雲來軒 (已結業)

有朋友介紹K11附近開左間新餐廳，鍾意飲飲食食既我梗係約埋班舊同事去試新菜啦。第一道冷盤已經令我地有驚喜, 點左呢味{蒜泥白肉}同一般酒樓中菜廳既賣相比較, 絕對無得頂, 未食都好吸引!之後我地仲點左好幾個菜, 有咕嚕肉, 雞同埋牛肉等等咕嚕肉一食落去已經同以前食開既唔一樣, 特別嫩口, 我以為落得多生粉所以咁林啦, 睇清楚個名, 原來係用左黑豚肉, 唔怪得啦!仲有d 蒿頭粒粒都同咕嚕肉差唔多大, 一啖肉一啖蒿頭咁食, 好正~炸子雞, 真係做到外脆內嫩, 師傅火喉剛剛好, 而且仲係用新鮮雞<==好耐無食喇, 果然材料十足金菇肥牛就食得多, 蟲草花配牛肉真係第一次見, 第一次食, d醬汁又調到好好味, 連個賣相一擺上枱就令到我地成班好似大鄉里咁哇哇聲, 真係失禮死人, 哈哈~~條魚又可以做到一菜兩味, 認真夠心思!最後碗紅豆沙真係十級好食! 30年材料再加埋師傅秘技果然係與別不同!我地個個都飽到上心口, 真係嘆左一餐正野, 下次一定要帶埋屋企人再幫襯!