雲家小鍋米線 (328廣場)

營業中

休息中

識我既人都知我中意食米線😋仲要係雲南果隻今次同屋企人去左呢間雲家小鍋米線好有自家小店既風味 米線既湯底濃郁 好正‼️加埋紫菜浸左湯一齊食真係不得了米線不會太淋太硬 份量十足 好似加左底咁 大食仔一定夠飽🐂肥牛薄切得黎每塊都好大 啖啖肉.小食之中 豬頸肉最得我歡心 燒好後切片 外脆內軟點埋酸辣醬食一流🤤雞翼都係新鮮炸起 脆卜卜 唔會太乾身 加埋落米線度食 應該無人抗拒到❤️.配返杯凍檸茶 解膩又消暑。呢餐貼地又好味 好滿意呀

一間即叫即煮的米線，本人早前訂了外賣自取，由於早到5分鐘同老闆娘講叫了外賣，老闆娘說得等陣即煮，吾似某些店舖在取外賣前5至10分鐘己整好放係到等你取，店舖米線彈牙酸辣湯底夠味，配料夠多價錢合理，貼士外賣或堂食小食墨魚叫老闆娘比多份汁

鍾意食米線嘅唔好錯過呢間荃灣米線小店，長期都好多人幫襯，仲有好多外賣添！餐牌其實選擇都多，有啲眼花撩亂， 我哋唔算非常肚餓，純粹想過吓口癮，就揀啲酸辣嘅嘢食同埋一啲小吃。重慶酸辣粉酸辣$28 加 豬耳$8 +生菜$6 +$6 雲耳本身酸辣粉有花生，鹹菜，榨菜，蔥，芫荽，醋 佢個酸辣粉口味係比較酸味重少少，味道都可以，我通常就會加翻幾款比較係合適嘅食品，味道都比較夾，酸辣粉就比較軟身。醬拌皮蛋$22呢個皮蛋好得意，你見到佢個顏色都靚，醬味好特別，好值得可以試吓！蒜泥白肉$39 超豐富嘅蒜蓉，而且白肉都好大塊，肉質不錯。都叫一款燒烤款韭菜$10好香，好香，好香！燒烤好香，好食要講三次❤️凍檸茶$12 x 2（跟餐加$7）

本人其實是一位米線控，兩三天就會想吃米線，今日在荃灣途經這間米線舖，又有點餓，理所當然要試一試。叫了招牌小窩米線，我選了比較少見的螺旋草作配菜，再加幾款小食和朋友分享。米線大大碗，很多螺旋草，選了酸小辣，對得剛剛好。小食點了招牌墨魚頭、豬頸肉和皮蛋。三款小食都是意想不到的驚喜，墨魚頭很爽滑，辣辣的很開胃。個人最愛是豬頸肉，外皮煎得香脆，肉質爽滑多汁，配泰式甜酸醬真是一流！皮蛋是流心的，挺特別。下午茶還會送飲品。

黎左荃灣拎貨，順便又搵下野食，記得呢頭有間米線幾好食，今日就食佢先。黎左呢間雲家米線，佢地點雖然寫係328廣場，但其實係側邊條路入，唔熟呢頭都唔易搵㗎。先來一杯凍檸茶，天氣咁熱飲凍飲特別舒服，茶底好香好飲呀。米線要了豬脷，大腸，螺旋草麻辣小鍋米線，辣度只要了小小辣。湯底鹹鮮，小麻小辣好啱口味，飲左好多口都唔覺口渴。米線爽口，軟硬適中不錯吃。豬脷滷得入味鹹中帶甜，份量好大方呢，有好幾十條，好似食極都有咁。大腸同樣滷得入味，煙煙韌韌有咬口，處理得乾淨無異味，好食。仲要左螺旋草，一啲類似海帶嘅野，太多肉嘛總要返啲綠色植物，呢個螺旋草爽爽的，吸了湯好好味。另外仲點左蒜泥白肉，咦～呢度白肉係即整㗎喎，上枱仲係熱辣辣的。蒜超多超香口呀，淨係呢啲生蒜都可以送到幾碗白飯，正啊～白肉爽口不肥膩，吸了蒜香勁好味，不過今日點得太多食唔晒，包走留第日食先。好好食嘅米線，勁鍾意佢個麻辣湯。

雲家小鍋米線今日同朋友去荃灣食出名親民價錢好大碗的米線午餐😍仲有麻辣小食介紹麻辣寶寶注意要關注了❣️酸辣粉$48-60我就叫左牛肉豬軟骨豆卜酸辣粉☺️你睇下嘩嘩嘩～超大碗要同人朋友一齊食🤩招牌小食又點可以少口水雞丶麻辣金錢肚丶炸雞中翼😝口水雞$40這個價錢來講好貼地❤️而且好厚肉味道感覺好香好辣一般我們吃辣聞到嘅時候是香吾夠辣但這個係好正味道試過就知......想再食😍麻辣金錢肚＄43這個私心推介我係麻辣控吃完口水雞之後這個更鍾意😍老闆為了麻辣小食改了配方味道更重吃完一片又一片🤭炸雞翼$28 （4隻）炸雞翼X泰式辣醬好配🤩皮好脆不知道為什麼吃米線一定要點真係一種雞翼的吸引力🤤 地址: 雲家小鍋米線荃灣沙咀道328號寶石大廈地下G01舖最高分爲（5／5）味道：⭐️⭐️⭐️⭐️⭐️環境:⭐️⭐️⭐️⭐️價錢:⭐️⭐️⭐️⭐️⭐️服務:⭐️⭐️⭐️⭐️⭐️推薦星數：⭐️⭐️⭐️⭐️⭐️

今日兩點都仲未食午餐，好肚餓，經過呢間餐廳嘅時候見到裏邊仍有不少客人，咁嘅時間仲咁多人捧場應該好食啩，咁就入去試吓。叫咗$40嘅「牛腩小窩米線」，另外再加餸，每款$7至$13，我揀咗：豬紅、豬肚、雞翼、金錢肚，我今日想食「口水雞」，所以加咗一個$40嘅「口水雞」。牛腩米線好快嚟到，面頭有大量芫荽同香蔥，我鍾意😋。小辣嘅湯底裏邊配有肉碎、菜脯，連埋啲芫荽同香蔥一齊食米線，非常惹味。我加嘅配料都好好食，其中金錢肚味道濃郁，有咬頭牛味；豬肚就非常煙韌，醃得入味；我一啖牛肚一啖豬肚咁樣食，感覺有趣。牛腩就煮得好腍，帶少少肥好香；豬紅就好滑好入味。「口水雞」少少麻少少辣，連埋啲脆卜卜嘅花生一齊食，非常香口。杯鹹檸七都好好飲，有半個大大隻嘅鹹檸檬喺裏面。食完超飽，大滿足😋

雲南米線一直係自己嘅favor, 今日出左黎荃灣近沙咀道做嘢，lunch time準備食飯就比我發現到呢間米線小店，見到都幾多人幫襯架，門口仲排晒隊等外賣，所以一於入黎試下我就揀左最鐘意既小鍋米線，非常足料湯底本身已經有芽菜，酸菜，韭菜，蔥，芫茜，仲有豬肉碎，辣度都係可以自由選擇既，我就揀左小辣，本身對於我唔係太食得辣既人黎講就覺得岩岩好，而餸菜方面我揀左腩肉，雲吞，肥牛。。不得不提個腩肉真係好正，肥瘦均勻而且整得好入味除左米線之外，呢到竟然仲有串燒食，我當然要試下啦，我就揀左雞軟骨同埋蒜心，估唔到幾有驚喜wo, 同專業既串燒店出品有得fight, 而且價錢仲幾抵食最後我仲叫左碟口水雞，一睇到雞上面既醬料已經覺得好惹味，而家雞肉好滑。啖啖肉，都幾值得推介

以前成日經過呢條街去食麻辣串串香個粉絲❤️自從佢轉左手~唔再係岩我口味既粉絲之後我又要再揾個新既精神寄托😩💟💟💟💟💟💟💟💟食左一次雲家小鍋米線佢就係我新寵啦😂🥕淨雲吞 $38脹卜卜既雲舌 食落好足料😋但始於都比唔上佢地主打既米線咁吸引🥕豬頸肉小鍋米線 $42+墨魚頭 $13+金菇 $7+腩肉 $9米線既配菜選擇勁多😀 上到黎勁大碗勁足料酸辣既湯底勁開胃😚 係地道既辣味😍豬頸肉係燒過 唔係用湯浸住上~ 好香口  黑魚頭都好新鮮😋 爽口彈牙腩肉係鹵過 有少少辣😍配埋米線食真係一流🥳🥕串燒- 牛 $32上邊鋪滿孜然粉~ 一上枱我就即刻打哈切啦😂牛肉都幾新鮮 仲要好有咬口 一啲都唔韌加埋啲味粉食落好香口 無燒過龍😚 所以仲好juicy 🥕金錢肚 $43除左本身己經入味既金錢肚之外食落有濃濃既蒜香味😍 唔知老細點撈出黎 食過咁多間米線係得佢既小食咁特別點埋個辣油就仲惹味🥕咸檸七 $10...一路打食評又好想食😂..

荃灣出名食米線平時喺路德圍幫襯開今日行過寶石大廈，原來有間米線十有間米線人店，入去try try~肥牛小窩米線～小辣肥牛超足料，米線偏林身～配菜足～芽菜、酸菜、韭菜、芫荽、蔥～我鍾意配菜全上！湯底唔錯！$40一大碗米線，幾抵食！蒜泥白肉白肉薄切，層層疊咁，蒜泥拌辣油鋪面～麻辣鴨腎雖然係麻辣，唔會太辣～好滋味～ 有口感涼拌雲耳都係以蒜蓉拌雲耳，唔錯嘅涼菜～好爽口～食唔停呢餐好飽足，涷檸檬茶一定係唔少得！

腩肉冬菇小鍋米線 $43腩肉份量都算多😨，但佢哋既腩肉係細細塊有少少似豬頸肉既size 都好容易咬開👍🏻 冬菇都幾大舊 吸曬湯汁既味道😍。 今次湯底叫左麻辣小辣 都唔算太辣 麻味都唔太重 下次可以再叫辣啲。🤔米線都彈牙既🤓豬軟骨魚肉春卷小鍋紅薯粉 $46豬軟骨已經炆到好淋，魚肉春卷就一般般 無乜魚肉味 如果魚肉味重啲同彈牙啲會更加好食😋 個湯底同上一碗一樣😂 紅薯粉比較煙韌🤪涼拌墨魚頭 $42墨魚頭份量都唔少而且非常彈牙爽脆 醬汁有少少酸而且面頭有少少炸過既蒜頭粒 雖然食完成口蒜頭味但都惹味 😋韭菜串燒x2 $20雞軟骨串燒 $16佢地既串燒都幾好食，有少少似係大陸食既串燒咁好惹味亦好重味 雖然唔太健康 但真係好有火燒串燒既味道🤣🤣價錢都唔貴郊外油菜（芥蘭） $13

早幾日去開荃灣想食米線，上網見到呢一間雲家小窩米線好似好好食就去試吓啦。去到之後見到佢鋪面都好大，亦都唔太難搵。我哋去到嗰陣時都坐滿左七八成人，雖則佢樓面就比較少人，但係服務都好快手好有效率咁。我哋坐低睇餐牌就見到佢主要有小窩米線同埋好多款唔同嘅配料，有串燒，小食，飲品等等。我哋叫咗兩碗小窩米線，分別係春卷墨魚丸雲吞麻辣少少辣米線同埋肥牛蟹子丸同埋魚腐麻辣小辣米線。另外我哋仲加咗一個麻辣金錢肚同埋一個芥蘭油菜。飲品方面就叫咗一個檸檬七喜同埋一個檸檬菜蜜特飲。好快嗰個米線就上台，嗰兩碗米線都好大碗份量好足，而且仲有其他配料，好似芽菜韭菜酸菜肉碎等等。呢個可以隨你個人喜好去選擇要唔要，但係我覺得要咗食係特別好食嘅！而啲米線煮出嚟嗰個質地唔會太軟身，食落去都可以食到滑溜溜嘅感覺，再加埋嗰個湯底真係冇得彈。另外個金錢肚小食呢，佢麻辣就勁啲嘅，但係佢個份量好足夠，亦都好香口。如果大家都鍾意食金錢肚嘅我覺得可以一試。另外個油菜都要特別一讚，煮完都仲好翠綠色，亦都唔會煮得太過軟熟，食落去啱啱好。咁飲品就大大杯，好抵飲。食咁多埋單都唔使$200，我都好推薦大家嚟食㗎！

米線，係近年人氣好旺盛即使過左3年，人氣一直未減😂有時諗吾到食咩，最後都會揀食米線！.荃灣呢間新發現嘅雲南米線價錢吾貴，份量又多，值得一讚👍.🔸腩肉炸醬小鍋米線+蘿蔔+豬皮美味指數：🌕🌕🌕🌕🌕食過好多家嘅雲南米線就屬呢間嘅腩肉最正😈肥瘦比例以「瘦」偏多肉味濃郁，不帶半點豬臊味，肉質幼滑帶嚼勁！豬皮好似海綿咁，盡吸湯汁💕食落Juicy又有爽脆口感呢🥰蘿蔔煮得夠腍，鬆軟又帶微甜～米線份量夠多，如果你係好「細肚」建議嗌少米線🤣配料有大量嘅芽菜，韭菜，莞茜等.🔸酸辣小鍋米線+雞絲+雲吞+滷水蛋美味指數：🌕🌕🌕🌕🌗酸辣湯底，既惹味又開胃🥳雞絲切得好幼身，入口鬆軟又嫩滑最重要係份量好多😂雲吞係白菜豬肉，啖啖肉😎滷水蛋口感彈牙，吾會好硬身，滷水味突出😋.🔸炸雞中翼美味指數：🌕🌕🌕🌕雞翼炸得不錯！外皮脆，但仍有肉汁食落吾會有雞臊味～.🔸串燒四季豆。雞肉美味指數：🌕🌕🌕🌕雲南米線店好少供應串燒😂小編真係第一次見！所以一於食下佢🙈呢串四季豆，真係燒得岩到好處吾乾吾柴，口感脆嫩，灑上五香粉，一流呀！雞肉結實緊緻，加上微微焦香，正🥳.

平時去荃灣都好少行呢頭，今日行到嚟寶石樓呢邊見到好多新開嘅餐廳，經過呢間米線店好似幾吸引咪試下囉！望一望餐牌，見到有各種各樣嘅雲南米線，包括有小窩米線，紅薯粉，涼拌米線，熱拌米線，酸辣粉等等。鍾意食米線嘅我就叫咗麻辣米線，仲有好多配菜可以自由選擇！➡️ 豬大腸豬紅豬皮酸辣小窩米線 ($52) + 肥牛紅腸麻辣小鍋米線 ($47)米線嘅份量真係好多，多到啲餸都浮晒出嚟，兩個餸都已經覆蓋晒成個碗。呢個酸辣同麻辣湯底唔會淡茂茂，而且辣辣地非常開胃，真係好有正宗雲南米線嘅風味，湯嘅配料包括左肉碎，芽菜同芫荽等等，好足料！➡️ 炸雞中翼 ($28)雞翼幾大隻，炸到啱啱好，非常入味，食落口感好脆！➡️ 口水雞 ($40)辣汁唔會太辣，做到超入味，雞肉仲好滑嫩！➡️ 炸春卷 ($22)皮薄嗰隻春卷，加上少少醋，好夾！雲家小鍋米線地址📍: 荃灣沙咀道328號328廣場地下G01舖.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️⭐️

同男朋友係荃灣行nike outlet ，行完搵下野食，係沙咀道轉一轉彎搵到呢間食米線平日兩點幾鋪頭都坐滿人，未食過不過見咁多人食都會覺得d野食唔差既咁我地叫左兩碗「小鍋米線酸辣湯底」一份加左大腸、炸醬，另一份叫左大腸、炸醬、腩肉。無諗過佢都幾大碗，而且湯底濃郁😋米線內都有包好多配料，有「芽菜、酸菜、韮菜、蔥、芫茜」好正呀大腸夠「林」又夠爽易入口👍👍而且炸醬夠濃味，配埋湯米線食，👍不錯哦！腩肉佢係餐牌上寫「每日限定」咁我地諗應該係每日新鮮調配過，所以賣哂就無啦😽另外叫左個手拍青瓜，好抵食呀👍👍$20一大碟，好食又多蒜蓉🤤呢度杯凍檸茶大大杯夠甜又解渴，夏天食碗熱湯米線真係要加杯凍飲至得