雲桂川冰室 (已結業)

龍門居多嘢食都唔係第一次聽，今日特登黎左試一間都比較新係富健馬路個邊既餐廳。入到去雖然得兩個人但佢都安排左四人枱午俾我地，抵讚。去到我同朋友好大食叫左四個小菜，分別係黃金蝦，西蘭花炒帶子，椒鹽鮮尤配豆腐同埋半隻霸王雞。黃金蝦份量都好多，食落都好香鹹蛋味。而且蝦都幾新鮮，又大大隻爽口，餸飯一流。之後到西蘭花炒帶子，非常夠味，西蘭花唔會淋哂，爽口食落幾好食。而且帶子份量都多，抵食。跟住到椒鹽雙拼，豆腐入口即融，尢魚都幾好食，唔會好硬咬唔開。食落味道都夠濃，如果更濃就更加好。最後係霸王雞，食落好嫩口而且好香薑蔥味。絕對係餸飯既好伙伴。