雲桂川冰室 (已結業)

今日去左元朗揾朋友仔一齊踏單車，做下運動，諗住訓練翻自已機能！最近這兩三年，越食越多，但運動越來越少，基本上放工，吃完晚餐便即刻回家，感覺到身體不太健康。我位朋友愛好運動，今天跟他行完山，做完運動，就食個下午茶支持下小店。黑松露炒蛋多士 $36我發現香港人真的很喜歡吃黑松露，現在連小小的茶餐廳也有黑松露提供，黑松露也走向平民化了。炒蛋炒得不錯，滑中有蛋汁，黑松露味好濃，多士又夠脆。紅豆冰紅豆冰的豆豆份量超多，有杯既一半，超級足料呀。不過紅豆的味有少少奇怪，不知是不是品種不同。麻辣花膠西蘭花 $88最後我們叫了碟小菜一同分享，一大碟西蘭花和花膠，一睇就知道是女生補品。花膠好厚肉，麻辣度十足，正！

雖然好多人都笑屯門有「牛」， 其實屯門唔塞車嘅時候都好可愛，住左三十年，都仲係好鐘意呢度。呢輪冇乜心機搵野食，都係近近地喺附近食街坊餐。最鐘意雲桂川，早餐下午茶勁抵食，大大件；晚市仲有秘製雞煲！今日三點零來到，鋪頭細細，都已經坐左8成人，全部同闆娘有講有笑，熟客生意為主。下午茶餐廿零蚊起，性價比高，除左多士、三文治、豬仔包、炸物、沙律、炒粉飯麵，仲有湯麵。呢度啲小菜都ok架，好有鍋氣。炸雞脾沙律配沙律，份量超大，雞脾即炸，新鮮熱辣，外層好香脆，唔會話成盤油，切開雞脾肉，非常juicy雞肉食落唔老都不特止，仲要幾滑沙律份量多！我就點左個湯麵，雞翼出前一丁，一份有三隻雞翼，下次我會叫另上，唔洗浸淋雞翼嘛。白菜炒牛肉因為今日遲起身，冇食早餐，又見餓，炒個菜食下。白菜嫩腍，牛肉有醃過，幾爽滑鐘意呢度嘅奶茶同咖啡，少甜啱啱好，前者茶香奶滑，咖啡都幾濃，又唔會太酸。

入到屯門，原本朋友想去掃街，但運動完想好好地坐低食，所以見環境幾好就入去坐睇個店名以為只係食米線，原來有好多選擇🤓除咗茶記有嘅食物，仲有大排檔小菜，而有d款式都幾特別，所以叫嚟試下黑松露海皇炒飯 感覺幾特別，中西合璧又有d矜貴咁，本來有擔心海皇係 嗚門卷 同 蟹柳 之流，幸好不負所望，係真海鮮，有蝦仁、魷魚、蜆肉等等，所有食材大小適中，好夠鑊氣而且炒得好均勻，每啖都有黑松露同海鮮响口腔中散發香味，相信小菜質素應該同樣出色招牌雜錦米線 見到好多種餸，可以一次過試晒咁多款好似好抵咁😋，上檯估唔到都幾大碗，真係好多料好豐富🤤，除此之外米線本身好滑好彈牙，同外面嘅好唔同，我地叫咗酸辣嘅中辣，可惜我地覺得唔夠辣🌶，不過入冬食碗米線暖胃都好滿足因為怕會好辣，所以叫咗紅豆冰，好難得紅豆冰嘅紅豆多過冰好多，紅豆煮得好綿，飲落似紅豆沙多d😂，餐牌仲有款紅豆奶茶，應該都會好好飲另外咸檸七都好值得推介，粒檸好襟飲，飲到尾到仲好夠味，甜中帶咸，不失檸檬清新，感覺醒神開胃🍋

星期日下晏去開屯門龍門居，見佢寫住冰室，唸住入去食個lunch，點知打開menu好多驚喜，竟然有雞煲同水煮魚!叫左一個水煮魚兩份食，因為唔太食得辣，所以只係叫左小麻辣。個麻辣湯底勁香，而且好惹味，有齊滑、麻、辣、香呢四種元素，D香料配搭得好好~ 入面D魚都好鮮甜好入味，唔會有一種分開煮然後放埋一齊既感覺，非常用心既小店!再叫左個金銀蛋時蔬，上湯唔似係味精野，清清配搭水煮魚食好好味。D皮蛋切到唔會散到夾都夾唔到，菜都好新鮮!兩個小菜份量都好多，而且真材實料，魚真係撈極都有，菜又唔會孤寒~甜品叫左個多士(花生)，入面D醬多到流出黎，而且多士烘得剛好，脆脆地咁!總結黎講，呢間餐廳比一般茶餐廳冰室多好多美食，唔知係醫肚既層次，甚至有打邊爐既格局，但佢依然有冰室既食物，而且KEEP到水準，唸唔到食咩既屯門友，可以試下哦~

放假瞓夠落街食個地道茶記飯，飲杯好飲既茶啡，偷閒一下叉返電先～呢間冰室第一次食，我覺得都唔錯，野食幾大份，而且唔趕人可以慢慢食。午餐有米線同飯，我地一於就兩樣都試下🤗招牌雜錦米線 $55好大一碗，配料有豬扒、雞翼、牛肉、丸類同肉燥，同餐牌上嘅唔完全一樣，不過我地冇所謂，一樣咁豐富！😚肉燥好多呀，每啖米線都可以撈到，加咗少少花椒，食落麻麻地，好過癮～😛豬排都好鬆軟，有少少炸咗咁樣，食落去好香未加工，同埋已經去咗骨，啖啖肉😆米線都好多好多，雖然湯底唔係極重口味個種，不過都飲到豬骨湯味，都唔失色架☺️蝦仁叉燒滑蛋飯 $52又係大大碟，超多蝦同叉燒，正！炒蛋仲有d蛋汁流緊，d飯都加左甜鼓油，加埋蔥花完美配搭呀～岩岩好一啖飯一啖送🤗仲有奶茶同鴛鴦都好飲，同埋好快上齊，食茶記最緊要快靚正嘛！總結都幾大份夾抵食，啱晒大食之人或者一家人share~~🤪

茶記、冰室雖然唔係打卡、high tea熱點，但間中就好想食，今日同fd就去左呢間喺富健花園既冰室。餐廳唔係好大，大概坐到十幾人度，望落餐廳既感覺係家庭式，雖然唔係華麗裝修，不過反而warm啲。介乎lunch同tea之間既時間，我地各自叫左個主食，我叫左個欖菜肉碎炒飯，朋友叫左個肥牛米線，另外去得茶記/冰室，緊係要食西多士啦😎😎野食先後到齊，都好快手，炒飯食落覺得幾有鑊氣，飯粒分明，炒得乾身，我鍾意呀。同埋唔知點解係鍾意食欖菜，所以通常有欖菜都會叫！最緊要係熱辣辣食炒飯係幾正。食左少少朋友個米線，因為佢食辣叫左麻辣，而我唔食得辣，所以唔食太多，米線好爽口，肥牛唔算太肥。雖然我唔食辣，淺嚐左少少又覺得幾好喎，麻同辣都有。西多士係正常水平，冇話超級突出，但當然都係唔錯既，香口！正～食到好滿足，開心。

放假其中一大樂事就係瞓到自然醒再落街食個茶記下午茶今次就去咗龍門居嘅雲桂川佢無一般茶記咁多選擇 但又有啲一般茶記無嘅野😆✨黑松露炒蛋多士筆者本身係嗌西多㗎 但店員聽錯俾咗多士😭不過其實食落多士可能仲夾😛個炒蛋好滑 黑松露醬嘅份量都好大方配埋烘到剛剛好嘅多士 好味道😗✨炸雞髀薯角雞髀好大隻🤤🤤🤤熱辣辣炸完仍然juicy 係略嫌鹹咗小小咁多✨瑤柱帶子炒飯份量唔少 帶子同瑤柱嘅份量亦都無欺場不過筆者嫌啲飯同啲瑤柱碎硬咗啲🙈✨紅豆冰好抱歉張相原來影到鬆郁濛🤣🤣🤣紅豆冰絕對係童年回憶 但坊間啲紅豆冰好似越來越淡咁 飲唔返細個嗰種味道但呢杯紅豆冰就俾到驚喜筆者喇 紅豆煮得好林 份量又多杯奶又唔會淡 係一杯充料又好飲嘅紅豆冰✨鹹檸七鹹檸七係筆者嘅至愛必須要大讚呢間好大方 粒鹹檸係成粒俾所以鹹檸味非常強 好正🤤🤤🤤雖然只係街坊小店 但一樣可以品嘗到地道美食😉

同老媽子黎呢頭探親戚前要醫下肚先,就係附近冰室快食。叫左個薑蔥蒸倉魚,需時15至20分鐘,但實則上都唔係等左好耐JAR,老媽子超愛呢條魚,成魚比佢食晒咁制,真係好FIRM呀魚肉,自己係家蒸都蒸唔到咁既味,另外我地叫左個海鮮紅燒豆腐BOWL,有好多塊紅燒豆腐,亦有蝦,SQUID等等,菜就叫左個帶子西蘭花,帶子鋪晒係面,曬冷咁既款,好正呀!飲品我叫左懷舊紅豆冰,食到好大粒好綿紅豆,椰汁味都重呀,好味。媽媽就飲熱檸茶。呢度既裝修都唔錯,特別中意D燈同個WALL,好有FEEL,仲要係部電視添。好耐冇去冰室食野,突然想懷舊下,有幾有FEEL,始終冰室價錢相宜D,可以隨心點自己想食既野,唔洗睇住個價錢牌做人。唔錯!

平時要一早出街，都會先去呢度食個豐富早餐，而呢度既豬潤公仔麵，比平時話好出名既好食同抵食，本身我唔鍾意食粉既豬潤，呢度既豬潤好爽，仲要一個早餐收得唔貴，都係30蚊左右，街坊價錢，有高既水準

星期六返公司OT當然要食飽D先有精神做野啦🙈雖然樓下都有茶餐廳但我就寧願搭輕鐵坐幾個站到龍門居黎呢間「雲桂川冰室」食其一，真係平，靚，正之選其二，位置就腳，過條馬路就有巴士出九龍其三，老闆好好客，好有人情味呢🙆‍♀️.🔸五香肉丁麵配黑松露炒蛋，午餐肉奶油豬仔包熱奶茶$43公仔麵既軟硬度恰到好處食落係爽口彈牙既而肉丁吾係肥果D，份量夠足!本身係配炒滑蛋但因為好意佢個黑松露，所以就加配左$8滑蛋加左北海道特選3.6牛乳去炒所以口感好軟滑，蛋香味好濃郁配上黑松露嘅香氣，正呀😍豬仔包香脆得黎又軟熟，啖啖都係練奶香😋再講講奶茶💕基本上我日日都會飲奶茶😂一杯好嘅奶茶顏色一定係絲襪色吾會好深色茶味同淡奶係好均勻飲落係順滑又帶濃郁嘅茶香而呢杯奶茶深得我喜愛🥰

好耐無去過屯門，難得決定來這裡找一下朋友順便吃個早餐，於是左看右看就選定了這家看上去很街坊的大路上的冰室。叫了一個香煎牛扒潮流早餐，配黑松露炒蛋和奶油豬仔包，飲品是凍菜蜜，和一個吉烈魚柳，也是配黑松露炒蛋和奶油豬仔包，喝紅豆冰，再加了個公司三文治烘底，也是百來元，算是挺良心的價格。香煎牛扒牛扒煎得很香，肉挺軟，黑松露炒蛋也有很香的牛油味，配上黑松露挺有口感的。奶油豬仔包很脆，料和醬也挺足。凍菜蜜不錯，不會很甜，紅豆冰椰香味挺濃，紅豆挺有口感。總括而言，這冰室不錯，下次有機會再來屯門會來試試看晚餐的！

呢道嘅小菜超抵食，除左惹味川菜小炒之外，仲有大排檔風味小菜，我點咗3款小菜，每款份量好實在，價錢已經包埋飯，味道亦都夠鑊氣，同埋呢道仲有火鍋雞煲，野食應有盡有，唔怪得咁多街坊黎食😁 .辣子雞 $68雞件炸到連啲骨都卜卜脆，都好入味！又辣又香口，食到停唔到🤣不過好熱氣～咕嚕斑塊 $68份量多到好似食極都食唔完咁，魚塊唔會炸得乾，咕嚕汁甜甜酸酸，啱晒送飯帶子西蘭花 $88西蘭花軟硬度適中，蒜香味突出，再加上帶子有點鮮味😉檸檬利賓納 $18好懷舊嘅一款飲品，呀妹點嘅，試左一啖，甜酸開胃👍🏻懷舊紅豆冰$20 紅豆煮得好綿密，好怕啲煮唔綿密嘅紅豆，會令到成杯紅豆冰失色不少，呢道唔會，椰奶味亦夠香！必點～

上次食完之後覺得真心又抵又好食所以今次就帶爸爸去食啦今次第二次黎比起上次多咗好多人，3點幾出邊都要等位叫咗啲香甜柚子豬扒($68)，陣味有啲似咕嚕肉都有菠蘿青椒洋蔥伴碟但就有柚子同甜甜地，每舊豬扒都好大舊冇乜骨，推介～第二樣就叫咗西芹炒蝦球($88)望落去以為會冇乜味但啲西芹好爽口炒得好入味蝦頭都有好多舊，鍾意食菜嘅人首選！最後仲叫左黑松露蝦仁炒蛋($85)上次都係呢度試過佢黑松露嘅其他嘢食所以今次就試第二啲，佢個炒蛋有啲濕好多汁仲要好多黑松露重料，仲有好多蔥喺入邊等你爽口啲冇咁易飽小菜都會配有白飯埋單二百零蚊抵～

晨早流流黎講，一個靚既醒神早餐真係好緊要。今次試咗兩個公仔麵餐，再試埋佢個3.6牛乳黑松露炒蛋，再追加一個必食嘅芝士鹹牛肉蛋豬仔包🤩沙嗲牛肉公仔麵：牛肉夠足料，醬汁夠香濃，撈埋落去公仔麵做湯底一流😋豬膶公仔麵：早餐來講本身都以為唔會咁早有豬潤，呢度有已經有啲驚喜，豬膶食落去冇苦味，薄切爽口👍🏻👍🏻厚多士：多士已經係食完公仔麵之後先食，但仲keep到香脆, 唔錯豬仔包：唔會太甜，搽咗煉奶之後都唔會變到好林好，而且甜度啱啱好黑松露炒蛋：炒蛋標明用3.6牛乳，真係並非浪得虛明，入口好滑，又唔會出晒水。黑松露睇相都睇到，非常足料，啖啖炒蛋都有黑松露，黑松露迷必試芝士鹹牛肉蛋豬仔包：本來以為芝士配鹹牛肉會好漏好鹹，點知原來夾得啱啱好，切開一半而且拆咗牙籤，足料得來又唔會流晒啲餡，可見心思辣椒油：食公仔麵多數都會配辣椒油，呢隻辣椒油同出邊茶餐廳嘅有啲唔同，有少少川菜嘅風味，大家可以試下

一大早同女朋友去跑步做運動出哂成身汗，開始肚餓啦😂於是就跑到龍門居附近食個早餐，順便補番D體力.九點幾，仲有好多人係呢間冰室食早餐！分室內室外我地當然揀坐入面啦，可以歎下冷氣🤣·有三大類早餐，分別係懷舊，潮流同營養大部分都只係$30，非常抵食！.🔸鮮茄濃湯雞扒公仔麵 $40湯底係羅宋湯，有大量既鮮番茄同洋蔥味道酸酸甜甜仲有少少辣雞扒煎得好香口，而且大大塊肉質嫩滑又實肉跟餐送黑松露炒蛋同牛油豬仔包都好正👍先講炒蛋，金黃色既炒蛋約8成熟口感好柔軟又滑溜，入口係濃郁既蛋香味將黑松露醬同炒蛋攪勻，層次感大增至於豬仔包，我偏向中意甜D所以加多$2要埋煉奶豬仔包烘得好鬆脆加上表層既牛油同煉奶，真係香脆中帶點甜配上茶味濃郁既港式熱奶茶食完大滿足呀🤩.🔸沙爹牛肉公仔麵 $30沙爹味好香濃，有少少辣可以刺激食慾牛肉柳有約有十塊，份量足肉質嫩滑吾會韌跟餐送腸仔炒滑蛋同牛油多士炒蛋同樣都係滑劣劣腸仔煎成薄脆牛油多士就加左$2轉成豬仔包😂因為豬仔包真係太好味啦～以免我地爭食🤣凍檸茶茶味岩岩好，吾係會澀