香芋味！

原本約咗fd去食Rempah Noodles再去行街睇吓新相機，不過Rempah Noodles果然真係好hit，烈日當空嘅情況吓依然好長龍👍🏻👍🏻所以我哋都放棄諗住行吓先，點知經過有間收工麵店叫露面，門口有張Mirror海報，我個鏡粉fd即刻無曬理智拉咗我入去食🙈😂✨少少感受：💛食物🔹油撥辣子魯肉Biang Biang麵（中辣）✅E隻收工biang biang麵有少少似刀削麵，不過會薄身少少，食落無咁硬同埋唔會咁飽🤣✅汁雖然唔係好「傑」身，但係啲麵都依然好掛汁，所以每條麵條都好夠味😋✅魯肉粒份量都幾多😂🟢汁就係少少辣，無乜麻嘅感覺，個汁就唔算真係好特別🤭🔹粒粒巴蜀大雲吞✅唔係平時食開黃色嗰種雲吞皮，係類似抄手嗰種皮✅佢大粒得黎真係好足餡，塞滿曬成塊雲吞皮✅雲吞陷有啲菜，仲係爽脆嘅，增加咗個口感🔹芥香麻醬雞絲粉皮✅粉皮唔係其他地方食咁，佢e度有少少Q彈feel✅麻醬味幾香，不過我食唔到芥末味😂🤫❤️餐廳環境✅正常餐廳裝修，因為唔算好多客，我哋兩個人可以坐四人檯，幾闊落🤣✅冷氣幾夠👍🏻🤣🧡店員🟢態度都幾ok👍🏻

灣仔越來越多新餐廳，外賣選擇又多，這間主打手工拌麵的餐廳係我和同事最近常光顧的餐廳，午市時間普遍都多人排隊，裝橫簡單簡約，感覺隨意舒適除咗午市套餐非常抵食，單點價錢亦都唔貴！平日放工後，都非常多人！幾乎每台都會點的鎮店蟹皇拌麵，是陽春麵底，麵條較為幼身，順滑口感，而且十分掛湯👍👍👍蟹皇湯是另外附上，連同蟹肉絲一併倒隻麵碗撈勻，粉麵軟腍容易吸收湯汁，每一啖的蟹味甚為濃郁！秘製香糟醉雞肉質尚算嫩滑，花雕酒味能浸透於每件雞肉，散發着濃濃酒香，非常入味😍😍😍白菜豬肉水餃，一碟有5隻，皮薄餡多，抵食之餘味道亦都不錯！整體味道不錯，店員態度友善，食物份量很足，抵食！

係附近做完嘢 見到呢間手工拌麵好似幾特別就試下 點知有驚喜一人拌麵套餐($82)雖然餐牌寫午市限定 但其實晚市都叫得拌麵揀油潑辣子魯肉Biang Biang麵第一次食Biang Biang麵 口感似薄身嘅刀削麵 麵質煙韌掛汁個汁都幾惹味 有分大、中、小辣魯肉好香好入味 肉質軟稔 份量又多小食可以揀手拍青瓜或者麻辣雲耳飲品我就加錢轉咗個野生松茸鮮雞湯(+$18)飲落都幾鮮甜 應該冇落味精老壇酸菜湯小雲吞10粒($40)雲吞皮薄餡多 呢個價錢都幾抵食芥香麻醬雞絲粉皮($42)雞絲粉皮最緊要多麻醬 呢到仲加咗wasabi 都幾特別 不過我覺得wasabi可以再落重手啲 雞絲同青瓜絲份量都足夠粉皮唔會煮得太淋

見到門口貼咗mirror poster, 又有得食手工面，緊係要入去試下啦。試咗個鎮店蟹黃拌麵，話明鎮店，又真係幾好食，蟹皇入面有絲絲蟹肉，鮮味得黎又惹味，麵質都好彈牙，必試！個雞絲粉皮配咗芥香麻醬，好夾，粉皮好剔透，味道唔錯～老壇酸菜湯小雲吞，湯底帶微辣，啲小雲呑都唔算小，幾鍾意呢個湯底，酸酸辣辣咁幾特別。另外叫咗個啖啖酸菜魚套餐，呢個酸菜魚湯同老壇酸菜湯唔同，佢再多咗份魚嘅鮮味，入面都有好多滑滑魚片，配biang biang 麵食都唔錯，餐飲有菠蘿青檸蜜。

自從上次吃過這裡的麵食之後，突然想吃一次，今晚便來到了。油撥辣子魯肉biang biang 麵$82，包括手拍小青瓜、蜂蜜百香果茶加$6。油撥辣子滷肉biang biang 麵，辣子滷肉辣味十足，脂肪甘香，帶點酒的香氣，biang biang 麵麵質爽口彈牙，兩者配合得天衣無縫。手拍小青瓜，爽口鮮甜， 10分開胃。蜂蜜百香果茶，蜂蜜的甜，百香果的酸，絕對是一杯美味的飲品。淡淡酸菜魚套餐$68 ，包菠蘿青檸蜜。酸菜魚的魚肉份量十足，魚肉味道鮮甜，魚肉內有點碎骨，進食時要小心一點。酸菜的數量都不少，酸中帶點。擔擔面彈力十足，放在酸菜魚內，可以增加味道層次。菠蘿青檸蜜，菠蘿和青檸的味道不算強，只可以解渴，如果濃郁一點就更好。秘製香槽醉雞$58，酒香味道十足，雞肉鮮嫩可口。野生松茸鮮雞湯$38，用紫砂湯壺乘載的湯，熱度十足，味道鮮甜可口，連雞骨都溶化了，值得推介。

手工麵真係買少見少，預備時間長又麻煩 今日黎到灣仔呢一個手工拌麵店！午巿限定 有主食，加麵/飽，仲有杯野飲我同友人一人嗌咗一個秘製香槽醉雞肉質嫩滑，酒味重！幾入味唔會雪到好實，但係凍度係夠既青瓜份量都多，幾爽口野生松茸鮮雞湯 +$18一嚟到就聞到好香！松茸同雞味都好出滷肉飯淡淡肉粒，仲有粒滷水蛋！白菜豬肉水餃望到就知道皮薄餡靚，脹卜卜！加埋店內既秘製辣椒油 正！油潑辣子魯肉BiangBiang麵麵條掛汁力強！有口感，彈牙煙靭 記得撈勻先食呀！魯肉就同上面寫既一樣半肥瘦

每逢lunch經過呢度都會大排長龍 每次都因為趕時間食唔到 今日終於有機會食到啦油潑辣子魯肉biang biang麵 食得出都係絕非味精 個辣油調校得非常好食非常，有別於其他店，掛湯能力特別強手拍小青瓜 唔使講 勁清新 冬瓜龍眼茶 原來冬瓜同龍眼都好match 唔會過甜 好解渴上湯松茸浸娃娃菜 呢個份量好多 食完之後營養即刻豐富晒麻香雞絲粉皮 粉皮勁滑溜淡淡酸菜魚湯麵 呢個有驚喜 酸菜魚都做得好出色啲 魚好滑一啲都唔鞋口 呢間真係推介 仲有好多美食 下次再繼續食