雲家小鍋米線 (328廣場)

營業中

休息中

發現酸辣米線呢樣野真係會食上癮繼續努力發掘唔同嘅米線店住左荃灣咁耐都唔知有呢間米線鋪碌外賣app嘅時候碌到於是乎試一試叫左一碗豬扒豬軟骨酸辣米線 一碗蘿蔔螺旋藻金錢肚酸辣薯粉 再加一個涼拌墨魚頭一食相信呢間會變左我近期至愛因為實在太好食 太足料 最愛墨魚頭佢嘅湯同餸全部都係偏重口味湯好濃 夠酸 如果唔食得重口味可能食多兩啖會覺得幾鹹唔只湯 每一款餸嘅味道都比佢推到極致蘿蔔好甜 推介金錢肚味濃 推介豬軟骨好諗 推介螺旋藻爽口 吸晒d湯好好食 連埋薯粉一齊食口感豐富另一重點係全部餸份量都好多 最推薦係涼拌墨魚頭 好味之餘份量一樣係好多佢個醬食落好似蒜蓉包同焗田螺嗰種牛油蒜蓉味 加埋墨魚頭超爽口 好好食 但如果介意食完有陣味嘅話唔推薦唯一唔好係外賣 湯同麵冇分開上如果可以轉做上下兩層嗰種外賣盒會更好

荃灣出名平民美食多，多元文化、新式懷舊都有，但一定唔少得米線，荃灣沙咀道有間米線小店，區內已經出晒名，中午仲多人到一定等位或叫外賣豬軟骨＋蘿蔔＋菜＋米線~豬軟骨好軟身，入口即溶，蘿蔔好甜又無渣，米線吸晒d湯，勁飽🤣豬腩肉＋魚腐＋豬紅＋紅薯粉~十份地道，腩肉值得一讚，肥肉適中，魚腐變左魚片頭😅,豬紅都ok,紅薯粉好彈牙爽口麻辣金錢肚～麻辣香口，唔會辣到食唔到，金錢肚爽口彈牙，會追住食。而且e家唔係到到有得食，所以我一見到都必叫牛肉串～有點失望，牛肉串有點偏干，又難口😒菊花蜜~清甜，減辣咸檸7~食完辣野，勁爽

經醫肚仔訂左外賣，約了7:30去取，到達店舖後，店員竟然表示沒有落單，而且我點的餸亦沒有了，店員態度惡劣沒有道歉，而我亦要在店舖等候三個字，荃灣有好多米線，希望大家唔好中伏

今次介紹嘅係我最鍾意嘅平民美食之一（酸辣米線/小窩米線）呢間又係喺荃灣近我屋企，見天氣凍凍地就想食下啲熱野同辣野。價錢係平同份量係好大碗，我個人覺得味道係屬於比較濃味的，如果鍾意食重口味嘅朋友仔就啱晒啦，因為佢米線嘅湯料係有好多肉碎同好夠酸同辣，如果一定要講有咩地方可以再改善的話我個人覺得略嫌有少少鹹，但如果本身鍾意食濃味嘅人就啱晒啦！另外叫咗一個小食同米線一齊食，感覺份量係好多好大碟，我同朋友仔兩個人都食唔晒，真心性價比係好高嘅米線🍜專門店。

去荃灣做完檢測，就喺附近醫肚，趕得切吃很有特色的雲家小窩米線，二人一台座位都很闊落，侍應姐姐細心有禮貌，衛生措施都做得不錯。炸雞中翼 $28先來一點小吃，炸雞中翼即叫即炸，大大隻雞翼，肥美肉厚，咬落多汁最好味。涼拌墨魚頭 $42秘製涼拌醬汁有提升鮮味的作用，墨魚頭鮮嫩爽脆，淡淡滋味！雲家米線 $54喜歡湯底可以選擇不同的辣和酸，調教自己的口味。招牌米線配料特別豐富，腐竹、冬菇、雞絲吸收湯底精華最入味。雞翼、魚春卷食肉獸見到就最開心。螺旋草聽聞很有益而且味道特別，平時都好少食到，推介一定要試。紅腸、芽菜、酸菜、韭菜、蔥、芫荽，配合埋香濃美味的湯底，酸辣配合，味道層次很豐富。豬頸肉小窩米線 $45選擇了酸辣湯底，勁辣的味道，一邊吃一邊流汗。基本配料也有芽菜、酸菜、韭菜、蔥、芫荽，大大碗很不錯。本來冇打算吃豬頸肉，但見到周圍食客都有點這款菜式，決定一試，果然豬頸肉烤得很香脆，肉香味濃烈。大胃王話要加碼，追加了腩肉和雲吞，果然是吃米線的最佳配搭。支裝豆漿 吃勁辣米線，我一定要有支豆漿，緩和一下辣到流汗的情緒。我覺得是荃灣區性價比好高嘅米線小店，限聚令之後叫外賣我都會揀 沙咀道的雲家小鍋米線。

係米線林立既荃灣區，比我揾到佢😋😋，大大碗抵食又好味，除咗米線外仲可以轉紅薯粉最愛食墨魚頭，因為唔多地方食得到，又淥得啱啱好，唔韌好好食，蘿蔔清甜大大件，豬扒分開上夠細心，每間店大中小辣度都唔同，所以第一次係食麻辣小辣，無乜感覺😅今次食酸辣中辣啱啱好👍🏻👍🏻朋友唔太食得辣既叫左小辣都食到，雞翼尖、金錢肚同豬軟骨夠入味夠晒淋，分量真係唔少呢度串燒竟然有四季豆，幾特別又幾好食喎，有驚喜😃見到姐姐不斷包外賣，證明呢間小店得到唔少街坊認證

今日係荃灣又想食米線🍜諗諗吓不如試新嘢，就去左雲家小鍋米線。夜晚7點到，要排一陣隊，大概十零分鐘就入得啦。同平時米線嘅選擇差唔多，今日特別肚餓，所以就諗住叫個三餸米線。好可惜冇晒腩肉😭唔係間間有得叫豬紅，於是我就叫咗豬軟骨豬紅豬肚米線。朋友仔就叫咗雞翼尖米線我哋仲叫咗兩個小食，手拍青瓜同涼拌墨魚頭，哩個真係要讚呀，蒜香味勁重，小小辣，勁開胃😎米線質素都唔錯，同埋店主態度都安排得好好😚以後去荃灣食飯又多一個選擇。

米線控又再一次出動啊！呢間舖頭細細間，但係客似雲來。無論堂食又好外賣又好都有源源不絕嘅人流！位置有少少偏僻，但係見到門面前嘅燈籠就好易認得出！佢嘅風格好似雲貴香一樣，都係主打酸辣，麻辣米線。不過佢嘅湯底就更加鮮甜(麻辣得來帶有鮮甜係一件唔容易嘅事)。每次米線都會配既蘿蔔，呢一間又係冇得頂！蘿蔔冇皮無渣，仲大大嚿添！米線相對地幼身，口感唔錯，仲有要推介佢嘅秘製腩肉，肥瘦得宜，好入味！至於小食方面，墨魚頭又出動啦！呢間舖頭加入咗少少醋同埋自家製嘅蒜泥，食起上嚟少少酸又不失辣味，幾夾！仲有唔好睇小呢間舖頭嘅凍檸茶，茶底好有茶香！！

其實食米線真係平靚正, 好多小店都好正荃灣既呢一間小店都唔錯!!除左米線之外仲會有多款唔同既小食仲有酸辣粉可以揀朋友叫左碗豬朳小鍋米線豬朳好大塊, 醃得都幾好味米線份量都幾多而我自己就緊係叫左酸辣粉, 我覺得雲家既酸辣粉味道都幾正宗而且佢既配料都好足, 最鍾意係佢既炸菜, 好好味我就加左雲吞同埋佢地既招牌腩肉做餸個腩肉醃得好入味, 又唔肥, 值得叫小食我就覺得雞軟骨好抵食又正$16有2串, 即叫即燒, 最正係上面既調味料, 夠哂風味雞翼都即叫即炸, 炸到外面少少脆但又唔會炸乾哂大家係荃灣想食米線又多一個好選擇

米線店位於沙咀道寶石樓橫巷😊小店經營，雖然座位唔算多，但坐落唔會太逼夾👍近50款配菜、十多款小食、最特別嘅仲有串燒，實屬少見👍辣湯底濃郁惹味👍有份量唔少嘅配料😚加配送六蚊起💰每份量多👍有咬口唔多肥脂嘅#腩肉入味軟腍嘅#豬軟骨有底味唔會散嘅#豬紅清甜無渣#白蘿蔔其他魚腐、芥蘭👌小食方面牛肉串燒用少量孜然粉調味、肉唔乾柴👌麻辣金錢肚幾正~金錢肚切到細細塊、好爽口👍配黑醋醬汁中和麻辣味😋

約咗朋友喺荃灣，佢話想食米線，咁我就帶咗佢嚟呢間小店😄我叫咗$40嘅「牛腩小窩米線」，可以加餸菜，每款由$6至$13不等，我加咗金錢肚、豬肚、豬紅；朋友就要$29嘅「小窩紅薯粉」，佢加咗白蘿蔔、芥蘭、豬軟骨、腩肉；另外我哋仲叫咗個「炸雞中翼」一齊食😁牛腩米線嘅牛腩好軟熟；金錢肚就有咬頭，味道非常濃郁；豬肚好煙韌；我鍾意一啖同時食牛肚同豬肚，非常美味過癮😆；湯入邊仲有好多肉粒同芽菜，用料非常充足，湯底好美味😋朋友嘅紅薯粉好滑好好味；豬軟骨煮得幾腍，豬腩肉半肥瘦幾香幾滑，白蘿蔔好嫩好甜；我對朋友碗紅薯粉打重稅：每種食材我都食咗一啖😆雞中翼就炸得好香😋。另外我杯鹹檸七都好好飲😋。同朋友食得好開心，佢好滿意，讚我揀得好😆😋

我本身係米線愛好者經過呢到好多人幫襯決定一試麵底$30內，自己再配搭唔同既餸除左米線都有好多小食可以選擇👍🏻叫左小辣 下次可以叫中辣🤣個湯底係正👍🏻係濃味但唔係好咸出面好多米線都係落味精所以勁咸叫左豬軟骨同蟹籽丸薯粉好抵食阿，餸又多同好大碗👍🏻有得配枝裝豆漿🙌🏻呢個雞軟骨串真心要讚下勁有串燒店風味，推介叫呢到既串燒好入味同勁香口，冇諗過米線鋪既串燒會咁出色👍🏻另外叫左口水雞同蒜泥白肉Um...有進步既空間🌞

今日去荃灣試左呢間小店入到去見到米線，湯底，同配料，小食選擇都好多，咁我地就是旦叫左Ｄ自己喜歡既配料🤤同埋想試下佢個墨魚小食同蒜泥白肉。😝因為叫得太多配料（價錢唔貴），所以我將我覺得好味既講下啦：豬軟骨：炆得好入味，無肉羶味，而且淋得黎軟骨位又有咬口，幾唔錯！螺旋菜：我承認係因為佢個名特別所以叫左佢，食落原來就係好似海帶既菜！但平時海帶大大塊，總有Ｄ草青味，依隻螺旋菜都幾掛汁，無草腥味，重點係食極都仲有！🤣豬耳：同樣係炆得幾入味，而且大小適中，唔難咬，又係大大份食極都有！肉燕餃：第一次試，又係比個名吸引左，肉好彈牙又香口，特別過一般既餃子，正！豬扒：其實幾好食幾香，但我應該分湯上，因為佢即煎嫁！大家記得分湯上！小食方面，兩樣都真係好有驚喜🤤👍🏻：墨魚頭：好香口彈牙，有少少細個食撈撈既感覺，但當然依度既係熱既，墨魚又大粒又彈牙，份量好多，蒜味都好夠，唔怪得係餐廳推介。😍👍🏻蒜泥白肉：依個小食真係每間餐廳都唔同整法，依度既白肉係熱既，味道都係蒜味勁Ｄ數唔到咁多塊白肉😏好正，但食完真係唔可以同人傾計....🙊🤣最後都明點解咁多人買外賣，因為依度Ｄ米線性價比好高👍🏻

今日放假想食個晏晝，即刻諗起食米線，咁食米線我就會食呢間之前都食過嘅米線店😋因為佢抵食之餘仲好大碗😋咁我就叫咗一碗小窩米線酸辣口味加咗炸醬同埋豬大腸😋豬大腸就夠爽口🤩以佢嘅炸醬係佢哋店舖自家製。湯底夠濃而且好多配料喺裏面有蔥、芫荽、芽菜、酸菜、韭菜🤩好抵食而且好大碗啊🤩咁我另一半呢就叫咗一碗豬頸肉小窩米線麻辣口味，佢有得揀唔同嘅辣味咁我哋兩個呢唔係太食得辣咁我哋就揀咗BB辣😋豬頸肉的份量十足👍另外我哋就叫咗小食咁我哋就叫咗蒜泥白肉🤭好多蒜蓉喺裏面肉嘅份量都係非常之多😆愛食蒜蓉嘅人士必選仲有手拍青瓜同埋醬伴皮蛋😋兩款都唔錯啊而且青瓜嘅份量好大分🙈兩款小食攞嚟加餸米線一流喔👍而飲品方面就係叫咗凍檸茶夠大杯同夠甜 岩我🤣

放工是但入左一間餐廳食米線諗住平平地快快脆食一餐就算。但係米線比想像中好食！ 湯底濃厚，米線份量亦好夠，加餸都唔會好貴，8蚊13蚊既料都有得揀。口水雞同蒜泥白肉稍為唔夠味，可能太好賣整唔切總括來講，放工 lunch 都係一個好選擇