露面手工拌麵料理

營業中

休息中

Score 分數：70至75講到灣仔近修頓球場果邊食野，大家會食d咩？之前嘅我就會因平而食連鎖快餐店，要食貴嘅，就去利東街內，都有唔少好野食。而今次我介紹這間食店，真係有d驚喜......一間麵館。價錢就係中中等等真係估唔到，灣仔出左間咁好食嘅麵店。佢地嘅 雞白湯麵 和 蟹膏麵 好足料，好鬼正。雖然，係在平價食店中叫做貴價菜，但真心好食。佢地碗麵用料夠之外，都好入味 + 冇咩雪味，不防大家試下。比定個tips大家，唔好食佢個套餐，我覺得唔值 - 88蚊。不如食碗靚麵好過啦～88蚊唔係平架!! 咁不如加些錢食 雞白湯麵，真係冇得輸

之前上網見到有睇營養師介紹過呢間小店嘅白布湯闊麵，印象幾深刻！幾兩日終於試咗啦～ 果然好好食🤤 兩款麵都好正好值得試👍🏻👍🏻 鎮店蟹皇拌麵 $98睇menu見到好吸引，仲要話係鎮店😂 一上枱見到碗蟹皇，嘩咗一聲，份量好多！好足料！將蟹皇倒落去碗麵度，浸晒全個麵，撈勻一齊食！好鮮味好正！嫩雞白布湯闊麵 $70大分推介呢碗麵！鍾意飲白湯必試！鍾意煙韌麵嘅又必試！比起以前試過嘅嫩雞煨麵，我更鍾意呢個闊麵，成匹布咁長😂 好大塊好煙韌，又好掛湯，超級好食呀！雞肉份量好多，食到尾都仲有，而且無雪味👍🏻 個湯又好飲，總之就好食啦😋巴蜀大雲吞 $36正常味道，無其他咁驚喜。野生松茸鮮雞湯 $38幾好飲，真材實料！滑溜溜香芋鮮奶（熱） $14主食可以加錢要飲品，香芋鮮奶好多芋泥，好濃郁，唔會甜，好飲！蜂蜜百香果茶（凍） $10幾清爽唔甜，好飲！會想回頭嘅麵店！兩款麵都好食！仲有幾抵食嘅一人套餐，份量又足，推介👍🏻

今日收工好肚餓 路經灣仔見到呢間露面環境望坐得幾舒服就入左去我7點半左右到 店內已經坐滿咁濟好在仲有位 好快就可以坐低點餐🥢一人拌飯套餐 $88我揀左巴蜀口水雞+滷肉飯+蜂蜜百香果茶滷肉飯份量好多🤭面頭滿滿滷肉 有小小冬菇粒增加左香氣同口感口水雞味道有小小辣 雞件有成7-8件 涼浸浸岩哂夏天食成個一人餐性價比都幾高 份量好充足👍🏻🥢嫩雞白布湯闊麵 $70見佢啲麵係手工麵 點都要試下！湯底顏色好白😍淡淡奶香 仲有啲菜粒 雞肉又好嫩滑🫶🏻闊麵真係好闊🤣不過口感好滑口🥢芥香麻醬雞絲粉皮 $44麻醬有小小wasabi味 中和左麻醬本身個油膩感 又係性價比高同低卡路厘之選 份量好多👍🏻涼拌食落透心涼🙆🏻‍♀️🥢鎮店蟹黃雲吞 $50雲吞好大粒 蟹黃餡料好多 仲有蝦仔係入面😋點埋醋食仲香我見餐牌仲有其他手工麵架 下次一定再去試下

朋友係金鐘番工，放工搵個近近地佢既地方食野，佢話lunch成日經過露面排曬隊咁想試好耐，放工無咁多人我地就黎左啦呢度有一人套餐輕鬆食，又或者有唔同既麵食、小食野生松茸鮮雞湯（+$18）套餐加$18就有雞湯飲，無加味精原汁原味，$18好抵飲一人拌飯（$88）套餐小食叫左醉雞，一d都唔hea，醉味濃，雞件好滑，另外仲有一碗滷肉飯，滷肉肥瘦分明，仲有冬菇，同樣好味鎮店蟹皇雲吞（$50）本身有5粒，上檯姐姐話唔小心煮爛左一粒，之後補送左一粒俾我地真係超好，咬開有唔少蟹籽，幾有驚喜嫩雞白布湯闊麵（$75）朋友同我最鐘意就係呢個湯，雞白湯拉麵就食得多，估唔到呢碗湯咁好味，我地兩個人飲曬成碗無淨，白布闊麵幾有創意，呢碗野好多菜同雞肉，一個人分分鐘會食唔曬

行過灣仔見到有間麵店，到晚黑都有啲人氣，以為呢間係新開，胃民話呢間已經開咗一兩年平時經過都唔覺𠻹，等大胃試吓先一見到「鎮店」兩個字，就好想試吓個蟹皇拌麵首先上咗碗好似黃金版嘅碗仔翅，其實係蟹肉羹，都幾多膏肉，然後淋上碗手工麵度，好多汁彈牙，點啲醋都幾開胃另一碗就係湯麵，麵底係好闊嘅麵條，煙煙韌韌幾彈牙湯底奶白好香濃，裡面有菜同雞肉，肉質頗嫩口湯雞唔夠，嗌埋醉雞，醉雞釀得好入味，皮肉都好嫩滑，而且份量都幾多吓，連上面啲杞子都入埋味跟餐加錢可以有特飲，龍眼冬瓜茶嘅組合都幾得意，唔會太甜幾夾陳釀多年嘅金桔蜜，有化痰止咳之效，啱晒惹痰嘅大胃飲

日式沾麵拉麵食得多 試中式沾麵就第一次鎮店之寶 蟹皇麵一上菜o晒嘴 個碗蟹皇醬？定羹？勁大碗 係滿瀉咁濟 肉眼都睇到蟹膏 蟹肉 超濃 夾麵落去一撈 每一條麵都係掛住d汁 情況就食芝士火鍋咁 無分別食落去好香蟹膏味 唔腥 個人鍾意食醋我覺得加幾滴醋 成個lv即時提升如果麵既份量可以再多d就最好

今天和朋友再去這家灣仔餃子店，仲記得佢嘅闊麵好好味，而且價錢唔貴，喺灣仔區都算大眾化朋友：嫩雞白布湯闊麵我：台式滷肉拌麵（點了套餐：選了手拍小青瓜 + 蜂蜜百香果茶）同時叫了：高湯小雲吞嫩雞白布湯闊麵：麵身厚薄適中，咁大片放湯後都唔容易斷，味道幾好。台式滷肉拌麵：濕了少少，但有冬菇粒，加分，味道都濃，肥肉有點多。手拍小青瓜：正常，夠凍。蜂蜜百香果茶：只有甜味，得幾粒百香果。高湯小雲吞：皮厚左小小，味道一般。

呢間幾好食套餐都幾抵食嘅 有前菜飲品再加主食麻辣雲耳 8/10 唔係非常辣，適合大部份人口味台式滷肉拌麵 9/10滷肉汁及面底出色鮮茄牛腩拌麵 9/10牛腩很鬆軟，配上濃味茄湯一流

簡單地過了結婚1.5週年紀念日去了灣仔吃 順道去了利東街走個圈第一次去露一個面想與牆上面的句字打個卡可惜已有人坐了呢之前聽細妹講雞白湯好味我都覺得呢個湯最好飲好夠濃，奶味香甜👌嫩雞白布湯闊麵 $75+$3 轉蛋麵麵的份量非常之多地盤佬男人也夠吃的+$8 香芋鮮奶鎮店蟹黃拌麵 $98我吃這個也吃不完因為份量真的很多呢+$10 龍眼冬瓜茶這個消暑解渴！鎮店蟹黃雲吞（5粒） $50又是蟹黃呢老公喜歡這間是比較中式的味道

🌸 嫩雞白布湯闊麵｜$68湯底呈奶白色，飲落溫和帶有少少奶味。表面舖滿切碎既小棠菜、雞絲，不得不說雞絲份量好多，但煮得有啲過熟，唔夠滑😢個份量系舖滿一整個表面既份量黎。麵質好似餃子皮，因為太闊既關係食既時候唔系咁方便，要咬一啖麵再畢一啖湯🤣📍 露面手工拌麵料理 (灣仔)灣仔莊士敦道55號地下A號舖#香港美食 #美食 #美食推介 #foodie #hkfoodie #食好西 #hkfood #hongkong #推介 #花膠雞米線 #米線 #米線關注組 #灣仔美食 #雞白湯 #露面手工拌麵料理

經過幾次，已經想試～剛好來這邊買野，就入去吃看看，店鋪不大，乾淨企理，Menu選擇不少，仲有一人套餐，都幾抵食🙌🏻 一人拌麵套餐 $88包麵+小食+飲品👉🏻鮮茄牛腩拌麵 牛腩好稔，茄汁香濃帶甜味，拌著幼身白麵，好好吃🤤 讓人愈吃愈開胃～👉🏻油潑辣子魯肉麵質是闊麵，有咬口，可能點了小辣，辣到不太明顯，反而偏向魯汁味，魯肉屬大塊型，肉質細嫩不乾硬，看似濃味，卻意外清爽的一碗麵～不錯👍🏻👉🏻麻辣雲耳 - 不太辣，雲耳軟滑好味👉🏻手拍小青瓜 - 重蒜香，入味爽脆，正😄👉🏻秘製香糟醉雞 $58一大隻雞脾，肉質嫩滑，雞皮微帶啫喱感，酒味不算重，淡淡滲出☺️夏天首選 🎈總歸一句： 整體抵食又好味🙌🏻🥰

嫩雞白布湯闊麵($68)我覺得呢個最好食係個雞湯超級濃郁🍲而且好香 有少少似煨麵個湯底湯底有超級多白菜同埋雞肉 真係有30%都係菜同肉🥬🍗我覺得呢個麵係呢間餐廳既特色 — 闊麵🍜麵條真係有2-3cm粗 薄薄哋 有少少似雲吞皮我個人覺得有少少太粗 haha 好難配到一淡湯一淡麵🤓+$10 滷肉🥓 滷肉不錯 唔會太鹹 肉都偏多 唔會只係得肥肉 我懷疑佢哋係用五花腩👀一份係一細碗仔 但係以呢個價錢我覺得好抵📍露面手工拌麵料理 (灣仔)地址：灣仔莊士敦道55號地下A號舖

係修頓球場附近，平時都有好多街坊幫襯🙌🏼🙌🏼主打四款手工麵，不過當日菠菜寬麵暫停供應～🥣野生松茸鮮雞湯雞味濃郁，滿滿嘅一盅～入面有兩大舊雞肉，肉質尚可，唔會過老👍🏼🦀鎮店蟹皇拌麵蟹皇十分足料，用咗一個碗仔分開上～份量可以自己調較～喜歡濃味啲可以加多啲，佢調味唔會過鹹，好啱我自己口味😋 仲跟咗一碗仔醋，加少少可以提鮮✨🐥嫩雞白布湯闊麵呢個係我嘅最愛💕湯底富有雞湯嘅精粹又creamy😳 而且小棠菜好嫩，雞絲份量足！麵條係超闊身的Biang Biang 麵，口感帶一點嚼勁，好特別！必點！！🍼滑溜溜香芋鮮奶可以叫微甜👍🏼所以甜度唔會過甜～感覺健康！幼滑嘅芋頭蓉配上鮮奶，係滿足嘅組合💕💕💕推介指數： ⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️再訪：Yes

白布湯，Menu無論中文定英文，都冇顯示到有奶，中伏。今日第一次試哩間嘢，叫咗個嫩雞白布湯闊麵。咁我以為佢叫白湯係因為好似魚湯或者拉麵豬骨湯咁，特別濃郁。碗嘢黎到，食咗一啖，覺得好似有少少奶味，咁我就再睇返個menu，佢英文叫 Tender Chicken with Bak Choy wide broth noodles， 再睇埋啲圖標，有啲菜色有標明係素食，咁我諗如果有奶佢應該都標註咗，所以就冇理繼續食麵。食食下都係越來越唔對路，肚有啲唔舒服，我本身對奶敏感，飲奶或者食奶製品都會肚痛肚屙。最後我都冇食曬碗麵就起身去埋單了，去到counter，我問返喺咪有奶，佢答我係有加奶，我心諗中伏，跟住同佢地講咁應該要喺menu到標註，因為有人對奶敏感，我而家肚都有啲唔舒服。跟住counter個阿姐話，哎呀唔好意思，你食咗了？我話係，最後草草收咗我錢，話以後會留意，就完咗了。食完下晝個肚一路都唔舒服，真係破壞曬成日心情。雖然我都應該第一啖就舉手問職員喺咪有奶，但如果menu寫返敏感源，就唔洗有哩件中伏嘅事發生。留個record睇下以後喺咪真係有update到menu，希望唔會再有人中哩個伏。

餐廳嘅位置係位於灣仔莊士敦道，近修頓足球場，地鐵站行過去，大約5分鐘，位置都相對方便！餐廳，主要主打手工面！今日就決定試吓佢嘅蟹粉手工面😗😗😗落咗單大概5分鐘就到咗，大大碗蟹粉，係同面分開嘅😂 方便大家鍾意食幾多落幾多，蟹粉嘅味道非常濃郁，用平民嘅價錢食得出高級嘅味道😂 手工面嘅質素亦都非常唔錯，好香嘅蛋香味😀 食得出店家自家製作嘅麵條😂 同埋蟹粉嘅配搭非常match! 食完個面亦都唔會有好漏嘅感覺，總括而言都非常唔錯🤘🏻