雲來軒 (已結業)

Finally, I have time to type some comments for this FANTASTIC restaurant!!Everything is pretty good~! Very Very NICE soup~! Prefect precentation!I like the beef so much, bigger portion is much better^0^Like the steam egg white so so so much!!!! Good tasting~!MUST order~! Crispy skin, prefect taste~! DON'T miss it!Restaurant's decorating, setting is pretty nice! Food is yummy~! But the service should be improve^^ Cheer up!

星期六老豆生日, 又咁橋免費報紙有優惠卷, 梗係去試新野啦!一坐低, waiteress就拎餐牌俾我地, 又同我地針茶, 好好禮貌同服務我地點左 燒腩仔 - 一啖一粒, 的的識識, 都幾得意荷香蒸班頭腩 - 呢個都幾好味, 加埋雲耳蒸好香招牌雞 - 真係好脆, 唔怪得用師傅個名(亞保)命名啦杞子花膠浸菜 - 湯好濃, 我地仲差唔多飲哂, 唔好sign鮑魚粒福建飯 - 飯都炒得幾乾身, 一粒粒唔錯唔錯最後生日點少得壽包呀? 呢度壽包都有得點, 正!

早排係報紙剪左張COUPON，所以同屋企人去試下。去到環境都唔錯嘅 ，幾寧靜同幾有中國色彩。媽媽鍾意食蒸蛋再加上侍應介紹下，叫試左呢嗰TVB飲食節目冠軍菜水芙蓉蒸明蝦球 個蛋蒸得好滑，個蝦都好新鮮，最驚食D唔新鮮O既蝦...一人一壺好濃味嘅日本花茹雞腳燉螺頭湯，幾特別，佢拎個茶壺黎裝湯!被個名吸引左，所以試下嘅大漠風沙鮮蟲草牛肉卷最後有超大盆嘅水煮魚...不過我唔食辣, 冇評語...其實仲有道菜，不過掛住食.....唔記得影 用埋張COUPON三個人食左四，五百蚊，都OK呀

今日同屋企人飲荼 見頭條日報有雲來軒既coupon 就一於去呢間新開既酒樓試下search 過地址 以為會難搵 但其實港鐵站n1出口行幾步就到 都幾方便上到去 環境不錯 食左5款點心同2款甜品:新鮮炸起 好香脆!本身都鍾意食腐皮卷, 帶子做餡料更好味, 讚!本身麻麻餃子類既東西, 但呢個紅油抄手食到停唔到佢既醬帶少少辣 辣度易接受 令人開胃 而且辣味停留係口中 令人回味!帶有少少蔥味, 好香!原隻鮮蝦係面, 蟹籽係會"pop"既, 餡料十足!本身唔愛陳皮既都好愛呢個糖水! 陳皮味道食落口舒服, 紅豆沙全碗都起沙, 名副其實!我諗而家係出面專賣糖水既都好難有心做到一碗靚既紅豆沙!酒樓少有既甜品, 不太甜, 不俗!期間侍應都不停睇下茶壺夠唔夠水, 幫我地斟茶, 好好服務! 真係要比個good! 絕對會再黎試埋其他點心同試下晚飯既菜式, 因為睇過menu 比佢地菜式D相吸引住!

有朋友介紹K11附近開左間新餐廳，鍾意飲飲食食既我梗係約埋班舊同事去試新菜啦。第一道冷盤已經令我地有驚喜, 點左呢味{蒜泥白肉}同一般酒樓中菜廳既賣相比較, 絕對無得頂, 未食都好吸引!之後我地仲點左好幾個菜, 有咕嚕肉, 雞同埋牛肉等等咕嚕肉一食落去已經同以前食開既唔一樣, 特別嫩口, 我以為落得多生粉所以咁林啦, 睇清楚個名, 原來係用左黑豚肉, 唔怪得啦!仲有d 蒿頭粒粒都同咕嚕肉差唔多大, 一啖肉一啖蒿頭咁食, 好正~炸子雞, 真係做到外脆內嫩, 師傅火喉剛剛好, 而且仲係用新鮮雞<==好耐無食喇, 果然材料十足金菇肥牛就食得多, 蟲草花配牛肉真係第一次見, 第一次食, d醬汁又調到好好味, 連個賣相一擺上枱就令到我地成班好似大鄉里咁哇哇聲, 真係失禮死人, 哈哈~~條魚又可以做到一菜兩味, 認真夠心思!最後碗紅豆沙真係十級好食! 30年材料再加埋師傅秘技果然係與別不同!我地個個都飽到上心口, 真係嘆左一餐正野, 下次一定要帶埋屋企人再幫襯!

今日同daddy, mami 去飲茶.搵到一間岩岩開張既地方----雲來軒佢個位都唔易比人見到但係黎過一次之後,點都會再番轉頭事關佢d野食既質素真係幾好!再講,入面裝修都ok,坐得幾舒服!d點心同一般酒樓上法唔同佢唔係用蒸籠的, 用碟上的, 幾特別同埋我覺得靚過蒸籠上仲有個士的春卷唔係用碟上, 係用杯上的我地食左:::1. 蝦餃---好飽滿既蝦餃!!個皮好薄!!2. 燒賣---佢好似有兩隻燒賣的,一隻係普通,一隻係鮑魚,,我揀左普通個隻,,唔識用筆墨形容,,總之係就好食3. 士的春卷---隨左佢個上法係用杯上,賣相幾靚之外,我覺得食落無咩特別4. 腐皮卷---比起出面食個d,,唔算油..同埋佢好新鮮..即叫即整.脆脆地..唔似出而有d擺左好耐5. 叉燒飽---呢個必食呀! 未試過咁特別既叉燒飽! 佢好似生煎飽咁煎香左個底架!!!!!!!!!好香!!!!!!!!6. 紅油抄手---呢個又係必食!佢少少辣,,食完一舊會好想繼續食,,停唔到7. 奶黃飽---我冇食呢個,,mami話唔錯8. 紅豆沙---佢話係用30年陳皮,所以mami好鍾意我試左一啖,都ok既整體黎講雲來軒d既食都幾得我歡心

朋友介紹呢間新開,於是我們一行四人來到尖沙咀棉登徑塭食 ,終於見到雲來軒,地方不是容易找 ,比較寧靜 ,好 ,坐低發覺装修不錯 ,首先我們點了 :1.日本花菇雞腳燉螺頭:這個湯簡直係好正 ,好夠味及用了茶壺上 ,好有創意2.生煎金沙龍皇帶子:這個菜好特別,也是我第一次食的帶子煮法 ,好香 ,味道好甲3.皇牌燒鵝: 可能我對鵝冇乜研究 ,只覺得一般4.水芙蓉蒸明蝦球: 這個菜我認為最好食不是蝦 ,係個蒸蛋底 ,真係滑到唔知點形容5.萬壽棷香果: 呢個係甜品 ,健康有益總恬來說 ,非常開心找到一間中菜廚師是用心去做每一道菜的 ,讚我會再來幫襯的

星期五的中午,友人P相約飲茶, 來這一間新開而又環境舒適的食肆, 友人P話之前已經來過,而我們只是第一次, 是日茶客不多, 這也是我們選這裡嘅原因之一,食物如下:鮮蝦蟯賣--呢個賣相精美, 豬肉餡口感極佳, 調味剛剛好,大大隻蝦放面,正尖筍鮮蝦餃--個皮好薄,蝦好足料生煎帶子腐皮卷--味道配搭剛好,不過好似多左小小油懷舊一口叉燒飽--全埸最有驚喜的一款點心 ,煎香底部再加上蔥的香味 ,簡直是叉燒飽和生煎包的混合版 ,好味金醬鳳爪及排骨---跟普通酒樓相似 ,一般川貝冰糖陳皮燉雪梨- 呢個好清甜,夏天食一流 ,好小地方可食到 ,不錯整體服務質素佳, 店內嘅整潔程度維持得幾好有機會都要來試試晚飯