雲桂川冰室 (已結業)

早排同朋友去咗屯門行街，由於朋友係住屯門嘅所以佢就推介左呢間佢平時成日都會去食嘅冰室食個靚靚下午茶，平時最留意嘅係冰室嘅環境同埋衛生情況，估唔到呢間冰室嘅環境都非常開揚，衛生情況良好店員亦都有禮貌，咁先可以食得開心又放心_下午茶時段有角色唔同嘅套餐我哋就叫咗炸雞翼配沙律， 炸雞翼非常香脆，唔會過鞋，沙律方面亦都非常清新，炎炎夏日下食返個靚沙津真係非常之爽。同朋友睇餐牌嘅時候發現原來依間冰室晚市都會提供雞煲、小菜等菜式，全部都好鬼死吸引，下次會同朋友嚟再試

約返以前嘅同學仔食飯，當然就離不開自己果區，去左佢屋企附近食。店仔細細，門面無乜特別，內裏裝修幾靚，唔睇店名都估唔到係食雲南四川野。不過叫得冰室，當然有返啲茶餐廳必有嘅茶餐食。西多士 - $22有人話去茶記冰室一定要食西多，好啦！西多士有夾花生醬，炸得幾靚，牛油都夠香， 新鮮滾熱辣出嚟又真係好好食嘅。椒鹽白飯魚 - $68啲白飯魚好大條，見到真係好開心，成碟好多好澎湃咁，炸得都好靚，脆漿上得都好均勻，亦都好肯落蒜蓉。回鍋肉 - $65睇得出佢好希望做返真正四川style嘅回鍋肉，話哂呢度都叫雲桂川丫嘛，肉片先走油，再同包菜一齊炒，而且好多肉片，份量好足兼好大片。總括黎講呢度算好抵食，份量多，價錢唔貴，性價比高！

個日同家姐去左龍門居食小食 但真係太熱 所以就唸住去間餐廳食個下午茶 消一消暑🤣水煮魚 $98水煮魚份量好多 每件都好大舊 不過太多骨 食得有啲麻煩 如果無咁多骨就超岩我呢啲懶人同唔識lur骨既人 唔會好辣 咸度都適中 唯一美中不足真係多骨左小小🤔 但味道真係唔錯😍椒鹽鮮魷 $80份量都好多 配左佢地自家製既酸甜喼汁 真係好惹味同開胃😚招牌雜錦米線 $55米線裏面有好多餸 有牛丸，牛肉，豬扒，雞中我翼等等。所以我覺得呢間啲野都好抵食 又平質素都ok 係偏遠左小小🤓北海道3.6牛乳 $18係牛乳配煉奶既味道 但唔會好甜 可以接受到 不過牛奶味唔重 但夏天飲一杯 真係超級消暑🤤凍檸茶 正常茶餐廳既檸茶

-良心街坊小店😍今日去探當區區議員，好多人推介這間小店😋♥《口水雞（半隻）》口水雞最重要入味❤️肉質新鮮，又嫩滑～麻辣比例恰當，夠辣🔥喜歡吃辣的不妨試試！！♥《椒鹽鮮魷+白飯魚》雙拼可以試兩種🥰材料新鮮，即叫即炸～炸粉剛好，不會過多💪🏻配上醬汁很惹味，不錯～♥《蝦醬炒通菜》每次都一定要吃菜🥬通菜新鮮，即叫即炒～蝦醬不算太多，可以更多😛♥小提示 Tips：這家小店之前曾經與當區富健花園區議員共同派口罩給街坊，所以值得我們大大力支持😘

一睇到雲桂川呢個名，以為係食米線🤣點知原來係冰室黎，雖然細細間，但食物款式多元化，除左一般冰室食到嘅常餐、小菜、家常菜、碟頭飯之外，仲有埋麻辣雞煲，川菜系列🤤🤤🤤◾️水煮牛肉 • $98水煮牛肉湯底食落左多種香料製成，無論麻辣味及鮮味都十足，牛肉醃過營造到比較滑嘅口感，湯底鋪滿芽菜索晒啲辣汁🤤送飯勁正😋係冰室都食到咁正宗嘅川菜😋◾️咕嚕雞球 • $68甜酸醬非常開胃，醬汁包裹住每一件雞球，雞球外脆內軟，必點嘅家常菜😋◾️乾炒豬扒炒公仔麵 • $38 公仔麵嘅麵質爽口有彈性，炒得夠鑊氣🤤但豬扒口感較結實。

因為有個客間公司係屯門，所以今日就入咗屯門。屯門呢頭好似都幾多好嘢食，之前都聽過龍門居有好多美食，但係一直都冇嚟過，今次第一次嚟就見到呢間冰室出邊好多人排隊似乎係超受歡迎，但係中午真係唔夠時間等位，所以一見完客我就即刻衝過去食個下午茶！四點幾嘅時候冇咩人，所以唔使等位，呢個時候嚟就啱啱好啦！我叫咗個沙律西多士，仲加多個瑤柱三色蒸水蛋，勁期待！個沙律西多士賣相真係好正，勁彩色，我冇諗過一個聽落咁頹嘅下午茶會係咁靚，仲有啲生菜墊住，成碟嘢都好靚好似個兒童餐咁色彩繽紛！呢個餐真係好抵，因為佢嘅份量真係好大，至於個西多士我都真係幾驚喜，因為佢入邊係查左啲花生醬，花生醬加埋牛油再加西多士呢個配搭就好惹味。至於個蒸水蛋真係超級驚喜！首先一個蒸水蛋嘅賣相咁靚已經加晒分，最驚喜嘅係佢嘅質感勁軟滑！拎嚟煲個白飯就一流！仲有佢上面嘅調味又係超正，瑤柱好足料，三色相信就係講緊有鹹蛋皮蛋同埋蒸水蛋，識落己有口感，總之呢一個蒸水蛋真係超高質！我一個人完全可以輕鬆食晒，因為真係會食到停唔到口！超有驚喜！估唔到一間冰室可以整到咁好味嘅嘢食。下次如果有客見要去屯門，我一定會再嚟！

因為朋友新居入伙，所以就嚟咗屯門，屯門真係人新路不熟，完全唔知有咩食，所以就梗係問吓我另一個住屯門嘅朋友啦！朋友話屯門龍門居呢頭有一間冰室超好味，係全區個個人都一定識，於是我就嚟咗雲貴川冰室朝聖啦！因為都幾肚餓所以我都叫咗好多嘢食，首先我叫咗一個滑蛋叉燒飯，然之後加杯凍奶茶。另外我仲叫咗一個花膠海鮮豆腐煲，因為個名聽落好吸引，有花膠食我又好鍾意。個滑蛋叉燒飯嚟到真係超級驚喜，個賣相真係勁吸引！你會見到佢好似紅黃綠咩色都有咁樣，又有光澤，份量又大，啲蛋睇落好滑咁樣，所以我都急不及待即刻食啦。食落真係好驚喜！因為呢單真係好呀，好似食緊蛋包飯咁樣！仲有佢嘅叉燒肥美，又唔會太過肥，總之就啱啱好，啲話蛋撈埋叉燒再加返咁樣食超好味！之後到花膠海鮮煲，到嗰時已經吱吱聲，完全係新鮮出爐嘅感覺！你會見到上面好足料，啲花膠有好多，承諾又係勁惹味！我覺得呢間冰室嘅調味真係超級好味！口味好夠重但係又唔會過分！呢個花膠煲嘅花膠口感再加埋啲汁真係不得了！食過返尋味！佢個煲仲有啲帶子、蝦、魷魚、炸豆腐，全部都好好味！果然係名不虛傳嘅雲貴川冰室！超好味！

今日去屯門試咗呢間雲桂川冰室😄👉🏻馬來炒貴刁因為係下午茶套餐，所以以為都唔係好大份，估唔到分量超足😳配菜種類非常多，有芽菜、蝦仁、火腿、肉絲、洋蔥同紅椒，同粿條一齊食口感非常豐富👍🏻👉🏻海鮮花膠豆腐煲入面有好多舊花膠，軟焾入味，岩曬想補身嘅朋友食🤓豆腐預先炸過，包裹住湯汁非常入味😋海鮮種類豐富，有帶子、蝦仁、魷魚等等，仲有菇、甘荀、芹菜、生菜等配菜，d汁又唔會太鹹，撈飯食一流呀，不知不覺就食曬一大碗飯（飯係免費架）🤣👉🏻香蔥沙薑雞一碟有足足有半隻雞🐔雞件新鮮唔鞋口。老細介紹上面d薑蓉係自家製人手剁，唔似坊間好多都係直接姜粉溝水，所以味道會更加濃郁👍🏻雞件點上鼓油再加少少薑蓉，雞嘅鮮甜味就更加出啦！👉🏻椒鹽鮮魷上枱仲係熱辣辣，應該係啱啱炸起😍炸粉唔會太厚，唔會掩蓋咗魷魚本身嘅口感，再配埋酸酸甜甜嘅汁一齊食，非常開胃唔會覺得油膩！

今日去屯門做野，天時暑熱又到食飯時間，之前聽人講呢間野食都唔錯，係出面都感覺到夠冷氣即衝入去啦入到去坐低都幾舒服，好肚餓，唔理三七廿一，睇下Menu先，好多都好吸引我就叫左個魚香茄子炆米，同埋加多件流心芝士火腿西多士，咁今日天氣咁熱，當然叫個紅豆冰啦，紅豆冰唔會過份太甜，同事就叫左個馬來炒貴刁，加多杯咸檸七個魚香茄子炆米唔會太油，平時真係好怕食到成口油咁而我最鍾意係個流心芝士火腿西多士，味道好好又唔會太乾，真係做到流心嘅效果試左同事個貴刁味道都唔錯。

間唔中都會去下龍門食嘢，事關真係好多嘢食雲集～不過之前就企係度食小食掃下街多，今次見朋友介紹呢間冰室就去一訪！本身假期去左同區一間精品咖啡店嘆咗陣啡，嘆完就前往呢間冰室食個下午茶充實下我地嘅假日。望出去見到屯門嘅山景都幾舒服～呢度嘅食物種類都幾多，有小菜又有多士、炒麵、湯米線等等，任君選擇。我地就揀咗個冰室必食嘅炸髀配沙律。炸雞髀外層幾脆都幾厚肉嘅，沙律份量幾多。朋友點嘅更邪惡，係乾炒豬扒公仔麵，公仔麵保持到少許彈口嘅口感，唔會過腍！豬扒份量都唔少，食落唔乾，仲帶點水份～朋友話佢唔會醃到好軟腍，幾剛好嘅質感。呢個下午茶收貨啦！最後我地仲嚟多個小點心—西多士。面頭融化緊嘅牛油令人垂涎三尺，係脂肪呼喚緊我啊～中間夾層嘅花生醬都唔輕手，夠止癮～而我最愛就係西多士啲邊位，食落更香口！唔少得消暑嘅凍檸賓同咸檸七～

冰室。可以話係男人嘅天堂😂款式多，價錢平，真係無敵😈龍門居呢間冰室，近期係我經常流連嘅地方交通便利，食完就可以去搭叮叮平民價錢，合理價錢，份量又多.🔸餐牌款式指數：🌕🌕🌕🌕兩點幾到達，正值下午茶時間多達三十款嘅下午餐set，由$22-$38之間不得真係超級抵食！.🔸乾炒豬扒公仔麵 $38美味指數：🌕🌕🌕🌕🌖有兩包公仔麵嘅份量用韭菜，洋蔥，椰菜去炒夠哂鑊氣之餘，仲香氣十足添👍公仔麵炒至乾身，油份吾多～豬扒油炸至金黃色，金香酥脆外脆內嫩，吾乾吾柴，肉味重但毫毛豬臊味隨餐附送凍檸茶大大一杯，三片檸檬，一飲超解渴😋.🔸炸雞翼配沙律 $30美味指數：🌕🌕🌕🌕雞翼炸得好香脆，皮脆肉嫩沙律以薯仔，紅蘿蔔，青瓜等配上沙律醬所組成吾想食得heavy，呢一set 係吾錯嘅選擇！飲品嗌左凍奶茶入口係濃郁嘅茶香，吾會澀淡奶同茶配合得好好，仲吾會好甜～.🔸椒鹽鮮魷拼豆腐 $85美味指數：🌕🌕🌕🌕🌕椒鹽系列，係我同女朋友嘅至愛共有五款，如果好似我地咁貪心可以考慮雙拼，一次過食兩款，大滿足外貌黎講，比中多冰室更出色成座小山咁高，堆滿鮮魷同豆腐再灑上大量嘅蒜粒，蒜香十足椒鹽豆腐，酥脆口感配上豆腐嘅軟嫩，正椒鹽鮮鮑，外

最近少咗好多出街，食唔到酸菜魚，喺屋企附近嘅餐廳見到有水煮魚都已經令我流晒口水。水煮魚大大份，唔會剩係得魚尾位，仲有魚腩食！多魚少配菜，$98真係抵。辣仲可以叫小辣，就算唔食得辣嘅朋友都冇問題😆特別叫咗個蜜糖欖角骨$68。呢個小菜平時都好少叫，炸香左嘅排骨加入欖角快炒，利用鑊嘅餘溫，落蜜糖，撈勻。小菜以蜜糖的甜味為主，令人食完一粒又想食多粒，完全上癮呀🥰近排少出街，個個都係屋企變廚神。所以而家出街吃飯，都會選擇一啲自己在家唔會煮嘅。椒鹽鮮魷就變成我的選擇，始終在家唔容易做出鑊氣，又會整到屋企好大油煙，處理魷魚都幾麻煩🙈。另外再每人一杯凍檸茶加一碗白飯，買單都唔洗三百，而且位置超方便，最啱落車即買兩三個小菜回家慢慢吃。總括:10個👍🏻

上次去雲桂川冰室食過下午茶覺得唔錯，佢嘅流心西多士實在令人回味！今次就同屋企人食返個early dinner，亦都無令人失望。首先叫左份蜜糖欖角骨。出街食欖角骨，通常都係骨多過肉，不過呢度都係啖啖肉，食落蜜糖味同鹹香交錯，餸飯真係一流。另一碟係椒鹽鮮魷，呢度煮得好夠穫氣，上枱時熱辣辣，每一條都係好酥脆，但又唔會覺得炸粉漿太厚。味道剛好，係一貫嘅椒鹽風味，唔會太鹹。呢味餸喺控制火喉、烹調技巧上都唔係一般喺屋企可以輕易做到，喺茶餐廳食嘅真係比較滋味！嚟到重頭戲，就係水煮魚！！！！呢排日日都喺屋企，莫講話上深圳，連過海都無，所以喺呢度搵到水煮魚真係幾感動！雖然睇落紅卜卜，不過其實我地係點咗少辣。辣度我覺得唔錯，食到脷麻麻，但又唔係好辛苦。聞起上黎香噴噴，魚肉塊食落都仲好juicy、好嫩滑，鍾意水煮魚的話就會食到停唔到口，已經諗緊下個weekend再嚟幫襯，挑戰一下中辣先🤤

🌶️🌶️🌶️「為了美食可以去到幾盡！」不枉費我跋山涉水，路途遙遠，歷時三個小時，就為了吃上一餐地道的家常川菜。香港境內的短途旅行🤣🤣🤣😋真是羨慕住在附近的朋友們，可以吃到物美價廉，性價比超高的美食！.水煮牛肉$98肉質鮮嫩，水煮的湯料鮮美，特別是地道的麻辣味，就算是在成都本地，也算是上等的調味！配上香甜的米飯🍚真是樂不思蜀！.乾煸四季豆$65我的最愛，小時候就喜歡吃，乾煸的香味，特別考驗廚師的火候控制，技術高超的師傅，做出來的四季豆外皮微微蕉著，但是內心仍然保持新鮮蔬脆，配上乾辣椒的香味還有肉碎的鮮美，令人回味無窮∞.瑤柱三色蒸水蛋$78外婆👵的拿手好菜，外婆的廚藝是全世界最棒的，養育了一大家子人，也代代延續。這裏的蒸水蛋跟我外婆做的不相上下！雞蛋鮮嫩，還加入了瑤柱，皮蛋和鹹蛋調味，又增添了許多口感！.菠蘿🍍冰🧊$20吃了辣的食物，來一點清爽的菠蘿冰🧊酸酸甜甜就是我❤️...雲桂川冰室 (屯門)屯門龍門路45號富健花園地下15號舖

店子小小 五臟俱全👭兩人下午茶兩個沒有吃早餐的女生，餓著去找東西吃，在屯門的一個地方，店子小小卻有很多選擇，經濟環境又舒服！我們想了很久，因為實在太多美食了，哈哈💁‍♀我倆叫了以下食物。。魚香茄子炆米：比較多汁的炆米，味道很好，多配料，能提升食物的香味，不會太乾下午茶炸雞翼沙律：薄脆肉多汁，配以沙律，不油膩剁椒蒸魚雲：很岀色、很入味，不太辣，魚滑新鮮……送飯一流自選雙拼(椒鹽鮮魷+椒鹽豆腐)：粗大的鮮魷配以不太厚的脆漿，鬆脆！豆腐滑！更灑了炸蒜在面，更香脆在附近住的街坊落樓就有得吃了，真方便！還有雞煲食，下次來要試了😋😋