雲家小鍋米線 (328廣場)

營業中

休息中

一入去店鋪已經聞到好香麻辣味🤣 ))麻辣控會懂的本身諗住頹食碗麵 點知好有驚喜～豬頸肉麻辣米線小辣 $45麻辣易入口 辣多過麻 豬頸肉軟諗入味🤤呢到嘅小鍋米線好多配料～有芽菜酸菜韮菜 蔥同芫茜唔鍾意邊樣都可以嗌走嘅🙈 米線軟身但都有口感 係我鍾意嘅質感😽米線都好掛湯 湯底都好香 唔會重味精炸雞中翼 $28雞翼好juicy肉好嫩 冇雪藏味炸春卷 $22春卷好香脆 係芋蓉冬菇嗰款春卷 口感好有層次串燒雞軟骨 $16串燒四季豆 $10兩款串燒都好香孜然粉味！即叫即燒調味做得好好好惹味好香口🤤🤤 四季豆都好新鮮好甜

今日放假過左來荃灣區搵食，行過見依間米線舗都幾有傳統風味，所以入黎試下😆。睇翻餐牌，佢地米線主要係酸辣同麻辣湯底，配以唔同嘅配餸，可選唔同辣度，唔食辣嘅亦都可以簡無辣。另外，亦有特色小食同串燒可以選擇，幾豐富😋。店面都好闊落我叫左一個米線同2款小食☺️。牛腩小鍋米線簡左酸辣(小辣)，個湯剛好唔太辣，飲落酸酸辣辣好開胃😙。牛腩切得厚厚的好有咬口而唔痴牙，肉味濃😝。米線好爽滑，夾起時帶有肉碎，連埋芽菜，酸菜果D 一齊食，味道一流🤗涼拌墨魚頭份量好大夠哂2個人食。墨魚頭有鮮味食落唔靭，點小許香醋配埋香蒜一齊食好惹味😚。牛肉串燒加上孜然粉滿有風味的，牛肉燒得唔老，仲食到好多肉汁，不錯不錯😉。佢地嘅食物都大份抵食，味道幾好，值得再試。享受食物嘅時候，都見到好多外賣訂單，樓面阿姨都好忙下，但都打理得井井有條，佩服👍。

荃灣最多就係雞煲同米線，今次食呢間米線，都係好高質。我叫左酸辣腩肉墨丸小鍋米線。墨丸食落彈牙，有墨魚鮮味，唔會食到一口粉，而腩肉都肥瘦均勻。最重要係湯底同米線，佢既酸辣做得幾出色，調味剛好，而且米線都淋淋地好入口。另外，仲叫左兩個小食，墨魚頭好惹味，而且份量都幾大，有蔥蒜好香口，咬落好爽，幾抵食。秘製豬頸肉好味，焗香表面，賣相色澤好靚，而且唔會乾晒，仲有肉汁，沾少少泰式辣醬，好正。叫左兩杯野飲，食辣野，飲杯咸檸七超級止渴，感覺好爽。買單兩個人都係200數左右，食到小肚腩都突左出黎。

荃灣抵食足料小窩米線呢日黎呢間午市真係幾多人 爆場可能要等1-2位 姐姐雖然好忙 但出品都快既 ⭐️豬軟骨小窩米線$27+$9湯底唔錯 味道酸酸辣辣好開胃 叫咗小辣 還好嘅唔算好辣 份量都幾多 男仔食到好飽⭐️口水雞$40同樣份量都好多 望落大概三份一隻雞？半隻？有跟雞髀👍🏻雞肉都肉質嫩滑 滿滿嘅口水汁 係表面好入味⭐️炸雞中翼$28👌🏻ok啦 打得好香口 入邊都有肉汁.雲家小鍋米線 (荃灣)荃灣沙咀道328號328廣場地下G01舖

放工係荃灣住酒店🏨順便搵野食，今次去左沙咀道覓食，這家有名氣的小店「雲家小窩米線」🍜主打傳統風味的木薯粉、米線、酸辣粉和特色小食如山椒鳳爪、口水雞等......晚市人流不斷，等了一會兒先有位。原來有做埋外賣🥡生意，在家也能嘆米線🍜。❤️腩肉魚肉春卷金錢肚紅薯粉（酸辣有肉碎）：酸辣香氣四溢，配上大量芽菜、酸菜、韮菜、莞茜和蔥提升整體風味和口感。紅薯粉好煙韌，好喜歡有咬口的麵條，沾上酸辣湯湯汁，酸而不辣，啱曬香港人口味。三個餸多到覆蓋曬成個碗，腩肉每日限量，滷至入味焾身。金錢肚略嫌太硬，可再多煮會兒。紫菜魚皮餃豬頸肉紅薯粉（中辣）：朋友話諗吾到組合，要參考四寶河既叫法😂新鮮紫菜，提鮮作用，魚皮餃自己包粒粒飽滿，豬頸肉吾鞋口，軟硬適中。涼拌墨魚頭：大量蒜蓉、解暑一流，墨魚爽口彈牙，仲配上醋，夏天食最啱。山椒鳳爪：呈橙色，同平時坊間食既吾同，味道酸酸味味，好惹味開胃，去骨適合懶人。總結：平民貼地米線紅薯粉店抵食之選

小鍋米線平時都食得多，不過有埋串燒揀就真係比較少見~ 同埋價錢好合理，值得一試👍🏻👍🏻雲家米線 (BB辣) $54如果唔係好食得辣既人又想食辣，呢個辣度就岩岩好喇~ 配料勁多😂揀唔到食咩既人可以點呢個😂腩肉入味、魚春卷幾彈牙爽口，仲有螺旋草幾特別，出面難D食到，連埋d湯底一齊食，唔錯~ 呢個份量可以兩個食，真係抵食之選🤑豬扒小鍋米線 $40豬扒厚度適中，都算幾大塊，咬落外脆內軟，不過米線份量比雲家米線少D，適合女仔一個人食🤣加$7就有支豆漿，都幾抵~~串燒- 雞軟骨、雞肉 $16/1串雞軟骨性價比高，$16有兩串，好抵食，表面仲掃左一層孜然粉，幾惹味😋 雞肉串有陣燒烤味，不過味道比雞軟骨淡D，建議食完雞肉再食雞軟骨~炸春卷(5隻) $22即叫即炸，上碟果陣都仲係熱辣辣，食到尾都仲好鬆脆，配埋醋都好夾，推介⭐秘製豬頸肉 $42必食item!⭐豬頸肉好爽口好juicy，配埋個泰式辣醬都唔錯，幾惹味😛蒜泥白肉 $39蒜蓉落足料! 仲有陣陣麻辣味，都幾夾👍🏻鍾意重口味既一定會中意，肉都幾多，食極都食唔哂😂總結黎講，呢間米線小店野食好抵食，而且食物選擇都算多，可以encore😃

數年前，BeautySearch 還在荃灣工作，午膳時經常與同事惠顧附近一間米線小店，因為食物選擇多，感覺又正宗，可惜的是幫襯的食客非常多，有時怕輪候時間太久，趕不及返回公司而要被迫放棄！最近，終於可以在午膳高峰時段後前來《雲家小鍋米線》，好好享受一下正宗的雲南米線。以米線店來說，《雲家小鍋米線》其實一點也不少，而且，枱與枱之間也保留了一定距離，坐起來也十分舒適喔！唯平日午膳時食客實在太多，因而要耐心等候喔！而 BeautySearch 最欣賞的是《雲家小鍋米線》的食物選擇相當多，有米線、酸辣粉、紅薯粉，而且還可選涼拌或熱拌，小鍋米線更是最受歡迎，因為可以搭配各式各樣的配餸；還有小食及串燒，令人眼花撩亂。這麼久沒有前來，當然要點選大大碗的小鍋米線，還要搭配多款配餸！+$9 豬軟骨，煮得軟稔的豬軟骨，肉味香濃入口即化，一邊吃一邊吸收豐富的鈣質和膠質；+$8 魚腐，外皮炸至微黃色，口感嫩滑像豆腐，還有鮮味魚香，好吃又健康；+$6 雲耳，吃得豐富也要吃得健康，雲耳口感柔軟，混入醋汁提香，開胃又健康；+$13 豬頸肉，爽口嫩滑的豬頸肉，經過輕燒處理，肉香味美不是每間雲南米線也有紅薯粉提供的，所

米線是一種簡單又好食的東西，價錢經濟，幾十元就有，而且多餸選擇，一點不會悶，好適合我！好多間米線我都食過，今次試下朋友推介的雲家小鍋米線除了米線，也有不少小食，連串燒也有。米線來了，還有惹味的蒜心串燒。我這碗是小鍋米線（小酸辣），美味豬紅、入味嫩滑雞翼、香口豬頸肉，餸的份量比平時米線店多一半！米線煮得剛剛好，湯底酸中帶辣，濃郁惹味。朋友的是入味清甜蘿蔔、彈牙墨魚頭、腐竹。麻辣小湯底也惹味，朋友下次會叫中辣。另外燒四季豆也好好味夠特別，值得一試。

超級耐冇食酸辣米線，今日去咗荃灣雲家小煱米線。去到都要等十幾分鐘！冇辦法啦lunch 時間同朋友食不嬲都係一人一款再share 食😋佢叫小煱米缐酸辣湯 bb 辣$27 再加豬大腸$9、炸醬$9 同腐竹$7 ，一共52 ，大大碗好抵食，炸醬撈埋米線剛剛好吾會咸，豬大腸炆到夠晒林同入味吾騷👍🏻而且牙菜酸菜比例都多我就叫咗小煱米線麻辣味 小辣$27加蘿蔔$6豬紅$7牛腩$13 一共53牛腩入味帶少少筋有口感，蘿蔔大大件又夠甜，豬紅微辣冇渣好好味，配埋D牙菜莞西蔥好滿足跟住追加左碟口水雞 $40雞肉夠滑麻辣醬料辣得黎又食到雞既鮮味👍🏻正

/荃灣不嬲多米線食❗️要試晒甘多間相信都要番啲時間🙈.🥣小鍋紅薯粉 $29我簡左腩肉（$9）同埋螺旋草（$6）薯粉係粗果種😇彈牙得黎又滑溜🤗腩肉就肥瘦適中❗️唔會覺得乾身同埋難咬💯螺旋藻我就第一次食🙈聽落好似好健康🤪口感其實好似紫菜，不過就相對硬身少少🤏未試過可以試下🤤.🐷秘製豬頸肉 $42豬頸肉嘅份量好足👍🏽件件睇落都好肥美🙈新鮮出爐嘅豬頸肉熱辣辣咁散發住令人流口水嘅香味🥰燒豬頸肉配上泰式辣醬，絕對係令人欲罷不能嘅組合。.⚠️所有野食都好抵💯——————————雲家小鍋米線 (荃灣)荃灣沙咀道328號328廣場地下G01舖

今日去左荃灣行街，聽講有間米線鋪出名，而且響我附近，於是去食午餐😂去到餐廳門口，見到真係好多人，好彩岩岩有張抬既客人走左，所以唔洗等位就入到去，坐位都唔迫，幾舒適。 聽講有幾個小食好好食，亦都好多人食，所以我地叫黎試下😂🌟 涼拌墨魚頭（$42）響出面既米線鋪好少見，蒜蓉炒過好香，加埋紅油浸住，味道相當唔錯，墨魚頭好爽，好新鮮，必點小食之一😋😋🌟蒜泥白肉（$39）即叫即整，蒜泥既份量好多，白肉都好大塊，肥肉唔算太多，紅油適中，唔會有太多油浸白肉👍🏻👍🏻🌟炸春卷（$22）炸春卷都係即叫即整，做到外脆內軟，做得好出色，炸完上碟到唔會有油響脆皮出面，整得好好。就算放左響抬好耐，都仲係好脆，而且都你油響底，必點小食之一👍🏻👍🏻除左3個小食，咸檸7，仲有主菜，就係小鍋米線🍜，一個點左豬紅，豬肚小鍋米線，小辣。豬肚醃得岩岩好，好入味，豬紅配埋辣既湯底，好夾味。另一碗點左雞翼，腩肉小鍋米線，少少辣。雞翼醃得都好入味，無雪櫃既味道，腩肉唔肥，切得長身都厚身，唔會散哂，真心唔錯😋😋

呢排天氣終於凍番啲，有番啲食熱野嘅意慾喇！所以就走左去食小鍋米線！去嘅時候大概係7點半左右，晚餐時段，門外面勁多人，但入面係有位嘅😂因為果啲全部都係foodpanda同ubereat d司機等緊order😂😂本來諗住黎食米線，點知見倒menu有紅薯粉，梗係要叫紅薯粉啦！紅薯粉嘅湯底聞落好嘢味。如圖所見，湯底一啲都唔油膩，而且仲有好多香料碎，可見落足料阿！紅薯粉係粗身嘅，滑溜得黎又唔會林，加埋真係一流。豬頸肉個名皮好脆，師傅將豬頸肉切得厚身小小，咬落入面好爽脆，仲醃得好入味 。蒜泥白肉呢個真係冒着食完口臭嘅危機都要食！每一啖都唔似食緊肥肉，每一啖都係彈牙嘅膠質，加埋啲蒜泥真係超級惹味！墨魚頭食落較為爽脆，加埋個汁酸酸地辣辣地好開胃！黎呢度食野一個唔小心就叫左好多小食，小食煮得好用心，而且價錢都好適中，讚阿

這次在荃灣沙咀道覓食，去了一家米線店，這家小店挻有名氣，午市時間人流不斷，等了一陣子有位進去吃。店舖環境不大但挻涼快，餐牌上有很多選擇。💥小鍋紅薯粉 HKD$29，選擇了酸辣小辣湯底，配料加了豬腸/豬紅/豬潤。湯底味道酸酸的很開胃，紅薯粉口感煙韌味道不錯🤤，配料份量挻多，味道適中不會太咸😆。💥肥牛小鍋米線 HKD$40，選擇了麻辣中辣湯底，配料加了豬腸和腩肉。湯底味道帶辣味惹味🤤，米線軟硬度適中。兩款肉質腍身帶點肥肉口感挻好😆。💥蒜泥白肉 HKD$39，看到滿滿的蒜泥鋪在面頭感覺很棒🥰，我們喜歡吃這個小食。白肉肉質腍身，口感不會韌🤤，很快就被我們吃清光了。💥山椒鳳爪 HKD$32，這個份量挻多的，顏色與平常吃開的略有不同。味道酸酸辣辣很惹味🤤🤤，還要是去骨版本，所以吃起上來更方便。另外我們加了凍熱飲品，跟餐點還有優惠價😆。小店的食物抵食大份🤤，而且味道也不錯，難怪會深受附近居民歡迎😆。

和朋友逛千色匯前，我們先去吃飽飽，那麼待會才有精神和氣力逛街。我帶了朋友去雲家小鍋米線吃米線，這裡小鍋米線用料豐富，吃完保證飽腹足，當然好吃是另一光顧原因。炸雞中翼外層酥脆不死硬，帶著鹹香香氣是我最愛的地方，我超愛啃雞皮脆脆香香的那味道，雞肉軟嫩，常常令人越吃越涮嘴，吃一碟不夠，想再加碼。你知道嘛，光吃炸雞中翼一份小食當然不夠過癮，所以我們再來一份秘製豬頸肉。看了秘製豬頸肉，很讓人歡喜，豬頸肉脆中帶彈嫩正是令人著迷的地方，沾點一旁泰式辣醬吃更滋味。朋友一口氣選吃金錢肚，豬扒，蘿蔔，墨魚丸，金菇小鍋米線，朋友吃了一口金錢肚馬上讚不絕口，她說金錢肚甚具嚼勁，滷得入味。墨魚丸蠻大顆厚實，吃到顆魚顆粒，滿滿的墨魚海味。豬扒厚度適中，嫩口不柴，肉汁豐沛，香味瀰漫在空氣中，引發朋友的食慾。金菇，蘿蔔給得無比豪邁，有肉有菜才是完美組合，營養滿分。我也點了一大堆小鍋米線配菜，我太肚餓了，早上都沒吃早餐，直接吃午餐。燕皮魚餃皮薄不軟爛，內餡飽滿，餡料鮮香肉嫩，挺有湯汁的。蘿蔔清甜且鮮膩，帶出一番清新的風味，簡直是絕妙配搭。肥牛熟度恰到好處，保持細嫩的肉感，牛味香濃，肥而不膩。金黃的魚肉春卷深得我心，春卷

荃灣飲完靚啡，行一陣落大雨就走左去食米線，見好受歡迎咁🤪人客絡繹不絕，成枱都係外賣訂單。餐牌有米線、酸辣粉、薯粉，配餸好多選擇，有比較少見嘅墨魚頭、金錢肚、魚肉春卷，小食方面都好吸引。秘製豬頸肉($42)••••••超好食超好食！認真係好好味！煎得脆香口先啦😚，特別在感覺用過蒜汁醃製，厚薄啱啱好，肉質爽滑彈牙，油脂又正🤤點埋泰式辣醬，好味！口水雞($40)••••••好抵食好大份，雞肉唔柴，面頭啲麻辣辛料好重麻香好惹味😋。小鍋米線($27)••••••腩肉(+$9)豬扒(+$13)金錢肚(+$13)魚肉春卷(+$8)牛腩(+$13)非常讚係米線唔會過淋☺️嗌左幾款餸，食肉獸啊😂腩肉大推！滷過好入味，又軟腍，帶點微辣。豬扒呢就好香咖哩味，舖頭對肉類處理幾好，無論雞肉豬肉都唔會鞋口👍🏻。鍾意食魚肉春卷個腐皮皮，魚肉幾有咬口，仲有啲粟米粒同葱粒係入邊添。