露面手工拌麵料理

營業中

休息中

星期日同朋友嚟到露面食飯，食物款式都幾多，有手工面、雲吞、水餃、特色小食及飲品等等，喺灣仔黎講價錢合理。手拍小青瓜青瓜爽脆新鮮，味道重蒜蓉香味，酸甜開胃。芥香麻醬雞絲粉皮份量都幾多，粉皮爽滑，雞絲鮮嫩，撈埋芥香麻醬，味道濃郁。鎮店蟹黃雲吞雲吞皮薄，透到見到橙黃色既蟹黃，咬落肉質紮實，食到蟹黃既鮮甜味，仲有大大隻彈牙嘅蝦肉，好正。巴蜀粒粒大雲吞雲吞口感豐富，有菜有肉有木耳，爽口彈牙，配埋麻辣巴蜀汁，辣得黎帶點麻香，幾惹味。傳統開揚蔥油拌麵麵質較軟身，幾掛汁，食到蔥油香，帶甜味，甜甜地幾好食。白菜豬肉水餃餃子皮厚薄適中，夠熱，餡料飽滿，白菜爽脆鮮甜，豬肉紮實。冬瓜龍眼茶冬瓜同龍眼呢個配搭幾特別，叫左微甜，甜度岩岩好，幾解渴。菠蘿青檸蜜菠蘿同青檸味道幾夾，酸甜開胃

路過望下餐牌，覺得價錢抵食同啱食，所以試吓。7:30左右，等咗一陣。滷肉撈麵餐，d魯肉好入味，仲要好多好多滷肉。$88跟餐有個前菜，青瓜，同有埋野飲，幾抵食～屋企人叫咗個野生松茸鮮鷄湯，$38咋，超值，抵飲又多料，平時自己懶得煲湯，所以啱哂，正！！鷄絲粉皮，同娃娃菜都OK～另外，我哋好鍾意個酸菜湯小雲吞，酸菜湯令人好開胃，細細粒唔會食”淛”，D雲吞又皮薄多肉，正!!下次會帶朋友再黎，抵食，多選擇又有水準。

黎到灣仔附近唔知食咩好 見到呢間食評幾好 滿心期待去試啦點知中曬伏。。。夜晚6點入餐廳完全唔駛等, 埋位叫左個一人拌飯餐 $88 冇加一秘製香糟醉雞 酒味較濃 雞肉偏多骨冇乜肉食 肉既部分勉強算滑但食唔到雞肉要有既鮮味滷肉飯大大舊滷肉堆滿成碗飯以為好滿足啦 但係肉係嚡既 肥膏都唔係入口即溶果種 香料落得重手左 味道變得怪怪的野生松茸鮮雞湯 (+$18)松茸得2,3塊左右,雞得一舊仲要係胸既位置 雞湯一d都唔濃更加飲唔出有松茸味 超級普通!仲要加錢 真心唔值同場加映樓面姐姐因為出糧問題傾到火紅火綠...勉強填肚後都係快D閃人

一向極度鍾情於食湯麵，呢間已經mark低咗好耐，衝住佢既嫩雞白布湯烏冬而來🤤✨🍜嫩雞白布湯闊麵 $75 👍🏻👍🏻👍🏻期待已久，賣相係好靚嘅奶白色，令人食慾大增。湯底唔算濃，但絕對唔淡，滿滿嘅蔬菜鮮香，入口順滑，暖笠笠好舒服，如果早餐食到一碗咁嘅湯麵真係大滿足🥹🥹🥹❤️白布烏冬質地滑嫩，但唔算好掛湯，整體好食，舒服，呢樣會再encore 😋🍜一人拌麵 $88雖然位於港島區，但價格上親民，$88已經有齊主食、小食同飲品。-🍜瑞士雞翼撈Biang Biang麵(3隻)睇落去同刀削麵有幾分相似，但口感更薄身，厚度平均，唔會太厚實成團麵粉咁，口感有嚼勁，Q彈Q彈，質感非常好。醬汁部份，少少似滷水汁甜甜地嘅味道，略嫌唔夠重口味。瑞士雞翼滷得非常入味，有少少家常菜嘅風味✨滑溜溜香芋鮮奶極品陳年龍鳳檸蜜 -🍜手拍小青瓜👍🏻平時好怕蔬菜嘅草青味，但呢度嘅小青瓜調味得宜，咬落去爽脆，有水份，做得幾好。鎮店蟹皇雲吞(5粒) $50值得支持嘅小店！

係灣仔食tea有大把餐廳選擇，今次我揀左露面。露面主打手工麵，有菠菜麵、扁麵、闊麵、伴麵⋯⋯仲有佢地鋪頭嘅手工餃子🥟今次叫左個蟹皇伴麵、手工韮菜餃，蟹皇伴麵個個蟹皇相當大碗，我就先倒1/3落個麵到，再將每啖麵食之前夾出黎放入碗蟹皇到，夾返起個時就見到啲蟹皇汁同蟹肉掛哂係麵到，食落口感一流！再加上蟹皇湯入面有勁多蟹膏同蟹肉！手工餃子每隻都脹卜卜，非常飽滿，食落有餃都有重重韭菜香味！食完太飽啦，下次要再食埋蟹皇餃先得

嫩雞白布湯闊麵 $68******************************食過一次之後念念不忘每隔一排就會返去encore露面嘅麵食非常好食其他嘢食例如餃子同飯就相對冇咁吸引我每次幫襯必嗌嘅係嫩雞白布湯闊面😋湯底濃郁得黎唔會好鹹滿滿嘅菜非常吸引雞肉嫩滑闊麵夾起好似一匹布咁🤭整體份量好多我仲要連啲湯都飲晒食完超級飽😂***餐廳座位唔多而且頗逼夾晚餐時間基本上都要時間等吓位不過等位時間唔耐好快就入到餐廳嗌嘢食

小編蠻喜歡台灣菜，特別是滷肉飯，很愛那種肥膏。所以小編與友人在聖誕節晚上就選擇這間。小編比較喜歡吃飯，所以選擇「一人拌飯」。「一人拌飯」包括：1. 秘製香槽醉雞2. 滷肉飯(碗）3. 菠蘿青檸蜜（走冰少甜）秘製香槽醉雞小編覺得酒味沒“哥哥添飯 妹妹泡茶“的濃，不過雞肉還算嫩滑，而且給的是雞腿位置，滿口肉。滷肉飯(碗）這個最讓小編失望，鹵雞蛋是可以的，但是滷肉有點鞋，而且有點過鹹，肥膏那層可以的，有點膠膠口感，但是肉那邊不太好吃，香菇配料我都覺得一般，味道挺單調。最後小編吃了幾口就吃不了。我覺得不太像台式食物，比較像是香港版的滷肉飯。菠蘿青檸蜜在沒上主菜之前，這杯先到，第一口的時候蒙了，因為就是水一杯，然後加一點菠蘿，蜜糖不太感覺到，當時覺得它比水更難喝。但是滷肉飯來了之後，這個竟然成為解渴的飲品😅。總結這次經驗是不好，所以小編是不會推薦這間，可能是個人口味不適合吧。

向來鍾意食台灣拌麵的我今次同朋友嚟到灣仔出名食手工拌麵的「露面手工拌麵料理」食晚餐拌麵選擇豐富，仲有酸菜魚、湯麵、餃子、雲吞及小食等，同時設有低卡選擇==========🔹秘製香糟醉雞 $58全屬髀位，加少量杞子點綴雞肉嫩滑帶點花雕酒香==========🔹上湯松茸娃娃菜 $32娃娃菜大棵，鮮嫩帶甜==========🔹啖啖魚肉酸菜魚 (套餐) $78限量供應食品，配Biang Biang麵揀咗小辣配菠蘿青檸蜜 (走冰，小甜)魚肉豐富，新鮮雪白蘿蔔鮮甜冇渣，其他配菜芽菜，酸菜份量多魚湯鮮甜，酸辣度高，油膩感低Biang Biang 麵質感煙韌菠蘿青檸蜜帶淡淡菠蘿清香，甜度適中==========🔹鮮茄牛腩拌麵 $56三大件牛腩厚切腍滑帶點牛香配上大量幼身麵條，番茄味道酸酸甜甜幾開胃==========🔹蜂蜜百香果茶 (熱) $24熱度夠，甜度不高==========免加一埋單$248以灣仔區嚟講定價幾親民，加上地點便利，當區上班一族可以考慮

過左大閘蟹季節之後都有一鋪蟹癮🦀前排灣仔做完野，見到呢個餐廳名好搞笑，當時店內都full左，出面都有2pairs人等緊位，感覺上都幾受歡迎所以就排隊攞位，大概都係等左5-10分鐘內。最想試一定係蟹皇拌麵🦀($98)，蟹皇蟹粉同麵分開成碗上，口感杰身，味道都算豐富，唯一可惜既係吾夠熱。另外嗌左一人拌麵套餐($88)，我自己簡左油潑辣子魯肉Biang Biang麵，因為我都中意食辣所以都好期待，而且包一款小食同飲品，喺香港地食dinner都算幾抵。麵質我好中意，好似刀削麵咁，闊身又彈牙，而魯肉好三層肉，好入味好淋，如果份量多啲就更好。而個辣度都岩岩好。🐥口水雞如果再重口味d就更好！

一向都鍾意食手工麵，見到呢間review唔錯所以lunchtime黎咗試吓。以lunch hour黎講唔算排咗好耐，兩個人大約等左10分鐘就可以入座。揀左lunch set，包左一個小食、一個主食同一杯飲品，人均消費大約$94小食我揀咗雲耳，都算爽口，味道正常；主食方面，我無叫到signature 嫩雞白布湯麵，選擇咗油撥辣子魯肉Biang Biang 麵，要咗小辣，味道ok嘅，麻辣但因為辣油嘅關係，所以覺得有啲油膩！而麵質方面唔算差，都少少彈牙，但唔似係手工麵。魯肉方面比較瘦，所以有啲鞋，但因為我係好怕食肥肉，所以都覺得還好。飲品方面揀咗蜂蜜百香果茶，嗌咗少甜就比較淡啲，一般。整體黎講，不過不失，可以一試。

天氣涼涼食咩好，食晏時候去咗呢間位於灣仔嘅露面手工拌麵料理，店內滿座，仲要等位先入到去叫咗份冬日限定套餐，好大碗熱辣辣嘅 [ 嫩雞白布湯闊麵 $75 ] 個湯清甜好飲，闊麵又白又滑又好大塊，雞肉肉質好嫩滑，份量仲好多，仲有好多白菜；跟餐飲要咗杯 [ 蜂蜜百香果茶 $6 ] 潤喉嘅蜂蜜配百香果，好好飲另外叫咗份 [ 鎮店蟹皇雲吞 $50 ] 一碟有5粒，呈現橙色嘅雲吞皮，皮夠哂薄，餡料夠飽滿，食落有濃郁嘅蟹膏香味，鮮甜好味，咬一口唧哂啲汁出嚟，配埋醋一齊食就最正，必食雲吞呢份冷盤小食，係低卡首選嘅 [ 芥末麻醬雞絲粉皮 $44 ] 芥末味道帶少辣，濃濃嘅麻醬，包括有份量好多嘅雞絲、晶瑩通透，爽滑彈牙嘅粉皮及爽脆青瓜絲，撈埋一齊食真係好正露面手工拌麵料理灣仔莊士敦道55號地下A號舖

花雕醉雞香滑入味，花雕酒比例合理，雞肉部位全部雞腿位，松茸雞湯味道鮮香，38一份不算便宜，但湯夠熱，材料乾淨簡潔。番茄牛腩拌麵好評，首先番茄汁濃厚，不覺得是太多番茄膏調至，反而覺得新鮮番茄味道突出，酸甜比例合理，分量足夠，牛肉軟嫩，並且入味。要了韭菜餃子和白菜餃子，韭菜餃子多汁清爽，白菜餃子清甜可口。最後重頭戲蟹黃拌麵，蟹黃一大碗很足料，蟹味十足，有蟹肉，蟹黃和蟹油，加上醋拌麵，香味得到最大的放大。

一心來食白布寬麵，但竟然賣哂。咁唯有食另一隻寬面，似刀削麵咁，啲面幾彈牙，唔會好淋，湯底清清地咁，但冇太特別，反而佢枱面隻辣椒油，夠麻辣幾好食。另外叫牛楠乾撈面，味道濃啲，重味啲，幾好食既。餃子一般，普通不過，係有辣油加持好啲。野飲加左6蚊冬瓜茶，唔值加，因為同唔使加錢既都係溝糖漿既野。整體來講，不過不失，價錢偏高，可以一試。

灣仔區一個甚少踏足的地步，由於名人揮春展所以到此一遊，早早在網上資料蒐集一下灣仔區有乜嘢好食，（其實都有好多）不過吸引我嘅眼睛這一間特別明顯。。。剛剛開門我絕對是第一位客人，店內位置不多面積也不算大，不打緊速戰速決，要來一個午餐當日就揀選了（蕃茄牛腩拌麵餐配上麻辣雲耳，另加HK$6.要想一杯冬瓜龍眼茶）HK$88.《蕃茄牛腩拌麵》蕃茄汁比較濃稠，面質是採用白身幼麵，吃起來自己覺得粗麵較為優勝，附上的牛腩分別有三件，炆煮得入味夠稔⭐️⭐️⭐️暖和的冬瓜龍眼茶呷一口啲微微帶一叮甜，絕對符合自己要求⭐️⭐️⭐️⭐️至於麻辣雲耳（小食）麻度同辣勁恰到好處⭐️⭐️⭐️⭐️雖然是小店，但姨姨禮貌週週，整頓午餐都吃得開心。★此店只收現金/八達通★

早前見到要排隊，就放棄唔食！今日見到有位就即刻衝咗入去！店舖唔係好大，所以座位都排得好密集！🍜同事叫咗油潑辣子魯肉Biang Biang 麵 （$58），要咗小辣，味道佢話ok嘅，但因為辣油嘅關係，所以覺得有啲油膩！🍜我就叫咗嫩鷄白布湯闊麵（$68），湯底好清甜，有豆乳香味，鷄肉好嫩滑，大大塊嘅麵有「咬」口，整體唔錯，不愧係店嘅其他一款signature dish!