雲家小鍋米線 (328廣場)

營業中

休息中

今日行過荃灣沙咀道 想簡單食個晚餐🤡入左呢間米線店 係聖方濟中學對面！抗疫期間樓面姐姐都好好咁帶返口罩😷！餐牌好簡單 易睇！我叫左碗撈米線 配豬頸肉 金菇 蟹籽丸 豬膶（貪心！😆)好鍾意撈米線既酸菜！好開胃🤩米線好大碗 我鍾意佢唔太濃味 醬係放係碗麵既一邊 自己食幾多落幾多😆另外朋友叫左碗湯薯粉 小辣😈小辣湯底幾入味😆薯粉口感好好！小食加左蒜泥白肉！呢到既蒜泥白肉同譚仔口感唔一樣的🤡但蒜味都好足！食完一齊鬥口臭🤣見到人地食串燒好吸引 不過今日食唔落喇😛下次再試😈飲品叫左鮮豆漿 同咸檸七🥰夠曬地道🤩

平時喜歡四圍搵食嘅我，今日就比我搵到間唔錯嘅雲南口味嘅米線店，位置唔難搵，因行完中南文具，過了對面馬路行就見到，地方唔算太大，座位有兩旁嘅位置，同中間餐枱位置可以選擇！這裡主打米線，咁當然要個米線，選擇配搭多，望了一陣後點了牛腩小鍋米線，當然要加餸，兩款軟淋入味嘅蘿蔔同啖啖肉嘅雲吞，米線大碗之餘湯底味道濃郁，辣度酸味十分配合，牛腩十分軟熟，肉質夠晒軟淋肥美！小食點了個涼拌墨魚頭，大大份嘅墨魚頭入口煙韌彈牙十分有口感，再加埋金蒜粒入口，真係停不了！而炸雞翼都係一個唔錯嘅選擇，4隻一份，咬開香脆可口嘅外面就係充滿肉汁嘅嫩滑雞肉，點少少酸辣汁入口十分好味！朋友的點加通菜，店員細心跟埋腐乳醬，呢個真係十分細心服務！而個手拍青瓜，上面放滿了香蒜，入口青爽，加埋個酸汁十分醒神開胃！加埋支冰凍嘅豆漿，完全可以將米線嘅辣度降低😂，今晚十分滿足！

作為一個荃葵友確係幾幸福㗎💓周圍都有好嘢食😋多得嚟仲要好食真係難得😻😻今次嚟到細個成日蒲開既沙咀道帶大家去一間隱世米線小店搵食🤤·作為唔係特別好食米線既我嚟講要我食我曬一碗米線真係幾難 除非佢好好食啦😄米線最怕就係煮得太腍同太硬(我真係好難服侍😂)哩間小店既小窩米線份量好多 口感係我鐘意嗰種☺叫左少辣味道剛剛好 味道開胃又惹味👍配料方面特別推介 魚肉春卷及墨魚頭🦑魚肉春卷炸得外脆內軟 仲有3塊咁多完全滿足到我💓而墨魚頭喺米線店十分罕見 估唔到哩度居然食得到🤩墨魚頭口感十分爽口 咬落煙煙韌韌 好喜歡呢😋.小食都幾多選擇 仲要款款都大大碟以三十幾蚊既價錢嚟講算係好抵食啦！仲要凡惠顧一碗米線 加$6-8就可以配一款冷熱飲品🍹🍵.🙋🏻‍♀️作為米線控既你 都一定要去試下啦~

在荃灣，想吃米線，走到位於沙咀道的雲家小鍋米線開餐。米線有各種配好的選擇，也可按個人口味再加餸。另外還有特色小食和串燒哩。這是魚肉春卷米線。主角是魚肉春卷，口感實在，如果份量多些則更好。米線細滑彈牙，有夠可口。配料有芽菜、酸菜、韭菜、蔥和芫茜，侍應有主動詢問有否需要減掉配料，但我全都ok，所以沒有剔走任何配料。加在一起，味道挺濃的，要有心理準備吧。特色小食是秘製豬頸肉，外脆內軟，醬汁微微帶辣，零舍滋味。飲品是咸檸七，甜甜酸酸的味道，若和酸辣米線配搭享用，定當加倍滋味。

發覺荃灣真係有好多食米線嘅餐廳，但係好食嘅又真係唔多，前排嚟咗呢間雲家小窩米線度食，入到去嘅裝修都唔差，坐低咗之後睇Menu都係同其他米線嘅Menu差唔多，我就叫咗麻辣中辣小窩米線，餸菜就揀咗豬紅，蘿蔔，金菇，豬大腸，而老公就叫咗酸辣小辣小窩米線，餸菜就揀咗豆卜，雞翼尖，牛肉，另外我哋都有嗌左啲小食，有涼拌皮蛋，同埋串燒牛肉，米線好快就黎到，一上枱聞到勁香麻辣味，即刻流晒口水🤪🤪🤪我叫嘅麻辣中辣度唔算好勁，但係略嫌麻辣味唔夠重，豬紅同埋豬大腸都有時先經過烹調，所以比較入味，老公嘅酸辣小辣就多咗酸味，但湯底感覺都比較似，雞翼尖好重滷水味，亦都大大隻，小食嘅話涼拌皮蛋尚算可以，因為皮蛋唔夠林身，唔知係咪因為佢呢隻皮蛋同平時我哋食到黑色嘅皮蛋有分別，我自己就食唔慣比較挺身嘅皮蛋，但係個牛肉串燒真係好好味，燒得好香口肉身好林，呢個不得不讚👍🏻👍🏻👍🏻

荃灣一向多米線選擇, 位於沙咀道這間小鍋米線, 舖頭內裝修簡潔, 而且最緊要是米線大大碗得來又抵食. 除了米線外, 亦有其他款式的小食, 亦有串燒可以選擇. 這次點了這款唔辣的雲家米線（$54）~ 真係大碗到不得了, 而且配料極多, 有雞翼, 魚肉春卷, 冬菇, 腐竹, 紅腸, 雞絲等, 的確好抵食. 另外當然叫了小鍋紅薯粉, 再另加幾樣自己喜歡的餸作配搭, 湯底酸酸辣辣的好開胃.小食推介可試涼拌墨魚頭, ($42), 很開胃很惹味的小食. ♥️餐廳 : 😎地址 : 荃灣沙咀道328號328廣場地下G01舖

今晚放工，唔想食太heavy , 就去左搵米線食。米線有好多地方都有，今次我地食呢間，都幾正，有埋小食同串燒👍🏻我地分別點左一個豬排米線同埋小鍋紅薯粉。我鍾意佢地湯底比較自由，可以只要酸，吾要辣，出面好多都無得分開👍🏻米線吾會太淋，薯粉有咬口，不錯的選擇。小食方面，我地叫左牛肉串燒，麻辣鴨腎同埋口水雞，值得一讚既係佢地個麻辣，吾會太辣，但真係有麻既感覺，吾錯吾錯。口水雞吾會骨多過肉，有雞肉味👍🏻鴨腎吾會太硬，用黎餸米線👍🏻牛肉串燒表面有很多味粉，味道非常濃，牛肉肉質新鮮，沒有太硬咬吾爛既感覺，串燒都做得幾好飲品方面，佢地有我細個好鍾意飲既鹹檸七，當然要飲啦，飲完個喉嚨順晒，又幾解辣。大家鍾意食米線既話，都可以試一試呢間😉

💁🏻‍♀️ 雲家小鍋米線 (荃灣 🍴-系荃灣搵到一間大件夾抵食既米線店, 兩個人夾埋200蚊都唔洗食到勁飽, 夠曬平民啊重慶酸辣粉 - 豬紅﹑墨魚頭﹑豬頸肉 ($62) +  腩肉炸醬燕皮肉餃小鍋米線 ($53)超! 級! 大! 碗! 無論小鍋米線同酸辣粉都好大份, 而且有好多配料選擇, 份量又夠多! 個湯底好惹味, 豬紅﹑豬頸肉都好入味, 薯粉夠彈牙, 米線就唔會煮到太硬, 另外呢到既墨魚頭都係招牌菜, 勁足料, 食落好爽口, 推薦! 來呢到食米線記得叫墨魚頭啊~~ 烤雞中翼 ($28)雞翼唔會炸到太燶太油, size 都幾大隻, 加埋秘製醬料食好惹味, 食左碗米線再食埋呢個真係超級飽 lol/📍 雲家小鍋米線 (荃灣)#荃灣 沙咀道328號328廣場地下G01舖#小丸子搵食記 #小丸子荃灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #香港拉麵

荃灣真的是美食天堂！同朋友在荃灣行完街，隨機地到這間小鍋米線店，吃了很美味 又 大碗的米線，大滿足ヽ(｡･ω･｡)ﾉ朋友每樣餸都想嘗試一下，又選擇困難下🤣選擇了雲家米線，有12款配料很大的一碗，一上菜已感到很美味😍腐竹吸取了湯底的精華，滑滑又美味(´∇｀) 冬菇很厚身香口👍🏻還有大大的雞翼，味道很像滷水雞翼😋最喜歡是螺旋草！第一次吃十分驚喜有點像海帶，很爽口健康的感覺，還有芽菜、酸菜等的配料，份量十足！ 米線掛湯力強😋😋另一碗是 小鍋紅薯粉(≧◡≦)薯粉彈牙有口感 ，而且吸了湯的味道😋湯底好濃郁，食得好滋味配料加了豬軟骨跟腩肉，又是超足料的！豬軟骨好香口，腩肉肥瘦均勻。貪吃的我們還加了 口水雞 和 必吃的 涼拌墨魚頭😍口水雞辣度調味適中，而且雞件十分滑身，配上雲家秘整的辣味，超正的！而涼拌墨魚頭是一定要試試呀用了蒜蓉作涼拌，很香口，墨魚頭彈牙爽口，很新鮮的感覺，跟小鍋米線一起吃，很夾！雲家 是荃灣優惠又美味，份量超大的米線店！喜歡吃米線要來試試看(▰╹◡╹▰)

真係好耐無食米線啦😋·🍜重慶酸辣粉 + 腩肉 + 魚肉春卷 + 韮菜 ($51) 點選小辣🌶色澤吸引😍薯粉有咬口～魚肉春卷彈牙不錯🥰最愛配韮菜 ，吸哂酸辣湯底😍正正·🍜豬扒小鍋米線 + 豬潤 + 金錢肚 ($61) 豬扒分開送上👌🏻唔怕浸係湯變到淋哂🥰唔辣湯底清淡.味道唔會過咸👍🏻·🐙涼拌墨魚頭 ($42) 淡淡蒜香味🧄墨魚頭爽口彈牙🥰·🐔口水雞 ($40) 份量好多～辣度愈食愈出👍🏻·📍雲家小鍋米線荃灣沙咀道328號328廣場地下G01號鋪

豬頸肉+豬紅+蘿蔔酸辣小鍋米線($56)除左小鍋米線，仲有涼拌或熱拌可以揀。湯底有麻辣、酸辣2款可以揀，酸辣可選大、中、小、小小、微辣，味道濃郁帶酸，質地唔會太稠，又唔會死辣。餸料多達40款選擇，例如腩肉、豬軟骨、冬菇、魚肉春卷、豬潤、雞翼尖等。整體份量好足料，碗面鋪滿肉碎、芽菜、韮菜，米線口感滑溜。另外，小食選擇都好多，有串燒、手拍青瓜、口水雞⋯⋯我地點左2款，蒜泥白肉($39)、炸雞中翼($28/4隻)。

今日同朋友係荃灣買整蛋糕既材料，突然傾開諗起好耐冇食過米線，上網搜尋到一間係我地附近既米線店，去到時候咁岩係食飯時間，不過都係等左一陣就有位，好快店員就招呼左我地入去，天氣咁熱即時諗都唔諗就「涼伴米線」做底，我就加左蟹子丸同金菇，朋友就加左蘿蔔，D米線口感幾好，整體味道唔錯，另外叫左幾款小食，「醬伴皮蛋」，黎到既時候覺得透明得好靚，食落時比平時d皮蛋煙韌小小，我鍾意。個「炸雞中翼」好香脆，朋友係咁叫我快d試快d試。「蒜泥白肉」係3個小食入面最好食個個，蒜蓉味好夠，d肉入哂味，首選推介！！！

今日收工後準備喺附近食一啲Hea餐 麻辣米線就係我嘅首選🤣 肥牛米線 麻辣中辣呢啲傳統正宗嘅雲南麻辣米線嘅湯底係用豬骨 長時間煲出嚟嘅 (最驚食到嗰啲淡茂茂嗰啲) 湯底已經有麻辣肉碎 芫荽蔥 芽菜酸菜 真心覺得呢啲係必不可少嘅 米線份量都幾足 湯底好正❤️ 燒韭菜 四季豆必嗌必嗌必嗌！竟然係一間米線譜度食到燒烤😻 仲要係我最鍾意嘅燒韭菜😻 大辣唔該 蒜泥白肉 呢度嘅白肉落足蒜蓉😂 食每一舊肉都比滿滿嘅蒜蓉包圍❤️❤️👍🏻👍🏻👍🏻 白肉肥瘦相間 好薄 惹味😻炸春卷皮薄料足 理想中嘅春卷款🤤 點少少醋 正👍🏻👍🏻 拍青瓜雖然份量好足 但個人覺得 好似葉得唔夠耐 所以啲味入唔到青瓜度 可能因為我係重口味🥶🥶

我同老公 除左鍾意食拉麵，都好鍾意食米線㗎。講到食米線，就緊係去荃灣啦！荃灣大大小小的米線，我地差不多都食過，想推介一下的就第一次啦這間雲家小窩米線，一睇餐牌，好多選擇未食都覺得開胃+開心，因為有得揀就係自由我地一人一大碗小窩米線，仲叫左兩個小食，勁開胃老公要魚肉春卷小窩米線加豬大腸我要雞絲螺旋藻小窩米線加金菇必食小食涼拌墨魚頭仲有蒜泥白肉咁多野食，我地竟然食晒點解？因為好食囉。如果唔好食，就算肚餓都唔想食啦

520同🤴🏻去左佢好鍾意食的米線鋪，呢間都開左好耐啦，眼見佢周邊的食肆店舖都換左好多手仲依然屹立不倒就知佢好受歡迎👏🏻其實佢個湯底同某米線鋪‘雲X香’好似，但比‘雲桂X’濃味、足料好多。今晚入去時座位八成滿，🤴🏻OT完特別肚餓叫左4個餸仲要麵加底，其中有豬軟骨特別淋，軟骨可以一咬即開😆好入味。我個碗就有豬扒及魚肉春卷，豬扒乾左少少😥不得不讚👍🏻個小食‘炸春卷’用網紋皮炸得好香口外脆內軟，記得上枱時要趁熱食😆😆P.S 祝Mr Pal 身體健康，早日出院！