露面手工拌麵料理

營業中

休息中

早幾日經過灣仔已經見到呢間嘢！ 咁啱今日出開港島就試吓💃🏻店員安排我哋坐近門口 後尾睇返其他人嘅食評先知有個靚靚霓虹燈係入面！我哋叫咗兩個麵、一個小食同一個湯share 碗麵好大份 我爭啲食唔晒 食到好飽🤣 嘢食嘅價錢好相宜～油潑辣子滷肉biang biang麵呢個手工麵真係好煙韌！ 佢比平時食嘅刀削麵會厚身少少🤏🏻 係一款較粗較厚嘅麵條 呢個撈嘅餸好香口 好好食😋嫩雞白布湯闊麵浸左湯啲麵都唔會淋 都係咁煙靭 呢個湯有少少似平時食拉麵嘅雞白湯咁 比較溫和嘅味道 男朋友忍唔住飲埋啲湯🥸野生松茸鮮雞湯呢個鮮雞湯好夠味 一啲都唔油 可能真材實料所以唔算好大盅～熱陳釀八至十六年金桔蜜飲落去真係同平時啲柑桔蜜唔同！ 個味道係濃郁好多 估唔到會喺度飲到咁正嘅飲品😜環境闊落 同埋好夠人手 服務都唔錯 食完飯唔小心跌咗個口罩落地 職員好好人俾咗一個我🥺❤️

同朋友去完會展嘅展覽，去咗呢度食夜晚飯我叫咗個口水雞飯，佢叫咗個醉雞飯，飯係滷肉飯，包埋嘢飲$88個飯一上到枱嚇親我，我冇諗過飯會咁大份！然後仲有好多冬菇同埋滷肉！口水雞就不過不失啦，d肉都嫩口，食落有醉雞味下次要試吓佢啲麵～

經過開灣仔成日都見到呢間鋪頭好多人食，今日終於有機會trytry😂😂小店面積唔太大，但係都坐得舒服既～一行兩人叫左兩個麵🍜🍜嫩雞喂麵🍜 配瀑布寬麵 湯底呈奶白色，濃厚得黎唔會太膩， 小唐菜同埋雞肉既分量都好多👍👍 第一次食瀑布寬麵，有口感亦有麵香，不會煮的太爛，吃一兩條就夠飽了😂😂第二碗叫既係蔥油拌麵配紅油抄手 辣度大概係小辣，就翻香港人既口味，配既係幼麵，口感不會太軟👍👍 紅油抄手係比較健康既版本😂醬汁唔會太多仲叫左杯無糖紅茶👍👍👍

呢間麵店係我灣仔list嘅其中一間target好早已經比佢嘅手工麵吸引今日終於過嚟灣仔試試佢我哋睇完menu有幾樣嘢都想試不過胃就得兩個，所以試吓下面呢幾樣先啦我哋叫咗個一人餐，同一碗麵一人餐有一小食，一碗滷肉飯，一杯飲品⬇️秘製香糟醉雞小食揀咗醉雞，雞肉好嫩滑同入味，唔錯⬇️滷肉飯份量適中，如果細食女仔可能會覺得多滷肉有肥有瘦，亦滷得好入味會見到啲花椒八角，所以係真材實料入面仲有啲冬菇，另外仲有隻滷蛋值得一試套餐飲品叫咗杯龍眼冬瓜茶⬇️嫩雞白布湯闊麵個湯底好有豆乳湯嘅感覺好好味，飲完唔會口渴，雞都好嫩滑菜嘅份量如果可以再多少少就好啦⬇️⬇️萬眾期待嘅闊麵🤭麵質好滑，掛晒湯，成碗麵好夾👍🏻個餐同碗麵嘅價錢都好合理另外睇menu都好想試佢嘅餃子下次值得回頭試埋佢😋😋

黎到唔一定要食貴價野 意外發現呢間餐廳價錢平民 味道出色 😍之後仲可以去利東街打卡📷🎄🍜嫩雞白布湯闊麵 $68個人極推介🙌🏻成個手工闊條麵好特別 薄得黎好滑身湯底十分鮮甜 濃郁 又掛汁‼️雞件超級嫩滑 啖啖肉簡直係健康又好食嘅選擇🥰✨芥香麻醬雞絲粉皮 $44麻醬賣相怪怪地但粉皮好彈牙 晶瑩剔透 仲有手撕雞絲配青瓜✨高湯小雲吞10粒 $42雲吞皮過厚 正係食到厚厚嘅粉如果皮薄就更好🤪 雲吞餡一啖食晒 唔算特別✨京醬豚肉炸醬麵 $56同我想像中嘅炸醬麵有出入 睇落個麵好乾身 但豚肉嘅汁夠晒多 可以撈埋食份量都好多下 所謂豚肉似滷肉😆✨秘製醉雞 $58凍食嘅醉雞帶點酒香 雞肉嫩滑 份量都好足夠😍整體黎講 不過不失勝在灣仔區平平地搵個落腳點🍴

鮮茄牛腩拌麵 $88（轉Biang Biang麵 +$3）牛腩軟腍唔柴，牛味香濃；蕃茄鮮甜開胃，鮮茄醬汁味道濃郁；Biang Biang麵麵身較闊，Q彈有嚼勁，而且好掛汁。油潑辣子魯肉Biang Biang麵 $88魯肉似厚身嘅五花腩片，煮得幾入味，加埋冬菇粒同辣汁一齊拌麵，好惹味，小辣亦唔會太辣。野生松茸鮮雞湯 +$18湯頭好鮮甜，有好多松茸同雞件，落足料，飲完成碗都唔頸渴，完全冇味精。秘製香糟醉雞 $58雞件嫩滑入味，滿滿酒香，但唔會濃到苦澀，好食😋〰️〰️〰️〰️〰$88 Lunch Set包拌麵，小食同飲品，免收加一。小食可揀麻辣雲耳或手拍小青瓜，2款味道正常，冇咩特別。食物質素中上，未至於驚艷，但係住附近或者係附近返工，呢間都係唔錯嘅選擇👍🏻 我本身鍾意食有咬口嘅麵，Biang Biang麵就好啱我啦，彈牙有嚼勁之餘，而且佢唔會太厚，有時啲刀削麵太厚會太硬太實，佢就完全冇呢個問題～繁忙時間要齊人先可以入座，但可能我哋13:30算比較晏，過咗最忙嗰陣，店員都叫我男朋友仔入去坐住等，冇咁熱，好好人😊 〰️〰️〰️〰️〰️食物:4/5消費: 2.5/5 環境: 3.5/5服務: 4/5Revisit

放工去灣仔換身份證，見到依間主打手工麵嘅舖頭就入咗去試下，點知有驚喜😍依間餐廳唔算大，但座位都還算舒適，餐廳嘅落單姐姐都好熱情，有禮貌，會主動推介有咩值得食，值得一讚❤️🍜一人拌麵套餐$88（台式鹵肉拌麵+麻辣雲耳）依個套餐包咗一個主食同小食，我哋就揀咗台式鹵肉拌麵，麵款揀咗佢哋最特別嘅Biang Biang麵😆依款主打麵係人手即整💪🏻食落好有咬口，好好食，鹵肉都做得好入味，食得出冬菇香味🍄👍🏻 麻辣雲耳就正常發揮🍜啖啖酸菜魚套餐$78（啖啖魚肉酸菜魚麻辣擔擔麵+飲品）依個就稍為有啲失色，麵底揀咗上海麵，但魚肉用咗鯇魚🐟食落有細骨同唔夠嫩滑，唔太推介大家叫依款🙅🏻‍♀️🍲野生松茸鮮雞湯$18依個燉湯做得出色，飲落好有松茸同雞味，唔係靠味精調味，值得推介💯🥟鎮店蟹皇雲吞(5粒）$50依款要襯熱食，蟹膏味濃🦀咬入口時會流出蟹皇汁，非常正，但如果擺凍咗先食就會冇咗依種效果🤫

朋友返工公司，附近有一非常吸引之手工拌麵料理～去開灣仔，順便去接朋友吃晚餐。這晚點了魯肉飯套餐，非常抵吃的。主菜點了咖哩豬扒，配魯肉飯，飲品加點野生松茸鮮雞湯。咖哩豬扒咖哩豬扒，簡單秘製咖哩汁，下飯魯肉飯魯肉飯份量很大，魯肉入口富嚼勁，銷魂魯肉飯是台灣北部吸引食物，香氣十足豐富的～階汁非常的下飯，一吃也會多想加一碗飯。燉煮的魯料，有豬五花～潤澤惹味～棒棒 野生松茸鮮雞湯非常滋潤。湯有松茸和雞，相當鮮甜，養生，合平日外出吃飯的上班女仔呢。整個感覺亦是養生了，鮮甜美味，帶新鮮雞肉香，味道鮮甜美味！雞肉七彩拌面以雞肉及彩色配菜拌清新怡人的拌面，質感爽口多汁，味道清新怡人～雞肉拌，份量很多。肉夠稔身，而且蔔白帶微酸，很醒胃，特別適合涼天氣吃。味道適中，用來拌面很夾，味道很棒。青瓜爽口，中和了濃味的芝麻味。灣仔上班族之快樂地方！這附近較少見之手工面店，副線餃子店也很棒～餐廳主打拌面，面底種類有多款選擇的呢，所有面類也是自家尋找面粉廠來製作，比較天然～

陪朋友去玩具街尋寶前, 係附近食lunch 醫肚, 經過呢個sell 手工麵既餐廳就入去試下!一人拌麵餐(主食跟小食&飲品) - $88朋友簡左滷肉拌麵, 滷肉都滑嫩, 不過唔會好油膩, 帶有少少膠質, 而且都好入味, 由其係八角味!此外, 滷肉汁亦好掛汁, 而麵質算偏淋身, 但唔係痴住哂果種, 當撈埋汁就岩岩好!另外簡左手拍小青瓜，帶少少酸同少少蒜味, 青瓜口感爽脆!野生松茸鮮雞湯 (跟餐飲品改配價) - $18以盅上枱, 好熱, 有松茸同好多雞, 雞湯味都幾濃, 唔錯! 不過我寧願少雞再多點松茸, 咁先可以飲多點湯XD鎮店蟹黃拌麵 - $98蟹黃汁同幼麵係分開上, 店員都好好, 細心提我地可以加少少醋, 但唔洗加太多! 我會形容係一碗蟹皇羹配拌麵, 因為質地真係好似蟹皇羹, 一入口鹹鮮味都幾突出(有蟹粉有蟹肉), 然後再加落幼麵, 好掛汁不過食到尾都幾膩, 應該要加返醋 (但我真係對醋一般, 所以我無落, 導引食到最後好漏...) 仲有唔需要擔心唔夠汁, 呢度一碗蟹皇羹份量足夠撈哂成個麵!總括之言, 表示滿意同好飽!

Went for two dishes with a friend. The food came very quick and tasted good. The only issue was the waitresses not being able to speak english but we managed to get by. Tables are quite small so would recommend coming with 2/3 people. Overall, a lovely place for food and I would come here again.

十月又到咗食蟹嘅季節！之前去過呢間餐廳覺得佢嘅白雞湯麵幾好食 唔知蟹季嘅蟹黃會唔會好食啲呢🤭-👉🏻油撥辣子魯肉Biang Biang麵 Marinated Pork with Spicy Biang Biang Noodles💲58👉🏻鎭店蟹皇拴麵 Hairy Crab Meat Sauce Noodle💲98👉🏻上湯松茸娃娃菜Braised Baby Cabbage and Matsutake in Broth💲32-碗蟹黃係另外上 中意食幾多就落幾多 貪心嘅我緊係落晒啦🤭驚腥嘅話可以落少少醋🤏🏻記得趁熱撈如果唔係會痴實晒🫣反而覺得油潑辣子魯肉麵有驚喜啲！手工麵好有咬口 魯肉都幾大粒娃娃菜湯都濃 不過建議可以切細舊啲方便食🤣上菜速度算快〰️〰️〰️〰️〰️〰️〰️〰️〰️露面手工拌麵料理 (灣仔)📍灣仔莊士敦道55號地下A號舖🔗#7eating灣仔#7eating台灣菜

呢日同朋友一齊喺灣仔，想簡簡單單食一餐😆，飯又得麵又得，咁我哋就喺灣仔站附近行吓搵吓，見到呢間小店，似乎幾適合我哋呢日嘅胃口同需要，咁就唔再搵啦，決定入去開餐😆- 我叫咗 $88嘅「一人拌飯套餐」，主食揀咗「花生南乳炆豬手」➕「一碗滷肉飯」➕飲品揀咗「野生松茸鮮雞湯（＋$18）」：豬手🐷🖐炆煮得好腍，連豬皮都好軟熟😆；「滷肉飯」有大大粒嘅滷肉😆；「松茸鮮雞湯」夠晒火喉🔥，有鷄味再加上松茸嘅滋味😋- 朋友都係叫咗 $88嘅「一人拌飯套餐」，主食揀咗「秘製香糟醉雞」➕「一碗滷肉飯」➕飲品揀咗「滑溜溜香芋鲜奶（+$14）少甜少冰」：「香糟醉雞」有淡淡嘅花雕酒香😋，醉雞肉幾軟滑😋；「香芋鲜奶」真係幾滑😆- 另外再加 $32嘅「上湯松茸娃娃菜」share 嚟食：娃娃菜新鮮，簡單幾好食😋

見到食評好多人推薦依間就黎試下咁而家叫手工麵咁梗係叫一個麻辣Biang Biang牛展面咁佢有得揀麻辣程度嘅咁我就話我唔係好食得辣要最少辣點知嚟到都係勁辣囉叫佢俾咗碗湯我洗一洗佢但係都係好辣反而食嗰個一人拌飯滷肉飯就正常個滷肉飯都OK好味仲要有嘢飲反而個飯餐仲抵食過麵同埋個位置都幾迫想舒舒服服食就可能要揀過另外一間

我見ig, openrice有好多人食白布闊麵，其實唔係好多人食，假日食都唔洗排隊~我期望好高，但實際上，食完我覺得係唔洗特登去食麵。*一人拌麵 $88油潑辣子魯肉Biang Biang麵 麻辣雲耳 蜂蜜百香果茶 (+$6)麵同我想像中有啲出入。Biang Biang麵特別長，有厚度、韌度。醬汁係偏甜，辣度有3小辣咁辣，略為油膩，味道寡啲。魯肉係腩肉肉粒，都係甜為主。麻辣雲耳冇麵汁咁辣，爽脆，普普通通。嫩雞白布湯闊麵 $68雞湯湯頭稀身，後勁飲到奶味，比較普通。雞肉係雪藏貨，普通唔雪味，小棠菜都有份量唔少。闊麵真係好闊~好長~厚身，質地韌、唔滑溜。因為闊麵唔掛湯，所以唔連湯飲只會食到重麵團感嘅麵條。

嫩雞白布湯闊麵 $68雖然唔係好飲到雞味 但湯底好香滑 單飲湯底會有小小鹹 但配麵食就岩岩好 加埋闊麵掛滿湯底 正🤤仲有好多菜同雞 𣎴過雞就係普通嘅雪藏雞柳 最特別都係個湯底滑溜溜香芋鮮奶(少甜少冰) 跟餐+$8飲落香芋蓉似自家製🥸做到真係少甜 同食到有比較粗嘅一粒粒芋頭 但芋頭味就唔係好香 還好～一人拌飯套餐 $88(秘製香糟醉雞+滷肉飯+飲品)朋友推介會翻兜嘅醉雞 汁偏甜同真係幾重酒味 雞算嫩滑 但就唔係好入味朋友話對佢黎講夠味 因為佢唔會送飯食🧐再入味啲會鹹 但對我黎講就再入味啲酒味再重啲就正🫶🏻滷肉飯好食！估佢唔到🤤係真係一舊舊肥肉 唔係港式肉碎滷肉飯 個汁算係偏甜 唔會太鹹 汁同飯嘅比例岩岩好 反而呢個飯值得翻兜💯粒粒蘋果蜂蜜茶(少甜少冰) 跟餐免費黎到見到咁淺色 都知道唔對路🫠攪暈咗之後都係咁淡 好輕微嘅蘋果蜂蜜味 但食到最底啲蘋果粒就好鬼甜🦭