雲桂川冰室 (已結業)

食唔止一次，每一次都好食。但真係好有必要講一講佢餐牌同睇數嗰個係有啲問題！落單叫咗：水煮魚$98晚餐B加凍飲$39+2外賣盒收咗$3收咗我總數$142返去攞就問介唔介意比返1蚊因為要裝多個盒問題嚟喇，你印哂餐牌寫「外賣自取全單九折」同你講又話呢個晚餐特價嘢唔包之後又話買唔夠100蚊唔包😡呢啲嘢全部無寫餐牌上面😡你自己唔夠裝係你準備唔好，點解要返轉頭收我1蚊就同你計100蚊，個水煮魚98，你加我2個盒咁都100啦咁係咪又應該九折，你餐牌都無講喎！😡已經唔係第一次比佢食咗啲九折，落單又十問九唔應！廚房佬再好手勢都比個睇數累死。

好多人話屯門好偏僻，一定冇得食好西但其實屯門有好多小店重點係三個字「平，靚，正」🙆‍♀️.以龍門居呢間「雲桂川冰室」為例冰室的的骰骰，只能坐到9~10枱客但係好多街坊客，人頭湧湧，一大早就好熱鬧早餐價錢夠哂貼地，大部分都係二三十蚊.一大碗嘅鮮茄公仔麵配火腿炒滑蛋，牛油厚多士同飲品都只係$32勁抵食😍鮮茄濃湯底味道似羅宋湯，酸酸辣辣好開胃！公仔麵吾會煮得好腍，入口爽口彈牙😋目測午餐肉厚度都有0.5cm，約有7~8塊加$8轉成黑松露炒蛋😎滑蛋係用左北海道特選3.6牛乳去炒配上大量嘅黑松露醬入口柔軟滑溜，蛋香味濃郁帶上黑松露嘅獨特味道，大讚👍牛油厚多士加$2轉成豬仔包豬仔包烘至脆口，表面搽上牛油同煉奶香脆又煉奶嘅甜香，正熱奶茶水準都吾錯奶茶色澤係好靚，典型嘅絲襪色茶同奶嘅份量恰到好處茶味香濃，淡奶入口順滑而吾會苦澀.吉列魚柳配黑松露炒蛋，牛油豬仔包同飲品都只係$36，加多$5可以食埋高湯米粉添🥰魚柳大大一塊，魚肉多，外皮脆雖然有千島醬但我覺得吉列魚柳配沙律醬先係PERFECT🙈另加嘅$5高湯米粉一似一般食肆，得果兩三啖就食哂嘅份量

冰室旁邊係golf場，一大片綠草如茵，放假嚟食個早餐，係種賞心樂事！我真係好喜歡係茄湯底，酸酸甜甜懶健康咁，早餐食好醒胃！個茄湯都幾濃味，餐廳都算細心咁切開一塊塊雞扒，可以方便食，雞扒無雪味，有煎過，厚厚地肉！咁呢個通係配黑松露炒蛋，黑松露可以唔使放咁多，會好重味無晒蛋味。店舖仲好捨得奉送兩塊牛油豬仔包！仲要係好食嘅豬仔包，無俾劣貨，仲要好脆！男友就點咗個經典早餐，沙嗲牛麵。牛肉無筋，沙嗲醃牛肉醃得入味，個賣相都不錯！跟餐都係炒下蛋呀腸呀包呀總之好飽。要特別讚啲蛋，好滑！半熟之間加錢餐飲可以飲紅豆冰，好綿呀啲紅豆！

今日去到龍門居的一間冰室，有時挺喜歡小店的。因為他們有的就是人情味🥰今天有小朋友同行，特別點了《四寶丸米線》-（轉了烏冬），軟軟的烏冬很適合小朋友，且味道不是太鹹，小朋友食都絕對冇問題👍🏻《炸雞髀炒蛋飯》，蛋很滑，雞髀炸得香口，加上少許蔥花，配飯實在一流🤤《鮮蘆筍炒蝦球🍤西芹》，老闆告知蘆筍而家未係當造，建議我哋轉做西芹☺️我最鐘意爽脆口感的西芹，正合我意😽最後叫咗個《法蘭西多士》，貌似簡單的多士其實也很考功夫的，並唔係間間都做得好食。但今次食呢個西多士做得唔錯，佢煎到金黃色，食用前加上糖漿、牛油，個味真係好Match。我見到呢度仲有雞煲，下次可以再嚟試吓🙌🏻

周不時都過來龍門居探朋友，但多數喺佢屋企食埋飯先離開，今次罕有喺附近搵左間餐廳食飯撐枱腳。呢間雲桂川冰室就喺富健果頭，好近巴士站，食完番歸都好方便，餐廳位置唔算多，假日基本上好好生意，接近滿座，仲聽到有個熟客傾計，話連續來左幾次，覺得抵食。來左一家三口連埋狗仔，店員即刻幫忙喺門口開枱，服務好好menu選擇豐富，基本上一般茶餐廳有嘅都有齊，常餐、沙律、炸脾、米線、客飯，價格實惠。下午茶都係廿零蚊至三十零蚊；常餐38蚊當然唔少得小菜啦，成幾十款，水煮、蒸魚/排骨、椒鹽、煲類乜都有齊，大約係6X-8X左右，跟埋白飯。晚市仲有做雞煲，可以打埋邊爐，夠過癮。我地今日就點左蜜椒雞中翼(68)，雞中翼一向係女朋友最愛，每次食小菜都忍唔住要點，佢淨係食雞翼都夠送飯。即點即做，雞翼一份9隻，大小適中，賣相好唔錯，沾滿蜜糖、黑椒雞翼煮到啱啱好，入口先有甜甜滋味，帶少少黑椒惹味，呢個sauce要來做蜜椒牛柳粒都一定好正。雞翼外層微脆，肉質結實，唔會過火另外點左我最鐘意嘅豉汁蒸倉魚，自己喺屋企真係好少食，多數如果見餐廳有，我地都會考慮。今日老闆仲話倉魚幾大條，正豉汁蒸最香，面頭鋪滿醬汁，都幾重口味架，用來送飯

今日同仔仔去完公園玩，行過見到一間冰室，就同老公一齊入去食下野，叫左個西多士，西多士做得唔錯，平時好鍾意食西多，但係好怕佢地整到有一陣油味，佢又無仲有淡淡的花生🥜味，不錯。 小朋友就叫左個四寶丸米線轉左烏冬，我試下了少少，味道不錯，唔會太鹹，因為好怕小朋友食得太鹹。 超級值得一讚就係佢個炸雞髀炒蛋飯，我個人好鍾意蔥花，加上個甜豉油，味道一絕，而個炒蛋更是精華所在，佢做到澳牛炒蛋的滑，大愛，如果鍾意食滑蛋，一定要試，雞腿炸得香口，唔會太乾，個人超級喜歡這個，一定要再試。🤩🤩🤩🤩🤩最後叫咗個鮮蘆筍炒蝦球，但係老闆細心咁講蘆筍唔當造唔好食，轉左個西芹，簡簡單單，味道清新。

去富健不嬲都係食下宵夜咁，好少去食晏。今日個朋友話去試下新開果間雲桂川冰室，話有雞煲食，因為本人好鍾意食雞煲首先叫左個秘制奇味雞煲細份$128辣度有大，中，小同唔辣。我地簡左小辣。雞煲入面既洋蔥同配料有好多，仲會送時菜一份添。本人都算幾鍾意食辣，所以如果都算食得辣既朋友，建議食中辣個湯底愈煮愈濃，係一開始煲緊既時候店員會不時過黎撈下搞下我地都係坐低等食三個人食黎講Ｄ雞都算多，不過大食既我地又點會夠飽，所以叫多左2樣野招牌雜錦米線$55 有豬扒，雞翼，花姿丸，貢丸，牛肉同酸菜都係有大中小辣，今次叫左中麻辣，Ｄ料多到一個人真係食唔晒，3個人SHARE就岩岩好叫得雲桂既米線都好好食有水準。其實食到呢度都飽飽地，但見到黑松露炒蛋西多士$36，剩係個名已經夠晒吸引啦。Ｄ蛋多到離晒譜又滑又厚身，黑松露個味好重，加埋食真係一流，飽到。野飲方面就叫左紅豆冰$22同鹹檸七$18，唔係間間餐廳都有呢兩樣野飲架

心血來潮突然有日下晝想食雞煲，竟然有兩個朋友陪我癲，平時夜晚放工見lee間舖頭多人食飯，想嚟試好耐，今日終於可以嚟試下。叫咗個細雞煲，要小辣，唔算太辣，唔食得辣嘅都可以叫嚟試下。個汁比我想像中好，仲有好多芫茜，可惜雞唔夠入味，我諗煲耐啲會入味啲。由於仲係好肚餓，叫咗個雜錦米線，米線有驚喜，好多料，有雞翼、牛丸、貢丸、豬扒、牛肉，下次會再試下佢其他米線。我哋嗌咗紅豆冰，好多紅豆; 朋友嗌咗咸檸七，幾好味。

龍門居出曬名掃街好地方，今日想坐底食，見到呢間餐廳裝修幾特別，趁早入去食晚餐，六點幾未有太多人收工食飯，我地可以隨意簡位。坐位舒服，地板牆壁都用左特別既磁磚，連燈飾都有用心設計配撘，環境不錯！秘製奇味雞煲（半隻）$128可選擇辣度同麻度，而且仲送時菜一份雞煲上枱要等15-20分鐘，店員會不停幫手撈勻雞煲料，等雞煲入面平均加熱，每攪拌一次就有陣香味撲鼻，口水都流雞既份量頗多，而且亦頗入味，雞煲汁非常惹味，撈飯一流，不停見隻雞煲熱辣辣咁滾，非常開胃。火鍋配料：響鈴$38雖然唔係既炸響鈴，但完全估唔到響鈴有咁多，食極都未食得曬，份量十足，加分送既時菜都非常新鮮，水汪汪既生菜，放入雞煲非常入味麻辣西蘭花炒花膠$88新式既惹味川菜，未見過麻辣炒既西蘭花，食落又幾惹味喎，香口又帶少許麻辣花膠爽口，帶少許麻辣，不錯，我仲會放花膠入雞煲再熱辣辣咁食，過癮！食雞煲唔少得要白飯，白飯偏硬，個人喜歡食硬飯，撈左勁多雞汁既飯真係惹味懷舊紅豆冰$20非常甜既紅豆冰，紅豆淋身，如果無咁甜就更加好了！餐廳外有放餐牌，價錢唔算貴，餐廳冷氣又足，坐得頗舒服，下次試埋午餐先~

黎龍門居平時食宵夜多，今次同班fd去冰室食嘢，一落巴士站就會見到好方便～重新裝修之後店內環境好好好乾淨餐牌都好多選擇柑桔物同凍檸樂～雜錦米線🍜($55)勁大碗兩個人食都得，有豬扒雞翼花枝丸貢丸牛肉酸菜，性價比好高，仲可以揀辣定唔辣～椒鹽鮮魷雙拼雞軟骨($85)即叫即整估你唔到又好快，好多椒鹽喺上面好入味，鍾意～黑松露炒蛋西多士($46)係餐牌上面見到呢個名好似好高級咁就試吓，一放上黎黑松露味好重，個蛋都勁滑，成個多士上面都有料，浸味好夾，必試！奶醬多士($12)多士係冰室必備，好多奶好多將好味～沙嗲肥牛粉絲煲($68)價錢好平但係又好大碗好多粉絲同肥牛仲有啲雜菇啊菠蘿青椒，好好送好夠獲氣，滿意！成班朋友食到咁睇都只係$300有找，價錢親民嘅冰室，下次要再嚟～

好耐都未出街食過中菜啦，所以前日就同屋企人係屋企附近揀咗間炒小菜既冰室試下啦，點知味道都幾好，冇令到我哋失望👍🏻👍🏻帶子炒西蘭花呢啲帶子西蘭花嘅份量好足料，大致份量好多而且都炒得好香，西蘭花同樣做到好爽口，令人食極都唔停黃金蝦黃金蝦嘅蝦份量超多，食極都仲有，而且鹹蛋黃加埋蝦嘅配搭好夾，同時亦都煎得好香，食完令人好滿足椒鹽魷魚拼豆腐好開心呢間餐廳提供左椒鹽雙拼，令到同時滿足到我兩個願望，炸粉做得好好一啲都唔厚，而且加埋微酸嘅喼汁，食落一啲都唔漏，豆腐同樣係食得出用咗靚野，好滑而且好香豆味👍🏻👍🏻👍🏻

龍門居多嘢食都唔係第一次聽，今日特登黎左試一間都比較新係富健馬路個邊既餐廳。入到去雖然得兩個人但佢都安排左四人枱午俾我地，抵讚。去到我同朋友好大食叫左四個小菜，分別係黃金蝦，西蘭花炒帶子，椒鹽鮮尤配豆腐同埋半隻霸王雞。黃金蝦份量都好多，食落都好香鹹蛋味。而且蝦都幾新鮮，又大大隻爽口，餸飯一流。之後到西蘭花炒帶子，非常夠味，西蘭花唔會淋哂，爽口食落幾好食。而且帶子份量都多，抵食。跟住到椒鹽雙拼，豆腐入口即融，尢魚都幾好食，唔會好硬咬唔開。食落味道都夠濃，如果更濃就更加好。最後係霸王雞，食落好嫩口而且好香薑蔥味。絕對係餸飯既好伙伴。

今日去朋友家，到了晚上和朋友一起到樓下晚飯，這間叫雲桂川的餐廳，原來不是吃米線，是吃小菜的，類似茶餐廳的樣子，有趣。而且，想不到這個餐廳的價錢不貴 ，但是鑊氣十足，招呼也很親切。四個人叫了三個餸及一個炒飯， 粉絲大蝦煲，蒸倉魚，帶子西蘭花及欖角肉碎炒飯，加起來只是300元左右，非常抵食。粉絲大蝦煲很有鑊氣，而且份量十足，有差不多十隻的大蝦，味道又不會大咸，蝦肉也有鮮味。帶子西蘭花有大量翠綠的西蘭花，帶子煎得半熟應該是刺身級的來貨，它的調味剛好，也有其他配料，甚有誠意，不用加蝦醬味道也很足夠，四個人叫一碟菜是剛剛好。蒸倉魚的火氣十足，在家中蒸完對比出來吃的蒸魚就是不同，熟度剛剛好，醬料有豉椒也有蒜，風味十足。欖角炒飯在平常的茶餐廳比較少見，朋友一見到就立刻選擇了，比較揚州炒飯，欖角炒飯就有它的獨特之處，它的味道很香，分佈平均於每粒米飯上，雖然主要只有欖角和肉碎，因加上蛋和蔥，及很有鑊氣，也不覺得寡，而且份量甚多，我自己應該可以吃三餐，很抵食的炒飯。感覺很有實力，非一般的茶餐廳，如果在家附近有家這樣的餐廳，應該會常光顧吧。

經過雲桂川冰室見店名似曾相識所以就入去食 原本打算食米線 可惜遲左一步 5點後就沒有了然後改食小菜 每個小菜都包白飯3人每人點個小菜1.椒鹽鮮魷 好食 調味剛好又唔會好乾 雖然魷魚比較細條 但比粗而大條既好味 唔會韌2.西蘭花炒帶子 西蘭花軟硬適中 真係好怕食淋pa pa 既西蘭花 🥦 帶子係厚身 有切一分為二3.黑椒茄子牛仔骨 呢個值得推薦 好有鑊氣 調味出色 茄子唔會係好淋 牛仔骨唔會全部係肥膏總括黎講都幾滿意 份量又多 樣樣好食 下次會再食

平時甚少入屯門，多數都會係為咗班戟館而到訪。今日去班戟館食pancake之前，就同屋企人去試一試屯門嘅呢間小菜館。原來5pm已經開始晚市時段，餐牌上面嘅小菜種類都好多，除咗小菜之外仲有雞煲，選擇多樣，真係睇到我哋眼花撩亂！首先叫咗一份避風塘肉排。色澤金黃，肉質鬆軟，肉汁豐富，絕不「鞋口」。肉味算香，加上避風塘嘅蒜香同辣勁，好惹味呢！最近豬肉價格高企，而呢份避風塘肉排份量非常之多，但價錢相宜，親民價好抵食。仲有一份花膠野菌扒時蔬，都係令人覺得性價比非常高。呢份蔬菜嘅花膠份量係比得十分慷慨，花膠軟腍，帶醬汁鹹香。蔬菜方面用上唐生菜、金菇、冬菇等，都係我喜歡嘅veggies!最後一份小菜係椒鹽豆腐白飯魚雙拼。冇諗過椒鹽豆腐嘅炸份外皮可以如此鬆化，食落有脆身有咬口，而裏面嘅豆腐依然細滑，椒鹽味道剛好，香得黎唔會太鹹。食完呢一餐飯之後，立即同左幾個住屯門嘅朋友推介呢間小菜館，其中有位朋友都話食過佢哋嘅下午茶都相當唔錯呢！